رواية دق قلبي لها الفصل الخامس 5 بقلم أميرة أشرف لبنة

رواية دق قلبي لها الفصل الخامس 5 بقلم أميرة أشرف لبنة

رواية دق قلبي لها البارت الخامس

رواية دق قلبي لها الجزء الخامس

رواية دق قلبي لها الحلقة الخامسة

فيروز : مستر مراد عملاء شركة A& L بتبلغ حضرتك أنهم ارتاحوا جدا للصفقة اللي فاتت وعاوزين معاد تاني علشان يقابلوك
مراد : تمام اديلهم معاد الاسبوع الجاي علشان انتي عارفة أن خطوبتي بكرة
فيروز بسعادة : الف مبروك يا مستر ربنا يرزقك بكل خير يارب
مراد : تسلميلي يا فيروز أن شاء الله هستناكي تيجي الحفلة في بيت فريدة هبعتلك اللوكيشن علي الموبايل الساعة ٨ بليل
فيروز بتردد : يعني مش لازم احضر احسن
مراد بتساؤل : لية بتقولي كدا
فيروز بحرج : يعني علشان مش من مقام الناس اللي هتكون موجودة وكمان مش عاوزة اسمع كلمة تزعلني من حد
مراد بابتسامة : تعالي يا فيروز وملكيش دعوة بحد انتي هتكوني ضيفتي
فيروز : حاضر عن اذنك
و خرجت من المكتب

**********************
تاني يوم
في شقة فيروز
فيروز بتفكير : البس دا ولا دا
ثم في الاخير استقرت علي فستان باللون الاوف وايت وبه وردات صغيرة من اللون الاخضر وحجاب اخضر و حذاء من اللون الذهبي يعلو قليلا عن الأرض والقليل من الميك آب علي وجهها
وخرجت من شقتها منطلقة الي حفل الخطوبة
و بعد فترة ليست ب طويلة وصلت إلي فيلا فريدة نزلت من التاكسي ودلفت الي الداخل تبحث بعينها عن مراد ظلت تدور بعينها علي كثير من الناس لا تعرف فيهم أحد
حتي رأت هناء تقف مع مراد ف ذهبت إليهم
فيروز بابتسامة : الف مبروك يا مستر مراد ربنا يتمم لك بألف خير يارب
مراد بفرحة : الله يبارك فيكي يا روز
هناء بتكشير: انتي اية اللي جابك هنا انتي مش شايفة المستويات هنا عاملة ازاي
مراد : لو سمحتي يا ماما اسكتي انا اللي عزمت فيروز
هناء بلوم : وانت ازاي تعزم الاشكال دي علي خطوبتك
فيروز بدموع : انا مش هسمحلك تغلطي فيا اكتر من كدا فوقي لنفسك وقضي ايامك بسلام وكفاية تريقة علي الناس دا انتي رجلك و القبر وانتي مفيش فايدة فيكي
و تركتهم و غادرت مسرعة
مراد : استني بس يا فيروز
و حاول إيقافها و لكن لم يستطع
و بينما هي تعبر الطريق و عينها مليئة بالدموع في حين وجود سيارة مسرعة و لم تستطع الإيقاف و صدمت فيروز بشدة
مراد بفزع : فيرووووووز

حملها و ذهب بها سريعا الي المشفي سريعا
و بعد حوالي ساعة اتصلت به فريدة
مراد : الو
فريدة بزعيق : انت فين يا مراد سايبني يوم خطوبتنا وكل الناس بتتكلم عن اللي حصل
مراد ببرود : انا جاي اهو ربع ساعة و هبقي عندك
و اغلق الهاتف و ذهب للطبيب
مراد : اية الاخبار يا دكتور
الدكتور : البنت حالتها صعبة جدا عندها كسر في رجلها الاتنين و كسر في الرقبة و شوية كدمات في وشها احنا عملنا كل اللي قدرنا عليه بس لازم تفضل في المستشفي فترة طويلة مش اقل من شهر لحد لما نفك الجبس و نطمن علي حالتها و نشوف إذا كان في داعي للشرايح و المسامير ولا هنكتفي بالجبس
مراد بحزن : تمام يا دكتور شكرا
و ذهب الي غرفة فيروز القي عليها نظرة وجدها نائمة ذهب سريعا الي بيت فريدة
**********************
بعد فترة
مراد : بودا بقولك روح المستشفي ل فيروز علشان عملت حادثة وهتفضل هناك فترة عاوزك تفضل معاها لحد ما اخلص انا الخطوبة
عبد الرحمن: طيب حاضر
و ذهب سريعا للمشفي
فريدة بغيظ : سايبني علشان حتة خدامة ملهاش لازمة
مراد بنرفزة : بطلي قرف و تعجرف بقي دا انتي مريضة بجد
و دلفوا الي داخل المنزل والبسها الذهب و رقصوا سويا وسط فرحة الجميع ما عدا مراد الذي ظل شارد الذهن حتي انتهي الحفل و ذهب إلي فيروز مرة أخري
*******************

في تمام الساعة الثالثة فجرا
استيقظت فيروز و فتحت عينها بألم و جدت مراد نائم علي كرسي أمام فراشها
فيروز و هي تجاهد لكي تتحدث : مرااد يا مراااد
انتبه مراد ل صوتها و فتح عينه بنعاس : اية يا فيروز انتي كويسة ؟
فيروز : اه الحمد لله ثم أضافت بحذر : هو حجابي مظبوط
مراد بابتسامة : متقلقيش مظبوط و مفيش ولا شعره باينة
فيروز : الساعة كام دلوقتي
نظر مراد في هاتفه : الساعة ٣ بليل
فيروز بدهشة : وانت قاعد ازاي كدا لحد دلوقتي و خطوبتك
مراد : الخطوبة خلصت من بدري المهم انتي عاوزة حاجة دلوقتي اعملهالك ؟
فيروز بحرج : نادي للممرضة لو سمحت
مراد بتفهم : عاوزة تغيري اروح اجبلك لبس ؟
فيروز : اه لو سمحت نادي الممرضة و خد مفتاح شقتي من الشنطة و هاتلي شوية لبس علشان شكل القعدة هنا هتطول
مراد بحزن علي حالها : أن شاء الله مش هتطولي هنا ولا حاجة
فيروز بتنهيد : اتمني
ابتسم لها مراد و غادر الي منزلها احضر لها ملابس و عاد الي المستشفي مرة ثانية
فيروز : ارجع بيتك بقي كفاية تعبك معايا هنا في ممرضات كتير بياخدوا بالهم مني و شكرا جدا ليك علي وقفتك معايا
مراد : مفيش بينا شكر يا فيروز ربنا عالم بغلاوتك عندي أنا همشي دلوقتي و كل يوم كدا هبقي اجيلك شوية ونتكلم علشان متحسيش بزهق
فيروز بابتسامة : أن شاء الله

مراد : يلا كملي نومك بقي انا ماشي
فيروز : مع السلامة
و عاد مراد الي منزله و ابدل ملابسه و ذهب في سبات عميق و خلدت فيروز للنوم مرة ثانيا
********************
تاني يوم
استيقظ مراد علي صوت أنثوي فتح عينه و نظر بوضوح و جدها فريدة
فريدة : اية يا حبيبي كل دا نوم
مراد بإستغراب : انتي اية اللي جابك هنا
فريدة : جيت اصحيك يا حبيبي
مراد بحدة : خلاص صحيت يلا اتفضلي اخرجي بقي
فريدة بغضب : طيب يا مراد
و تركته و غادرت و قام هو دلف الي المرحاض توضأ و صلي فرضه و ابدل ملابسه و نزل للأسفل ل تناول فطوره
مراد بتساؤل : عبد الرحمن فين
هناء : راح الشركة من ساعتين
مراد : طيب يلا يا فري
فريدة : يلا يا حبيبي
و خرجوا سويا
بعد فترة
فريدة : احنا رايحين فين
مراد : المستشفي
فريدة باستغراب : لية انت تعبان ؟
مراد : لا انا كويس بس هنشوف فيروز
فريدة بتذمر : ما تموت ولا تغور في داهية احنا هنعملها اية يعني يا مراد
مراد بصبر : فريدة يا حبيبتي البنت دي ملهاش حد غيرنا و هي دلوقتي اتعرضت للحادثة دي و احنا موجودين يبقي واجب علينا اننا نوقف معاها
فريدة بغضب : بردو ملهاش لازمة اننا نروح

مراد بنفاذ صبر : فري هتروحي معايا و لا ارجعك بيتك ؟
فريدة : اهدي بس كدا وفكر في كلامي يعني احنا عرسان كانت خطوبتنا امبارح نروح المستشفي لية انهاردة انت مستوعب اللي بتعمله !!!!
مراد بحدة : اه مستوعب يا فريدة و صوتك دا يوطي شوية وانتي بتتكلمي معايا
فريدة بخوف من نبرة صوته : طيب يلا بينا علي المستشفي
ابتسم مراد و اكمل القيادة ل طريق المستشفي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية دق قلبي لها)