روايات

رواية إنه لي الفصل الأول 1 بقلم دعاء علاء

رواية إنه لي الفصل الأول 1 بقلم دعاء علاء

رواية إنه لي البارت الأول

رواية إنه لي الجزء الأول

رواية إنه لي الحلقة الأولى

لبيك اللهم لبيك لبيك لا شريك لك لبيك إن الحمد والنعمة لك والملك لا شريك لك لبيك
لبيك اللهم لبيك لبيك لا شريك لك لبيك إن الحمد والنعمة لك والملك لا شريك لك لبيك
صوت تكبيرات ف كل مكان فتحت عيني علي رسالة منه كل سنه وانتي طيبة صليت الفجر وانا راجع جبتلك الشوكالاتة والشيبسي واها والكان الدايت
بفرح اوي من اهتمامه بيا انا ماليش اخوات ولاد وبسمع من اصحابي البنات اهتمام اخواتهم بيهم
بس انا مابحسش اني معنديش اخوات
من اهتمامه بيا
هو صديقي واخويا وكل حاجه هو فعلا مالي عليا حياتي سرحت في كل اللي بيعملهولي وكنت فرحانة اوي
يلا يادعاء علشان نازلين نصلي يلا يابنتي نفسي مرة نروح بدري ع طول ماخرانا كدة
كانت ملك بنت خالتي مبيتة معايا
لبست الاسدال وسيبتله رسالة كل سنة وانت مفرحني كل سنة واحنا اصدقاء
اوعي تنسا الحاجات اللي دفعت فيها ثروتك دي وانت جاي تعيد علينا
احلي اخ ده ولا ايه

 

 

ونزلت بسرعة كنت مبسوطة اوي بالعيد صلينا واحنا راجعين قابلت بابا خارج من المسجد قالي هتاخدي العيدية هنا ولا ف البيت بوست أيده وقولتله كل سنة وانت طيب يا اجمل اب في الدنيا
اخدت العيديا انا وملك ومشينا
**احم احم كل سنة وانتي طيبة
كل سنة وانت طيب يا مصطفى
اتفضلي ايه ده لمين البوكس ده
ده ليكي بمناسبة العيد وانك حفظتي عشر اجزاء من القرآن الكريم
يلا اطلعي بقي واجهزي علشان كلنا خارجين
“خارجين؟؟
اها خارجين انا وانتي وعمو وبابا وطنط وماما واخواتي
وملك اكيد ملك هتيجي معانا
وملك ياستي ولا تزعلي يلا بقي علشان مستعجل سلام
طلعت وانا فرحانة اوي لاقيت ماما مجهزة الفطار ومستنية هي وبابا
اول ما دخلت بابا
قالي مين اللي جابلك البوكس ده مصطفى صح قولتله اها ده علشان حفظت 10 اجزاء
وكمان سايبلي فيه العيدية
انا نفسي العيد يجي كل شهر لا كل اسبوع
قالي علشان مصطفى يجبلك كل اسبوع بوكس وهدية

 

 

وشي احمر ومعرفتش اتكلم سكت وبعدين قولتله لا ياجميل علشان اخد منك عيدية حلوة زي دي
وكمان علشان تخرجنا خروجة جميلة زي اللي هنخرجها النهاردة
،هو لحق قالك مبيعرفش يخبئ عليكي حاجه
_انا داخلة البس بعد اذنك يابابا
لبست انا وملك وخرجنا لاقيت بابا وماما باصين لبعض والاتنين مستنين حد فيهم يبدأ بالكلام
لاقيت ماما بتقولي انا عايزة ملك فموضوع
ودخلوا جوا
،انتي عارفة أن مصطفي كبر وماشاء الله اتخرج بقاله فترة واتعين وشقته جاهزة
اها يا بابا طبعا عارفة ده انا عارفة ميعاد تخرجه وكمان تاريخ تعيينه ويوم ما اترقي ده حتي ارتقي بسرعة اوي عارف ليه انا عارفة اقولك
قاطعني صوت بابا وهو بيقولي
ماينفعش انتي ومصطفى تتكلموا زي الاول
_ليه كدة يا بابا هو انا عندي حد اتكلم معاه ويسمعني ويفهمني ويوجهني ده انا مابتكلمش غير معاه هو وملك وملك غبية بتفضل تاكل طول الوقت وتقولي كملي كملي لكن هو بيركز فكل تفصيله مابيسبنيش زعلانة انا لو عندي اخ مش هيكون زي مصطفى ولا حتي هيعاملني نص معاملته
،مصطفي هيخطب
_نعم ايه بجد الف مبروك
هنزل بوست ع الفيس واكتب فيه اخت العريس الله الف مبروك
وقولت لبابا بعد اذنك هدخل اوضتي ووقت ما حضرتك تجهز عرفني علشان اجهز

 

 

اسمعيني
مافيش واحدة هتقبل واحدة تشاركها في خطيبها وخصوصا أن مصطفي بهتم بيكي طول الوقت مافيش واحدة هتتقبل الوضع ده اتفضلي انا خلصت كلامي
دخلت اوضتي حسيت اني قلبي لامس الأرض
فتحت التكيف وفتحت المروحة الجو حر زيادة عن اللزوم
جسمي كله حران كفوف ايدي بردانة وفيها رعشة
انا فيا ايه مالي كل ده علشان هيخطب ما اكيد هيخطب ويتجوز بس يبعد عني ليه هو انا عندي
حد يفهمني غيره طب هقول لمين سيب اصحابك وروح علشان انا مخنوقة وعايزة اتكلم معاك
طب هعيط لمين لما حاجه تضيع مني
هو الوحيد اللي احتواني واهتم بيا لما نسيت الرواية اللي فضلت شهر ادور عليها في المترو
وفضلت اعيط هو اللي اخد اجازة ودورلي عليها ده عارف الكاتبة اللي بحب اقرأ ليها ده يوم ما قابلها مضاها ع اهداء ليا ده عارف كل حاجه كل التفاصيل
قعدت ع الأرض وسندت ع السرير وغمضت عيني افتكرت كل حاجه بيننا من يوم ماحبيته
حبيته اها حبيته مهو لازم يتحب ما حبوش ازاي وانا فتحت عيني عليه انا ما اعرفش غيره انا بحبه من يوم ماعرفت الحب
ده انا حافظة كل حاجه تخصه ما اكيد اللي انا فيه ده حب انا مش عارفة حاجه حب مش حب انا متلغبطة انا مش عايزاه يبعد عني انا مش عايزاه يمشي طب مين هيجبلي الكانز الدايت واتفجرت من العياط ونمت
محسيتش غير وماما وبابا وملك بيصحوني ومصطفي واقف علي بابا الاوضة وشه احمر وملاحظ اني فيا حاجة ومتإكد اني زعلانة ماهو الوحيد اللي عارف اني لما بعيط بنام فمكاني
بابا خدني فحضنه وقالي وشك مخضوض ليه كدة ايه اللي حصل وازاي نمتي ع الأرض

 

 

حاولت اخبي وضحكت
_اصل انا مانمتش من امبارح كنت سهرانة علشان صلاة العيد وملك كمان صح يا ملك يعني ممكن خمس دقايق كدة وتجيبوا ملك بتشخر من ورا باب الصالون كل ده وهو ساكت وهو عارف إن فيه حاجه
يلا قومي غيري الاسدال والبسي علشان ننزل مش هستني كتير
قومت وانا مترددة اروح ولا اقعد ولا هيبان عليا اني زعلانة لما عرفت أنه هيخطب
حاولت اتماسك ولبست الخمار البينك اللي جابهولي من اسبوع
وانا طالعة كان كلهم بيجهزوا
قالي كنت عارف انك هتلبسيه
_انت عرفت ازاي ان اللون هيناسب الطقم
“علي أساس انك مصورتيش الطقم وانتي ف المحل قبل ماتخرجي علشان تاخدي رايي فيه
_ايوة صح طب دلوقتي هاخد راي مين مين هيجبلي الخمار نفس لون الطقم مين هيجبلي الرواية اللي ناقصة مين فوقت علي صوته وهو بيقولي ايه يابنتي مابترديش ليه يعني لا رديتي علي اخر مسج واتساب ولا بتري عليا وانا قدامك فيه ايه يا دعاء انتي بتحبي جديد ولا ايه
بحب نعم ايه احب دي
اها بما انك قولتي نعم وايه يبقي فيه حاجه قوليلي ده انا مصطفي زي اختك يعني وبعدين فيها لما تحبي حبي شريف وبعدين قولي يعني انتي مش معجبة بحد
لا طبعا انا لسة ف أولي جامعة ومابفكرش ف الموضوع ده الصراحة
انت بقي ماشاء الله اتخرجت وبتشتغل وسمعت اخبار كويسة عنك اها اول مرة ماتقوليش حاجه
“سوري بقي يا دودو وبعدين كنت هقولك النهاردة واحنا برة انا ماقولتش غير لبابا بس قولت اخد رأيه فيها
وعمو قالك ايه
اول ما عرف هي مين قالي دي بنت حلال وكويسة جدا وانا فرحان اوي ب اختياراك
قولت بصوت مش مفهوم هي من هنا قريبة مننا
قالي اها طبعا قريبة وانتي تعرفيها كويس بس مش هقول اي حاجه تاني غير لما نوصل مشيت وانا قلبي واجعني احساس جديد اول مرة احس بيه مع احساس خوفي من اني أفقده اول ما وصلنا لاقينا المكان جميل وجاهز ومترتب كأنه متفق مع الاستف
قام فجأة وقال

 

 

عايزكم كلكم تركزوا فكلامي
انا بحب بحب واحدة هي كل حاجه فحياتي بحبها من زمان بس ماحبيتش أصرح بحبي غير لما اكون جاهز وانا دلوقتي جاهز وبعد اذن بابا حابب اطلب منك طلب يا عمي ف الوقت ده واحد جيه من فريق المكان اداله بوكيه ورد احمر كبير من اللي بعشقه وجاي عليا وبصوت واضح
“لو تسمحلي ياعمي انا بطلب منك ايد دعاء
مين ايه نعم
“تاني تاني يا عيد
بحبك يا دعاء بحب من يوم ما حسيت انك مسؤولة مني بحبك من وانا وانا طفل
ابتسمت ودمعت وسكت ملك حضنتني وقالتلي مبروك وبابا بصلي بيسالني بعيونه قولتله موافقة بعيوني حضن مصطفى وقاله مبروك انا موافق طبعا ماما فضلت تعيط وتقولي خلاص هتتجوزي وهتسبيني
مصطفى قالها مش دلوقتي يا مرات عمي لسة حوشي العياط دلوقتي
رجعنا البيت وانا مش فاهمة حاجه بس انا فرحانة وعايزة اكل شاورما منا لما بفرح بكون عايزة شاورما بالليل لاقيته سايبلي مسج كاتبلي تاكلي شاورما
رديت وقولتله مطعم الشاورما قصاد الكافيه اللي بتحب تشرب فيه القهوة التركي اللي بتحب تشربها وانت مبسوط اوي وجيبلي ٣شاورما و
علي ما يجهزوا اشرب قهوتك علي ما اتعلم اعملها انا
“٣شاورما حاضر وبيبسي دايت حجم كبير مش كان حاضر اسمع تاني يادعاء
انت زعلت ولا زهقت بقي يا مصطفي
“انا ولا زعلت ولا زهقت
انا بحبك ياقلب مصطفى
احساس جديد كهربا فجسمي قلبي بيتحرك من مكانه وقفلت
بعد شهر
صحيت علي زغاريت وفرحة وخبط
قومت بسرعة لاقيت الموبايل بيرن فتحت صباح الخير ع اجمل بنت في الكوكب صباح النور يا ضاضا
“دلع غريب ضاضا لمصطفى بس نمشيها ضاضا علشان منك يا احلي ضاضا فعمري
عايزة اقولك حاجه ..
قول
لا قولي
_هقولك النهاردة بعد كتب الكتاب ف الكافيه اللي قدام مطعم الشاورما

 

 

قول انت بقي ويلا علشان مش فاضية
“فاكرة لما قولتلك فيه ٣اماكن لازم هتدخليهم
اول مكان قلبي
وتاني مكان هقولك عليه بالليل النهاردة بس مش ف الكافيه
_مش الكافيه اكيد ف مطعم الشاورما
بالظبط كدة اقفلي بقي وروحي اجهزي
بحبكقفلت وانا طايرة مش ماشية ع الأرض
هسلم عليه النهاردة هلمس أيده هبص فعنيه واطول براحتي
ياه اكيد هو كمان عايز يسلم عليا ويبص فعيوني
بارك الله لكما وبارك عليكما وجمع بينكما في خير
قام بسرعة فكرته جاي يسلم عليا لاقيته رايح عند بابا وبيحضنه
وماما بطبطب ع بابا وبتعيط قال لبابا بوعدك قدام كل الموجودين اني احطها فعيوني وعمري ما ازعلها ابدا وأنها هتكون تاج ع راسي ماما حضنتني وقالتلي هتتجوزي وهتسبيني لاقيته جاي من ورا ماما وبيضحك
لسه مش دلوقتي يا مرات عمي فاضل شهرين ده كتب كتاب بس وبعدين هتسيبك فين ده ف الدور اللي فوقك ع طول انا طلبت من بابا اني اتجوز فشقته القديمة اللي هنا
“اها يا مصطفي دي واسعة وكمان ع الدور كله انا عارفة انك بتحب البيت الواسع
“لا يادعاء علشان ماتبعديش عن عمي ومرات عمي وتفضلي قريبة منهم علشان كدة بدلت انا وأحمد اخويا وسيبتله الشقة اللي ف البيت التاني
ربنا مايحرمني منك يا مصطفى انت ابني مش جوز بنتي طول عمري بشوفك ابني
ولا يحرمني منك ابدا يا امي
حلوة منك اوي ياحبيبي
من دلوقتي خلاص عمري ما هقولك غير يا امي لانك ام نصي التاني
ربنا يسعدكم يا حبيبي يارب

 

 

“الف مبروك ياحبيبتي إن شاء الله يخليكي أسعد واحدة ف الدنيا خليكي جنبي اوعي تبعدي ابدا
استاءذن من بابا ونزلنا مع بعض ركبت العربية واول مرة أركب جنبه قلتله كنت عايز تقولي حاجه
قالي قولي انتي الاول
قولتله بحبك بحبك يامصطفي بعشقك يانور عين مصطفى
حسيت اني حرانة ومكسوفة
اه صح قول كنت عايز تقولي ايه ولا هتستني لحد ما نوصل المطعم بقي قول
“لا مهو اللي عايز أقوله ليكي ماينفعش في المطعم
حضني بسرعة وباس راسي
وقالي ده تاني مكان كان لازم تدخلي فيه باس ايدي وسابني رجعت بضهري علي الكرسي خرجنا وقضينا يوم حلو مع بعض ورجعنا وعدت الايام خلصت امتحانات وكنت بجهز للفرح كنت مسحولة
وجيه يوم الفرح حاسة اني رايحة رحلة مع اصحابي وراجعة مش حاسة خالص اني هتجوز واكون مسؤولة والكلام الكبير دهجهزت حاجتي علشان اروح الكوافير نبضات قلبي بتتسارع
طلعت علشان اسلم علي بابا وماما لاقيت ماما بتخبط علي باب الاوضة وبتنادي علي بابا
طب افتح علشان خاطري طب سلم عليها قبل ما تمشي قولت لماما انا هخليه يفتح
قولتله وحيات دودو طب علشان خاطري وانا ماسكة دموعي فتح وخدني فحضنه وفضل يعيط وانا انهارت من العياط وماما نفس الوضع وكل اللي عليه أنه طبطب علي كتفي وحاول يتماسك قالي الف مبروك ومشي من قدامي ماما لسة هتاخدني فحضنها لاقيت مصطفي جاي مش دلوقتي يامرات عمي لسة لسة بالليل استني بس وقالها عايز اخد رايك فحاجه وطلع موبايله وفضل يسألها عن لبسه وايه احسن كان بيحاول يطلعها من المود شاورلي وقالي انزلي تحت انا جاي
نزل ورايا روحنا الكوافير وقالي بحبك قلتله وانا كمان ياحبيبي
ملك عمالة تمسح دموعها وتلبسني وتجهز الشوذ والطرح وهي متماسكة شوية الميكاب ارتست كانت قربت تخلص استأذنت من كل الموجودين يخرجوا برة في اخر الوقت
خلصت وقالتلي غمضي عينك تقدري تفتحي انا خلصت🫣
مين دي دي انا انا مش مصدقه اول مرة احط مايكاب حقيقي انا مبسوطة اوي تسلم ايدك
ملك دخلت جري مصطفي مصطفى جيه يا دودو
اتوترت اوي كنت حاسة اني عايزة ماما حضنت مالك جامد قولتلها خليكي جنبي
” مبروك ياحبيبتي انا بجد حاسس اني اسعد انسان ف الكون مبارك علينا ❤️❤️

 

 

قولوا ماشاء الله ويارب تعيشوا احلي سنين
قولوا ماشاء الله ويا محلي زوجين صالحين ربنا يجمعكم ويا بعض ف الجنة ويارب تعيشوا طول العمر متفاهمين همس ف ودني وقالي مش عايزة تعرفي المكان التالت ابتسمت وقولتله يعني هتقولي قالي هقولك ف الصباحية الأغنية اتغيرت شالني ولف بيا
وانا قلبي طاير معايا من الفرحة
الحب الحقيقي انت وانت معني الحب
ف انت نصف الروح وصديق الجسد ف انت حبيبي
منذ البداية و انت لي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية إنه لي)

اترك رد