رواية ندم العشق الفصل الثاني 2 بقلم آلاء محمد

رواية ندم العشق الفصل الثاني 2 بقلم آلاء محمد

رواية ندم العشق البارت الثاني

رواية ندم العشق الجزء الثاني

رواية ندم العشق الحلقة الثانية

فضلوا مندمجين فترة ف الكلام والضحك ونسيوا كل مشاكلهم للحظه وكان الزمن وقف بيهم .. وفجأة شوق بطنها وجعتها اوي وقامت رجعت .. احمد قام وراها وقال ..
احمد / مالك فيه ايه ..
شوق حاطه ايدها علي بطنها / اااه بطني بتوجعني اوي اوي .. انت حطيت ايه في البيتزا يلا ..
احمد / هحط ايه يعني ..
شوق مسكته من الجاكت / لا لا اكيد حطيتلي سم عشان اموت وتخلص مني وتورث الشقه .. ما انا عرفاك واطي عايز تخلص مني ..
احمد مسكها / اخرسي بقي .. حتي وانتي تعبانه لسانك طويل .. تعالي اديكي مسكن ..
شوق / اااه مش عايزة منك حاجة .. الحقوني .. هيموتني ..
احمد / هتموتك ايه يا عبيطه .. تعالي بس ..
شوق راحت معاه واحمد اداها مسكن لحد ما هديت شوية ..
احمد عملها يانسون و راح اوضتها / ها احسن شوية ..

 

 

شوق / اه احسن .. كنت عايز تخلص مني يا احمد .. انا ياض تحاول تقتلني ..
احمد / لا يا اختي ده بسبب الرمرمة اللي بتعمليها .. شوفي طفحتي ايه برا عمل فيكي كده ..
شوق/ امشي ياض من هنا ..
احمد بصلها بقرف وقال / طيب خارج .. قال يعني خارج من الجنه .. انا هقوم اظبط حاجات ف الشغل … وانتي اشربي اليانسون و بعدين نامي شوية ..
شوق / طيب مش نايمه بقي واصلا عندي شغل مهم وعايزة اللاب علي فكرة يعني متفكرش تاخده ..
احمد بحده / وانا كمان عندي شغل مهم عليه ومع اجانب كمان..
شوق / مليش دعوه اللاب بتاعي وانت قولت كل واحد ليه حاجته وانا ورايا شغل ..
احمد / وانتي قولتي كل حاجة بالمعاد… و ده معادي ..
أحمد اخد اللاب وخرج من الأوضه ف شوق قالت بخبث / وانت فاكر اني ههنيك علي حاجة في البيت.. تبقي مغفل .. والله لاطفشك يا احمد واخليك تقول حقي برقبتي ..
احمد رجع تاني ودخل دماغه من الباب وقال بضحك / سمعتك على فكره نامي يلا ..
شوق/ مش نايمه ..
أحمد / براحتك هو أنا اللي تعبان ولا انتي..
اول ما خرج شوق اخدت اليانسون و قعدت تشربه وفجأة وقعت في دوامه رجعتها لليوم اللي اتهيالها ان حياتها انتهت فيه ..
فلااااش
شوق بزعيق/ احمد انا قولتلك ميه مرة متسبش هدومك مرميه كده .. ومتاكلش المهلبية اللي ف التلاجه عشان بحبها
… انا تعبت بقي …

 

 

احمد / وانا قولتلك ميه مره متزعقيش كده .. كل شوية صوتك يعلي عليا وناسيه اني جوزك ولازم تحترميني .. بجد بقية عيشه لا تطاق ..
شوق / يسلام .. انت مش هتبطل بقي تقلب الترابيزة عليا .. مش هتتخلص من الاسلوب الزفت ده .. انا زهقت منك ومن الحياة دي ..
أحمد بعصبيه/ خلاص طالما زهقتي مني و مبقتيش طيقاني يبقي نطلق ..
شوق / يبقي احسن برضه …
احمد / اتفقنا … انتي طاااالق …
فاات ثواني والاتنين بصوا لبعض بصدمه .. واستوعبوا اللي هما عملوه و انهم في ثواني هدوا حياتهم ووصلوا علاقتهم لحيطه سد .. احمد بصلها بضيق ولوم وخرج من البيت كله
وهي قعدت علي الارض ودموعها نزلت ..
باااك ..
شوق فاقت من ذكرياتها وابتسمت بحزن و نامت من التعب.. صحيت تاني يوم علي صوت تليفونها بيرن ..
شوق ردت وقالت بنوم/ الو ..
هناء/ شوق اصحي كده وفوقي وتعالي بسرعه الشركه بسرعه…
شوق قامت مفزوعه / ليه حصل ايه ؟
هناء / شوية لغبطه كده ف لازم تيجي عشان تصلحيها معايا ..
شوق / حاضر هاجي ..
شوق لبست بسرعه وخرجت برا البيت … اخدت ميكروباص و شوية ووصلت الشغل ..
شوق اول ما دخلت مكتبها هناء دخلتلها / روحي بسرعه المدير عايزك ..

 

 

شوق / طيب هاخد الورق ورايحه اهو ..
شوق راحت لاوضه المدير خبطت علي الباب …
المدير ( عمار ) / ادخل ..
شوق دخلت وقالت برسميه / صباح الخير يا مستر .. حضرتك طلبتني ..
عمار بابتسامه / تعالي يا شوق اتفضلي .. عاملة اي ..
شوق قعدت / الحمد لله انا كويسه .. خير ..
عمار/ خير يا ستي .. هو انا عشان اشوفك لازم ابعتلك بالشكل ده .. مينفعش انتي مره تغلطي و تيجي من نفسك كده .. وبعدين سمعت انك انفصلتي ..
شوق / احم .. ايوا انفصلت .. و بعدين حضرتك عايزني اجي ليه ما حضرتك عارف ان كل شغلي من البيت ..
عمار/ ماشي يا ستي ودلوقتي فيه شغل مهم لازم تخلصيه من الشركه هنا معايا .. هنروح مكتبك نشتغل فيه بدل ما تقعدي تنقلي كل الورق ده ..
شوق / تمام ..
شوق قعدت تشتغل وعمار كان قاعد قدامها بيبصلها بحب .. قام قعد جنبها وقرب شوية من غير ما شوق تاخد بالها …
عمار / شوق انا ممكن اسالك على حاجة ..
شوق بصتله / اتفضل طبعا …
عمار / انتي انفصلتي ليه .. بغض النظر عن احمد ده فعلا شخص مش كويس وميستاهلكيش ..
شوق لسه هتتكلم لقيت باب المكتب بيتفتح وبيدخل منه احمد ..
احمد وملامحه ملها غضب وغيره / انا ممكن أجاوبك عادي بس محدش قالك ان عيب تسأل حد الأسئلة دي ..
عمار حط ايده في جيبه وقال بغرور / والله طالما الحد ده سمحلي اسال فعادي اسال براحتي ..
احمد قرب منه بغضب ف شوق وقفت بينهم / بس بس هيعملوا ايه .. لو سمحت يا احمد امشي هنا مكان شغل ..
احمد بصلها وعنيه حمرا ووجهه مل نظرات الغضب ليها لدرجة انها خافت / ما انا همشي فعلا بس هتيجي معايا …
احمد شدها وراه وخرجها من الشركه لحد ما هي شدت ايديها
..

 

 

شوق / انت اتجننت انت أزاي تعمل كده .. أزاي تشدني بالشكل ده قدام الناس .. وايه اللي جابك اصلا ..
احمد / جيت عشان اجبلك اللاب بتاعك .. قولت ليكون فعلا عندك شغل مهم .. وبعدين انتي كل اللي هامك الناس .. مش فارق معاكي الاستاذ اللي كان بيحاول يشقطك ..
شوق/ احمد خلي بالك من كلامك … انا مش كده ولا عمري هكون كده .. ف مفيش داعي نقل من بعض ..
احمد مسكها من دراعها / وأما انتي مش كده ازاي تسمحيله يقعد جنبك و يقرب منك بالشكل ده .. وازاي اصلا تقعدي معاه لوحدكوا ..
شوق زقته بعيد عنها وقالت / الظاهر انك تجننت فعلا .. احنا في مكان شغل يعني كنا قاعدين بنشتغل مش بنلعب وبعدين انت مالك انت .. انت ملكش انك تحاسبني على تصرفاتي انت ناسي ان احنا مطلقين ..
احمد / لا مش ناسي بس على الاقل تحافظي على نفسك وعلى كرامتك ..
شوق / انا بعرف احافظ على كرامتي كويس اوي واقدر احافظ على نفسي كمان .. ملكش انت دعوه بيا ولا باي حاجه انا بعملها خليك في حالك يا احمد .. ولازم تعرف ان احنا مفيش حاجة بتربطنا غير البيت اللي احنا عايشين فيه .. غير كده صدقني مش هنتكلم اصلا ..
احمد بصلها بغضب وسابها ومشي .. أما شوق فضلت واقفه مكانها بتتنفس بعنف .. حاسه انها مخنوقه و متلغبطه …مضايقه انها قالت كده لأحمد بس هو كمان استفزها وبيتعامل كأنهم متجوزين رغم ان هو اللي طلقها .. فضلت واقفه شوية وبعدين رجعت الشركه بسرعه لمت كل حاجتها وخرجت تاني .. شوية وكانت وصلت البيت .. اول ما دخلت لقيت احمد قاعد ف الصاله وحاطط ايده علي دماغه .. سابته ومتكلمتش ولا كلمه ودخلت اوضتها وفضلت فيها لحد تاني يوم .. اول ما صحيت غيرت هدومها ونزلت تشتري حاجات..
اما عند احمد كان ف اجتماع وبيشرح للناس المشروع وأي تاثيره والكل انبهر بيه وكانوا مبسوطين جدا .. الاجتماع انتهي .. ومدير احمد وقف يتكلم معاه ..
المدير / مبروك يا احمد دي تاني مرة تبهر الشركه دي .. انا هحاول ف اسرع وقت استعجلك السفر ..
احمد / متشكر جدا يع فندم .. بعد اذنك..
احمد دخل مكتبه و مسك تليفونه لقي شوق مكلماه ٤ مرات .. اتخض وكلمها بسرعه ..
احمد / في ايه يا شوق مكلماني كتير ..
شوق بعياط / انت كنت فين كل ده .. انا بقالي كتير بحاول اوصلك ..
احمد بخضه / انا اسف والله كنت في اجتماع و سايب التليفون ف المكتب .. انتي بتعيطي ليه طيب .. انتي فين وانا اجيلك
شوق / أنا في المول ..

 

 

أحمد/ طيب خليكي مكانك وانا هجيلك …
أحمد نزل بسرعه من الشركه و اخد تاكسي وكان طول الطريق قلقان عليها .. شوية ووصل المول لقاها قاعده علي السلم بتعيط .. جري عليها بسرعه وخدها ف حضنه ..
احمد / مالك بس .. حصل اي ..
شوق / جيت عشان اشتري علي حاجات عجباني واعدي علي السوبر ماركت اجيب حاجات .. بافتح الشنطه بتاعتي ملقيتش الفلوس .. قعدت ادور عليها مالقيتهاش ودي فلوس الشهر كله يا احمد ..
احمد / وانت عامله في نفسك كل ده علشان شويه فلوس خلاص يا شوق مش مشكله المهم ان انتي بخير …
شوق / وهصرف منين بس .. بقولك فلوس الشهر كله ..
احمد / يستي كده كده انا اللي هصرف ولو عايزة فلوس لحاجة معينه خديها ما انتي عارفه انا ببقي سايب المحفظه علي الترابيزة ..
شوق / لا طبعا المفروض المصاريف علينا بالنص .. انا مش هقبل تصرف عليا يعني ..
احمد / خلاص يا ستي انا هصرف الشهر ده وانتي تصرفي الشهر الجاي أما تاخدي مرتبك … تمام كده ؟
شوق / تمام ..
احمد ضحك / يلا يلا أمسحي دموعك .. وتعالي نشوف هنجيب ايه …
شوق / وشغلك..
احمد مسح دموعها وابتسم / مش مهم .. المهم انتي ..
شوق ابتسمت وقاموا مشيوا فضلوا يلفوا ف المول ويشتروا حاجات كتير وحلويات واتغدوا برا وهما قاعدين في المطعم …
شوق / اه الصح انهارده فيه ماتش .. هتتفرج عليه ..
احمد / طبعا .. اي رأيك اجيب فشار ولب ونقعد نتفرج عليه سوا ..
شوق ابتسمت وقالت / ماشي موافقه ..
احمد بصلها / شوق انا اسف علي اللي عملته امبارح .. عشان خاطري متزعليش ..
شوق / محصلش حاجه يا احمد …
احمد / لا حصل وانا عارف انك زعلانه .. بس والله مكنش قصدي عيب فيكي انتي .. بس انا عارف ان عمار ده بيحاول معاكي من زمان ..
شروق/ والمفروض انك عارف وواثق اني هعرف اصده واوقفه عند حده .. دا انا نقلت كل شغلي مخصوص البيت عشان متعاملش معاه كتير ..
احمد / عارف .. انا اسف بجد .. حقك عليا ..
شوق / مش زعلانه …
جابوا كل حاجه وروحوا البيت و جهزوا الغدا سوا وفضلوا يتكلموا .. واحمد بدا شغله وشوق كانت كانت ف المطبخ .. فات شوية وقت والماتش بدأ ..
احمد / شوق يلااا الماتش بدأ ..

 

 

شوق / جايه اهو .. كويس اني لحقت ..
فضلوا يتفرجوا علي الماتش بحماس وهما بياكلوا …
احمد / جوووول … عاش والله يا شباب …
شوق / ايوا بقي يا جامدين …
احمد وشوق حضنوا بعض وفضلوا يهيصوا .. وفجأة بعدوا ..
شوق بكسوف / احم .. انا اسفه ..
احمد قعد وقال / انا مش اسف .. انا قاصد اني احضنك او تقدري تقولي عاده …
شوق / الشوط الاول خلص هروح اعمل فشار تاني ..
احمد / وهاتي البيبسي معاكي ..
شوق دخلت المطبخ وهي بتضحك بالراحه وعملت الفشار وجهزت كل حاجه وخرجت بيها وفضلوا سهرانين قدام الماتش .. لحد ما احمد نام وهو قاعد ..
شوق بصتله بحب / ااه يا احمد منك .. مش عارفه نهاية اللي احنا فيه ده ايه ..
شوق راحت جابت لحاف وغطته بيه ومسكت الورق اللي كان جنبه وبصت فيه ..
شوق بصدمه / ياااه كل ده شغل وراك يا احمد .. مفيش فايده فيك هتفضل طول الوقت كده تكوم شغلك .. ومخلصتش نصه كمان …
شوق سابت الورق وجت تقوم بصت لأحمد وصعب عليها … دخلت جابت اللاب من اوضتها و عملت كوبايه قهوة ومسكت الورق وفضلت تشتغل طول الليل .. ما كانتش لاقيه تفسير لتصرفاتها دي لكن كل اللي كانت عارفاه انها مش عايزه احمد لما يصحى الصبح يتضايق انه نام ومخلصش كل شغله .. فات اكثر من ٤ ساعات وكانت خلصت .. ابتسمت بحب وحطت الورق مكانه وخدت اللاب ودخلت اوضتها ونامت بتعب ..
شوية واحمد صحي وبص حواليه بقلق ..
احمد / يا نهار ابيض مخلصتش الشغل …
احمد مسح الورق واتفاجيء ان الشغل خلصان ومترتب والورق مظبوط …
احمد / معقوله سهرتي وعملتي كل ده .. دا انا كنت سايب كل حاجه ملغبطه..
احمد ابتسم اوي وقام اخد شاور ولبس هدومه و قعد يظبط حاجته في الصاله .. شوق صحيت ف الوقت ده وخرجت الصاله …
احمد بابتسامه / صباح الخير …
شوق / صباح النور ..
احمد قام قرب منها وباسها ف خدها / شكرا .. مش عارف من غيرك كنت هكمل ازاي..
شوق خدها احمر واتكسفت بعدت عنه بسرعه / اااا العفو .. انا لازم انزل .. ورايا حاجات كتير .. وعايزة اكل .. ااا انا نسيت اخد الدوا ..

 

 

احمد ضحك بصوت عالي/ مش مصدق ان قعدنا سنتين متجوزين ولسه بتتكسفي مني ..
شوق غيرت الموضوع وقالت ..
شوق / بتعمل اي ..
احمد كان ماسك المكوه / عايز اكوي القميص بس المكوه مش راضيه تسخن ..
شوق راحت اخدتها منه / وريني كده … اه ما طبيعي متسخنش لانك مش حاطط الفيشه اصلا ..
احمد ضحك/ ده بجد استني احطها ..
شوق ضحكت / روح انت جهز بقيه حاجتك وانا هكوي بدل ما تبوظه زي ما بوظت القميص الجراي .. فاكر؟
احمد / احم … بلاش احراج بقي ..
شوق ضحكت بصوت عالي و بدات تكوي وهي بتقول / احراج .. دا القميص كان ب ٣٠٠ ج يا جدع … و قعدنا يومين فاتحين الشبابيك عشان الريحه تخرج .. يلا اديني هكسب فيك ثواب ..
احمد / مش مهم هو اصلا مكنش عجبني ..
شوق ضحكت / طبعا اومال .. يلا روح غير هدومك عقبال ما اكويه ..
شوف كوت القميص وهي بتضحك .. واحمد غير هدومه ولبس القميص و نزل واول ما نزل شوق مسكت الفون بتاعها .. وكلمت صاحبتها وحكتلها كل اللي حصل ..
هناء بضحك / انا مش فاهمه انتي متعصبه كده ليه ..
شوق / انتي متخلفه ما انا حكيتلك البلوة اللي رجعت امبارح من الشغل لقيتها .. احمد مينفعش يرجع لحياتي تاني يا هناء ..
هناء بخبث / بذمتك احمد بلوة .. يا بت دا انتي بعد ما اطلقتي جتيلي وقعدتي تعيطي لما غرقتلنا الشقه .. دا حسام جوزي راح بات عند مامته من كتر المحزنه اللي كنتي عملاها ..
شوق / عادي يعني .. بعدين جوزك دا اصلا ندل و واطي .. اسمعي خليه يكلم احمد ويقوله يمشي …
هناء / لا يا اختي انا مليش دعوه .. أتصرفي انتي ف حياتك .. خرجيني انا وجوزي برا الحوار .. انتوا الاتنين أغبياء والداخل بينكوا خارج …
شوق / تصدقي إن انتي كمان واطيه وبياعه … اقفلي يلا لسه هعمل الاكل ..
شوق قفلت .. اما عند هناء قفلت وقعدت تضحك و حسام جوزها دخل عليها ….
حسام باسها وقعد جنبها / حبيبي بتضحكي علي ايه ..
هناء حكتله اللي حصل / تخيل … والله الاتنين مجانين ..

 

 

حسام ضحك / مش فاهم هيفضلوا كده لأمتي.. فاكره يوم جوازهم اتخانقوا عشان الورد اوف وايت مش ابيض ..
هناء/ ولا بعد شهر اتخانقوا عشان مرضيش ينزلها الستاير .. بس بجد بقي انت ممكن تسيبني زي ما احمد سابها ؟!
حسام / ده كلام برضه يا هناء .. انتي مش عارفه انتي ايه عندي .. اوعي اسمعك تقولي كده تاني … دا انا بحبك من ثانويه عامه واتبهدلت وشوفت الويل عشان اعرف اتجوزك .. هناء انا بحبك..
هناء / وانا كمان بحبك…
شوق قامت عملت الباستا .. كانت بتعملها بمزاج وحب وكانت فرحانه انها بتطبخ لأحمد .. الراجل الوحيد اللي حبته .. فات اليوم تقريبا واحمد اول ما جه دخل علي المطبخ ..
احمد / الله ايه الريحه الحلوة دي ..
شوق / دي الباستا اللي انت طلبتها غير هدومك عقبال ما اجهز الأكل ..
أكلوا من غير كلام واليوم فات من غير اي حاجة جديدة .. جه تاني يوم احمد كان خارج لشغله وشوق بتأكل اتفاجئوا بالباب بيخبط ..
احمد بصلها بغيره بسبب لبسها المكشوف / خشي انتي جوا وانا هفتح …
شوق دخلت ودقيقه وسمعت صوت اختها وجوزها قاعدين مع احمد في الصاله … لبست عباية بيتي وخرجت ..
شوق خرجت وحضنت اختها / اي المفاجأة الحلوة دي.. وحشتيني اوي ..
هناء/ وانتي كمان يا قلبي …
شوق / ازيك يا حسام .. عامل اي ..
حسام / الحمد لله .. اخبار الحرب اللي هنا ايه ..
احمد/ مفيش حرب ولا حاجة يا عم الدنيا تمام ..
هناء / طيب حيث كده بقي احنا هنسيب معاكوا ليليان كام يوم .. مامت حسام تعبانه اوي ولازم نروح نقعد معاها .. وانا مش هعرف اخد بالي منها عشان محتاجة كل تركيزي يكون مع حماتي ..
شوق / الف سلامه عليها يا حسام .. إن شاء الله هتبقي كويسه ..
حسام / يارب .. معلش يا احمد هنتقل عليكوا..
احمد / يا ابني عيب عليك .. ليليان دي بنتنا .. هي فين طيب ..
حسام / احنا ودناها الحضانه وفهمناها انكوا هتروحوا تجيبوها .. وادي يا سيدي شنطتها فيها كل لبسها ولعبها ..
شوق / تمام .. يلا روحوا انتوا مشواركوا وانا شوية وهروح اجبها واخرجها شويه ونيجي علي هنا ..
هناء / تسلميلي يا حبيبتي .. يلا سلام ..
هناء وحسام مشيوا ..
احمد بص ل شوق / انا هروح الشغل هخلص شوية حاجات واخد اجازة يومين واجي ..
شوق / لا عادي مفيش داعي اجازة .. انا هعرف اظبط الدنيا ..
احمد / لا لا هاخد اجازة مينفعش اسيبك لوحدك … يلا سلام علكيم. ..
شوق / وعليكم السلام ..
احمد نزل وشوق روقت البيت وعملت غدا ولبست عشان تروح ل ليليان … افتكرت ان مش معاها فلوس ولسه هتتصل باحمد لقيت انه سايبلها فلوس كتير علي الترابيزه …

 

 

شوق ابتسمت / عمرك ما نسيت حاجة يا احمد ..
اول ما وقت الحضانه خلص شوق نزلت بسرعه واخدت تاكسي وراحت تستناها .. شوية وليليان خرجت وجريت علي شوق ..
ليليان/ خالتو ..
شوق شالتها وابتسمت / قلب خالتو .. وحشتيني اوي يا لي لي …
ليليان/ وانتي كمان يا خالتو … مامي قالتلي ان انا هاجي عندكوا ٣ يوم ..
سوق ضحكت قوي / ايوه يا حبيبتي هتيجي تقعدي عندنا ٣ يوم .. يلا نمشي بقي ..
ليليان / طب واحمد هيبقى موجود …
شوق / لي لي يا حبيبتي انا مش قلتلك قبل كده اسمه اونكل احمد ..
احمد جه من وراها / يستي انا موافق انها تقولي احمد ..
شوق اتفاجئت/ ايه ده .. انت لحقت خلصت شغلك ..
احمد اخد ليليان منها / اه خلصت و لقيت ان ده معاد الحضانه فقولت اجي .. اي رأيك يا لي لي نروح سينما وبعدين نروح ناكل ف ماك …
ليليان قالت بفرحه / ايوا انا موافقه اوي يا احمد …
احمد اخدهم وراحوا السينما اتفرجوا علي فيلم كارتون … كانوا فرحانين اوي وبيضحكوا من قلبهم .. شوية وراحوا ياكلوا .. كانوا قاعدين ف المطعم ..
ليليان/ انا فرحانه اوي يا خالتو ..
شوق / اي خدمه يا ستي .. انتي عندك هوم ورك ولا حاجة ..
ليليان/ اه كان عندي بس خصلته كله ف الحضانه .. البت كارما اللي معايا ف الحضانه متغاظه مني اوي ..
احمد / ليه يعني ..
ليليان/ عشان انا اشطر منها وكمان بابا وماما بيحبوني وهي باباها ومامتها مش بيحبوها …
احمد وشوق بصوا لبعض بصدمه .. ف شوق قالت / ليليان يا حبيبتي مش غلط ابدا ان يكون في منافسه بينك وبين زمايلك بس المهم انك ما تفكريش تؤذيهم ولا هما يؤذكي ..

 

 

احمد / بالظبط .. وكمان مش مفروض اننا نضايق حد ونقوله باباك و مامتك مش بيحبوك .. هما ممكن مشغولين عنها لكن اكيد اكيد بيحبوها..
ليليان/ ماشي بس هي بتضايقني وبتكسر حاجتي ..
شوق/ طيب اي رأيك تحاولي انتي تقربي منها وتصاحبيها وتساعديها .. هي مش بتكرهك .. هي بس زعلانه عشان اهلها مش بيهتموا بيها …
ليليان بتفكير/ يعني انا اصاحبها .. واهتم بيها ..
احمد / طبعا يا لي لي … مش صح ابدا ندور علي نقطة ضعف حد ونستغلها .. لكن الصح اننا نساعده وندعمه ونحبه ونعرفه انه كويس ويستاهل الحب ..
ليليان ابتسمت وقالت بخبث / هو انت يا احمد بتحب خالتو ؟
احمد ابتسم وبص لشوق اللي اتوترت / اه بحبها وعمري ما حبيبت ولا هحب غيرها ..
شوق قامت واخدت ليليان / يلا يا لي لي عشان نغسل ايدينا ونروح … الوقت اتأخر ولازم تنامي ..
فات وقت وكان احمد شايل ليليان اللي نامت ف الطريق وداخل البيت وشوق وراه .. دخلها اوضه شوق وحطها علي السرير ..
شوق / هغيرلها هدومها وانام انا كمان عشان تعبانه اوي ..
احمد ابتسم وباسها / ماشي يا قلبي .. تصبحي علي خير ..
احمد خرج وساب شوق مصدومه … فضلت واقفه مكانها شوية وبعدين اتحركت غيرت ل ليليان هدومها وغيرت هي كمان ونامت بتعب .. أما احمد كان قاعد ف الصاله سرحان .. قد ايه احساس الابوة جميل .. كان فرحان اوي وليليان ماسكه فيه وبتضحكله و بتكلمه .. اتمني من جواه ان يكون عنده بنت من شوق .. تكون شبهها ف كل حاجة .. عنيها .. ضحكتها .. طريقه كلامها .. جنانها .. وقلبها يكون طيب زيها .. اتمنى ان القدر يديله فرصه تانيه مع شوق .. يحاولوا من جديد .. يصلحوا اخطائهم وعيوبهم .. هما يستاهلوا ده … غير هدومه ونام وهو مبسوط ..
عند هناء وحسام كانوا ف اوضتهم ف بيت مامته .. وحسام كان نايم وواخد هناء غ حضنه .. وبيلعب ف شعرها ..
هناء / تفتكر اللي عملناه صح ..
حسام / اه افتكر .. احمد وشوق محتاجين يعرفوا ويفهموا ان فيه مسؤوليات ودنيا تانيه خالص هما ميعرفوش عنها حاجة .. لازم يشوفوا ويعيشوا ويتعلموا .. كمان لازم يعرفوا ان فيه مشاعر جميلة وأحاسيس قوية فيتاهم و لازم يكملوا عشان يعرفوا يعيشوا اللحظات دي ..
هناء/ بس انا قلقانه اوي على ليليان … لا ينسوا نفسهم وبيتخانقوا قدامها ..
حسام / انا لو شاكك ف ده مكنتش خلتها عندهم .. ولا كنت فكرت اسيبهالهم اساسا .. لكن عارف انهم مستحيل يعملوا حاجة غلط ..
هناء ابتسمت / بس قولي انت من امتي و انت خبيث كده .. يعني تعمل الفيلم ده كله وان مامتك تعبانه ف اضطرينا نروحلها ونسيب بنتنا عندهم عشان بس يعرفوا قيمه بعض ويرجعوا ..
حسام بغرور/ دي أقل حاجة عندي ..

 

 

هناء ضحكت / لا متواضع اوي ..
فضلوا يتكلموا ويضحكوا لحد ما ناموا .. وتاني يوم عند شوق واحمد ..
ليليان/ خالتو … يا خالتو .. انا اتاخرت علي الحضانه .. قومي ..
شوق بنوم / يا ليليان هي الساعه كام ..
ليليان / العقرب الكبير علي سبعه والصغير علي اربعه…
شوق قامت بفزع / يالهووي … دا انتي اتاخرتي اوي .. روحي روحي البسي بسرعه عقبال ما اجهزلك اللانش بوكس ..
شوق خرجت بسرعه ودخلت لأحمد اوضته وصحته ..
شوق/ احمد احمد اصحي بسرعه …
احمد / امممم عايزه ايه يا شوق …
شوق / قوم بسرعه يا احمد الساعه سبعه نص ليليان هتتاخر على الحضانه ….
احمد قام بسرعه / يا نهار ابيض انا هقوم البس حالا ..
شوق / طيب طيب وانا هخش اعمللها لانش بوكس بتاعها بس انت البس بسرعه …
شوق دخلت المطبخ وبدات تعمل الفطار بسرعه وخفه .. شوية وكان احمد خلص لبس وليليان كمان خلصت ..
ليليان دخلت المطبخ / خلصتي يا خالتو ..
شوق / ايوا يا حبيبتي ثواني بس .. روحي انتي البسي الشوز وانا جايه وراكي ..
شوق خلصت وخرجت..
شوق نزلت لمستواها / خدي يا حبيبتي .. كلي الاكل كله وخلي بالك علي نفسك واوعي تتشاقي .. ” قربت منها اكتر وحضنتها ” انا بحبك اوي …
ليليان ابتسمت/ مرسي يا خالتو .. يلا يا احمد .. باي ..
احمد/ يلا .. شوق اقفلي الباب كويس هاا ..
احمد وليليان خرجوا وشوق حضرت الفطار لأحمد و حطته علي السفرة و دخلت نامت.. شوية واحمد رجع لقي الفطار وجنبه ورقه مكتوب فيها
” اسفه مقدرتش استناك أما تيجي .. انا حضرتلك الفطار اللي بتحبه .. كل و نام وانا اللي هروح اجيب ليليان انهارده من الحضانه ”
احمد ابتسم وقعد ياكل وهو مبسوط ان شوق فكرت فيه .. كل وفضل يشتغل لحد ما شوق صحيت ..
شوق / صباح الخير..
احمد ابتسم/ صباح القمر .. نمتي كويس ..
شوق / شوية .. انا هغير هدومي وانزل اجيب لي لي ..
احمد قفل اللاب وبصلها / لا انا اللي هروح اجيبها .. اقعدي انتي خلصي شغلك انا عارف ان وراكي شغل كتير شوفت الملف امبارح ..
شوق / أنا فعلا ورايا شغل كثير معلش يا احمد هتعبك…

 

 

احمد / انتي عبيطه ولا ايه .. انا بحب ليليان زي ما تكون بنتي بالضبط .. هروح اجيبها واجيب غدا وانا جاي ..
شوق / لا لا ما تجيبش غدا انا هعمل غدا ..
احمد / هتعملي ايه ..
شوق / هعمل رز وفراخ مشوية .. روح هاتها يلا وانا هقعد اخلص شغلي وقبل ما توصل بربع دقائق كلمني ابتدي اعمل السلطه …
احمد قرب منها وباس جبهتها / تسلميلي يارب .. انا ماشي ..
احمد خرج وشوق ابتسمت و راحت عملت قهوة و قعدت تشتغل .. لكن معرفتش خالص .. اخدت الفون وكلمت هناء ..
هناء / ايوا يا شوق …
شوق / هناء انا لسه بحب احمد ..
هناء / طب ما انا عارفه ايه الجديد ….
شوق / انا اللي مكتش عارفه .. يعني كنت فاكره ان بعد ما طلقني خلاص هاقدر انساه واعيش من غيره بس النهارده اكتشفت ان لا انا ما اقدرش اكمل من غير احمد .. انا هتجنن ..
هناء / عارفه مشكلتكم ايه يا شوق .. الكبر .. انتي مش قادره تقتنعي ان الكبرياء حاجه مالهاش مكان في الحب .. واحمد كمان مش قادر يقتنع ان كرامته ورجولته مهمين بس الأهم الست اللي بيحبها تكون معاه حتي لو هيتنازل شوية .. و شوفي وصلتوا لفين بعنادكوا ده .. شوفي وضعكوا عامل أزاي دلوقتي .. شوفي أزاي الندم بياكل فيكوا …
شوق / معرفش .. طيب تفتكري هو لسه بيحبني ؟
هناء/ لسه بتسالي يا شوق .. احمد بيموت فيكي مش بس بيحبك .. مفيش راجل هيتحمل ست زيك الا لو كان بيحبها ..
شوق / انا هقفل عشان اعمل الغدا ..
شوق قفلت وقامت تجهز الغدا .. وفجأة تليفونها رن برقم غريب ..
شخص / مساء الخير يا فندم ..
شوق / مساء النور .. اتفضل ..
شخص / احنا حضانه كيدز اريا .. و واضح ان حضرتك نسيتي معاد الخروج من الحضانه وبنت اخت حضرتك لسه موجوده..
شوق باستغراب / لا طبعا منستش .. وبعت جو .. احم قصدي صديق ليا ياخدها ..
شخص/ مع الاسف هو مجاش يا فندم استاذن حضرتك بس تيجي تاخذي البنت لان هي كانت واقفه لوحدها في الشارع .. وتليفون مامتها وباباها مقفول ..
شوق / طيب انا جايه حالا …

 

 

شوق قامت بسرعه وغيرت هدومها ونزلت ل ليليان الحضانه اول ما راحت لقيتها قاعده جنب البواب راحت حضنتها بسرعه ..
شوق/ انا اسفه يا حبيبتي والله انا منسيت انا بعتتلك اةنكل احمد مش عارفه هو ازاي مجاش …
ليليان / ابتسمت عادي يا خالتو انا اصلا كنت مبسوطه قوي مع عمو محمد …
شوق بصيتله وقالت / شكرا جدا يا عم محمد ….
البواب / على ايه يا ست هانم مفيش حاجه .. ربنا يخليهالكوا …
ابتسمت و اخدت ليليان / تسلم يارب .. السلام عليكم السلام …
البواب / وعليكم السلام ….
شوق روحت هي وليليان وكانت طول الطريق بتتصل باحمد لكن تليفونه كان مغلق وده قلقها اكتر عليه وفجاه تليفون البيت رن فراحت بسرعه ترد عليه …
شوق / الو مين ..
شخص / ايوه يا فندم ده منزل الباشمهندس احمد ….
شوق / ايوه ايوه ده بيته مين حضرتك ..
شخص / احنا استقبال مستشفى .. الاستاذ احمد كان راكب تاكسي وحصل له حادثه بالتاكسي ده ..
شوق / حادثه ! طب طب احمد احمد كويس ..
الشخص / لا معنديش علم يا فندم ممكن حضرتك تشرفينا في المستشفى وعنوانها …..
شوق / انا جايه حالا جايه ..
شوق بصت ل ليليان وقالت / لي لي تعالي معايا بسرعه..
ليليان/ علي فين يا خالتو..
شوق بحيرة / هقولك بعدين بس يلا ..
شوق اخدت ليليان ونزلت وكلمت اختها ف الطريق..
هناء/ ايوا يا شوق ..
شوق / هناء تعالي بسرعه علي مستفي .. وخدي ليليان …
هناء / حصل ايه بس ..
شوق/ احمد في المستشفى دي وانا معرفتش اسيب ليليان في البيت لوحدها .. ومش هينفع تدخل معايا..
هناء / طيب طيب انا جايه .. سلام ..
شوق قفلت و كانت هتتجنن من القلق .. خافت ل احمد يحصلوا حاجة .. مر قدام عنيها ذكريات كتير ليهم ..
فلاااش..

 

 

كان والد شوق اتوفي بعد جوزاها بشهر واحد بس .. واحمد كان قاعد جنبها..
احمد بحنيه / ما هو مينفعش كده يا شوق .. بقالك ٣ ايام مبتاكليش … تقدري تقوليلي ازاي هتقدري تقفي على رجلك بالشكل ده ..
شوق بصتله بحزن / ومين قالك ان انا عايزه اعيش انا عايزه اموت يا احمد انا مش عايزه اعيش من غير بابا …
احمد / بعد الشر عليك يا حبيبتي ما تقوليش كده حرام .. وبعدين وانا يرضيك تسيبيني يعني اعيش لوحدي من غيرك .. طيب سيبك مني باباكي دلوقت محتاجك محتاجك تدعيله وتتصدقي عليه ودايما تبقي فاكره وتقرايله الفاتحه .. تقدري تقوليلي هتعملي كل ده ازاي وانت فاقده لامل كده ما ينفعش حرام عليكي نفسك ..
شوق عيطت / ما انت كمان ممكن تسيبني زيه .. وهناء وليليان .. كلكوا ممكن تسيبوني ..
احمد / لا لا انا والله ما هسيبك وهفضل معاكي دايما .. صدقيني مش هسيبك .. بس لازم تاكلي يلا ..
شوق افتكرت موقف تاني بعد اسبوع بالظبط من جوازهم … كانت نايمه وصحيت علي دوشه وخبط … قامت تشوف في ايه ..
شوق بصدمه / احمد انت بتعمل ايه …
احمد راح حضنها وباسها / بعملك فطار يا حبي .. روحي انتي الصاله وانا جاي ..
شوق ضحكت / لا لا روح انت وانا هكمله لأنك لو فضلت دقيقه كمان هتقلب المطبخ..
احمد بإحراج / احم هو يعني اه الدنيا اتبهدلت شوية بس والله هحاول اظبطها ..
شوق ضحكت بصوت عالي / يا حبيبي روح انت وانا هتصرف ..
احمد/ اوعااا .. اي الضحكه الجامده دي ..
شوق / اخرج يا احمد يلا …
باااك ..
شوق دموعها نزلت / اوعي تسيبني انت كمان يا احمد .. والله مش هتحمل .. يارب متخدهوش مني …
شوية و شوق وصلت ومعاها ليليان اللي نامت ف الطريق .. شالتها واول ما دخلت الريسبشن لقيت هناء وحسام مستنيين ..
حسام راحلها / هاتيها عنك ..
شوق بخوف / احمد فين ..
هناء / متقلقيش يا قلبي .. احمد كويس ومستنيكي جوا .. اوضته تاني اوضه علي اليمين ..
شوق جريت بسرعه ودخلت الاوضه لقيت احمد قاعد وايده متجبسه .. جريت عليه وحضنته ..
احمد/ اهدي اهدي انا كويس متقلقيش عليا …
شوق بعدت عنه وبصتله كأنها بتحفظ ملامحه / خفت خفت اوبي يا احمد لتسيبني زي ما بابا وما سابوني ..
احمد / متقلقيش انا مستحيل اسيبك يا شوق انتي روحي ومفيش حد بيسيب روحه .. شوق انا .. انا اسف .. انا اسف اني في لحظه غضب طلقتك .. اسف اني كنت مغفل ومقدرتش كل الحاجات الحلوه اللي بيننا .. الايام اللي فاتت عرفوني ان في حاجة اهم بكثير اوي من خناقاتنا وزعيقنا والعند اللي مش بيخلص وهو حبنا …

 

 

شوق / انا اللي اسفه يا احمد .. اسفه اني مقدرتش وجودك .. اسفه اني مكنتش فاهمه انه انت وجودك عندي اهم بكثير اوي اوي من طبق المهلبيه بتاعي او السجاده اللي اتبهدلت او الهدوم اللي مرميه .. احمد انت اهم عندي من اي حد في الدنيا انا اسفه احمد ..
احمد / متعتذريش واضح انك كان لازم يحصل كل ده عشان نعرف ونفهم ان وجودنا في حياه بعض اهم من اي حاجه وكل حاجه بعد كده ممكن تتعوض طالما احنا مع بعض .. انا قعدت طول عمري ادور عليكي بين الناس .. مكنتش عارف انا ادور على ايه بالضبط لكن اللي كنت عارفه ان اول ما اشوفك هاعرفك واقول هي دي يا احمد .. هي دي البنت اللي بتحبها وهتتجوزها ..
شوق / يعني انت مش زعلان مني ومش هتسيبني صح …
احمد ضحك و ضربها على دماغها / انتي يا بن الصدمه كلت من دماغك ولا ايه .. بقولك انتي روحي وعمري كله انا مقدرش اسيبك لا مقدرش …
شوق ابتسمت وحضنته / وانا كمان يا حبيبي ما اقدرش اسيبك ربنا يخليك ليا يارب ..
احمد / ويخليكي ليا ..
فات علي اللحظة دي ٤٥ سنه …
في اوضه ف اوتيل فخم … كانت شوق قاعده مع حفيدتها خديجة اللي كانت لابسه فستان فرح ..
خديجة / ها يا تيتا .. وبعدين ..
شوق مسحت دموعها / جدك أحمد رجعني وعملنا حفلة صغيرة بمناسبه رجوعنا وعيشنا مبسوطين ايوا كنا من وقت للتاني بنتخانق نفس الخناقات التافهه دي بس كنا بنرجع نفكر نفسنا بالدرس .. .. والنهارده اهو اديكي بتتجوزي يا ديجا ..
خديجة قالت بتأثر / حكايتكوا حلوة اوي يا تيتا .. يارب انا وزين نبقي زيكوا كده ..
شوق / أنا حكيتلك يا حبيبتي عشان تعرفي ان الناس اللي بنحبهم طالما موجودين معانا يبقي خلاص كل حاجة تتحل .. فاهمه يا حبيبتي ..
خديجة/ فاهمه يا تيتا ..
احمد دخل عليهم / يلا يا ديجا يا حبيبتي زين مستني برا ..
خديجة / حاضر يا جدو ..
احمد أخد خديجة وسلمها لزين وفضلوا يرقصوا ويضحكوا و احمد وشوق متابعينهم من بعيد و فرحانين اوي ..
احمد / اتمني ميغلطوش نفس غلطتنا يا شوق ..
شوق / متقلقش أنا قومت بالواجب ووعيت البت ..

 

 

احمد / وانا اتكلمت مع زين و عرفته..
شوق ضحكت / قصدك هددته .. انت من ساعة ما خطب البت وانت مراقبه وكنت بتعمل فيه اللي ميتعملش لو زعلها
احمد ضحك بإحراج / المهم ان الرسالة وصلت .. تعالي نرقص تعالي ..
شوق / يا راجل احنا كبرنا .. الناس تقول علينا ايه بس ..
احمد / واحد وبيحب مراته ولسه شايفها بنت عشرين سنه ومزه كمان ..
شوق ضحكت بكسوف ف احمد قال / يالهوي علي الكسوف يا ناااس ..
تمت …