رواية قصة قلب جريح الفصل السابع 7 بقلم منى عبدالغني

رواية قصة قلب جريح الفصل السابع 7 بقلم منى عبدالغني

رواية قصة قلب جريح البارت السابع

رواية قصة قلب جريح الجزء السابع

رواية قصة قلب جريح الحلقة السابعة

_بابا انت جاي ليه في حاجه؟
+افتحي يا بنتي بس وانا هقولك
_حاض… بابا مش هعرف افتح
-ازاي يعني افتحي يا تغريد اخلصي في حاجه مهمه
_والله مش هعرف افتح مش معايا المفتاح الباب مقفول من برا
+مقفول من برا وهو سيف حابسك؟
_يا بابا افتحه بس وانا هفهمك
-ايوه يا بابا مش وقته دلوقتي نفتحه وبعدين نعرف بعدين ايه اللي حصل.
+ماشي
_بعد ربع ساعه كانوا كسروا الباب ودخلوا وشكلهم كان غريب النظره اللي في عينهم كانت بتدل ان في حاجه غلط، في ايه يا بابا انتوا باصينلي كده ليه؟

+هنتكلم في موضوع الباب بعدين المهم دلوقتي البسي بسرعه عشان سيف عمل حادثه بالعربيه.
_اييه سيف انت بتتكلم جد؟
-ايوه يا تغريد خشي البسي بقي
_دخلت فعلا البس، هو انا لو قولتلكم اني كنت خايفه على فرحانه هتفتكروني مجنونه صح معرفش ايه الاحساس دا بس كنت حاسه اني هخلص من الحمل اللي عليا دا وكنت فرحانه اوي بس كنت خايفه ومكنتش عايزه دا يحصل ومكنتش فاهمه ازاي يعني انا متناقضه كدا..
+طمنا يا دكتور اخباره ايه دلوقتي
‘بخير ان شاء الله متقلقوش هو بس حصله نزيف في المخ وعالجنا دا على قد ما نقدر ونتمنى بس ان ال24 ساعه الجاين يعدوا على خير يا إما ممكن يدخل في غيبوبه ادعوله…
-ربنا يشفيك يا صاحبي يارب
_كنت واقفه على جمب ولا فرحانه ولا زعلانه وبعيط واقفه عادي مش فارق معايا اللي هيحصل بس في حاجه جوايا كانت خايفه ومكنتش فاهمه من ايه وليه؟؟
+انتي كويسه يا بنتي؟
_اه… هو صحيح ماما فين يا بابا؟
+سبناها في البيت وبكره هتبقى تيجي..
_امم ماشي
+زينب انتي كويسه بجد!
_اه يا بابا في ايه؟
+ماشي يا بنتي خلاص.
عدي الوقت واحنا قاعدين برا مستنين اللي هيحصل وشويه ولقينا دكاتره كتير اوي داخلين العنايه غصب عني خوفت وروحت وقفت قدامهم وانا مستغربه ومش فاهمه هما بيجروا ليه وعاملين كدا ليه..
_هو في ايه يا بابا هما بيجروا كدا ليه؟
+والله ما عارف يا بنتي بس ان شاء الله خير
-في ايه يا دكتور سيف كويس؟
‘انا اسف بس المريض…
+ماله قول يا دكتور

‘ المريض دخل في غيبوبه ومش عارفين اذا كان هيقوم منها على خير ولا لا وهيقوم امتى ادعوله كتير هو بين ايد ربنا دلوقتي.
_كنت واقفه سامعه ومصدقتش اللي قاله ووقعت على الأرض مكنتش بعيط مكنتش عارفه اترجم المشاعر اللي جوايا بس مكنتش مصدقه ان في يوم من الايام ممكن دعوتي تتحقق وفعلا يموت هو انا ممكن اكون السبب، انا اكيد السبب ايوه انا السبب يا بابا انا السبب انا اللي داعيت عليه اكيد من كتر ما داعيت عليه ربنا تقبل مني صح دا بسببي يا بابا؟؟
+اهدي يا بنتي دي حاجه بإيد ربنا مش بإيدينا.
_لا لا دا بسببي وبسبب دعايا عليه انا السبب اكيد ربنا استجاب مني انا كده هاخد ذنبه يا بابا انا كده يعتبر اللي موته بسبب اني اتمنيت انه يموت انا السبب انا السبب.
+حضنها، اهدي اهدي يا حبيبتي ان شاء الله هيكون كويس ان شاء الله متقلقيش..
_اه انا كنت كل اللي قلقانه منه انه ميقومش وان فعلا تكون دعوتي اني اخلص منه تكون هي السبب للي هو فيه دا مكنش خوف عليه بس كان خوف اني اكون أنا السبب بس ومش عارفه انا ليه كنت بردوا خايفه.
اول ما دخلت شوفته بعد ما اتنقل اوضه عاديه لقيت قلبي بيدق جامد بفزع كنت مستغربه اني شايفه الراجل اللي مش بيبطل ضرب وتهزيق فيا نايم على سرير ولا حول له ولا قوه ومش قادر يتحرك ولا حتى حاسس بينا حسيت قد ايه وقتها اننا بجد مبين ايد ربنا ولا حاجه… ولا اي حاجه.
بعد يومين
+ما انتي هتحكيلي ايه سبب ان الباب كان مقفول وقت لما جينالك يعني هتحكيه انا سايبك من وقتها عشان الظروف اللي احنا فيها بس انا لازم افهم.
_……
+تغريد متعصبنيش عليكي احكي… هو سيف كان بيحبسك؟
_اه يا بابا اه سيف كان بيحبسني وكان بيضربني وكان بيهني وكان بيغتصبني اقولك على حاجه كمان سيف هو ابوا اللي في بطني مستغرب ليه ايوه هو اللي اتحرش بيا قبل الجواز وكل دا عشان يتجوزني استريحت كده استريحت لما عرفت اللي انا كنت عايشه فيه استريحت لما عرفت انا ليه مش زعلانه عليه انا مش خايفه غير من اني انا اللي اكون السبب لكن هو… هو مش فارق معايا اصلا.
+انا انا اسف..

_بتعتذر ليه يا بابا انت ملكش ذنب في اي حاجه حصلت انت بس كنت عايز تداري على اللي حصل لبنتك..
+حضنتها، أنا آسف يا تغريد كل دا بسببي انا اللي اخترتلك شخص غلط وخليتك تتجوزيه انا اللي سمحت لاخوكي انه يدخل صحابه بيتنا انا اسف يا بنتي اسف…
_عيط، خلاص يا بابا محصلش حاجه متزعلش اللي حصل حصل ودا قدري والحمدلله انا بقيت راضيه والله خلاص ومش هعترض على حكمه ربنا تاني..
+انا هطلقك منه….
_بابا؟ لا طبعا.
+هو ايه اللي لاء انتي مينفعش تكملي مع واحد متخلف زي دا.
_بابا انا مينفعش اسيبه في الظروف دي اه هو كان زباله وكل حاجه بس انا مش زيه هو اه ميستاهلش بس انا بعمل بأصلي معاه فا خليني معاه لغايه ما يفوق ونطمن عليه وساعتها نبقى نشوف الحوار دا.
+تمام يا بنتي..
عدي اسبوع وانا بفضل جمبه ليل نهار وانا اللي بهتم بيه دايما مش عارفه ليه ساعات كنت بفتكر الايام اللي كان بيعاملني فيها حلو اه هي كانت ايام قليله اوي بس كان شخص جميل فيها عكس الشخص التاني اللي كان ظاهرلي دايما…شكله وهو نايم مبيعملش اي حركه كان هادي اوي كان بيخليك مطمن كده مش عارفه ايه المشاعر الغريبه دي بس كنت حباها.
+اه اه انا فين انتي مين؟
°انت فوقت يا دكتور المريض فاق يا دكتور
+كنت في الحمام وبغسل وشي وطلعت بسرعه على صوت الممرضه وهي بتقول انه فاق مكنتش مصدقه كنت زعلانه على فرحانه لا مش زعلانه انه فاق كنت خايفه انه ممكن يرجع زي زمان بس افتكرت ان بابا عرف دلوقتي وأنه هيطلقتي منه زي ما قال…
_تغريد فين؟ تغريد فين هاتولي تغريد..
_لقيت الممرضه بتبصلي جامد.
°حضرتك تغريد؟
_اه، قربت منه لقيته مسك ايدي وابتسم..
+انا اسف.
_كنت مستغربه اعتذاره المفاجئ اللي اتقال اول ما صحي دا بس مهتمتش يعني واليوم عدي والدكتور كشف عليه وكل حاجه كانت تمام.
بعد اسبوع
+هنخرج النهارده؟
_اه
+طب كويس انتي وحشيني اوي على فكره
_شكرا
+انا موحشتكيش يعني؟!

_بلاش تتكلم كتير عشان متتعبش
+على فكره جسمي اللي تعبان مش لساني
_ابتسمت بتزيُف ودورت وشي، أنا هنزل أوقف تاكسي وانت احمد هينزلك.
+طب خليكي انتي وخلي احمد ينزل هو يوقفه
_مردتش عليه ونزلت.
_رجعنا البيت وكان احمد معايا طبعا وكنا عاملين حسابنا اني هلم هدومي وانزل مع احمد وكل دا وسيف مكنش عارف لسه ان بابا واحمد عرفوا..
+ايوه قعدني هنا شكرا اوي يا احمد
-….
_احمد مكانش طايق سيف وكان ماسك نفسه انه يضربه بالعافيه ودا بعد ما اتحايلت عليه محايلات انه ميعملهوش حاجه وان كفايه اللي حصله وانه خلاص خد عقابه من ربنا..
+انت مش ماشي ولا ايه يا احمد؟
-تغريد يلا لمى هدومك عشان نمشي.
_حاضر
+تلم هدومها ايه يا احمد وهو دا وقت تقعد معاكم فيه انا حتى لسه خارج من المستشفى وتعبان.
_اختي راجعه معانا ومش هتقعد معاك تاني ابدا وهطلقها كمان يا حلو عشان تبقى تتشطر على اللي قدك بعد كده.
+هو في ايه يا احمد في ايه يا تغريد اخوكي بيكلمني كده ليه؟
-خشي يا تغريد لمى هدوك عشان نمشي..
+قام وقف بالعافيه، تمشوا فين انت اهبل دي مراتي وهتعقد معايا هنا!..
-مراتك ايه يا زباله وهو في حد بيضرب مراته ولا بيعمل فيها اللي انت عملته دا انت متستاهلش يتقالك راجل حتى..
+برقلها، انتي حكيتي لاخوكي؟!
_خوفت من نظرته وبصيت بعيد ومكنتش عارفه اعمل ايه بس نظرته مكنتش مبشره بالخير خالص.
+لا يا حبيبي انا راجل غصب عنك انت وعيلتك كلها ودي مراتي واعمل فيها اللي انا عايزه وملكش دعوه وخليك في اللي يخصك..
-زقه من كتفه، يا بابا دي اختي وتخصني ولما اشوف واحد خ*ل كده مش عارف يعني ايه مراته يبقى اقفله واقتله كمان
_بدأوا يضربوا ويشتموا في بعض وطبعا عشان سيف كان تعبان ومش قادر فا احمد هو اللي كان بيضرب فيه اكتر وبطريقه جنونيه، احمد ابعد ابعد وسيبه بقولك ابعد عنه يا احمد حرام عليك هيموت هو مش مستحمل..
-بعد عنه وهو متعصب.
_سيبنا لوحدنا يا احمد
-انا مش ماشي من هنا غير وانتي معايا.
_هاجي صدقني بس اخرج وسيبنا لوحدنا شويه.
-خرج ورزع الباب وفضل واقف برا متعصب ومش مصدق
ان دا صاحب عمره اللي يعمل فيه كده..
_قومته من على الارض وقعدت جمبه، سيف طل…
+تغريد عشان خاطري بلاش بلاش تقوليها والله هتغير والله عرفت قيمتك وندمان على كل حاجه عملتها فيكي
_سيف لو سمح…

+اسمعيني طيب بالله عليكي تسمعيني والله ندمت والله العظيم انا كنت بموت يا تغريد انا كنت حاسس اني مش هعيش تاني و كل حاجه عملتها فيكي افتكرتها زي شريط الفيلم وندمت على كل حاجه انا عملتها واول حد كنت عايز اصحى عشان اعتذرله كان انتي انا زباله وحيوان ووس* واستاهل كل الشتايم بس والله بحبك والله العظيم انا ندمان وبحبك سامحيني بالله عليكي والله مش هقدر اعيش من غيرك عشان خاطري يا تغريد…
_سيف انا اسفه بس انا مش قادره اسامحك انت جرحتني جامد اوي يا سيف جامد اوي ومش هقدر اغفرلك اللي عملته فيا مش هقدر..
+مسك ايديها، عشان خاطري صدقيني والله هعوضك عن كل دا هعوضك انتي وابننا وحياه أغلى حاجه عندك متحرميني منك ومن ابني بالله عليكي يا تغريد…
_مش عارفه مش عارفه يا سيف.
+…..
_بدأ يعيط كنت مستغربه كنت أول مره اشوفه بالضعف دا مكنتش عارفه اعمل ايه وكنت حاسه ان انا كمان ضعفت كان صعبان عليا، شيلت ايدي من ايده وقومت
وهو كان باصصلي ولا أكن عيل صغير وأمه سيباه وماشيه نظرته كانت غريبه اوي واول مره اشوفه بالشكل دا..
-يلا عشان نمشي فين شنطتك؟
_انا مش هاجي معاك
-تغريد ايه الهبل دا خشي جيبي شنطك ويلا هنمشي.
_احمد انا بتكلم جد انا هفضل هنا..
-وهو ضربك تاني بقي ولا هددك ولا ايه قوليلي عمل ايه
المره دي ومش هرحموا.
_احمااد اسمعني معملش حاجه انا مش هطلق وهفضل معاه وقول لبابا اني خلاص هبقي احسن معاه وان هو ندم..
-تغريد انا مش ه…..
_لو سمحت يا احمد متضغطش عليا وسيبني براحتي ممكن؟
-تمام يا تغريد براحتك بس خليكي عارفه اني موجود وفي ضهرك ولو الزباله دا عملك حاجه تاني كلميني وهجيلك في ثانيه.
_حضنته، ربنا ميحرمنيش منك يا حبيبي.
_مشي وانا قفلت الباب ودخلت ليه..
+انتي ممشتيش؟!!
_لا قاعده معاك..

+بجد بجد يا تغريد مش هتسيبيني؟!!
_دا على حسب انت هتعاملني ازاي بعد كده؟
+صدقيني مش هتندمي وعمري ما هعمل فيكي حاجه وحشه تاني انا اسف يا تغريد.
_ يلا عشان تاخد الدوا وعشان هموت وانام.
+طب هاتيه وانا هدخل اغير بقى.
_حاضر
+تغريد تعالي
_ماشي حاضر هغير بس واجبلك الدوا
+لا تعالي دلوقتي
_يا سيف بغير في ايه مش بتفهم
+ما انتي غيرتي اهو
_ها عايز ايه اديني جيت
+ممكن احضنك؟
_رفعت حاجبي وهو انت هتستأذن في الحضن كمان
+ضحك وخدها في حضنه، وحشاني اوي اوي بجد انتي عارفه لو كنتي مشيتي انا كنت هبقي عامل ازاي من غيرك انا حتى مش عايز اتخيل شكرا انك سامحتيني يا تغريد…
_بس انا مسامحتكش انا مدياك فرصه تصلح فيها غلطتك يا سيف ولو رجعت تعمل اللي كنت بتعمله انا همشي ومش هتعرفلي طريق وصدقني انا منستش حاجه ولسه اللي جوايا من ناحيتك موجود وبإيدك انت بس تخفيه وتشيل الفكره اللي في دماغي عنك..
+صدقيني هنسيكي كل حاجه كل حاجه هتنسيها وهعيشك الباقي كله سعاده.
_اتمنى دا…
هتسألوني ليه قعدت صدقوني معرفش حقيقي معرفش ايه السبب بس مقدرتش اشوفه بيتحايل عليا وبيعيط كده وامشي واسيبه انا شوفت في عينه هو قد ايه ندمان ومعترف بغلطه وشوفت في نفسي اني متقبلاه اه عمل فيا كتير اوي اوي ولغايه دلوقتي صعب انسى بس دا ميمنعش اني عيزاه وعايزه اساعده وابقى جمبه فا ليه محاولش ايه هيحصل؟
……………………………

بعد شهرين
_اااااه ااااه بكرهك بكرهك انت السبب
+وانا مالي بس
_منك لله يا سيف حسبن الله ونعم الوكيل فيك انت اللي عملت كدا فيا..
+حطيت ايدي على بوقها، يا بنتي فضحتينا في المستشفى كلها اسكتي.
_عضيت ايده، أنت السبب انا مش عايزه اخلف ااااه اااه.
بعد نص ساعه:
+بنت ولا ولد قولتيلي
_بنت
+دي حلوه اوي شبهك كدا
_يا كداب
+ضحك، أنا بحبك اوي يا تغريد.
_وانا كمان يا سيف.
“أنت حربً كُنت أخوضها, وأعترف أنني هُزِمتُ بها ووقعتُ في شِباكَك”💌🌿

عايزه اقول ان اه مش كل الناس بتتغير وتبقي احسن بس بردوا مش كل الناس بتفضل زي ماهي وفي ناس بيبقوا فعلا عايزين يتغيروا بس مستنين الايد اللي هتمسكهم وهتشجعهم علي دا واه مفيش مبرر ان اي راجل يتعامل كدا لان مش اي واحده هتعدي دا وتتقبله وترجع تسامح علي الاهانه بس بردوا كتير مننا بيغلط فا لازم علي الأقل ندي فرصه واحده ونسامح عشان احنا مش ملايكه؛. وبلاش تدعوا على بعض الدعوه بتتقبل والله سواء وحشه او لا وطالعه من قلبك او لا أبواب السماء ممكن تبقى مفتوحه وانت بتدعي على حد عشان كدا بلاش خالص واحنا متعصبين ندعي على حد ياريت نفهم انها ممكن تتقبل ونفضل شايلين ذنبها طول
عمرنا🖇️
#النهايه