رواية خادمة قلبي 2 الفصل الثامن عشر 18 بقلم زهرة عصام

رواية خادمة قلبي 2 الفصل الثامن عشر 18 بقلم زهرة عصام

رواية خادمة قلبي 2 البارت الثامن عشر

رواية خادمة قلبي 2 الجزء الثامن عشر

رواية خادمة قلبي 2 الحلقة الثامنة عشر

مالك جاي جري و منال شافته راحت مدت إديها بملوك لحازم و راحت ناحية مالك

مالك عينه على العمليات و حاسس بقلبة معاها جوه و لسة هيقرب لقي منال في وشة تبقول :-

اية اللى جابك هنا يا مالك ؟ مش خلاص سبنالك البيت ؟ اية لسه في كلمه مقلتهاش جاي تكملها هنا ؟

مالك عينه على العمليات و مش مركز مع منال جه يتخطاها و يمشي وقفت قدامه و مسكت دراعة و قالت و هي بتزقه :-

اطلع بره المستشفى يا مالك و بنتي مش هنشوف ضفرها تاني ، طلما هي مش عجباك حفيت وراها ليه ؟ جيت بيتي و طلبتها مني ليه ؟

بس أنا اللي أستاهل أنا اللي إعتبرتك راجل هيقف جنبها و مش هيجيب غلط عليها قدام حد حتي لو هي غلطانة

أنا اللي اقتنعت إنك هتعوض بنتي عن عدم وجود أب و أخ في حياتها

دموعها نزلت و هي بتقول:-

بنتي كانت علطانة لما فكرت تتغير عشانك إنت و بنتك ، كان لازم تفضل زي ما هي

ملك عقد حواجبه و قال:-

تتغير عشاني ؟

منال مسحت دموعها و قالت:-

أيوة تتغير عشانك ، قبل ما تروح مع بنتك الحضانة كانت قاعدة معايا و قالتلي

فلاش باك

ملك بهدوء:-

ماما ملوك بقت تتصرف بشكل مش كويس و بطريقة أكبر من سنها ، البنت بقت عاملة زي البغبغان بتردد الكلام و بس

منال:- سبيها تتعلم تأخد حقها بإديها زيك يا ملك ، أنا ربيتك إنتي و أختك إن اللي يجي جنبكم تجبيه تحت رجلك و تدوسي عليه ، عشان متبقوش ملطشة للي يسوي واللي ميسواش

ملك :- بس ملوك وضعها غيرنا يا أمي ، إحنا كنا ستات عايشين في حارة شعبية ، يعني لو طلعت إشاعة واحدة علينا هتنتشر بسرعة الصاروخ ، لو إتخانقنا مع حد و إحنا مكسورين أو ضعاف كان هيتحط علينا بزيادة ، لكن ملوك غيرنا ملوك عندها أب و أم يدافعوا عنها ، دلوقتي هي بتوح حضانه و بتخطلط بأطفال زيها ، لازم تبقي زيهم مش تردد كلام هي أصلاً مش فهماه

منال :- و انتي هتعملي إيه يا شملولة على كدا ؟

ملك بتنهيدة:-

هغير من نفسي الأول يا أمي ، عشان ملوك تلقط طريقة التعامل الجديدة و تحاول تستوعبها و تتغير هي كمان ، هسيب مالك يتعامل مع المشاكل و مش هتدخل إلا لو مكانش موجودة

كل اللي هعمله إني مش هسمع لحد يجي عليا أو على بنتي حتي لو بكلمة و هما و حظهم بقي مالك جه قبل ما أفقد أعصابي كانبها مجاش يبقوا يستحملوا ملك

منال بصت ليها من فوق لتحت و ملك بصت ليها من طرف عينيها

منال :- لا بس النية موجودة

ملك بصت ليها و قالت بثقة :-

طبعاً

باااك

مالك يصلها و جامد و بص على باب العمليات و إتهز من جواه تاني ، أما منال فبصت ليه و قالت بإصرار:-

إرمي اليمين على بنتي يا مالك

مالك بصلها و قال:-

إنتي بتقولي إيه يا منال ؟ عاوزة تخربي بيت بنتك بإيدك ؟

منال بصت ليه و زعقت و قالت:-

بيت بنتي إنت اللي خربته من ساعة ما مديت إيدك عليها قدام أخواتك ، من ساعة و هنت كرامتها قدامنا كلنا

مالك بنبرة مهزوزة:-

كنت بعاقيها أو فاكر إني بعاقبها ، طلعت عصبيتي عليها ، أينعم مش أول مرة لكن الكلام اللي سمعته

منال قاطعت كلامه و قالت:-

كلام اي و زفت إيه ، في طرق كتيرة أوي للعقاب يا مالك بيه ، إلا إنك تمد إيدك على بنتي ، دا إنت لو كنت أخدت جنب منها كانت هتحاسب نفسها بدل المرة ميه و إنت عارف ملك كويس ، متقدرش تنام و حد زعلان منها

بصتله و قالت بأمر و عصبية:-

إرمي اليمين على بنتي يا مالك

مالك بصلها و قال بتحدي :-

بصي يا منال طلاق مبطلقش و مراتي هعرف أرجعها ليا هي و بنتي

منال ضحكت بسخرية و قالت:-

بنتك اللي نفسيتها زي الزفت ، بنتك اللي هتحتاج دكتور بسبب اللي عملته

مالك ليه هيتكلم منال حطت ايديها في وشه و قالت:-

كلامك معايا خُلص لكن بنتي مش هتشوف ضفرها تاني ، اعرف قميتها و إبقي تعال كلمني و يا أرضي يا مرضاش بس خدها مني كلمه لو هتشحت قدامي كدا مش هتنولها تاني يا مالك

وليد و حازم بصوا لبعض بخوف و توتر و حازم ضم ملوك عليه أوي و همس لـ وليد

دي شكلها هتبقي أيام ما يعلم بيها غير ربنا

وليد بإنزعاج:-

منال سنه سكا كنها على مالك و مش هتهدي غير لما تربية و مش بس كدا هتربينا معاه دي منال و كلنا عارفينها

حازم بتكشيرة:-

الله و إحنا مالنا طب هو اللي غلط يبقي هو اللي يتحاسب

وليد بسخرية:-

لا دي مش في قاموس منال يا حبيبي ، تسمع عن مقوله الحسنه بتخص و السيئه بتعم أهي منال بتتبع المقولة دي

مالك يغلط و كلنا نتحاسب

حازم لسه هيرد عليه لقي الباب فتح و الدكتور خرج

الكل جري عليه و أولهم منال

مالك بدأت الكلام و قال :-

هي كويسة يا دكتور مش كدا

الدكتور أخد نفس و قال:-

المدام بخير بس للأسف الجنين نزل ربنا يعوض عليكم ، الحقيقة إحنا حاولنا كتير ننقذة بس مقدرناش حالة المدام النفسية كانت وحشة جدا و دا كان أهم سبب في مو ت الطفل

مالك لف وشه و ضر ب بإيده على الحيطة و قال بغضب :-

ليه ليه غبي ، أنا إزاي نسيت أنها حامل

وليد حط ايده على كتفه و قال:-

اهدي يا مالك لو كان ليك نصيب فيه كان جه الدنيا، دا إختبار من ربنا ليكم ، الخوف دلوقتي على ملك لما تفوق و تعرف مش هتستحمل و دا هياثر علي نفسيتها أكتر

منال قعدت على الكرسي و دموعها نزلت و هي بتقول:-

يا حبيبتي يا بنتي كنتي فرحانه بيه أوي ، يروح منك كدا بسهولة و السبب مو ته أبوة ؟

حازم قعد جنبها و نيم ملوك في حضنه و طبطب على كتفها و هو بيقول:-

أهدي يا منال فترة و هتعدي متبكيش أنا مش متعود عليكي كدا

منال دموعها نزلت أكتر و قالت:-

بس دي بنتي يا حازم ، بنتي اللي هتنقهر أول ما تعرف ، بص على اللي على إيدك و قولي اي ذنبها في اللي هي فيه

حازم اتنهد و قال:-

ملوك هتبقي كويسة صدقيني ، إحنا صحيح هنتعب معاها شوية لكن هتبقي كويسة

ملوك فتحت عنيها و بصت لـ حازم و حضنته

منال بصت عليها و إتنهدت و قالت في نفسها:-

أهم حاجة ملك و ملوك يكونوا بخير الطفل ممكن يتعوض لكن بنتي متعوضتش أبدا

فاقت على إيد ملوك اللي مسكت ايديها و حطت ايديها على بطنها

منال بصت لـ ملوك و قالت:-

أي يا حبيبتي عاوزة حاجة

ملوك هزت رأسها من غير كلام و شاورت على بطنها

حازم انتبه ليها و لي إنها مش بتتكلم و منال قالت:-

عاوزة تروحي الحمام ؟

ملوك هزت رأسها و بإيجاب و منال مسكت ايديها و جت تاخدنا الحمام شافت مالك إستخبت في منال و بقت ترجع لورا

منال أخدت بالها و بصت لـ حازم اللي جري عليهم و شال ملوك و قالها:-

تيجي حازم ياخد ملوك الحمام و يجيب ليها حاجة حلوة كتير

ملوك بصت على مالك بخوف و حازم شالها و مشي بيها من قدامهم

مالك الصدمة غطت على لسانه عيونه دمعت و الموقف كان صعب عليه ، بنته خايفة منه ؟ بغبائه ضيع كل حاجه من ايده بص لـ وليد و قال بصوت مهزوز :-

ظهري إتكسر يا وليد ، ملوك ملوك خايفة مني ، بنتي مش حاسة بأمان معايا

منال كملت بقسوة:-

بنتك مش بس خايفه منك ، بنتك مبتنطقش يا بيه ، بنتك حالتها النفسية زفت و أخوك خدها بعيد عندك عشان متخافش و يأثر عليها اكتر

سألتهم و مشيت ورا حازم

وليد طبطب على كتف مالك و قال:-

كل حاجة هتبقي تمام يا مالك متقلقش ، فترة و هتعدي و ملوك هترجع أحسن من الأول يومين بس يا مالك

ملك دموعه نزلت لأول مرة من يوم ما عرف ملك و قال:-

أنا اللي ضيعت كل حاجه من ايدي يا وليد بس مكنش بإيدي حاجة أعملها إتشحنت من السكرتيرة بنت الصر’مة دي قبل ما أروح ليهم

وليد عقد حواجبه و قالت:-

إتشحنت ازي يعني مش فاهم ؟

مالك إتنهد و قال:-

كنت رايح لـ ملك بعد ما إتصلت بيا و عرفت إنها عملت كارثة كالعادة

فلاش باك

مالك خارج من المكتب لكن إستوقفه كلام بعض الموظفين عن ملك فوقف يسمع من غير ما حد ياخد باله

– زي ما بقولك كدا يا بنتي مراته سوقية أوي تربية حواري ، تخيلي بتضر ب أي حد و مش بتسيبه غير لما تغير خريطة وشه

– دا إيه المفترية دي و مستر مالك ساكت عليها ليه ما يطلقها و يشوف واحدة تليق بإسمه و مركزة

– مش عارفه حقيقي متمسك بالمفترية دي ليه ، بس شوفتي الحظ يختي واحدة تربية شوارع متجوزة واحد زي مالك و متهنية بتشاور بس و كل طلبتها مجابة إنما إحنا محدش سائل فينا

– معاكي حق أنا فعلاً مستغربة ازاي واحدة بطريقتها دي قدرت تسيطر على مالك دي متخلـ ـفه يا بنتي دا الحُما ر بيفهم عنها

البنت ضحكت و قالت:-

عاملة نفسها بتفهم في كل حاجه و هي مبتفهمش حاجة واحد زي مالك محتاج واحدة تشرفه قدام الناس مش واحدة تعره كل يوم تضر ب حد و تعمل معاه مشكلة دا انا لو منه كنت زهقت

مالك خرج ليهم و بصلهم و قال:-

مشفش وشكم هما تاني مع توصية مني محدش يشغلكم عشان تبقوا تعرفوا تغلطوا في ملك هانم اللي مشغلاكم في شركتها و بتقبضكم في آخر الشهر

– يا مستر مالك

مالك بصلهم بحده و قال:-

مسمعش نفس و دا آخر كلام عندي

مشي كام خطوة و وقف في نص الشركة و قال بحدة:-

مراتي كرامتها من كرامتي و اللي يغلط فيها مجرد غلط هنسـ ـفه من على وش الدنيا ، عاوز تفضل شغال معايا بتقبض مرتب بيكفيك و زيادة يبقي بإحترامك لكن أي كلمة هتتقال في حق عيلتي مش هيحصل كويس ، إنتوا هنا عشان تشتغلوا مش تنموا على اللي بيأكلم عيش

ساهم و مشي و هو بيقول:-

هي وصلت لكدا يا ملك بعمايلك لازم أشد عليكي شوية عن كدا

باااك

و أول ما شوفت منظر مدرسة ملوك ركبني ميت عفريت و حصل اللي حصل

وليد بصله بإندهاش و قال:-

تصدق ياض إنك محتاج قلـ ـمين يفوقوك

مالك بصله باندهاش و قال:-

نعم ؟!

وليد رد عليه بغيظ و قال:-

عشان إتكلموا عليها و إنت رديت اعتبارها و كرشتهم و إلا عشان المدرسة اللي بنتك قالت إنها بتشد شعرها تشوفه حقيقه وإلا باروكا مسالتش ملك ليه عن اللي حصل يا غبييي مش يمكن الزفته دي عملت حاجه ليهم ؟ و إنت عارف ملك مش بتسكت لحد

طب إنت سالت المديرة اية اللى حصل ؟ طب شوفت الكاميرات ؟

مالك هز رأسه بالنفي و قال:-

لا مجاش في بالي أنا أول ما شفت البت و وشها إتجننت مع كلام الزفته في الشركة مقدرتش أمسك نفسي و طحت فيها هي و البت ، كان كان في غشاوة على عيني مكنتش لا شايف ولا عارف أنا بعمل إيه

أنا جرحت ملك أوي يا وليد و مش هتسامحني بسهولة

وليد بسخرية:-

إنت مش هتعرف تتكلم معاها أصلا يا مالك طول ما منال مش راضية عنك

مالك بص ليه بقله حيلة و وليد رفع كتافة دليل على أنه لا فائدة

❈-❈-❈

حازم أخد ملوك على الحمام و منال حصلتهم و دخلت معاها

ملوك خرجت و هي ماسكة إيد منال و بتبص لـ حازم ببراءة

منال بصت ليها و بصت لـ حازم و قالت:-

أنا مش هستني أكتر من كدا يا حازم أنا هخدها للدكتور و فرصة لسه ملك مش واعية روح إنت عند أوضة ملك و إياك مالك يدخل ليها إنت فاهم

حازم :- لا يا منال أنا هاجي معاكي لازم اطمن علي ملوك بنفسي

حازم شال ملوك و مشي بيها و منال ماشية معاهم لحد ما وصلوا عند دكتور أطفال

حازم خبط و دخل و منال دخلت وراه قعدوا على الكراسي قدام الدكتور و ملوك في حضن حازم

الدكتور بص ليهم و بص لـ ملوك و قال:-

ها يا جميلة بتشتكي من ايه

ملوك بصت لـ حازم و شاورت بصباعها على دماغها كأنها بتقول ايه المجنون دا

حازم فهمها و منع ضحكته بالعافية و منال اللي إبتسمت على شكل ملوك

الدكتور عقد حواجبه و بص ليهم بإستغراب و حازم شاف مكان الدكتور مخصصه للأطفال في مكتبة شاور لـ ملوك عليه اللي جريت عليه بسرعة

حازم تابعها بعينه و بعد ما إتاكد إنها مشيت بص للدكتور و قال بجدية:-

بص يا دكتور ملوك كانت بتتكلم و كويسة لكن حصل النهارده حاجات قدمها و إتعرضت لضغط نفسي كبير من بعدها مش بتنطق

منال بصت للدكتور و قالت:-

منه لله اللي كان السبب في اللي حصل ليها ، المهم دلوقتي يا دكتور هتقدر تخلي البت تتكلم تاني وإلا اية

حازم بضيق:-

إستني يا منال أنا مش بتكلم معاه وإلا إنتي لازم تحشري نفسك وخلاص ما تسمعي و إنتي ساكته

منال بصت لحازم بحاجب مرفوع و قالت:-

إنت لو مسكتش هقلب عليك زي أخوك و اخليك تقول يا ريت اللي جرا ما كان مش عاوزة أسمع نفس مفهوم

الدكتور متابعهم و أول ما منال بصتله قال :-

يظهر إن الحالة النفسية اللي البنت إتعرضت ليها كانت شديدة شوية لدرجة أنها تفقد النطق

منال بسخرية:-

جبت اية جديد من عندك ما كل دا إحنا قولناه من دقتين

الدكتور بضيق:-

أنا جاي لحضرتك في الكلام أهو يا مدام ، الحالة النفسية للأطفال بتختلف عن الكبار

يعني الكبار ممكن يعبروا لكن الأطفال لا ، البنت هترجع تتكلم من تاني لكن لما ترجع تحس بالأمان اللي هي فقدته ، هي إتعرضت لصدمة دوركم إنكم تحاولوا معاها و متزهقوش منها و هي واحدة واحدة هتستجيب

حازم هز رأسه بايجاب و قال بضيق:-

تمام يا دكتور

راح لـ ملوك و مسك ايديها و خرجوا و معاهم منال

منال لسه هتتكلم لقت تليفون حازم بيرن فبص فيه و قال:-

معلش يا منال هرد و هحصلك

منال هزت رأسها بايجاب و راحت على أوضة ملك و حازم مسك إيد ملوك و رد على التليفون

❈-❈-❈

رهف و منه وصلوا الحارة و طلعوا شقه منال القديمة فتحوا الشقة و رهف قالت:-

يلهوي دا متربة أوي يا منه ، بصي إقعدي على السلم هنا إنتي و مالك الصغير على ما اوضب أوضة تقعدي فيها جوة

منه هز رأسه بايجاب و قالت:-

معلش يا رهف هتعبك معايا

رهف رد عليها و قالت:-

اياكي تقولي كدا تاني إحنا إخوات

و دخلت تروق الأوضة و تنضفها و بعد ما خلصتها أخدت منه قعدتها فيها و قفلت الباب عليها و بدأت تنضف باقي البيت

مرت ساعات على ما خلصت و قعدت فقالت:-

طلع عيني على ما خلصت بس ايه جرعت النكد دي لازم اطري على قلبي كدا أنا مش حمل نكد أكتر من كدا

طلعت تليفونها و رنت على حازم و قالت:-

الو يا سعادة البيه المدير كريم شانتيه بشا فرقع لوز بيه

حازم :- اية يا رهف

رهف بسرعة:- بقولك ايه يا سعادة البيه المدير كريم شانتيه بشا فرقع لوز بيه

حازم بضيق:-

إخلصي يا رهف من ناقص هبل

رهف بسرعة صدمته و قالت:-

تجي نتجوز بالسر

حازم إتصدم من كلامها و قال ….

❈-❈-❈

منال وصلت أوضة ملك و لقت مالك و وليد بره لسه هتتكلم لقت ملك بتصرخ و بتقول:-

ولاااااااادي