روايات

رواية ليلى وكريم الفصل الأول 1 بقلم أمنية حاتم

رواية ليلى وكريم الفصل الأول 1 بقلم أمنية حاتم

رواية ليلى وكريم البارت الأول

رواية ليلى وكريم الجزء الأول

رواية ليلى وكريم الحلقة الأولى

كريم: مساء الخير
ليلي: خير!!
كريم: انا عاوز الشيخ أحمد
ليلي: وانا مالي؟؟
كريم: لا حول ولاقوة الابالله
انا بسألك علشان هما قولولي ان انه بيت رقم 7
يعني في العماره اللي انتي واقفه قدامها دي علشان كده سألتك
انتي بقا بتتخانقي كده ليه؟
ليلي: انا كده بتخانق معاك!!
حاول يداري ابتسامته: كفايه ريأكشن وشك بصراحه
ليلي: ده انت ليلتك مش فايته انت بتتريق عليا!!!
ده انت قليل الذوق وقليل الا…..

 

 

يوسف: ليلي انتي بتتخانقي ولا إيه؟؟
ليلي بغيظ : تعال شوف الناس الغريبه اللي بتسأل عن الشيخ أحمد
كريم: مساء الخير انا ابن صحاب الشيخ احمد وجاي اوصله امانة… ممكن اطلعله
يوسف بإبتسامة: اه طبعاً اتفضل
ده جارنا وكان صحاب والدي الله يرحمه
طلع مع يوسف وهو مبتسم واتكلمو مع بعض ولا وكأني موجوده
ليلي: ماما انا نازله اشتري حاجه
منال: حاجه ايه
ليلي: كام كيس شيبسي علي كام ازاه عصير علي كام شكولاته
منال: إيه كل ده… انتي عزمانه علي سهره ولا إيه؟؟
ليلي بضحك: سهره إيه!!
ده كل ده عشان اشجع نفسي واذكر
منال: كل ده علشان تذاكري!!
طب ما انا ممكن ايدكي كلمتين وتذاكري بدل ما تجيبي كل ده
ليلي بهزار: لا لا شكرا مش عاوزه اتعبك معايا
هنزل اجيب حاجه واحده واطلع بسرعه
وانا نازله اشتري حاجات لقيته خرج من الشقه اللي قدامي بتاعت عمو احمد
كريم: ايه الصدفه الحلوه دي
ليلي: هو انت بتيجي لعمو كل يوم ليه؟؟
كريم: بشوفه لو محتاج حاجه و اقعد اونسه واستفاد من خبرته شويه
كنت عاوزه استفزه مش عارفه ليه ف قولت:

 

 

اه ده انت فاضي وبتشغل نفسك في اي حاجة
كريم: قوليلي بجد انتي بتاخذي بالك من الدبش اللي بتقوليه ولا لأ
ليلي: والله ماحدش بيقول دبش غيرك
ونزلت وانا متعصبه رغم اني كنت عاوزه اعصبه هو والتربيزه اتقلبت عليا
كان بيجي كل يوم بليل الساعه 8 يقعد نص ساعه وينزل… كل مره يدخل هادي ويخرج بإبتسامة وفرحه وكأنه عمل حاجه بتفرحه
طبعاً انا مكنتش مهتمه خااااااالص
انا كنت بشوفه من البلكونه بس وهو مكنش بياخد باله منه
بس الغريب انه واظب يجي كل يوم لمده أسبوعين وساعات نتقابل صدفه واوقات كتير لأ
بس بعدكده فضل 3 ايام ميجيش
شغل بالي غيابه ف قولت اسأل الشيخ احمد بطريقه غير مباشره
ليلي: صباح الخير يا عمو
الشيخ احمد: عامله ايه يا كتكوته
ليلي بهزار: يعني انا كبرت وقربت اتخرج وبرضو بتقولي يا كتكوته!!
الشيخ احمد: لما كنتي بتيجي مع ابوكي عندي كنتي بتفضلي تلعبي مع الكتاكيت وانا ااتعود اقولهالك خلاص
ليلي: ولحد دلوقتي مقدرش استغني عنك وبجيلك برضو
رد بإبتسامة حب وود: انتي واخوكي مالين عليا حياتي والله
ليلي بحب: ربنا يديك الصحه يا عمو
بس مش انا واخويا بس اللي مالين حياتك هاااا
الشيخ أحمد بإستغراب: قصدك إيه؟
ليلي: الشاب اللي بيجيلك كل يوم ده يقعد شويه وينزل
الشيخ احمد: ااااه قصدك دكتور كريم؟؟
ليلي: اه تقريبا كده
الشيخ احمد: ده ابن واحد صاحبي غالي عليا

 

 

هو من ساعه ما عرف ان السكر بيعلي عندي وهو بقا يجي يطمن عليا كل يوم
ليلي: اممم طب وهو عرف ازاي ان السكر بيعلي عليك
الشيخ احمد: علشان هو دكتور يا ناصحه وانا كشفت عنده
ليلي بضحك: مشاء الله علي ذكائي
بس هو ليه مش بيجي بقاله كام يوم!!!!
هنا بقا ادركت غبائي بجد واني كشفت نفسي
رد عليا كأنه مأخدش باله من حاجه: اصل هو مسافر في مؤتمر كام يوم كده واحتمال يجي بكره
ليلي: اممممم
كمل كلامه بضحك: فيه اسئله تاني؟؟
ليلي بكسوف: انا بسأل عليه!! وانا مالي اصلا
انا كنت بطمن علي حضرتك بس
الشيخ احمد بضحك: اه طبعاً عارف
تاني يوم كنت نازله اجيب ملازم الصبح وبالصدفه لقيته قدامي
كريم: صباح الخير
ليلي بإبتسامة: صباح النور
كريم بهزار: ايه ده هو صباح الخير بتخليكي تبتسمي كده!!
ليلي بعصبيه: ليه هو حد قالك عليا اني بكشر في وش الناس ولا نكديه
كريم: لا انتي مش نكديه انتي بترمي دبش بس

 

 

#ايه يا كيمو هتسيب الشنط تحت كده كتير
بصيت علي مصدر الصوت لقيت واحده قمررر كده وتقربيا ماشيه علي نصايح ياسمين عز وبتستعمل الصوت الشتوي…..
كريم: لا هخبط عليه واجيلك
ليلي في سرها: ومين دي كمان إن شاءلله الله
ده بيانه هيبقا مرار طااافح
كريم: ايه ده انتي بتفكري في مصيبه ولا إيه
ليلي: اشمعنا؟؟
كريم بضحك: كفايه ريأكشن وشك
ليلي: طب وسع كده علشان انزل
كريم: طب خلي بالك من…….
وفجاءه الدنيا بقت سودا ومش حاسه بإي حاجه
وفتحت عيني في المستشفى لقيته واقف قدامي وجنبه اهلي
ليلي بوجع: انا جيت هنا إزاي!!
كريم: حمدالله على السلامة يا حبيبتي
ليلي باستغراب: انت قاعد جنبي كده ليه
لقيته هو اللي مستغرب من رد فعلي!!!!
منال: الف سلامه عليكي يا حبيبتي
كريم: كده تخضينا عليكي!!!
ليلي: وانت مالك اصلا!! و تتخض ليه أصلا
كريم: طالما رمت دبش يبقا بدءت تفوق الحمدلله
ليلي بعصبيه ووجع: انت ياعم انت مين ادالك الحق تتكلم معايا كده!!
كريم: يمكن علشان جوزك مثلا!!
ليلي بصدمه: جوز مين؟
كريم: جوزك يا لولي
ليلي: بقولك ايه انا مبحبش الهزار ده
ما تتكلم يا يوسف
يوسف: والله انا خايف اتكلم

 

 

ليلي: لا انت اخويا حبيبي اتكلم عادي
كريم: يعني فاكره اخوكي ومش فاكره جوزك
ليلي: حد يسكت الكائن ده علشان بيعصبني
كريم: لااااا انا مش هستحمل معاملتك ليا قبل الخطوبه تتقرر تاني
ليلي بعصبيه: طب ولما انت كنت مضايق من معاملتي
اتجوزتني ليه إن شاءلله
كريم: اللهم صلي على النبي
يعني افتكرتي اني جوزك؟؟
ليلي: لا برضو انا بس برد علي كلامك
كريم: يادي النيله
يوسف: انا هفهمك
ليلي: ياريت
يوسف: بعد كتب الكتاب…
ليلي: اصبر بس
كتب كتاب مين؟؟
يوسف: كتب كتابك انتي وكريم

 

 

ليلي بصدمه: هو انا بحلم ولا ايه يا ناس
فجاءه دخلت واحده بصوت حنين اوي كده وبتقول: هاا ليلي فاقت يا كريم!!
ليلي: ثانيه واحده انا فاكره البت دي
كريم: الله اكبر
انتي فاكره كل الناس وناسيه جوزك يا هانم
ساره: انا هفكرك بكل حاجه

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية ليلى وكريم)

اترك رد