رواية قسمتي الحلوة الفصل السابع 7 بقلم يارا عبدالعزيز

رواية قسمتي الحلوة الفصل السابع 7 بقلم يارا عبدالعزيز

رواية قسمتي الحلوة البارت السابع

رواية قسمتي الحلوة الجزء السابع

رواية قسمتي الحلوة الحلقة السابعة

أسر بفرحة: بجد حامل
الدكتورة: ااه الف مبروك بس لازم تهتموا بأكلها ويا ريت متتوترش
أسر: تمام ياكتور شكرا
الدكتورة مشيت
كريم : غريبة انك فرحت انا فكرتك هتتعصب
أسر: تصدق انى انا مستغرب نفسى بس لانى بحبها ايوا بحبها يا كريم عرفت احب تانى بعد شذى الله يرحمها
كريم وهو بيحضنه: مبروك يا صاحبى استأذن انا بقى
أسر دخل لى رنا
رنا بدموع: والله ما كنت اعرف غير دلوقتي لو عايزنى انزله هنزله
أسر وهو بيخدها فى حضنه وبحنية : تنزليه ايه انتى اتجننتى مفيش الكلام دا
رنا : يعنى انت مبسوط
اسر : فى قمة سعادتى مبروك يحبيبتى
رنا : حبيبتك!!
أسر: ايوا حبيبتى ومراتى وام ابنى كمان انا بحبك يا رنا
رنا : انت بتتكلم جد

أسر: ايوا وانتى
رنا: انا ايه
اسر: ايه مشاعرك من ناحيتى
رنا : وانا كمان بحبك يا أسر بس
أسر: بس ايه
رنا وهو بتوطى وشها فى الارض : يعنى هتعرفنى على الناس على أساس ايه
اسر وهو بيرفع وشها : انك مراتى يا رنا
أسر : يلا قومى غيرى هدومك وحضرى شنطة هدومك
رنا : هنروح فين
أسر : على بيتى
رنا بفرحة : بجد يعنى هتعرفنى على عيلتك وكدا
أسر: ااه يلا بقى
عند اهل رنا
أمجد دخل وقعد على الكنبة وكان باين عليه مضايق
عفاف: مالك
أمجد: هى اسراء فين
عفاف: جوا بتذاكر
أمجد: اسراء
اسراء: نعم

أمجد: انا عايز اعتذر منكم على كل اللى عملته انهاردة كنت هعمل حادثة بالعربيه وكان ما بينى وما بين الم’وت خطوة وعرفت انها دنيا وفانية فلازم نعيش فيها واحنا بنرضى ربنا مش بنزعله ولازم نكون جاهزين نقابله وكمل بدموع انا بجد اسف سامحونى
عفاف بدموع: مسامحينك يا امجد المهم انك ندمت دلوقتي ومش هتكرر غلطك معانا
امجد: اوعدكوا انى عمرى ما هزعلكوا وهبطل شرب وهكون انسان تانى خالص مش هتسامحى ابوكى يا اسراء
اسراء جريت عليه وحضنته وفضلت تعيط
امجد بدموع : انا اسف يبنتى اسف
عند رنا وأسر فى العربية
رنا : انا متوترة اوى خايفة ميقبلونيش
أسر وهو بيمسك ايدها: متخافيش امى واميرة كويسين جدا وطيبين
رنا : ربنا يستر
اسر: ممكن كفاية توتر بقى الدكتورة قالت غلط عليكى
رنا : هحاول
أسر : يلا وصلنا

أسر اخد رنا ودخلوا القصر وكل العيلة كانت قاعدة
سميرة: هاا يا اسر يبنى مجمعنا ليه ومين دى
أسر: اقدملكم رنا مراتى
سميرة بصدمة : انت اتجوزت
أسر: ايوا
أميرة حضنتها: ما شاء الله قمر اوى انا أميرة اخت اسر
رنا ببأتسامة: تشرفنا
سميرة: بغض النظر انى زعلانة منك عشان اتجوزت من غير ما تقولى بس الصراحه القمر دا خالنى انسى زعلى
رنا : شكرا جدا لحضرتك
سارة بعصبية وهى مش عارفه هى بتقول ايه: يعنى ايه اتجوزت طب وانا
كريم بصدمة : انتى ايه يا سارة
سارة بعصبية: انا حاولت ومعرفتش حاولت انسى حبى لى اسر وكمل معاك بس مقدرتش عن اذنكوا
وخرجت
أسر راح عند كريم وطبطب عليه
كريم : يا ريتنى كنت سمعت كلامك من الأول
أميرة وقتها كان باين عليها فرحتها ورنا لاحظت دا

أسر : خلاص ولا يهمك كويس انك عرفت دلوقتي قبل ما تتجوزوا
كريم بزعل : عن اذنكوا
أميرة وقتها زعلت جدا عشانه
رنا وقفت جانبها وبصوت منخفض : بتحبيه
أميرة : ااه بس هيفيد بى ايه
رنا : فترة وهيخرج من اللى هو فيه وهيشوف مين اللى بتحبه بجد
اسر: جماعة انا هبقى اب كمان تسع شهور
سميرة بفرحة شديدة هى واميره: بجد
أسر : ايوا
بعد مرور سنة كريم اكتشف انه كان بيحب اميرة من الاول وانه مشاعره من ناحية ساره كانت مجرد اعجاب واتجوز أميرة وهى دلوقتي حامل و رنا جابت مروان
رنا وهى ماسكة مروان وماشية بيه فى الاوضة: خلاص يحبيبى بقى بس يا رووحى طالع لى ابوك مش بتسكت
أسر : وماله ابوه بقى يا ست رنا
رنا : كويس انك جيت تعال شوف ابنك مش راضى يسكت خالص
أسر وهو بيشيل مروان: بس يحبيبى
رنا : يا سبحان الله دا سكت انا بقالى ساعة بسكت فيه مش راضى
أسر : ابنى بقى ومش بيرتاح غير معايا
رنا ببأتسامة: ربنا يديمك لينا
أسر وهو بيحضنها: ويباركلى فيكوا

تمت