رواية الوجه الأخر للحلال الفصل الحادي عشر 11 بقلم ميفو السلطان

رواية الوجه الأخر للحلال الفصل الحادي عشر 11 بقلم ميفو السلطان

رواية الوجه الأخر للحلال البارت الحادي عشر

رواية الوجه الأخر للحلال الجزء الحادي عشر

رواية الوجه الأخر للحلال الحلقة الحادية عشر

ما ان قالت عطر كلامها لتندفع الي الخارج ليشتعل ايوب ويندفع يشدها ويمسكها ويندفع بها الي احد الغرف الجانبيه ويقفل الباب.
لتصرخ… انت اتجنيت بتجفل الباب وسع انت عايز تفضحني.
لينظر اليها ماني مامتحملش اسيبك مجلوبه اكده فيكي ايه من الصبح لا بتبصيلي وكلامك ناشف.
لتهتف بغضب.. كلامي ناشف ليه هو اني كت كلمتك كلام طري جبل سابج يا واد عمي.. بعد الله يرضي عنك عيب اكده.
ليهتف…. واد عمك اكن اني واد عمك.
لتهتف…. مش غريب عني.
ليهتف….. لاه مش غريب يا عطر وتجولي مالك اني عارف ان بيكي حاجه جولي.
لتهتف.. مافيش يا…
ليشدها…… جولي يا ايه…. ايوب اني ايوب جرالك ايه.
لتهتف…. بطل الله يرضي عنك وجفتنا دي مايصحش وتاجي بت عمك تتكلم تاني.
ليهتف ساخطا… مالها بت عمي تتكلم وتتسخمط.
لتنظر اليه غاضبه.. لا والله.. طب بعد بقه وكتر خيرك عاللي عملته جميله ورديتها ما محتجاش شفجه من حد.
ليبهت.. شفجه اني يا عطر اني يتجالي اكده… طب براحه اكده تجولي فيه ايه عشان اني جبت اخري ايه اللي جلبك ماكنا ماشين حلوين مع بعض.
لتنظر اليه غاضبه…. عيب اكده حلوين ايه ومع بعض ايه لو سمعتك بت عمك هتجول ايه انت عيب.
ليصر*خ…. الله يحرجها مالها ماتسمع والا تتجطرن هو فيه ايه.
لتصرخ.. بتدعي علي عروستك اتخبلت لتدمع عينها اوعي بقه عديني.
ليبهت… عروستي هيا مين دي.
لتهتف بقهر…. زينه مش مكتبوالك والبت لواد عمها انت مخبول وترجع يتجالي بخطف الرجاله.
ليهتف بذهول.. تخطفي الرجاله ومكتبوالي مين زينه مخبول هو مين اللي مخبول..انت بترطي ايه انت
لتنظر اليه غاضبه.. ارط عيب علي فكره ماحبش اكده ليها حج تزعل الست مابتحبش راجلها يكلم غيرها خف علي حرمتك بقه وراعي مشاعرها كانت دامعه وقلبها يقهرها لتستدير ليندفع ويهتف .. انت جايبه الكلام الاهبل ده منين.
لتصرخ.. ماتبطل بقه.. بت عمك زعلانه وفاكراني خطافه ابعد بقه.
لينفتح الباب وتدخل زينه.. ايه ده جافلين الباب ليه هو فيه ايه ياسي ايوب..(فيه حزن مغلي يامه منك لله 🤬🤬)
لتشعر عطر بقهر وتبتعد لتهتف.. مفيش يا بت عمي لتندفع للخارج.
ليظل ايوب يقف لينظر الي زينه بغضب ليهجم عليها ويشدها كان سيكسر ذراعها لتصرخ.. بت مين يا محروجه اللي لواد عمها انت جولتيلها ايه جلبتيها منك لله.
لتهتف… ايه يا ايوب مش عرفنا ده(بربع جنيه كرامه يا رب 😎😎) ماشي ورا البت دي ليه بت فجرانه مالك بيها.
ليصر*خ…. مالك امت امشي والا اولع منك لله اسمعي يا بت انت تلمي حالك بعيد عن سكتي ايوب مش سهل والا يمين بالله لاخلع جلبك وافلجك نصين منك لله كنا في حال ليدفعها وهو يلعنها.
ليذهب الي عطر ليجدها تجلس منكمشه بجوار امه ليجلس مقهوىا يبدو عليها الحزن وهو مشتعل من ما تفكر فيه ليذهب ويجلس بجوارها يتمني ان تنظر اليه ليحس بان قلبه يكويه.
لتهتف امه بخبث.. ايه يا ايوب مش هتجوم للشغل. (عقربه يا حجه بس عسل 😂😂😂)
لينظر اليها غاضبا.. ليهمس ماهي ناجصه.. ليهتف لاه ياما تعبان شويه ماجادرش.
ليرق قلب عطر لتنظر اليه بحنان لتهمس… مالك.
ليبتسم بحب.. جلبي بيوجعني.(دول احنا ☺️☺️☺️☺️احنا مبسوطين شويه)
لتهتف بحنان خلع قلبه… نجبلك حكيم.
لتدخل زينه وتتهتف بانفعهال.. اه هاتي اصله عايز يتعالج.(يا شتات الشتات يا بت الجطر هرسك يا بعيده مانعرف نعالجك😁😁)
لتنكمش عطر ليغمض ايوب عينه حتي لا يقتلها لينظر الي امه.. امه خدي البت دي من جدامي هفلجها نصين.
لتقوم امه وتشد زينه وتهتف…. تعالي انت ايه مابتهمديش.
لتهتف زينه… ايه يا مرت عمي بتشديني اكده ليه لتخرج بها..
لتهب عطر وتهتف.. اني هروح بقه لتستدير ليحاصرها عند الباب سيباني وراحه فين.
لتبتلع ريقها .. سايباك.. اني مروحه كتر خيركو يابن الناس.
ليهتف بغضب…. بطلي تجولي اكده عشان والله هزعلك.
لتهتف.. طب بعد بقه بلا تزعلني ولا ازعلك عايزه امشي.
ليهتف بحب…. وهتسيبني موجوع والله موجوع.
لتبتلع ريقها وتتنهد…. بيك ايه ماتجيب حكيم.
ليمسك يدها لاه اللي اني فيه مابروحش بالحكما..
لتشد يدها… . طب خلاص ربنا يشفيك وسع بقه.
ليهتف…. وهتمشي زعلانه اكده ولمعه عنيك مطفيه.
لتهتف.. زعلانه.. من ايه اني ما زعلاناش.
ليهتف .. لاه المحروجه زينه زعلتك منها لله.
لتتنهد بوجع ظهر في صوتها.. بتدعي علي حرمتك عيب اكده.
ليهتف.. طب الاهي تفطس البعيده(امين يا رب 😀😀) .. ماهياش حرمتي ولا هتتسمالي حرمه.
ليرجف قلبها وتنظر اليه بتجول ايه انت.. مش مكتوبالك
ليتنهد.. كتب عليها عفريت البعيده لا مكتوبالي ولا جطران.
لتلمع عيونها ليبتسم لتهتف. بجد والنبي.
ليقترب وينظر اليها بحب…. يمين بالله ماهيا في جلبي ولا تخصني من اساسه دانا جلبي شبعان.
لترتبك وتهمس….. بتجول ايه انت
ليهتف اجول الدنيا كلها بتجول وشافت وانت ولا هنا اجول ايه بس ليهتف.. بس اني حاسس اني طاير ممكن اسالك.. انت زعلتي اني المسخوطه دي جالت اكده.
لترتبك.. ازعل ازعل ليه بتجول ايه انت.
ليبتسم.. لاه انجهر كنك مازعلتيش.
لتهتف.. لاه ازعل ليه يعني اني لو انشبكت تزعل.
ليهتف داني انجهر واموت فيها.
لتخجل وتهتف…. ليه يعني عادي
ليهتف.. لا ليه دي عشان كتير وكتير جوي بس واحده واحده..
لتهتف.. طب طب يلا بقه هروح كفايه اكده
ليهتف….. ماتجعدي هتروحي ليه
لتهتف…. عندي اشغال اهملها ازاي.
ليتنهد بغلب.. جلبي مش مطمن.. لتدخل عليه امه لتنظر اليهم كانو يقفون عيونهم ساهمه والحب يصدح من عيونهم.طب يا ايوب خليك واجف طور هتنهبل عالبت ومابتنطجش.
لتهتف….. تعالي يا عطر عايزاكي.
ليلتفت ايوب لتذهب اليها عطر لتهتف…. روح يا ايوب نادي دراج عايزاه.
ليقطب.. وعايزه سي طين ليه..
لتهتف… يا واد ناديله بس دا الفرح دخل دارنا خلاص لتستدير وتتجاهل ايوب الذي اشتعل لتهتف وانت بقه يا شابه لو حد شافك وعايز يشبكك وهو زين اكده وطيب وحنين وابن حلال وحافظ كتاب ربنا هتوافجي..
لتهتف… بتجولي ايه يا خاله لتنحني خجلا
ليشتعل ايوب فهيا تطلبها لدراج ليحس بكويه في قلبه
ليندفع .. اما جومي الله يرضي عنك بلا ابن حلال بلا ابن حرام ليشد امه ليهتف… اما بطلي
لتهتف… ليه يا واد هشبكها لاخوك.
لتستدير وتشد عطر وتذهب بها ليلحقهم ويمسك عطر من يدها ليهتف سيبي يدها يامه
لتهتف.. لاه ماهسيبش سيب انت.
لينفعل.. اما سيبي يامه وعدي اليوم اني جايب اخري.
لتهتف امه.. لاه مانت ماهتنطجش واني خلاص عليا اكده تعالي يا عطر افرحك.
لتهتف عطر خير مالكو
ليشدها .. ماتبعدي يامه بلا نفرح بلا نحزن انت عايزه ايه بالضبط.
لتهتف عطر.. ايه يا ايوب بتزعج في خالتي ليه.
لتهتف الام… جوليله ماعايزنيش افرح.. واد يا دراااااج.
لينفعل يعني اخدها واطفش عشان ترتاحو بتحلجو عليها دا مرار ايه ده ليستدير ويشد عطر يلا اما نغور من اهنه ايه ده.
لتقف امه سعيده.. خلاص يا جلبي تنسعد بيها يا رب.
ليخرج بها لتخاف…. ايه بتشدني ليه.
ليتنهد غلب…. والله باصينلي في حاجتي.
ليتنظر اليه… حاجتك حاجه ايه دي
لينظر اليها بهيام.. احلي حاجه دخلت حياتي والله..
لترتبك وتستدير ليتنهد ويهتف يلا اما اوصلك ليمشي بجوارها ومهم الغفر.
ليصل بها الي البيت ليصدح تليفونه ليرفع تليفونه ليبهت من ما عرفه ليرتبك.
لتنظر اليه… مالك فيه حاجه
ليتنهد ولا يعرف ماذا يقول ليقترب منها ويهتف بحزن مش عارف اجولك ايه انت مؤمنه وعارفه ربنا وربنا خد امانته.
لتقطب جبينها…. يعني ايه فيه ايه.
ليهتف.. عمتك الله يرحمها.
لتظل واقفه مشلوله لا تنطق ليقترب…. عطر انت ساكته ليه اكده عطر.
لتلتفت اليه…. بتجول ايه عمتي ماتت عمتي سابتني ومات خلاص بجيت لوحدي عمتي سابتني وراحت لامي اني بجيت لوحدي لتصرخ وتنفجر في البكاء.
ليندفع ويحتضنها ليهتف…. اهدي اهدي بالله عليكي كانت تصرخ وتبكي بشده وهيا بين يديه يشدد عليها لتنهار اكتر ويغشي عليها في احضانه ليحَملها ويدخل بها البيت ويريحها علي الكنبه ويذهب لافاقتها لتعود الي وعيها لتفوق لتسيل دموعها ليقترب ويجلس ويمسك يدها ويهمس.. خلاص اني جارك اهه
حاولت سحب يدها الا انه شدد عليها
لتهتف بقهر…. بجيت لوحدي خلاص ماعتش ليا حد يا ايوب بجيت لحالي في الدنيا.
ليهتف…. لاه عمرك ماهتبقي لحالك اني اهه معاكي ولا ههملكيش.
لتهتف….. يوم يومين والاخر اربع حيطان ودنيا بتوجع اروح فين.
ليهتف… ماتجوليش اكده توجعي جلبي اني جارك َماهملكيش واصل ويلا جومي هتباتي في دارنا.
لترفع عيونها بقهر هتجولهم ايه جايبها تبات عندينا اصلها مالهاش حد واصل. كتر خيرك يابن الناس كانت تبكي وتنتحب ليشدها يحضنها لتحاول ان تبتعد اكثر من مره الا انه لم يتركها لتنفجر في احضانه فقد تعبت من الدنيا ليمر الوقت وتبتعد ليقول.. طب اني هروح اشوف هنعمل ايه وبكره اجي اخدك َنخلص الاجراءات اطمني وهبعت غفير جارك اهنه اني مش عايز امشي بس اجول ايه ماليش حيل تاني فيكي ليتركها مرغما لتجلس حزينه مقهوره تفكر بدنياها التي خلت من اي ونس.
*******
اتي صديق يحي اليه وقال.. جبتلك عروسه من برات البلد ايه جولك.
ليهتف يحي.. كويس عشان مانفضحش اهنه ها زينه اكده.
ليهتف…. ايوه بت كويسه وطيبه.
ليهتف….. طب جولتلها اني لازمن اكشف عشان نعرف بتخلف والا لاه.
ليهتف صديقه….. ايوه عارفه وراضيه.
ليهتف علي خيره الله خلاص هنروحلها الشغل تشوفها ولو عجبتك يبقي كويس.
لبهتف…. الشغل ده فين مع مرتك
ليهتف.. ايوه مع مرتي.
ليهتف يحي بخوف.. بس اكده حيجولولها مرتك في البلد وممكن كلمه اكده والا اكده تتنتور
ليهتف.. لاه ماتخافش اني عامل حسابي هنجابلها بكره لو عجبتك تروح لاهلها َتتفج.
ليتنهد يحي ويقول ربنا يستر وتكمل علي اكده مَاتتطينش علي دماغي.(منك لله بقه 🤬🤬)
*****
مرت الايام ثقال علي عطر وايوب لا يفارقها وامه ايضا لياتي يوم جالسا معها فتره لتهتف كتر خيرك يا ايوب جميلك ده ماهنسهوش واصل يابن الناس.
ليظل قلبه ياكله عليها لا يعرف ماذا يفعل لها ليندفع بلا سبب ليقول…. تجوزيني يا عطر(لوووولي افرحو يا ولاد الطور نطق 😅😅)
لتبهت من جملته لتهتف…. بتجول ايه عايز تتجوزني.
ليهتف…. ايوه ايه مانفعش.
لتهتف…. لا. لا سَمح الله ماجولتش اكده بس يعني ماتعرفنيش هما وجت جصير يعني.
ليهتف…. وايه المشكله صبيه وزينه ولجيتها تنفعلي مرتي ايه العجيب والا اني فيا عيب.
لتهتف.. لاه ماجولتش بس بس انت بتعمل اكده عشان وحدانيه وماليش حد.
ليبتسم.. لاه مش ايوب اللي يعمل اكده انت من اول مره عجبتيني مش هنكر ودلوك رايدك مرتي.
لتهتف بخجل.. انت ماتعرفنيش بتجول ايه رايد ازاي.
ليهتف.. راجل رايد ست ايه المشكله.
لتخجل من كلامه وتهتف…. بس بس
ليهتف….. ما بسش انت دخلتي جلبي من ساعه ماشفتك ومش هكدب علي حالي اني رايدك. وبالجوي كمان.
لتشيح بوجهها… بتجول ايه انت عيب اكده دا وجته.
ليهتف…. ايوه وجته وماينفعش تتسابي اكده لحالك.
لتتنهد… كتر خيرك يابن الناس اني هعرف اعيش ماتخافش. لا تحمل هم ماحدش بيتجوز حد شفجه.
ليهتف.. انت عبيطه يا عطر بجولك رايدك وعايز اتجوزك تجولي شفجه اني ايوب هتجوزك شفجه ليه والا حد يتجوزك شفجه ليه من اصله دانت تجعدي وتتشرطي واللي ياجي يبوس يدك عشان توافجي دانت نازله من الجنه..
لتخجل وتهتف…. بطل كلامك ده انت ماتعرفنيش.
ليهتف بحب.. .. بس حسيت فيكي بالجوي ورايدك يا بت الناس من ساعه مافتحت عيوني علي عيونك اتلبست ومن ساعتها مابيروحوش من دماغي.. اني جبتك تدي لمحمد عشان اشوفك واتملي بحسنك.
لتهتف بدهشه… انت عملت اكده.
ليهتف…. ايوه ماجدرتش ماشوفكيش.
لتهتف…. انت ماتعرفنيش مش جايز اطلع جوايا واغش يجهرك.
ليهتف.. هو فين ده انت مش واعيه لحالك انت جمر وحطي فوج ده اخلاج الدنيا انت حوريه نازله من السما واللي يطولك يبقي ربه راضي عنه.
لتخجل وتهمس.. مش جوي اكده
ليهتف.. بطلي عشان ممكن اجعد اجول كلام وترجعي تجولي ترضاها لاختك عموما هسيبك تفكري ويا ريت توافجي ليقوم ويتركها تفكر فيما طلب.
لتمر الايام وهو ياتيها ويكلمها في التليفون كان يقف بجوارها لا يتركها لتركن اليه وتحس انه دخل قلبها لياتي يوما كان يكلمها ليقول ايه مش ناويه تريحي جلبي وتوافجي والله هحطك بعيوني ايه جولك
لتتنهد وتهتف…. اجول ايه بس.
ليضحك.. جولي اه هتلاجيني جايب الماذون وجاي.
لتضحك ليهتف…. يا جمالو يا ضحكتو عسل زيه.
لتهمس…. بطل عيب اكده.
ليقول…. عيب ايه اني نطجت ها جولي بقه يا بت طلعتي روحي بجلي شهر بحايل فيكي َانت راسك خشبه ونفسي اجول كلام كتير.
لتتنهد…. تجول ايه بس بطل اكده بتكسف
ليضحك….. طب َوافجي طيب ونشوف موضوع الكسوف ده يلا ريحي جلبي امي بتزغرط من دلوك..
ليهتف….. انت جولتلها
ليهتف…. اني جولت للبلد كلياتها اني جلبي هيجف من الفرحه جولي بقه.
لتتنهد وتهتف…. عايزني اجولك ايه.
ليهتف….ت. ولي موافجه يا ايوب.
لتهتف. ايوب انت بجد رايدني.
ليبتسم .. رايدك وبالجوي كمان عطر انت دخلتي حياتي نورتيها بجمالك وطيبتك دي.
لتتنهد لتهتف.. ايوب انت طيب وحنين جوي.
ليقول بهيام.. ورايد بالجوي ماتجولي اه بقه عشان اجيب الماذون هموت اكده.
لتهتف….. بسرعه اكده.
ليهتف.. شهر كتير والله وماعت جادر انت نسَمة عطر دخلت حياتي نشرت جواها الحلو كله
لتهتف…. وانت كمان يا ايوب بحس بسعاده معاك واحس بامان الدنيا.
ليهتف.. طب يا جلبي ماتوافجي بقه بالله عليكي.
لتتنهد وتهتف.. خلاص موافجه
ليصرخ…. يا لهوك يا ايوب اخيرا الجمر وافج دانت طلعتي روحي خلاص اكده هكلم ابوي واجيبه وناجي.
لتهمس خلاص اللي تشوفه.بس نتخطب الاول.
ليهتف مسرعا…. نتخطب ايه انت عبيطه لا اني هدخل علي طول.
لتهمس.. ازاي بس.. فيه حاجات هتاجي ويعني ناخد علي بعض.
ىيمسك يدها مالكيش صالح باللي هياجي اني هجيب كل حاجه دانت يجيلك الغالي كله لتطرق خجلا ليهتف ليهمس انت ماوخداش عليا يا عطر.
لتفرك يدها ليهمس ايه طيب بصيلي هتفضلي محمره وجمر اكده
لتهمس بطل بقه.
ليهتف.. ابطل ازاي بس جلبي مولع دانا جلبي انهري يا شيخه منك
لتهمس…. ليه عملت ايه
ليهتف.. كت هموت مجلوط كلو رايد الجمر رايد يخطفه مني واني واجف كيف الاهبل محصور ماعارفش انطج.
لتهمس.. طب ومانطجتش ليه.
ليهتف.. اهبل كت اهبل.
لتهمس.. طب ماني كت هروح اكده لغيرك
ليهتف.. مين ده داني اجتله والله اجتله.
لتبتسم.. بتحبني اوي اكده
ليهتف.. احبك… داني جلبي مولع دا حبيبي مربع ومسلطن.
لتهتف.. ازاي بس دا الوجت جليل بطل انت بتجول ايه
ليقترب ويهمس.. يعني جلب الجمر ما بيدج نار زيي اكده داني انجهر.
لتهمس.. لا بيدج و الله
ليهمس.. بيجول ايه. لتطرق خجلا.. ليهمس لاه هتسكتي اكده هفطس واهجم عليكي تخلصي في يدي.
لتنظر اليه لتقول.. اخص عليك من اولها اكده تخوفني داني جولت انت اماني تجولي اخلص عليكي.
لينظر اليها ببلاهه.. يا مري انت هبله يا عطر.. ليمسك يدها ليهتف اخلص عليكي محبه وحنيه واخلص معاكي لتخجل ليهمس يا بت بطلي تحمري اكده هفطس.
لتهمس… بطل بقه عيب احنا لسه هنتخطب.
ليهتف.. يمين بالله مايوحصل هو سبوع وندخل اني مش هعض في حالي كفايه الشهر اللي فات كلو جتتي
لتهتف.. مين دول
ليهتف.. كل العالم هرى جلبي وبيبص لحاجتي كت هموت
لتهمس… حاجتك.
ليلتصق بها لتشتعل خجلا… ايوه الجمر اللي بيضوي جدامي حاجتي بتاعي هموت عليه رايده افرح بيه اشيله جوا نن عيوني اجيبله الفرح كله
لتهمس… انت طيب حوي اني مبسوطه ان ربنا وجعني في راجل زين ابن حلال ربنا يخليك وتعيشنا بالحلال هكونلك مرتك وحبيبتك اراعيك واحطك بعيوني
ليرفع وجهها.. صوح والنبي هتحطيني بعيونك وتراعيني اني حاسس اني هنهبل
لتهمس خجلا ليه بس
ليهتف.. الجمر ده هيحطني بعيونه وانا هحطك في حلبي تامري وتتشرطي ولا يوم ازعلك وامرر عيشتك
لتنظر اليه بفرح.. صحيح يا ايوب.. ماهتزعلنيش الا اني عشت مرار ماحدش عاشه..ابويا بهدل امي ومشي في سكه بطاله.. اوعي يا ايوب توجعني.
ليهتف بحب.. اوجعك ازاي وانت في حضني داني هنهبل تخشي حضني ازعلك يا مري ما هيوحصلش (ما جالش ان شاء الله 😂 😂). عطر انت الفرحه اللي دخلت دنيتي رايدها وعاشجها جلبي بيصرخ لاجل تكوني في حضنه ولا يوم ابيتك زعلانه (دانت كداب كدب الابل 😁😁😎😎😎).
لتنظر اليه… اني حاسه ان ربنا بيحبني عشان بعتك ليا تراعيني.(اومااال اجعدي يا حزينه 😂😂) . اني هبله وطيبه ومابعرف انطج لو جالي حد غير مرر عيشتي ماهنطجش اني غلبانه جوي لا بعرف ازعج ولا اتخانج بس انزوي وانجهر وابكي.
ليهتف ماعاش اللي يجهرك.. دا حبيبي يتاخد حنيه ومحبه
لتبتسم.. صوح والنبي عمرك ماهتجهرني.
ليهتف.. مين ده داني ههننك وادلعك بس تبقي في يدي احنا هنكتب بكره.
لتبهت.. بتجول ايه انت لاه يا ايوب لسه بداري
ليهتف.. والله ماجادر حاسس ان فيه غلايه في جوفي.
لتنظر اليه.. غلايه ليه.
ليقترب ويشدها اليه لتخجل.. بعد عيب اكده.
ليهتف لا ماني ماعتش جادر وانت بتاعتي حلالي هكتب يعني هكتب ونبقي نخش بعدها
لتهمس… هتفرج ايه كلها شهر والا اتنين.
ليهتف… بجولك بكره تجولي شهر والا اتنين دا ايه الحزن ده اني محروج.
لتهمس.. بطل ابعد عيب اكده هزعل منك بعدين والله هحبك كتير
ليحس بمراجل داخله ليهمس عطر.
لتنظر اليه بحب….ايه مالك اكده.
ليهمس.. انت زعلك وحش طيب بتتراضي بسرعه
لتهمس.. معاك هتراضي بسرعه ليه انت هتزعلني.
ليشدها ويهمس.. والله ماجادر هفطس وربنا لو ماخدتهاش وهبقي اراضيكي
لتهمس… هيا ايه دي.
ليهتف… حاحه تبرد حلبي الا انا هموت بس معلهش ازعلي شويه واراضيكي ليشدها وينهال عليها لتشهق من عنفوانه وتحاول ان تبعده ليكلبش فيها ويتوه في شفتاها ليحس بها بين يديه ليظل تائها حتي أنت بين يديه ليبتهعد ويحتضنها ليهمس جلبي هيجف يا بنت الايه لتظل فتره في حضنه. لتحني راسها لتبتعد خجلا وتعطيه ضهرها ليهمس ايه حبيبي زعل.
لتتنهد ولا ترد. ليقترب طب والله ماجدرت اعمل ايه طيب ليذهب ويقبل راسها ماني بجول نكتب ماجادرش تجولي شهر.بالله لتوافحي ماحاجدش والا اخدك واتجوزك غصب انت حره لتبتسم خجلا.. ليهمس يا جمالو يا بت ارحميتي انت جايه منين جمر بيضوي
لتهمس… عيب بقه انت وحش عيب.
ليهمس.. كني وحش.. داني غلبان هاخدك في حضني امتي بس ليقبل راسها هو سبوع ماجادرش والله.
لتبتسم وتهز راسها ليحملها يادي الفرح يادي الهنا حبيبي راضي عليا اخيرا.
لتضحك.. طب خلي بالك بقه تزعلني هفركش الجوازه.
ليضحك.. باينك هبله ولا الجن الازرج يعرف يفشكل الجوازه.. انت بتاعتي اتكتبتي علي اسمي وايوب مايهملش حاله انت نجشتي نفسك جوايا من ساعه مافتحت عيوني علي عيونك وشعرك منهال علي وشي يوميها اتلبست وماعرفش ايه اللي حوصل.. عاشج من اول نظره غلايه بتدور جوايا لحد ما وعيت ان بروحك تبعدي.
لتضحك.. يا سلام هتعمل ايه يعني بطل مالك مفكرني انك جطاع ليل اكده.
ليهتف بعشق.. عشانك ابقي اي حاجه بس تبقي في يدي. عشانك انجلب نار بس اخدك. مافيش حد هيحوشني عنك يا عطر الا ان نفسي يروح مني. ايوب ملك عطر وعطر ملكت ايوب تجولي اسيب. ايوب ماهيسبكيش ايوب هياخد حبيبه لو راح فين منين مايكون منين مايبعد منين مايوجف بينا.. ايوب هياخد عطرليقبل راسها ليظل يتكلم معها ويداعبها وانصرف وتركها..
ليمر الايام و َايوب يحضر حاله لكي يذهب الي عطر ويكتب عليها فقد ذهبت الي شيخ الجامع واخبره ليسعد كثيرا انها قد وجدت رجلا يقدرها لينتشر الخبر وسط البلد..
*********
كانت عطر جالسه لتتفاجا بخبط علي الباب لتذهب وتفتح لتجد والدها يقف عالباب ليرجف قلبها.
ليهتف…. ايه خلاص ماليش عازه اختي ماتت ولا اعرفش ليدفعها ويدخل.
لتظل واقفه ليهتف… ايه هتفضلي متسمره اكده اجفلي الباب مالك خايفه اكده
لتدخل وتقفل الباب لتجده يجلس وينظر اليها بخبث والا وطلعتي شاطره يا بنت هدي.
لتقطب جبينها ليكمل ما كتش عارف انك بت واعره اكده وتجدري تعملي اكده.
لتهتف….. اني واعره عملت ايه.
ليهتف…… وَجعتي واحد ما حدش يعرف يوصله
لتهتف…. وَجعت واحد بتجول ايه انت.
ليقوم ويمسكها من يدها… ايه هتنكري مش ماشيه مع ايوب السوالمي.
لتبهت وتقول.. ماشيه اني ماشيه معاه.
ليهتف.. ايه مش بيجيلك اهنه وبتجعدي معاه والله اعلم موجعاه ازاي.
لتصرخ….. انت بتجول ايه هعمل معاه ايه دا رايد الحلال.
ليهتف…. يادي الهنا عايز يتجوزك ايوب السوالمي. ايه يا بت الوجعه دي هتتجوزي ايوب السوالمي.
لتهتف. َايوه هو عرض عليا الجواز واني وافجت عادي ايه اللي جرا. مالك محسسني اني متجوزه ملك الدنيا عشان غني يعني.
ليهتف…. غني بس انت عبيطه اياك ايوب السوالمي ده سيد الناس الكل بيخاف منه واعر و َجوي َتجارته مجوياه.
لتهتف.. طب ربنا يزيده.
ليضحك… امال ايه بقه الحلال والحرام بتعمليهم عليا يا بت هدي وانت هتجوزي ايوب ابقي اسمعك بعد اكده تعيبي عليا يا بنت عادل.
لتهتف…. وايه الحرام اني اتجوز ايوب علي سنه الله راجل زين ورايدني بالحلال
ليضحك وتجارته حلال برضك.
لتهتف…. ومالها تجارته يا ابوي
ليضحك.. ايه راضيه بيها عادي اكده انت يا بت هبله لتنظر اليه بدهشه ليهوي قلبها وتشعر بذبحه في صدرها وترتعب عندما قال……
ياختااااي.. يا حزنك يا عطر.. وهوب هوب هوب.. هنط في ايه يا ولااااه 😅😅😅 خلصنا حب وسبسبه هنخش علي اييييه…

يتبع..

لقراءة الصفل التالي : اضغط هنا

لقراءة باقي حلقات الرواية اضغط على : (رواية الوجه الأخر للحلال)