رواية انتقام الفصل الثاني 2 بقلم ملك يسري

رواية انتقام الفصل الثاني 2 بقلم ملك يسري

رواية انتقام البارت الثاني

رواية انتقام الجزء الثاني

رواية انتقام الحلقة الثانية

ورد بإستغراب: حضرتك بتكلمنى انااا.
يونس وابتسم: انا يونس اخو رنا.
ورد: طب هى كويسة مش ردت علياا من امبارح وكمان مجتش النهاردة وكمان انا قلقانة عليهااا بسبب مشوار امبارح اللى راحته داا.
يونس: اهدى هى كويسة الحمدلله.
ورد بإرتياح: طب حضرتك عايز اى.
يونس: ينفع بعد اذنك نتكلم مع بعض بس بلاش هنااا.
ورد: تمام مفيش مشكلة.
ورد ويونس مشيوا وركبوا العربية.
طارق: مين اللى مع ورد دا.
خالد: معرفش اول مرة اشوفه.
طارق: ماهى حلوة اهى وبتركب عربيات اومال معاياا انا عاملة الطاهرة الشريفة.
خالد: بلاش تظلمهااا ياطارق.
طارق بعصبية: بقولك اى اناا امبارح اشوف صحبتهاا ف عربية مع اتنين والنهاردة هى اومال معانااا احنااا بنات ناس متربين سلام ياعم.

طارق خرج من الجامعة وهو متعصب وخبط ف بنت ووقعهاا.
طارق: انا اسف جداا مكنتش واخد بالى انتى كويسة.
سهام: حصل خير ياكابتين بس العصبية وحشة عليك.
طارق: وانتى اى اللى عرفك انى متعصب.
سهام: حركات جسمك بتبين.
طارق وابتسم: وفهمتى اى كمان.
سهام وابتسمت: انك طيب.
طارق: مش اوى يعنى.
سهام: ماشى عن اذنك.
طارق: معرفتش اسمك.
سهام: اسمى سهام.
طارق: واناا طارق.
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ندى: دادة هو ابيه فين.
سميحة: معرفش والله يابنتى خرج الصبح ولحد دلوقتى مجاش.
ندى بدموع: انا تعبانة اوى يادادة…… واغمى عليهاا.
سميحة بصويت: ياحبيبتى يابنتى ندى ياندى فوقى يابنتى اى اللى جرالكم بس ياولادى يارب.
سميحة جريت على الفون بتتصل على يونس بس تليفونه مقفول اتصلت على مراد.
مراد: الوو.

سميحة بعياط: الحقنى يابنى ندى.
مراد بخوف: مالهااا ندى يادادة.
سميحة: اغمى عليهاا يابنى وبتصل على يونس مش بيرد ومفيش حد هناااا الحقناا يابنى.
مراد: عشر دقايق وهبقااا عندك انا والدكتورة بس حاولى تفوقيهاا انتى.
سميحة: حاضر يابنى بس لو هتيجى مع الدكتورة خليك براا معلش.
مراد بعدم فهم: لى يعنى.
سميحة بإحراج: ندى بهدوم البيت.
مراد: حاضر يادادة سلام.
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ورد بعدم فهم: انت جايبنى هناا لى.
يونس ببرود: انزلى.
ورد بخوف: انت هتقتلنى ولا اى.
يونس وسابهاا ونزل وهى عيونهاا متبعاه ونزل وهى خايفة.
ورد: اناا نزلت اهو ممكن تقولى لى جايبنى المقابر.
يونس: تعرفى تبطلى رغى وهتفهمى كل حاجة ممكن.
ورد هزت راسهاا ومشيت وراه وهى خايفة.
يونس ووقف: بصى.

ورد بصت مكان مشاور وفضلت ساكته وعيونهااا مفتوحة بصدمة مش مصدقة اللى هى شيفاه ( مقبرة مكتوب عليهاا رناا عبدالسلام احمد)
ورد بضحك: دى اسمهااا زى اسم اختك بس اكيد رنااا حبيبتى احلااا هو ف جمال ضحكتهااا ياجدع.
يونس بصلهاا: دى رنا اختى.
ورد وضربته بالقلم: اخرس اختى عايشة وقطع لسان اللى يقول كدا مستحيل تسيبنى وتروح واناا وهى روحناا ببعض اوعى تقول كدا تانى.
يونس سكت وهى قعدت مكانهااا وفضلت تعيط.
ورد: رنااا انتى بجد سيبتينى ومشيتى قولتلك بلاش تروحى معاهااا منعتك كتير اوى وانتى صممتى لى يارب.
يونس وقعد جمبهااا: محتاج مساعدتك.
ورد بدموع: لى ومحتاجهاا ف اى.
يونس: قومى معايااا طيب كدا مينفعش.
ورد: سيبنى معاهااا هى مش بتحب تقعد لوحدهااا سيبنى.
يونس عيونه دمعت بس محاولش يبين داا.
يونس: قومى ياورد.
ورد قامت وهى يتعيط ومشيت قدام يونس وهو رجع بص ل مقبرة اخته
يونس: وغلاوتك عندى مهرحم اللى عمل كدااا.
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡

مراد: مالهاا يادكتورة.
الدكتورة: ياريت تخلوا بالكوا منها جسمها ضعيف خالص وواضح انها متكلتش حاجة بقالها يوم او اكتر وكمان نفسيتهاا وحشة كل دا من اسباب الاغماء ياريت تخلوا بالكوا منها كويس انا كتبتلهااا العلاج دا تاخده ف معاده بجانب الاكل والف سلامة على الانسة.
مراد: دادة خليكى جمبهاا وانا هروح اجيب العلاج.
سميحة: حاضر يابنى.
مراد مشى وسميحة دخلت ل ندى.
ندى بتعب: دادة يونس فين.
سميحة: لسة مجاش ياحبيبتى.
ندى بعياط: انا عايزة يونس يادادة متخلهوش هو كمان يسيبنى ويمشى انااا مبقاش ليااا غيره يادادة.
سميحة بدموع وحضنتهاا: وانا روحت فين ياحبيبتى وربناا يخليكوا لبعض ويونس مش هيسيبك ياحبيبتى هو بس هتلاقى عنده شغل ارتاحى انتى وانااا هروح اعملك تاكليهااا.
ندى بدموع: مليش نفس.
سميحة: دا مش بأيدى.
ندى بعدم فهم: ازاى يعنى يادادة.
سميحة: دا مراد هو اللى قال يعنى مينفعش مسمعش كلامه.
ندى: هو مراد هنااا ليه.

سميحة: هو اللى جاب الدكتورة وراح يجيب العلاج يالااا مش هتاخر عليكى.
ندى فتحت فونهااا وجابت صورتهاا هى ورنا ويونس ومامتهم وباباهم: سبيتيناا انتى الاول يا امى وبعد كداا بابا ودلوقتى رنااا ويونس بعيد عنى طب وانااا مين معاياا كلكوا سيبتونى لوحدى خدونى معاكوا.
مراد: وتسبينى لوحدى صح.
ندى بدموع: مراد.
مراد وقعد جمبهاا: مش اناا صحبك واخوكى وانتى قريبة منى من بعد وفاه امى يبقاا انتى كمان عايزة تسبينى.
ندى: بس انااا محدش بيحبنى هما لو بيحبونى مش هيسبونى لوحدى.
مراد: ويونس.
ندى بعصبية: فين يونس ف حياتنااا هاااا فين هو لو كان موجود فعلااا مكنش كل دا حصل لينااا اختى ماتت بسببه بسبب الاهمال عايش لنفسه وبس واناااا قربت اكون مجنونة وهو فين ف كل دا هااااا فييين هو السبب انا بقيت بكره وجوده حرام بقاااا خليه يفوق احنااا بنروح من ايده هيفوق امتى لما انا كمان اموت.
مراد وحضنهاا: هششششش اهدى خلاص اهدى خالص.
ندى بعياط: لى بيعد عننا كدا هو مش اخونااا.
مراد: يونس مبيحبش حد ف الدنيااا قدكوا.
ندى: وانااا بحبه اوى بس خليه جمبى.

مراد: ارتاحى انتى وخدى علاجك يالاااا.
سميحة: اناا جبت الاكل اهووو ويونس بيقولك كلى كويس.
مراد بإستغراب: هو يونس جه امتى.
سميحة: بقاله خمس دقايق قولتله ان ندى تعبت طلع جرى وبعدين نزل قالى الكلمتين دول وخرج.
ندى بعياط: سمعنى يامراد سمعنى والله مكنتش اقصد هاتلى يونس يامراد.
مراد: اهدى انتى دادة خليكى معاهااا واكليهااا وخليها تاخد علاجهااا وانا هروح ل يونس ماشى.
مراد مشى وسميحة فضلت معاهاا لحد اماا نامت.
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ورد قاعدة سرحانه وبتفتكر كلام يونس معاهااا وبتترعش من الخوف.
Flash back
ورد: ممكن تقولى ماتت ازاى انا هديت خالص اهووو.
يونس: اغتصبوها.
ورد بصتله بصدمة: اا انت بتقول اى.
يونس: زى ماسمعتى.
ورد: مين اللى عمل فيهااا كدا مين اللى قدر يعمل كدا ف الملاك دااا يارب.
يونس: معرفش بس كل اللى عرفته انها قبل اما تموت كانت بتقول نانى.
ورد: نانى ايواا هى السبب هى اللى راحت معاهااا امبارح انا مش هسيبهااا.
ولسة هتنزل من العربية يونس مسكهااا.
يونس: اهدى واسمعينى للاخر تمام.

ورد: قول.
يونس: انا مش هقول انهاا ماتت.
ورد بعدم فهم: مش فاهمة.
يونس: زى ماسمعتى رناا اختى عايشة وهى عملت حادثة ومش بتتكلم تمام.
ورد: حاضر بس لى.
يونس وبص قدامه: مش مهم دلوقتى بيتك فين.
Back
ورد: ماتت ياماما ماتت وسابتنى قتلوهااا بأبشع الطرق يا امى.
الام بدموع: ربنا يرحمهاا ياحبيبتى
ورد: سيبينى لوحدى ياماما انا هنام.
الام: حاضر ياحبيبتى.
ورد بدموع: رناااا.

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقام)