رواية كيان الصقر الفصل العاشر 10 بقلم روني محمد

الكل طلع وبعدها بساعات قبل الفجر داخل مالك وهو سكر*ان ومكنش شايف قدامه وفتح اوضة جميلة وكانت لسه صاحيه

جميلة بفزع : انت بتعمل ايه هنا

مالك بسك*ر : هحرق قلبه عليكى

جميلة جريت ناحية الباب وخرجت ومالك خرج وراها ومسكها

جميلة بخوف وصوت عالى : ابعد عنى

جاسر صحى بفزع على صوتها وخرج وشاف مالك وهو ماسكها قرب عليه وضرب*ه لحد ما فقد وعيه والبيت كله صحى على صوتهم

جاسر : ادخلى اوضتك

جميلة بخوف : حاضر

كريم : انت ازاى تمد ايدك عليه انت اتجنن*ت

جاسر بغضب : وهقتل*ه لو فكر يقربلها

سويلم : صقر خد الكلب* ده احبسه فى أي اوضه للصبح

كريم بغضب : يعنى ايه يح…..

سويلم قاطعه بحده : انا قولت كلمة ومش هتتكرر

صقر وسليم اخدوا مالك اوضه وحبسوه فيها

سليم: اخوك مش ناوى يتهد

صقر : عايزين نشوف هنعمل ايه عشان نخلص بقا كده كلهم فى خطر

سليم : تمام الصبح نتكلم

كيان وورد كانوا عند جميلة

ورد : اهدى خلاص محصلش حاجه

جميلة ببكاء: ده مجنو*ن كان بيقولى هحرق قلبه عليكى

كيان : خلاص هو مش هيقربلك تانى خالص وجدى هيجبلك حقك

جميلة متكلمتش وفضلت تعيط لحد ما نامت وكيان وورد خرجوا وكل واحده رجعت اوضتها

صقر : نامت

كيان بحزن: ايوه

صقر قعد جنبها : مالك

كيان : هو مالك ليه بيعمل كده

صقر : عشان بيكرهنى

كيان : ده اخوك يا صقر وكمان عمى ازاى ساكت

صقر : عمك ساكت عشان هو كمان بيكرهنى

كيان بانتباه: ده ازاى وليه

صقر: زى م عمى سعيد بيكره جاسر

كيان : بس بابا بيكرهه عشان والده كان بيضرب ماما و ..

صقر بحزن : وهو بيكرهنى عشان انى هربت وجابتله العار* زى ما بيقول

كيان بتوتر : هو صحيح مرات عمى هربت مع…

صقر بغضب : متكمليش كلامك انا امى عمرها ما تعمل حاجه زى كده أبدا سامعه

كيان بخوف : سامعه سامعه بس اهدى

صقر نام على رجليها وبدأ يتكلم

محمد المهدى ابو ماهر وسعد هو اللى عمل كده واقنع بابا أنها كانت بتخو*نه

كيان : بس اانا فاكره أن احنا قبل ما نسافر كان عمى بيحبها جدا ازاى صدق حاجه زى كده

صقر بدموع : عشان عمل معاه نفس اللى حصل معانا من كام يوم بعتله صور مش حقيقيه وبدأ يشك فيها والمشكلة أن ماما كانت بتروح لدكتور نفسى لأنها كانت تعبت من كتر المشاكل ولما راقبها وشافها طالعه العمارة اللى فيها الدكتور اتاكد أنها بتخونه وكان خلاص ناوى يقتل*ها وفعلاً حبسها وفضل يعذب* فيها اسبوع وانا معرفش أنها موجودة وكل اللى فاهمه أنها عند جدتى بره مصر لحد ما جدى عرف يطلعها وهربها الكلام ده من ٦ سنين ومن وقتها وهو بيكرهنى ومالك زى ما يكون كان مستنى ده يحصل عشان ياخده فى صفه

كيان : و مرات عمى فين دلوقتي

صقر: بعدين هقولك

كيان : بس سعد وماهر ليه بيعملوا كده

صقر : ابوهم كان بيتاجر فى المخدرا*ت زى بلغ عنه ومات وهو فى السجن بس عشان عارفين أن انا نقطة ضعفه عايزين يدمرونى انا

كيان بخوف: وانت هتعمل ايه

صقر تتعدى وقعد قدامها

_ هندمهم على كل ده

كيان : لأ احنا نسافر ونبعد عن ده كله

صقر : خايفه

كيان : اوى

صقر حضنه*ا : انتى بالذات مش عايزك تخافى لانى عمرى م هأذيكى

كيان بسرعة: انا خايفه عليك انت

صقر : ليه

كيان بتوتر : عشان.ااا.

صقر بهدوء : عشان ايه

كيان : عشان لو مت هكون ارمله

صقر : بس كده

كيان بتوتر : ايوه طبعا

صقر : طب تعالى يلا

كيان بخوف : اجى فين

صقر : هنصلى وتنامى شويه عشان انتى من قلة النوم تفكيرك بقا غبى*

كيان : ماشى

الصبح الكل نزل واتجمعوا على الفطار ماعدا مالك وجميلة

سويلم : جميلة فين

ورد : مش راضيه تنزل

سويلم : انا هطلع ا…

جاسر بمقاطعة: بعد اذنك هطلعلها انا

سويلم : ماشى

جاسر طلع ل جميلة وكانت بتعيط

_ منزلتيش ليه

جميلة : مش عايزة انزل انا هقوم امشى

جاسر : ممكن تهدى وتلبسى حجابك عشان عايز اتكلم معاكى

جميلة قامت لبست حجابها بسرعة

جاسر بهدوء: حصلك حاجه

جميلة بعدم فهم : حصلى ايه

جاسر : مالك قربلك

جميلة: لا

جاسر : تمام هتفضلى هنا عشان الفترة دى مش هينفع تكونى لوحدك خالص

جميلة: بس ..

جاسر بمقاطعة: قبل ما تتكلمى محدش هيقدر يقربلك ولو على مالك ف مش هيكون موجود خالص فى البيت

جميلة : ماشى

جاسر : يلا البسى وانزلى

جميلة : حاضر