رواية اين زوجي الفصل الثالث والثلاثون 33 بقلم ايه عطيه
رواية اين زوجي الفصل الثالث والثلاثون 33 بقلم ايه عطيه
رواية اين زوجي البارت الثالث والثلاثون
رواية اين زوجي الجزء الثالث والثلاثون
رواية اين زوجي الحلقة الثالثة والثلاثون
زين/ياادي النيله علي بس دي… اقولك متقوليش حاجه خاليكي ساكته كدا لبكرا حتي لم استاذ اكرم يجي يسألك انتي موافقه علي زين اسكتي و هو ساعتها هيفهم ان السكوت علامه الرضي
زينه/مش هيجي يوم و تندم علي الخطوه دي
زين/انا لو هندم بجد هندم علي الايام اللي فاتت و انتي بعيد عني
ابتسمت له زينه بحب كبير
و شعر كلاهما بسعاده العالم بين يديهم و قلوبهم تتراقص فرحا بلقائهم هذا
~~~~~~~~~~~~~~~
في اليوم التالي ذهب زين و معتز لاكرم لكي يطلب كلا منهم يد محبوبته
و تم الاتفاق علي موعد كتب الكتاب في نهايه الاسبوع و عمل حفله صغيره لهم احتفالا بهذا الجمع الصغير لقلوبهم
و ابتدت زينه و ميار في التجهيز لتلك الحفله الصغيره و هم سعداء بشده
اما حازم ف اخذ يبحث علي من قام والده بالنصب عليهم لكي يرد لهم حقهم المسلوب منهم
~~~~~~~~~~~~~~~
بعد مرور اسبوعا كامل و قد اتي اليوم الموعود للجمع بين الاحبه
في صباح اليوم الموعد في غرفه ميار و زينه
ميار/انا مبسوطه جدا جدا جدا انهارده حاسه اني طايره من الفرحه
زينه/طب اهدي كدا شويه لتموتي من الفرحه دي
ميار/يعني انتي عايزه تفهميني انك مش فرحانه زي
زينه/فرحانه بس خايفه
ميار/حرام عليكي يا زينه بقه افرحي يا بنتي و متفكريش غير في زين و حبك ليه
زينه/ما هو علشان بحبه خايفه يجي يوم و يندم انه اتجوزني
ميار/هو هيندم فعلا علشان حب واحده نكديه زيك
زينه/انا نكديه يا ميار ماشي
ميار/اعملك ايه ما انتي عماله تقولي خايفه و مهببه حرام عليكي بقه
زينه/بقولك ايه
ميار/ارغي
زينه/بفكر اكلم حازم يجي يقف معايا اقله محسش اني لوحدي
ميار/اخص عليكي يا زينه بقه انتي لوحدك
زينه/مش قصدي يا ميار و الله متزعليش
ميار/مش زعلانه منك انا زعلانه عليكي انتي بتدوري علي اللي يزعلك و تجري وراه
زينه/غصب عني و الله
ميار/عموما لو وجود حازم معاكي هيفرحك كلميه
زينه/تفتكري هيلحق يجي مش فاضل غير كام ساعه علي ميعاد المؤذون
ميار/هيلحق ان شاء الله كلميه انتي بس بسرعه
اخرجت زينه هاتفها و قامت بالاتصال علي حازم الذي رد عليها مجرد ما قرأ الاسم الخاص بها
زينه/ الو حازم
حازم/يا قلب حازم و حشتيني يا زوزو
زينه/انت كمان واحشني جدا
حازم/طول الاسبوع اللي فات و انا هموت و اكلمك بس سيبك براحتك علشان مضغطش عليكي
زينه/و الايام اللي فاتت كنت محتجاك جمبي قوي
حازم/و انا جمبك في اي وقت تحتاجيني فيه
زينه/يعني لو قولتلك انا محتجاك جمبي انهارده هتيجي
حازم/اكيد هاجي بس انتي تشاوري
زينه/طب انا مستنياك انهارده… تكون عندي الساعه سبعه
حازم/ انتي بتتكلمي بجد
زينه/ايوة بجد هتيجي
حازم/انا اساسا اتحركت خلاص قبل كدا و هكون عندك
زينه/توصل بالسلامه
حازم/عند ميار مش كدا
زينه/ايوة
حازم/مش هتأخر عليكي و هيكون معايا ليكي مفاجئه
زينه/و انا كمان عندي ليك مفاجئه حلوه
حازم/مفاجئه ايه
زينه/و هي هتبقي مفاجئه لما اقولك عليها
حازم/خلاص سلام دلوقت يا قلبي علشان اجيلك بسرعه
زينه/سلام
اغلقت معه الخط و هي مبتسمه و سعيده
ميار/لو كنت اعرف ان مكلمتك لحازم هتخليكي مبسوطه كدا كنت خاليتك تكلميه من زمان
زينه/حازم دا اخويا اللي الدنيا ادتهولي
ميار/ربنا يخليكم لبعض المهم قوليلي قالك انه جي
زينه/ايوة
ميار/طب يلا نشوف ورنا ايه علشان نلحق نخلص قبل الميعاد
زينه/ماشي يلا
~~~~~~~~~~~~~~~
في الخارج
اكرم/مالك يا زينب قاعده مبوزه ليه
زينب/كان نفسي اخوات ميار يحضرو
اكرم/ما هما قالو هيحضرو في الليله الكبيره
زينب/بذمتك انت مصدق
اكرم/و مصدقش ليه
زينب/الغربه خدت ولدنا مننا يا اكرم
اكرم/مسيرهم يرجعو
زينب/تفتكر اصلا هيرجعو
اكرم/هيرجعو ان شاء الله
زينب/و تفتكر هنكون احنا لسه عايشين
اكرم/تفائلي خير يا زينب
زينب/العمر معدش فيه اد اللي راح
اكرم/ربنا يدينا طوله العمر و نشوفهم متجمعين حولينا هما و عيلهم
زينب/يارب
اكرم/روقي بقه كدا و متخليش ميار تشوفك زعلانه في يوم زي دا افرحي يا زينب افرحي يا حببتي و اللي ربنا عايزه هيكون
زينب /و نعمه بالله
~~~~~~~~~~~~~~~
في الشقه المقابله لهم شقه زين و معتز
بداخل الغرفه يقف زين امام المرأه يهندم نفسه و هو مبتسم ابتسامه واسعه و قلبه يرقص بداخل قفصه الصدري فرحا بهذا اليوم
اما معتز ف كان يرتدي ملابسه و هو سعيد ايضا
زين/ها ايه رأيك كدا
نظر له معتز و هو سعيد لرؤيه صديق عمره سعيد بهذا الشكل
معتز/ايه دا يا اخواتي عريس و النبي عريس و زي القمر كمان
زين/طب اخلص يا اخويا بقالك ساعه بتلبس و انا خلصت من بدري
معتز/علي فكره لو كنت انا اللي دخلت خدت شور الاول كان زماني مخلص و سابقك
زين/و انت ايه خلاك تستناني مدخلتش الحمام اللي برا ليه
معتز/طب و مدخلتوش انت ليه
زين/علشان دا كان فاضي
معتز/خلاص يا عم انا عارف اني مش ههلص معاك في الكلام
زين/دا اللي هو انا
معتز/امال انا
زين/احنا هنفضل وقفين نقول لا انا لا انت و نسيب الناس مستنين
معتز/لسه بدري اصلا علي ميعادنا
زين/بدري من عمرك يا اخويا يدوب نلحق نروح
معتز/في ايه يا زين يا حبيبي انت ليه محسسني ان احنا ريحين مكان بعيد اش حال مكنش الباب ادام الباب… و لا هي الفرحه لحست عقلك
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية اين زوجي)
جميل