روايات
رواية عشق طفولتي الفصل الرابع 4 بقلم مي جمعة
رواية عشق طفولتي الفصل الرابع 4 بقلم مي جمعة
رواية عشق طفولتي البارت الرابع
رواية عشق طفولتي الجزء الرابع
رواية عشق طفولتي الحلقة الرابعة
انا مدير الشركة الي حضرتك بتشتغلي فيها دي
اتصدمت وحرفيا لساني مقدرش ينطق يادي الكسفة الي انت فيها ياحازم طب ودا يتقاله ايه دلوقتي دا
_طيب بص حضرتك انا مكنتش اعرف وانا اتأخرت عشر دقايق بس مش حكاية ومش هتتكرر لكن لو حضرتك عايز ترفدني اتفضل
: امم بعد كدة متحصلش التزمي بالمواعيد
_تمام يافندم
روحت وفي واحدة عرفتني على نوعية شغلي وبدأت ويارتني مابدأت ايه الفرهدة دي انا غلطانه اني قولت عايزة اشتغل بس ولو ولو لازم ابقى استرونج
خلص اول يوم شغل اخيراااا بعد ماطلعت روحي اكيد هتعود فيما بعد يعني
وانا خارجة وقفت مدة عشان الاقي حاجه اركبها واروح لقيت عربية بتقف قدامي ومد راسه منها واحد وطلع المدير الرخم دا
: تحبي اوصلك مظنش تلاقي مواصلات دلوقتي
_لا شكرا هلاقي اكيد هيجي حد يعني
_تمم انتي حرة
ايه دا هو مش هيعزم تاني اساسا مكنتش هركب هه هو مفكر نفسه مين يعني اهو تكسي بعد معاناة ركبت وروحت
_مامااا ياست الكل انا جعاانة عاملة اكل ايه
÷ايه يابنتي كل الدوشة دي اهدي عملت مكرونة بالبشاميل
_اد ايه انتي ام عظيمة
÷يابنت الهبلة خشي غيري وصلي على مااحط الاكل يكون ابوكي رجع ناكل سوا
_حاضر ياعسل
غيرت وصليت وجيه بابا وطبعا بعد ماقعدت معاهم حقيقي بضحكة منهم بيتغير مودي قمت بقى عشان انام وبعد تفكير كتير ومشاريع مش هتتحقق اساسا نمت
يوم جديد
_صباح الفل عليكو يااحلى بابا وماما ف الدنيا كلها عاملة ايه
÷كويسة ياحبيبتي
_لا عاملة اكل ايه
÷تصدقي انك بنت جزمة
_حبيبتي تسلميلي بردو عاملة اكل ايه
÷اقعدي ف حتة قربت اخلص اهو انما عاملاك حتة بيض بالبسطرمة يجنن
_وربنا انتي الي تجنني ياسكر انتي
÷هههه يابت بس بقى وروحي عند ابوكي
_ماشي ياسكر
خرحت وقعدت مع بابا وبعدين كلت ولبست دريس ابيض عليه ورد ازرق وعليهم طرحة بنفس لون الورد وخرجت واخيرا وصلت الشغل ف معادي
_صباح الخير يافندم
: عندنا ميتنج النهارده حضري الملفات دي وبسرعة يانور
ايه الراجل الرخم دا مش يقولي حتة صباح النور ولا اي نيلة على دماغه
: على فكرة انا لسة هنا يعني استني امشي
_احم ايه دا هو حضرتك لسة هنا بعدين انا بفكر انت ازاي عرفت
: لازمتها ايه حضرتك بقى بعدين انتي صوت افكارك مسمع الشركة كلها
سكت اصلي هرد اقول ايه بقى
: متتكررش فاهمة
_اسفة يافندم
احرجني كالعادة ياجدعان وبعتر كرامتي ف الارض ايه دا ياجماعة بعترتوا كرامتي ف الارض كدة وانا لسة ماسحة 
خلصت ملفات الاخ البارد الي جوا دا ودخلت ادهاله
_ممكن ادخل يافندم
: مانتي دخلتي خلاص
_احم طب انا خلصت الملفات هو الميتنج هيبدأ امتى
: كمان نص ساعة متأكدة انك خلصتي كل حاجة انا مش عايز غلطة واحدة
_تمام يافندم وهتأكد بنفسي مرة تانية
كنت لسة بلف عشان اخرج وشوفت اخر حاجة توقعت اني ممكن اشوفها ف يوم
شوفت….