رواية زينب الفصل الرابع والعشرون 24 بقلم هي جنته

رواية زينب الفصل الرابع والعشرون 24 بقلم هي جنته

رواية زينب البارت الرابع والعشرون

رواية زينب الجزء الرابع والعشرون

رواية زينب الحلقة الرابعة والعشرون

وقفنا المره الماضيه عند اعتراف خالد بحبه لزينب
خالد وهو ماسك ايد زينب : ومين قالك اني مبحبكيش
زينب : ها بتقول ايه
خالد: بقول انا بحبك يازوزو لأ انا بعشقك
زينب : وهي مش مستوعبه : مش فاهمه
خالد: بقولك انا بعشقك وبعشق روحك الحلوه
اللي نفسي ترجع تاني
ورفع ايدها وباسها ولسه هيقرب منها لقي عمر
فتح الباب: أبيه إلحق ليان
خالد بخضه علي بنته وهو بيجري ووراه
زينب : ليان مالها ياعمر
عمر : مش عارف احنا كنا بنلعب وفجأه لقيتها
وقعت علي رجلها وبتصرخ
زينب وصلت قبل خالد من لهفتها عليها
وشالتها: مالك ياحبيبتي
ليان : إلحقيني ياماما رجلي بتوجعني
خالد: اخدها منها وركبها العربيه واخدها
لوحده ومشي

زينب طلعت لبست بسرعه وراحت لآسر عشان
يوصلها المستشفي ولما وصلت لقت خالد
قواقف قدام باب العمليات
زينب: خالد الدكتور قال ايه
خالد: رجلها مكسوره وبيجبسوها دلوقتي
زينب وقفت جنبه ومسكت ايديه : متخافش
هتبقي كويسه ان شاء الله
خالد بص علي ايدها اللي ماسكه ايده ورفع
عينه في عينها وابتسم ابتسامه ممزوجه
بالحب والحنان والحزن ( ياشيخه دانتي
غمامه خليهم يفرحو )
آسر : ان شاء الله هتبقي كويسه ياخالد
خالد: يارب
شويه وخرج الدكتور والممرضين وخرجت ليان
علي كرسي بعجل

ليان وهي بتبكي: خالد رجلي اتجبست
خالد: قولي الحمد لله ياقلبي
ليان : الحمد لله …انتي بتبكي ليه ياماما
زينب : خايفه عليكي ياقلب ماما
ليان: انا كويسه خالص وعمو الدكتور خطلي
عليها عجين وبقت حلوه
زينب: هههههه عجين
ليان : ايوا ياماما دقيق ومايه وبقي عجين
خالد: اسمه جبس يالي لي
ليان: جبس لأ يابابا دا عجين
الدكتور : ههههههه عجين عجين مش مشكله
خالد : شكرا يادكتور نقدر نروح
الدكتور: ايوا بس خلي بالك منها وبعد ١٥ يوم
تجيلي نعملها اشعه ونشوف هنحل الجبس ولا لأ
آسر: جزالك الله خيرا يادكتور
روحو البيت وبعد مالكل اطمن عليها ليان
مسكت في رقبة زينب اللي هي اصلا شايلاها
ليان: ماما انا عايزه انام معاكي

خالدبيبص لزينب بمعني خليها تروح غرفتها
وزينب بتبصله بصه معناها معلش خليها الليله
زينب : يلا ياقلب ماما تعالي هنطلع غرفتي
ليان : هييييه انتي احلي ماما(وانت ارخم بنت)
طلعت ليان مع زينب ونامت معاها والصبح
لقت اللي حاطت ايده عليها فبتبص لقت خالد
نايم معاهم علي السرير وحاضنها فابتسمت
ابتسامة فرح وراحه في نفس الوقت وبعدها
عملت نايمه عشان متفوتش اللحظه دي صحي
خالد لقاها نايمه علي دراعه و مغمضه باس
راسها : زوزو حبيبي اصحي ياحبي
زينب آل أيه نايمه يعني عملت انها بتفوق :
هاه خالد ايه نيمك هنا
خالد: مجليش نوم وكنت قلقان علي ليان
عشان سمعتها بتبكي فجيت فنمت جنبكم هنا
متضايقه ولا حاجه

زينب : لا لا ابدا بالعكس
خالد: طب هروح اصحي آيه وعمر للمدرسه
وانتي قومي براحتك زمانك تعبانه عشان
سهرتي مع ليان
زينب وهي بتبتسم : ربنا مايحرمني منك ابدأ ياخالد
بعد الفطار
خالد: زوزو انا هروح الشغل وانتي خلي بالك من ليان
زينب : ماشي ياحبيبي استودعكم الله
آسر😳: نعاااااام حبيبي لااااا دا مستجدات
جوانا معرفش احكيلي احكي
ام زينب : هتحكيلك ايه ياولا اتلم سيبهم في
حالهم ربنا يسعدهم ويفرح قلبهم
آسر : لا مليش فيه تعالي معايا في الجنينه
واحكيلي ومسك ايدها ولسه طالع من الباب
لقي اللي واقفه مش محجبه ولابسه لبس مش
بيليق بواحده مسلمه وماسكه شنطة سفر
آسر : خير في حاجه عايزه حد
: انت مين

آسر: انا اللي مين انتي اللي مين واقفه علي
الباب وتقولي انت مين وعجبي
زينب: اهلا وسلا اتفضلي حضرتك محتاجه حد
: ايوا فين خالد
زينب: مش موجود مين حضرتك
: هو اللي طالع عليكم مين حضرتك انا نورهان
بنت عمتك وانتي مين بقي الخدامه الجديده
آسر: خدامه مين لمي نفسه يأنسه
زينب وهي ماسكه ايد آسر : لا حضرتك انا
مش خدامه انا مرات خالد اتفضلي ادخلي
نورهان وهي بتبص علي زينب من فوق
لتحت : انتي بقي مرات خالد
زينب :ايوا بقي أنا مرات خالد
نورهان: طب هاتيلي كوباية مايه وطلعي
شنطتي فوق

آسر: هي مين اللي تجيبلك يابتاعه انتي
وتطلع شنطتك فين
زينب: سعاد لوسمحتي كوباية مايه آسر
معلش عشان خاطري طلع الشنطه في الغرفه المقفوله
سعاد: نورهان هانم نورتي ياهانم اتفضلي المايه
نورهان: اهلا ياداده شكرا
آسر كان قاعد ومش طايقها وزينب مش
عارفه تتعامل معاها فسابتها وطلعت لليان
زينب: لي لي انتي عارفه واحده اسمها نورهان
ليان : ايوا طنط نورهان هي فين
زينب : تحت
ليان: عارفه يازوزو طنط نورهان بتحب بابا
ونفسها تتجوزه
زينب بغيره: وبابا بيحبها
ليان : لأ بابا مش بيحبها خالص بس هي
بتيجي وتقعد هنا كتير وبابا طول ماهي هنا
بيروح الشركه ويقعد هناك وساعات كانت
بتروحله الشركه

زينب : بتروح له الشركه كمان
ليان : يعني هي دلوقتي زمانها راحت الشركه
زينب : ايه بجد
جرت زينب تدور عليها تحت ملقتهاش
عرفت انها راحت لخالد والغيره تعصر قلبها
عصر وفضلت رايحه جايه في الغرفه وليان
قاعده تتفرج عليها
ليان: زوزو روحي انتي كمان الشركه
زينب: لأ خالد قالي اقعد هنا واخلي بالي منك
ولو روحت هيزعل وهتبقي مكشوفه أوي
ليان : ولا مكشوفه ولا حاجه يعني تقعدي هنا
وطنط تيجي تاخده منك
زينب وقفت : إيه تاخده مني ازاي لا انا لازم
أروح ….ولسه هتمشي …لأ خالد قالي اقعد
معاكي انا هقعد وأمري لله

ليان: انتي حره 😮‍💨
اخر النهار وصل خالد الفيلا ومعاه نورهان
وزينب لما شافتهم داخلين مع بعض كان هاين
عليها تولع في البنت بس قالت لأ دا أنا حاربت
لحد ماعترف لي بحبه وكسبت الحرب ومش
ممكن اخسر قدام طنط دي هاه دا انا زوزو
😁😁( ياختي اتنيلي انتي بوق علي الفاضي)
زينب: حمدالله علي السلامه ياخالد
خالد وهو مبتسم لها : الله يسلمك ياقلبي
وباسها من راسها اتعرفتي علي نورهان بنت عمتي
زينب: ايوا اتعرفت
نورهان بغيره : خالد يلا عشان نكمل كلامنا في المكتب
خالد: ماشي يلا …….حبيبتي جهزو الغدا علي
مأخلص مع نور
زينب وهي مضايقه: نور دا بيقولها نور
ليان : قلتلك روحيله المكتب
زينب: ايوا يابت يالي لي ياريتني كنت سمعت كلامك
خلت سعاد تجهز الاكل وهي دخلت المكتب آل
ايه بتنضفه

خالد شافها وفهم حركتها وعمل نفسه مش
واخد باله وزينب راحت وبتنفض المكتب قدامهم
نورهان: ياي بتعملي ايه
زينب : بنضفه اسيبه مش نضيف يعني
خالد: بيبتسم من جنب وعامل نفسه مش من هنا
وزينب راحت تنضف الكرسي اللي هو قاعد
عليه وتضرب في خالد بالفوطه اللي معاه
نورهان : خلاص كفايه المكتب نضيف
زينب بحركات مضحكه : اه منا بنضفه كل
يوم ومسكت الفوطه وبتنفض كرسي نورهان
نورهان: بس بقي بس بس خالد قولها حاجه
وخالد بيداري وشه الناحيه التانيه وبيضحك
ووقف ومسك ايدها وبص في عيونها : زوزو
شوفي الاكل عشان ميت من الجوع
زينب وهي متثبته بالمسكه دي : حاضر
ثواني والاكل يكون جاهز
وخرجت تجهز السفره

زينب: خالد الاكل جهز ياحبيبي
خالد : اتفضلي يانور تعالي اقعدى
نور راحت تقعد جنب خالد قعد آسر فراحت
تقعد في الكرسي في الناحيه التانيه قعدت
زينب نور بقت مدايقه فقعد علي كرسي بعيد
عن خالد وكل شويه تبصله وخالد مش
بيبصلها ولا واخد باله منها خالص لا كل نظره
وقلبه مع زوزو وهي مش شايفه غيره علي
السفره
وبعد الاكل
نورهان : خالد ممكن توصلني لغرفتي
زينب : انا هوصلك
نورهان : لأ انا عايزه خالد هو اللي يوصلني
خالد: تعالي وانا هوصلك
زينب غيرتها زادت
خالدطلع يوصلها لغرفتها ولما دخلت عملت
نفسها بتقع فخالد لحقها وسندها وصاحبتنا
مصدقت انه سندها وطبعا مين اللي شافت زينب
وكالعاده ياترا ايه اللي هيحصل دا اللي
هنعرفه في الفصل القادم ان شاء الله

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية زينب)