رواية قوة الحب الفصل التاسع 9 بقلم تقى حسام

رواية قوة الحب الفصل التاسع 9 بقلم تقى حسام

رواية قوة الحب البارت التاسع

رواية قوة الحب الجزء التاسع

رواية قوة الحب الحلقة التاسعة

نرمين. في ايه؟
العمه. انا بصراحة مقدره اللي انتي عملتيه لإبن اخويا بس برضو انتي اخذتي قصادها مبلغ مكنتيش تحلمي بيه يعني كده خالصين اتمنى بقى انك زي ما انتي بنت جريئه وقويه تكوني متقفه و متفاهمه وعارفه ان الجواز مش مجرد اتنين بيعيشو مع بعض دول علتين بيبقوا عيله واحده
نرمين. أيوه يعني حضرتك عايزه مني ايه؟
العمه. تبعدي عن عاصم
نرمين. وليه بقي
العمه. لإن مينفعش تفضلي على زمته كتير وانا مش عايزه حد يعرف إنك مراته في فرق كبير جدددا مابينا في كل حاجه سواء ثقافه مستوى تعليمي مستوى اجتماعي وفريده وعاصم بيحبو بعض فياريت خيالك مياخدكيش لبعيد
نرمين بحزن. وعاصم نفسه ماقليش حاجة زي كده وبعدين انتي طلعتي قديمه اووي لسه في حد بيفكر كده؟
العمه. هههه طبيعي كلامي ميعجبش لإن انتي اللي عايزانا مش العكس
نرمين بغضب. تمام انا مش هاخد من وقتي ووقتك في إني اقنعك بإن الجوازه والعيله والموضوع كله على بعضه مش في دماغي بس هقولك حاجه واحده واحفظيها كويس انا مباخدش أوامر من حد ولو عايزه حاجه بعملها ومش حضرتك مع احترامي ليكي اللي هاتيجي تقولي اتصرف مع جوزي ازاي حماتي نفسها معملتش كده فياريت متتعبيش نفسك معايا في الكلام

العمه. وهو ده السبب اللي مش عايزاكي تبقى موجوده البجاحه والشردحه
نرمين. هههه اسفه بس انتي حافظه مش فاهمه لو معلوماتك عن الناس المتحضره انها بتاخد على قفاها وتسكت فأنتي متعرفيش حاجة عن التحضير بعد إذنك
زينب. أومال راحت فين نرمين
عاصم. عمتو جت وحبو يتمشو شويه
نرمين. انا جيت اهو
وفاء. طيب يلا نفطر اقعدو تعالي يا مريم
مريم بغضب. لا بألف هنا انا ماليش نفس
عاصم. مش قولتي هتفطري معانا؟
العمه. فريده كلمتني وقالتلي استناها عشان نروح الكوافير مش عايزه اتأخر عليها سلام
زينب بحزن. مالك يا نرمين
نرمين. لا أبدا مافيش
زينب. طيب كلي
نرمين. حاضر
زينب افتكرت فريده وهي بتكلم نرمين إمبارح وبتدايقها بس مش عايزه تكبر الموضوع وتقول إنها سمعتهم
عاصم. في حاجه؟
نرمين بحزم. لا مافيش
قدام الفيلا
الجد. مريم تعالي صباح الخير
مريم. صباح النور يا بابا انت كنت فين على الصبح كده؟

الجد. كنت بجيب الهديه دي للعروسه الجديدة بصي عقد ألماظ يجنن
مريم بإنفعال. بابااا انت كده بطمعها فينا ومش هترضي تمشي
الجد. مش ده اللي هيخليها تطمع انا عايز يبقى فيه ود ما بينا خصوصا إن شايف إعجاب عاصم بيها والرسول عليه الصلاة والسلام قال( تهادوا تحابوا) ايه المشكله بقى؟
مريم بغضب. يبقى بطقم ألماظ البنت دي مش من مستوانا وانا محبش إن واحده زي دي تبقي من العيله
الجد. مش انتي اللي هتقرري عاصم مش عيل صغير ومتنسيش إن اللي كبر اسم العيله عاصم وشغله واجتهاده منجيش في الاخر نقوله تجوزي مين وتطلق مين سلام
عاصم بصوت منخفض. ماما مالها نرمين فكرك تكون عمتو نكدت عليها؟
وفاء. لا مظنش
زينب. هي تخلص مكالمه مع مامتها وابقى اسألها
عاصم. لا ماليش دعوه بيها
الجد. سلام عليكم
الكل. وعليكم السلام تعالي
نرمين. صباح الخير يا جدو
الجد بإنبهار. يا صباح الشعر الحرير والفستان الرقيق والصوت الناعم الجميل
نرمين بكسوف. ههههه ميرسي يا جدو على كلامك الحلو
الجد. لا جدو ايه بقى قوليلي يا طفطف
عاصم. جري ايه يااا طفطف متقعد
الجد. بس عيب ايه طفطف دي
زينب. ههههه كده راحت عليا حاكم جدو بيحب البنات
الجد. طبعا وخصوصا لما تبقى مرات حفيدي الغالي بس الفستان ده نقصه حاجه
نرمين. حاجه ايه؟
الهديه اللي جيبهالك عاصم وسبها معايا خد يا عاصم لابس مراتك
عاصم بيفتح العلبه
الكل.واااوو ايه دا من أمته يا عاصم وانت بتجيب هدايه

عاصم. انا عفريت هدايه ومفاجأت مش كده يا جدو
الجد. اه طبعا طبعا
عاصم وهو بيبص على جده. تعالي يا نرمين عند المرايه دي
نرمين بخجل. حاضر
رفعت نرمين شعرها وقرب عاصم منها وبدأ يلبسها ببطئ نرمين من جواها ماكنتش عايزاه يبعد من بعد ما حست بأنفاسه بالقرب منها عاصم بيبص عليها في المرايه وهي مغمضة عيونها فهم وابتسم ليها وقرب اكتر بصوت منخفض. فتحي عيونك وقولي رأيك ♥️
نرمين فتحت عيونها. وفضلت تبص عليه هو
نرمين. احم ايه شكلها حلو عليا
عاصم. انتي اللي محلياها
نرمين. فرحت اووي وبعدين افتكرت كلام فريده ومريم وفاقت من شرودها
نرمين. طيب انا هاروح اوريهم واطلع الاوضه عايزه اكلم جرمين
جرمين. بنت المتدايقه 😡وماقولتيش ليا ليه كنت جبتها من شعرها
نرمين. انا مش جايه اعمل مشاكل مع حد وانا رديت مسكتش عن حقي انتي عارفاني
جرمين. طيب وهتعملي ايه مع عمتوه الحربايه
نرمين بحزن. كسرتني أوووي بكلام 💔حسيت اني قليله جدا
جرمين. يعني هتسكتي على كلامها وتصدقيه؟
نرمين. هسكت لاء إنما هصدق اه لأن دي الحقيقة ما قالتش حاجة غلط
جرمين. بطلي هبل يعني ايه دي الحقيقة
نرمين. انا أنقذت حياته وأخذت تمن اللي عملته واه في فرق ما بينا في كل حاجه بس دا ميمنعش إن في فكره لو منفذتهاش هتشل
جرمين. فكره ايه؟

نرمين. هعمل منشن لعاصم فيس وانستا وأنزل صور فرحنا عشان الناس تعرف إنه اتجوز بما إنها بتستعر مني وعشان احط فريده في موقف محرج
جرمين. الله عليك يا كيدهم😂👏وهتقولي لعاصم ايه
نرمين. هتحجج بأي حاجه هو أساساً رامي طوبتي مش هيفرق معاه
جرمين. تمام طيب يلا اعملي كده
نرمين. حاضر هشوف زينب جهزت الصور ولا لاء انتي عارفه هي اللي مصورانا
في الكوافير
فريده تنازلي شويه عن غرورك وأسلوبك الدبش دا عشان متضيعش عاصم منك
فريده. هههه وانتي فاكره يا عمتو إن عاصم بيه هيبص للبت دي دا حتى يقرف يتسلى بيها
مامت فريده. لأ انتي باين عليكي اتهبلتي عاصم مش بتاع تسالي وبقاله اربع سنين مطلق وعايش لوحده ومافيش ست في حياته اكيد وجود شابه زي نرمين معاه في بيت واحد هيخليه ينجذب ليها خصوصا أنه مش رايح شغله الفتره دي
العمه. لأ وخلينا صرحه البنت جميله وكمان دلوقتي هي قالعه الحجاب و انت عارفه إن عاصم غيور فهو مبسوط انها محجبه وكده كده معجب بيها ومكنش عنده مانع انها تبقى زوجته بالفعل لولا إن هي اللي رفضت
فريده. ااااَوووووف طيب وايه المطلوب يعني
العمه. تبقى تيجي معايا الفيلا كتير عشان نعرفها انك متمكنه وكمان عايزاكي تدلعي على عاصم واسلوبك يبقى هادي ورقيق عشان يحبك وانتو عارفين إن انا بعمل كده عشان خاطر البنت دي تمشي مش ناقصين قرف لاكن انا طول عمري ضد تصرفاتك مع عاصم وغبائك خلاكي تخسريه
فريده. خلاص اوكيه هسمع الكلام خلوني بقى اكلم صحبتي
فريده. ياخبر أسود
مامت فريده. في ايه؟
عاصم ونرمين نزلو صور فرحهم
العمه. ايه؟؟ ليه هو اتجنن
مامت فريده. البنت دي مش سهله تلاقيها قاصده كرد فعل على كلامكو ليها
فريده بحقد. ماشي إما وارتها
في الجيم اللي في الجنينه
زينب. عاصم ممكن نتكلم

عاصم. تعالي يا حبيبتي
زينب. عايزه أقولك على حاجه كده حصلت
عاصم. قولي
زينب. بص إمبارح انا وجرمين نزلنا عشان نشوف الضيوف وبعدين انا طلعت تاني عشان نسيت الفون وسمعت فريده وهي في الاوضه كانت بتدايق نرمين
عاصم بغضب. بتقول لها ايه
زينب. مسمعتش أوى ومفضلتش كتير بس اللي فهمته يعني انها جايه تقلل من نرمين وبتعايرها إنكو مده وهتطلقو وإن محدش يعرف إنكو متجوزين
عاصم. وليه محدش فيكو حكالي؟
زينب. انا لما لاقيت نرمين بتتصرف عادي فهمت أنها اكيد ردت عليها وكمان هي متكلمتش انا ماحبتش أكبر الموضوع وانت كمان اوعي تعمل حاجه هتحرج نرمين جامد وهتحصل خناقه في العيله بينك وبين فريده واحنا مش ناقصين
عاصم. يا سلام يعني هي تتهان وأنا أقف ساكت؟
زينب. يا ابني اسمع انا حكتلك عشان تبقى فاهم الدنيا حواليك لاكن لازم هي اللي تحكيلك فأنت اعمل نفسك متعرفش حاجه وأه بالمناسبة نرمين اخدت مني الصور ونزلتها يعني هيجيلك كميه اتصالات رهيييبه
عاصم. ايه ده وهي عملت كده ليه مش كانت بتقول نجوز ونطلق سكيتي
زينب. ما احنا كده البنات مش بنرسي على رأي واكيد هي عملت كده عند في فريده
عاصم. اه طب وهي فين دلوقتي
زينب. مع ماما بتفرجها على بقيت البيت
عاصم. هاخد شاور وأروح ليها
وفاء. ودي يا ستي أوضه الموسيقى
نرمين. الله البيت حلو جدا ماشاء الله هو انتو عايشين هنا بقالكو قد ايه

وفاء. لا مش كتير عاصم كان ساكن في المعادي واحنا في مدينة نصر من أربع سنين عاصم وجدو اللي هو حمايا اشتروا الفيلا دي وقاعدين فيها كلنا سوي
نرمين. وليه زينب مش مسافره مع جوزها؟
وفاء. ماكنتش تعرف انه هيطول برا وهي هنا عندها شغل بتخلص وهتسافرله تعالي بقى اوريكي المكتب بتاع عاصم اللي محدش بيدخله اهوو
نرمين. ووااوو ايه الجوايز والشهادات دي
عاصم. مين بيحسدني؟
نرمين.ههه لا ولله
وفاء. طيب انا هشوف الغدا جهز ولا لسه عن إذنكو
نرمين. بيتكو حلو جدا ماشاءالله
عاصم. قصدك بيتنا ماهو بقى بتاعك انتي كمان
نرمين. ميرسي
عاصم. هو دلع نرمين ايه؟ 🤔
نرمين. نرمو ناني نونه اي حاجة
عاصم. طيب يا نيمو لازم اختلف عن اللي حواليا انتي ليه منزله صور فرحنا؟
نرمين بلعت ريقها. اصل انا عاوزه المجرمين بتوعك يعرفو اننا اتجوزنا
عاصم قرب منها. يا شيخه المجرمين؟ برضو
نرمين.أيه أومال أيه ☹️
عاصم. لا مافيش حاجه
بعد شويه
نرمين بتوتر. هتفضل تبص عليا كده كتيرر
عاصم. عادي يعني متدايقه ليه؟
نرمين. اولا بكسف ثانيا محسسني إني مخبيه عليك حاجه انت زعلان عشان الناس عرفت بجوازنا؟
عاصم. لا طبعا دي حاجة متزعلنيش اساسا الجواز أساسه الاشهار
نرمين. تمام كويس يلا بقى نخرج من هنا

في الليل
الجد. وبس ياسيدي كده الصفقه تمت وخلصنا شغل
عاصم. تمام اخيرا انا هقوم انام بقى البيت كله نايم
الجد. اه بس يعني ابقى اطمن على نرمين شوفها صاحيه ولا نايمه
عاصم. هههه فاهم دماغك ماشي يا جدو

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قوة الحب)