رواية انا مش خائنه الفصل الثاني 2 بقلم منصور سيد

رواية انا مش خائنه الفصل الثاني 2 بقلم منصور سيد

رواية انا مش خائنه البارت الثاني

رواية انا مش خائنه الجزء الثاني

رواية انا مش خائنه الحلقة الثانية

ولما جت نتيجة التحاليل أكدت انها مصابه بالمرض فعلا
صفاء فضلت تصرخ فى الشقه لا انتوا كدابين انا مش مريضه
مريضه ازاى انا معملتش حاجه غلط انتوا عاوزين تجننونى
ونظرت لمازن وقالت له انت لازم تعمل تحاليل يا مازن مافيش غيرك اللى نقل لى المرض ده انت سامع انت اللى خاين مش انا
مازن:كمان بتتهمينى بخيانتك اهو ده اللي كان ناقص
مش كفايه مستحمل الشك اللى بيموتنى بالبطيء انا لولا انى بحبك وما قدرش استغنى عنك وعارف صفاء كويس واخلاقها ما كنش زمانى سيبك على ذمتي لاحظه واحده
بقولك ايه انا مش عاوز شوشرة على سمعتنا انتى ما تحبيش سيره لاى حد بالمرض اللى عندك ده وخلاص خلصنا بقى انتى هاتمشي على العلاج اللى الدكتور كاتبه ليكى وما اسمعش سيرة الموضوع ده واعملي حسابك انك لازم ترتاحي المرض ده مناعى وبيعوز الراحه والانتظام فى الادويه وسيبيك بقى من إدارة الشركه بتعابها ومشاكلها عليا وربنا يقدرنى
صفاء:اه ما جت ليك الفرصه على طبق من دهب ما انت نفسك فى كده من زمان بس لا انا مش هموت عضوى ونفسي كمان انا هفضل لحد اخر لحظه فى عمرى واقفه عاى رجليه وشايله شركتى على اكتافى

مازن:يا حبيبت قلبي اسمعى كلامى هنستفاد ايه احنا لما تتعبي فى الاخر وترقدى لا أقدر الله
وبعدين كل حاجه هعملها هتبقى برجوع ليكى واى قرار هيكون بعد موافقتك طبعا ما تقلقيش ابدا
انت افضل حاجه ليكى الفتره اللى جايه دى تسافري تشوفى الدنيا تروحى أماكن هاديه ومريحه نفسيا وعصابيا عشان ده يساعد على تقوية المناعه ومحاربة المرض ده احنا محتاجينك ياقلبي
صفاء: ربنا يسهل الا صحيح انت عرضت التحاليل والتقرير على دكتور العائله
مازن:انتى اتجننتى انتى عوزانى بعد ما عرفت ان نتيجة التحاليل وانك مصابه بالمرض اللعين ده اروح لدكتور كل العائله عنده عشان نتفضح وتبقى سرتنا على كل لسان أفراد العائله وكل شويه القى اللى يتصل عليا ويقول لى الف سلامه وده جالها من ايه ده
انا اعرف ان مالوش غير سبب واحد بس معقوله صفاء تعمل كده لا انا مش مصدق
واللى تتصل تشمت فيا واللى يعمل اننا صعبانين عليه ونبقي حديث العائله لا طبعا انا عرضتها على دكتور تانى ما يعرفناش بس الناس بتشكر فيه وكمان ما تكتفتش بكده وجبت الدكتور اللى جه وشافك بيتهيألي لي كويس كده وبلاش فضايح
اكتر من كده
صفاء :طب بعد اذنك انا عوزاك تعمل تحاليل انت كمان عشان انا متأكده ان المرض ده جانى منك ومافيش احتمال تانى
مازن :بردو مصممه نكمل شوشرة علينا
صفاء:انت بتستعبط شوشرة ايه فى انك تعمل تحاليل وبعدين انا ما يفرقش معايا حد انا عارفه نفسي كويس اوى ومتأكده انى معاملتش حاجه غلط ولازم انت كمان تبقى متأكد من كده

مازن:خلاص وانتى لازم تبقى واثقه فيا ومتاكده انى عمرى ما خونتك
صفاء:لما انت ما خنتنيش خايف تعمل تحاليل ليه تفتكر ده مش يخليني اشك فيك
مازن:الفكره مش فى عمايل التحاليل الفكره انك شكيتى فيا وانا اللى لاغى عقلى عشان بحبك ومش مصدق الحقيقه اللى أمام عينى وسمعتها بودانى وواضحه وضوح الشمس وكدبت كل ده عشان ثقتى فيك
صفاء:سيبك من كل الكلام ده انت هتعمل تحاليل يعنى هتعمل تحاليل
انا لازم اعرف الحقيقه انا لو فضلت كده هتجنن لو معملتش التحاليل انا هعتبرك انك خونتنى وهسحب منك كل الصلاحيات اللى اتدهالك فى الشركه ومش هخليك تهوب ناحية الشركه ونعمل توكيل لاختى بالاداره وهخليها تمسك هى الشركه
مازن:خلاص ماشي هعمل التحاليل
صفاء؛ وهكون معاك وهما بياخدوا منك العينه وانا الل هستلم النتيجه
مازن :يا ابنتى وليه ده كله لازم تبقى واثقه فيا اكتر من كده وبعدين انتى لازم ترتاحي عشان انتى تعبانه
صفاء :انا مش تعبانه ومش عاوزه اسمع الكلمه دى تانى ياكده يا
هعمل اللى قولت ليك عليه
مازن:خلاص ماشي حاضر هعمل زفت
صفاء:بكره ان شاء الله الصبح نروح مع بعض
مازن:لا بلاش بكره عندي مشاوير مهمه
صفاء:خلاص لعد بكره
مازن:خلاص ماشي

عدى بكره وجت بعد بكره صفاء صحيت مواجدتش مازن نايم جنبها
اتصلت عليه انت فين هو مش احنا متفقين اننا هنروح نحلل النهارده
مازن:يااا بجد نسيت خالص اصل أديت لحد ميعاد النهارده معلش بقى لما اجى
صفاء فضلت منتظره طول اليوم ومرجعش وهى تتصل عليه مره يكنسل عليها ومره يرد حاضر شويه وجى لحد ما رجع ليها اخر الليل
قامت صفاء وشدت معاه وقالت له وبعدين بقى ايه لعب العيال ده انت بتتهرب ليه
مازن:ايه بتهرب دى هو انا هتهرب ليه ان شاء الله انا واثق من نفسي كويس اوى وانى معملتش حاجه غلط واصلا التحاليل دى مش فارقه معايا انا كويس والحمدلله
صفاء:ويعنى انا اللى عملت حاجه غلط ولما انت مش فارق معاك التحاليل ما تريحنى انت عارف يامازن لوصحيت الصبح مالقتكش جنبى ومستني عشان نروح نعمل التحاليل مش هيحصل طيب
مازن بينه وبين نفسه وبعدين بقى فى النكد ده
ورجع قال حاضر ياصفاء هريحك حاضر هريحك خالص
وفعلا الصبح اتفاجئت بيه بيصحيها مش يالا ولا ايه
انا عندى مشاوير اروح وتسيبك بقى من الهلاوس اللى فى بالك دى
صفاء قامت قعدت على السرير لا انا دقيقه وهكون جاهزه
وفعلا قامت اخدت شاور بسرعه ورجعت سمعته وهو بيقول لحد خلاص زى ما اتفقنا اوعى تحس بأي حاجه يالاسلام مش هأكد عليك تانى وقفل الخط دخلت وقالت له وهى بتلبس ايه كنت بتكلم مين بدري كده وبتاكد عليه كده
مازن:ها لا ابدا ماتشغليش بالك دا موضوع كده فى الشغل ما تشغليش بالك انتى فى ايه ولا فى ايه وخلصت لبس ونزلوا
وصفاء هتتجنن وتعرف النتيجه وعماله تقول ياترى هو كان بيتكلم فى ايه انا حاسه ان فى حاجه غلط

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية انا مش خائنه)