رواية ممتن لقطتي الفصل الرابع 4 بقلم فاطمة سمير رجب
رواية ممتن لقطتي الفصل الرابع 4 بقلم فاطمة سمير رجب
رواية ممتن لقطتي البارت الرابع
رواية ممتن لقطتي الجزء الرابع
رواية ممتن لقطتي الحلقة الرابعة
_اممم كده وقت الرؤية هيضيع وإنتِ بتتفرجي على الحلقة.
وقفت حلقة الكرتون اللي مشغلها من تليفوني وبصتله ببرود:
_والله حضرتك جيت في الوقت اللي بتفرج فيه على الحلقة فأنت اللي دخيل هنا.
اتنهِد وهو بيهز رأسه بتوعد ورسم ابتسامة مصتنعة:
_لا أزاي.
كمل بهمس:
_هطلع عليكِ كُل ده بعد الجواز بس الصبر.
سأل بسخرية:
_والهانم فاضية من كام لكام علشان نقابلها؟
أخدت العصير اللي قدامي وشربته بتلذذ..
اتكلم بنفاذ صبر:
_ها انجزي؟
سبت كوباية العصير وقمت وقفت:
_آسفه ماعنديش وقت فاضي.
شاولي ببرود بمعنى لا ولا يهمك، حلو ده كده أنا طفشته، قطع تفكيري صوته وهو بينادي على ماما:
_يا طنط تعالي سلمى عاوزاكِ.
جت ماما على صوته:
_عاوزاني في إيه؟ مأنا لسه سيباكم.
شاور عليا ببراءة:
_بتسالك فين شاحن تليفونها علشان هيفصل وهي عاوزة تكمل حلقة الكرتون.
بصتلي بعدم فهم:
_حلقة كرتون إيه يا بت مش كبرتي على الحاجات دي؟
كملت بتوعد:
_يارب يكون اللي في بالي غلط إنتِ سايبة الرؤية وقعدة تتفرجي على كرتون.
_يا ما..
اتكلم وهو مانع ضحكته:
_خلاص يا طنط أنا مسامح في العشر دقايق اللي هي ضيعتهم.
قربت مني وهمست في ودني:
_أقعدي هاديه ولو عرفت أنك عملتي حاجة تانية هقطع عنك النت.
بصتلها بغضب:
_شكرًا يا مرات أبويا.
شاورتلها تطلع:
_أتفضلي إنتِ وأنا هخلص عليه..يوه قصدي هخلص معاه.
طلعت ماما وقعدت في حته بعيدة عننا شوية، اتكلم بايتسامة وهو بيشاور ليا أقعد:
_أتفضلي، نبدأ الرؤية من أول وجديد بقى.
كمل بحماس وهو بيقعد:
_استعنا بالله.
_علي ٢٧ سنة خريج طب بطري نفس دفعتك، شغال في عيادة خاصة بيا، أبويا وأمي متوفين من ٧ سنين وعندي أخ كبير متجوز وعايش بره، مواظب على الصلاة الحمدلله وحافظ أجزاء من القرآن.
كمل وهو بيبصلي بثقة:
_وإن شاء الله أكمل حفظ الباقي معاكِ.
اتحممت بتوتر:
_احم، ليه أنا بالذات؟
_دلوقتي اللي أقدر أقوله ليكِ إني شايفك زوجة الصالحة ليا، باقي الإجابة أحب أحتفظ بيها لبعد الجواز.
اتكلمت بغضب وأنا بحاول أخبي توتري من ثقته:
_أنت بتتكلم بثقة كبيرة أوي، أفرِض ماوفقتش عليك.
ابتسم بخب.ث:
_هتوافقي.
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية ممتن لقطتي)