رواية الوجه الأخر للحلال الفصل الثالث والثلاثون 33 بقلم ميفو السلطان

رواية الوجه الأخر للحلال الفصل الثالث والثلاثون 33 بقلم ميفو السلطان

رواية الوجه الأخر للحلال البارت الثالث والثلاثون

رواية الوجه الأخر للحلال الجزء الثالث والثلاثون

رواية الوجه الأخر للحلال الحلقة الثالثة والثلاثون

مرت الايام والاسابيع والاهتمام بعطر علي اوجه والكل يتفاني في رعايتها والطبيب بدا يلاحظ استقرار حاله عطر وعدم ظهور عطور ليقرر ان تبقي عطر مده حملها في المشفي تحت المتابعه فالمراه تكون ضعيفه ونفسيتها هشه اثناء الحمل وتحتاج الي رعايه.
**********
كان يحيى يجلس مع خالد صديقه وقد اسودت الحياه من بعد حبيبته ليهتف خالد…. ما خلاص بقى يا عم هو انا كل ما اجي الاجيك جاعد اكده زي البومه.
ليهتف يحيى… عايز ايه انت ما تسيبني في حالي منك لله كانت شوره هباب.
ليهتف خالد…. انت بتدعي علي وانا اللي كنت السبب ما انت اللي كنت بتحرب زي البارومه عايز ايه انت.
ليهتف بقهر… عايزه اصالح مرتي تعبت اني ما عدتش جادر.
ليتنهد خالد ويهتف…. طيب ما تراضيها النسوان بيحبوا النحنحه.
ليهتف يحيى…. غلبت اتنحنح و اتسهوك واراضي ناجص ابوس رجلها لو راضيه اني ابوس رجلها هابوسها بس هي مرضياش. موجوعه مني يا جلبي بس ما جادر اعيش من غيرها عيونها مليانه حنيه وحب وخابر انها بتتعذب بس ما جدراش على حالها. عشيه عملت اني تعبان عشان تجرب مني اترميت في حضنها كنت هاموت بس هي جفشتني وسخمطت عيشتي.
ليهتف خالد…. طب بسيطه اجوم دلوك اخبطك بحاجه تجع فيها تخاف عليك وتجرب منك.
لينظر اليه يحيى ويهتف…. وتاجي تخبطني روحي تطلع مانا استاهل مني لله.
ليهتف خالد… ليه بس تعال انا هاضربك ضربه اكده اعورك تخش عليها سايح في دمك تخاف وترشج في حضنك.
لينظر اليه يحيى ليتنهد بغلب… اني راجل مهزئ واستاهل كل اللي يجرالي ولا خلي يدك حنينه. ليجلس بغلب .
ليقترب خالد ويرزعه بوكس ليصرخ يحي.. يدك يا طور منك لله.
ليهتف خالد ضاحكا.. عشان تزرج ونسبكها هتجفشك يا حزين.
ليقترب خالد ويهتف غمض عنيك.
ليهتف يحي…. فيه ايه يا حلوف هتعمل ايه.
ليهتف خالد غمض بس هتدعيلي.
ليغمض يحي ليمسك خالد راسه ويرزعها في الحائط ليصرخ يحي وتنفتح راسه وتسيل منها الدماء ليفتح عينه بغضب…. والله لاجتلك يا طور منك لله راسي.
ليهتف خالد ضاحكا.. شكلك يخبل جوم بقه روحلها كنك دهسك جطر هتصعب عليها بس ادعيلي.
ليهتف يحي منك لله اشوف فيك يوم دماغي ماعاش شايف.
ليهتف خالد… هبقي اتصل اطمن نولت المراد والا لاه وليا الحلاوه.
قام يحي واتجه الي بيته وانتظر حتي نام الكل حتي لا يقترب منه احد ليصعد الي حجرته كانت ساره تستعجب فهو تاخر لتشعر بالقلق عليه ليدخل ليهوي قلبها فمنظره خلع قلبها فعينه زرقاء ومتورمه وراسه تسيل منها الدماء لتندفع.. يا مري فيك ايه مين عمل اكده.
ليذهب ويجلس ولا ينطق ويتصنع التعب لتندفع وتمسك راسه فيك ايه مين اللي عمل فيك اكده.
ليهتف…. ما فيش ما فيش حاجه.
لتصرخ……. يحي ما تجننيش مين اللي شلفطك اكده.
ليتنهد… ما فيش بس كنت اتخانجت مع ناس اكده.
لتستعجب….. وتتخانق مع مين.. مين دول ليه عملت ايه هما يعملو فيك اكده ليه.
ليتنهد ويهتف… عشان اهل العروسه عايزين يعملوا لي مشاكل وكانوا هيكروا علي ناس بس انا جولت لهم لو هتجتلوني ما هاجعدش ثاني ولا هروحلها.
لترتعب هي وتهتف…. يا مري هيأذوك هيعملوا فيك حاجه طب وبعدين لاه لاه اني لازمن اجول لعمي واجول لايوب.
ليهتف… لاه ما انا خلصت كل حاجه وبعت لهم جرشنات وخلصت الجصه وشديت مع خالد شويه وخلاص واترضينا.
لتصرخ…. يجوم يعملو فيك اكده منهم لله.
ليهتف البت موحيه اهلها وعايزاني وماراضياش بالجرشنات.
لتهب ساره… عايزاك.. عازها كفن عايزه ايه جي العجربه خرابه البيوت والله اروحلها اسخمط عيشيتها ماتسيبك في حالك.
ليشعر هو بالسعاده فهيا تغار عليه
ليتأوه ويضع يده على راسه لتقترب لتهتف بحنان…… بتوجعك.
لينظر اليها بوجع ويهتف… بتوجع جوي يا جلبي كل حاجه فيا بتوجعني.
لتقوم هي وتحضر بعد المراهم و المطهرات وتقترب منه وتبدا في تطهير جرحه وتنظيفه ووضع بعد المطهرات والمراهم وكل ذلك وهو ينظر اليها بحب وعشق ليشعر ان قلبه ينبض بحنانها وقربها. كانت تصب عليه حنانا وقلقها يبدو في عينيها ولمساتها حانيه بشكل هلك فيه كان يقترب من وجهها بشده ليهمس ساره لتنظر اليه لتجد وجع في عينيه.
لتهمس… انت موجوع ليه كده فيه ايه نروح للحكيم بتوجعك جوي.
ليمسك يدها ويضعها على عيونه ويهتف حطيها بس اكده واني هابقى زين.
لتتنهد وتتلمس جرحه بحنان ليقبل يدها ويغمض عينيه ويضع يدها على راسه لتقترب منه هي بشده ليميل على صدرها لترفع يدها وتضم راسه الى صدرها ليحاوط وسطها بيديه وينام على صدرها ويظل هكذا لا ينطق كل ما يفعله انه يمسد على جسدها وهي تتلمس راسه بحنان و كل منهم يشبع من حنان الاخر.
لتهتف….. جوم جوم ريح على السرير جوم ريح على فرشتك.
ليهتف…. اني مرتاح اكده وهانام اكده بالله عليك سيبيني انا تعبان.
لتتنهد هي وتظل في احضانه. لتقوم وتسنده للفراش وهو يتصنع التعب لتضعه لينظر اليها برجاء بالله عليكي ماعارف انا ليا يامه مانمتش. ساره اني اني…
كانت تعلم انه يريدها ان تنام في احضانه فهو لا ينام الا هكذا لتتنهد بغلب وتقترب وتندس من سكات في احضانه ليتنهد ويهتف.. ياااه جلبي حاسس اني روحي اتردتلي.
لتهتف.. نام اني بعمل بس اكده عشان عيان انما بعد اكده مافيش حاجه يللا نام من سكات.
ليشدد عليها ويتلمسها بحنان ليرفع وجهه وينظر اليها يملي عينه منها ومن قربها ليرفع وجهها لتنظر اليه ليهمس…. بحبك… يحي عاشج تراب رجلك عاشجك من راسك لطرف رجلك. عاشج وجلبه انهري واتربي جلب حبيبك تعب ليمسك يدها ويملس علي قلبه ده بيصرخ من وجعه رايد حبيبه.
لتهمس….. بطل احنا خلاص.
ليهتف.. خلاص ايه.. خلاص دي لما روحي تطلع بخت انهارده كت روحي تطل…
لتضع يدها بسرعه لتهتف….. بطل بقه ماتجولش.
ليبتسم علي لهفتها ليهمس.. خايفه علي يحي والا خلاص.
لتهتف…. عندك عيل.
ليهتف.. يعني ماخيفاش. يبقي خلاص بخت ربنا ياخد.
لتضع يدها وتهتف بوجع بطل بقه.
ليهتف لاه اني رايد ربنا ياخدني يا رب بطلبها منك لو مرتي مش رايداني.
لتكلبش فيه وتصرخ بطل بطل بتعمل ليه اكده بطل ليحتضنها ويشدد عليها. لتنتحب بقهر ليظل محتضنها ليبعدها ويمسح دموعها بشفايفه ويهمس….. اني دلوك ملكت الدنيا حبيتي رايدني مش اكده يا جمري مش رايد يحي اهوه عيونه بتجول انه رايد وعايز جلبي اللي هموت عليه وعيونه ساحت وهرت جلبي ليقترب بهدوء وينزل عليها ليتوه معها لتستسلم له فورا من خوفها لتفقده ليحس بجمال وقلبة يشتعل وكله يطلب حنانها لاول مره تعطيه بهذا الجمال ليظل هكذا وكان التحامهما عاشق لمعشوقه ولكن يحي لم يكتب له ان يهنا بعد ليصدح تليفونه ويظل يرن وهو مندمج لا يرد ولا يريد ان يخرج مما هو فيه لتنتفض هيا وتظل تدفعه وهو لا يتركها لتصرخ. ليكلبش فيها مره واحده ليهتف اهدي اهدي مافيش حاجه. ليستدير ليجد خالد صديقه يتصل ليتذكر انه قال له انه سيتصل ليقفل التليفون ويرزعه بعيدا من غيظه لتحاول هيا ان تبتعد ليشدد عليها ويهتف .. نامي نامي يا ساره عشان والله مامتحمل الولعه الي طايحه جوايا نامي واهمدي اني علي اخري. لتنام وتنكمش ليشدد عليها لتنام فورا ليظل هو يتلمسها بحسره منك لله يا خالد اشوفك والع ولعتي. اني عيل بومه وفجر كت خلاص هتبقي ليا اني مني لله اروح فين يا عالم هو كل يومين حرج اكده هتتراضي ميته ماعتش جادر هخلص وربنا.
*********
كانت عطر قد احست انها بدات تكون شخصيه الي حد ما قويه كانت ايضا تتصنع القوه امام ايوب وتعامله بطريقه لا مباليه كانه ليس موجودا كما انها احست انها اصبحت بلا اضطراب وزال الصداع تماما وايوب َو دراج لا يفارقانها رغم ابتعادها عن ايوب الا انه يتفاني في رعايتها لتمر الايام ويكبر الطفل َلتصبح علي مشارف الولاده والكل قد بدا يشعر بالراحه فعطور لم تظهر علي مدار سته اشهر ولم يصدر من عطر اي خلل عليها ليبدا الاطباء بتخفيف جلوس دراج معها ليرو هل ستستفاد عطور من رحيل دراج وتظهر لايوب َتستعيده خاصتا بعد ان كبر بطن عطر ومن الواضح لو خرجت عطور ستدرك ان بداخلها طفل ولكن الله كان رحيما بتلك النسمه العطره ليدرك الاطباء ان عطور راحت بلا رجعه ليستبشر الجميع وتبدا عطر في التنفس واستنشاق عبير الحريه من تلك الرائحه السيئه التي تسلطت عليها.
لتمر الشهور ويصبح الثقل علي جسد عطر من حملها كبيرا لياتي يوم كانت جالسه كانت في الشهر الثامن وكان دراج يجلس معها كانت قد اصبحت مرحه وتلقائيه ولكن بوجود ايوب تكون متحفظه لياتي لها دراج ذات يوم بمحمد وساره لتحتضنه كثيرا فهيا قد مر عليها زمن لم تراهم لتجلس معه وتحادثه وهو سعيد بمقابلتها فكانت حنونه عليه ليهتف عطر هو انت هتجيبي نونو صوح.
لتقول.. ايوه يا جلبي ايه مبسوط.
ليهتف.. ايوه عشان العب معاه.
لتهتف…. هتلعب معاه وتروحو المسجد سوا وتحفظو قران.
ليبتسم لها…… بجد يا عطر هرجع احفظ قران انت كت بتجوليلي بلا قران بلا وجع دماغ وكتي بتزعجيلي كنت بخاف اكلمك.
لتبتسم وتحتضنه وتهتف….. كت عيانه يا محمد بس ربنا رحيم بيا.
ليهتف…… يعني انت خلاص بقيتي كريسه.
لتهتف…… بدعي يا محمد اني ابقي كويسه ادعيلي اكمل علي خير
ليحتضنها…… هدعيلك عشان انت دلوك طيبه ومش عايزك ترجعي عيانه. ليحتضنها لتتنهد وتشدد عليه لتنظر الي دراج.. دراج انا عايزه اشتغل.
ليهرف.. شغل ليه يا عطر انت ناجصك حاجه.
لتهتف.. انا هسيب الدار يا دراج انا هسيب ايوب كفايه اكده
ليهتف دراج.. اديله فرصه تانيه يا عطر هو غلط اه بس بيحبك.
لتهتف .. انا اتوجعت منه اوي وفكره انه كان مع ست غيري وما حسش بيا وجعتني ودبحتني لو كان بجد بيحبني كان حس انه مش انا واستحاله اكون معاه بالشكل البشع ده. ايوب ماححسش كل الفتره دي وفاكرني بمثل حتي لو مثلت هبان بشكل بشع اكده هجلع وابين جتني عشان التمثيل هكونله ست من غير حيا.. فين الحب فين المشاعر الراجل بيحس بالست اللي بيحبها.
ليتنهد….. ما هو مظلوم برضه هيا كت كياده اوي وصعبه.
لتهتف.. حتي لو كانت صعبه دي مشاعر كل اللي همه ساعتها اني معاه وخلاص انا حاسه انه غرز سكينه في جلبي خيانه لمشاعري
ليهتف دراج.. طب هتشتغلي ازاي بس وابنك اللي في بطنك هتوديه فين.
لتتنهد وتشعر بالقهر…. هبقي اجيبه لمرت عمي كل يوم وارجع اخده
ليهتف.. ايوب مش هيوافج يا عطر ايوب له يامه بيحايلك ويراضيكي بس فيه حاجات خط احمر.
لتهتف بغضب…. ماله بيا احمر والا اخضر اني جولتله هطلج
لتسمع صوته.. انت لسه بترطي في الكلام ده اعمل في عجلك ايه
ليقوم دراج.. طب هتبتدو تتخانجو اخرج بقه عشان تغفلجوها زين وأخد محمد وخرج. ليقترب ايوب.. ايه بتبصيلي اكده ليه هتاكليني خلاص ماعتش فيه نظره حنينه تريح جلبي مره.
لتنظر اليه ساخره.. لاه الحنينه راحت للي كت رايداك.
لينظر اليها ليبتسم.. ويهتف بخبث.. طب كتي اتعلمي منها حاجه جبل ماتمشي كت بتعرف تكيف الراجل صوح.
لتشتعل هيا وتقوم وتخبطه….. انت تحترم حالك انت جليل الادب اه ما الهانم كت بتعرف في جله الادب وانت فاتحلها بقك من الاعاقه ما بتصدجو اي سحليه تبصلكو.
ليهتف…. لا سحليه ايه دا كت نار.. ليقترب ويغمز لها وينظر لجسدها برغبه مش نار برضك.
لتصرخ وتندفع تضربه بشده ……. ماتحترم نفسك ايه ده وانساها بقه بقله ادبك دي.
ليهتف ويحاوطها ويضحك .. اني يا جلبي مابفكرش الا في اللي واخد عجلي َخشبه يا بت حني علي امي شهور عذاب.
لتهتف…. ابعد عني وجولتلك خلاص جصتنا خلصت .وطلجني بقه الله.
ليشدد عليها ويهمس عايزه تطلجي يا جلب ايوب. ليرجف قلبها وتبتلع ريقاها وتهز راسها ليركنها ويقترب من وجهها يتلمسها بحنان.. جولي رايده دلوك اطلجك يا جلبي.
لتهمس… هاه دلوك. لاه.. هاه… اه
لينزل بشفتيه يتلمسها بحنان… ايوب هتتحملي يجولها ايوب العاشج عايزاه ينطجها جولي واني انطجها لتنظر اليه بهيام ليهمس اهوه اني تحت يدك مستني تجولي.
ليقترب من شفتيها ليهمس اطلجك دلوم لا حبر ولا غصبانيه جولي لتدمع عيناها ليهمس طب يا عطر عايزاني اجولك اني.. طا… لتشهق لينزل عليها يقبلها بلعوعه لتستجيب فورا من رعبها كانت تتشنج من الخوف ظنا انه سيطلقها لتتوه نعه بلوعه وهو احس بمشاعرها الهائجه ليبتعد ليهمس كت هجول طالع روخي يا واخده عجلي ليظل ينظر اليها بهيام تاهت في نظراته فهيا اصبحت في اخر حملها وتشعر باحتياج عاطفي شديد لتنظر اليه بحب ليبتسم لم يحتمل نظراتها وينزل عليها مره اخري ويتوه معها ليبتعد وقلبه قد فاض شوقا. ليمر وقت يتاملان بعضهما. لتنتفض
لتشعر بالغضب من استسلامها لتدفعه وتهب بعد انت بتضحك عليا. طب هتطلجني ولو ما طلجتنيش هخلعك.
لينظر اليها غاضبا ويمسك يدها يعتصرها ليهتف.. لمي بقه لسانك اكده مش عشان بجالي شهور صابر علي غباوتك تطيحي اكده هاه ايوب ماهيسكتش فاعجلي.
لتهتف.. انت اللي تبعد عني ورجوع مش هرجع.
ليهتف…. والله رطي براحتك رجوع هترجعي ومحبه لان جلبك اني جواه.
لتصرخ….. انت ايه ماعندكش كرامه.
ليستدير غاضبا ويقترب منها لتنكمش وتضع يدها علي راسها ليمسكها من ذراعها لتصرخ والله لو عملت حاجه لاسخمط عيشتك اياك تلمسني كان يمسكها بغضب.
لتهمس ايوب بطل بقه بتوجعني ليدفعها لتقع غاضبه لتشعر بالوجع مره واحده لتصرخ وتضع يدها علي بطنها وتصرخ.
لينفعل ويقترب.. مالك يا جلب ايوب.
لتهتف بوجع….بعد مالكش صالح… لتصرخ
ليهتف فيكي ايه.
لتهتف…. فيا مالكش دعوه انت وحش وهرست يدي اااااه.
ليهتف بغلب…. طب حجك عليا اني اسف… جولي فيكي ايه.
لتنظر اليه ساخطه لتصرخ. ليهتف يا مراري ماتنطجي.
لتهتف…. لاه ماهنطجش انت وحش.
ليصرخ.. اني زفت وطين هاه مبسوطه
لتهتف بوجع…. ووحش كمان.
ليتنهد بغلب ووحش وجطران. هاه مالك جلبي انخلع.
لتصرخ… وجع جامد إلحجني ليجلسها ويذهب مسرعا يحضر الطبيب ليسمع صراخها ليكشف عليها ليهتف دي ولاده مبكره بسرعه جهزوها.. ليحتضنها ايوب ويمسك يدها.
لتمسك يده خوفا…. ايوب اني خايفه البيبي هيجراله حاجه.
ليقبل يدها…. لا يا عمري هتبقي كويسه..
لياخذها الممرضات ليجهزوها لتمسك يده ماتسيبنيش اني خايفه اني خايفه.
ليحتضنها اهدي يا جلبي اهدي اني اهه.
لتكلبش فيه ايوب موجوعه جوي.
ليقبل يدها.. معلهش يا جلبي اتحملي وظل هو معها حتي دخلت غرفه العمليات وهيا تصرخ ان لا يتركها كانت خائفه ليلبس هو ويدخل معها ليمسك يدها كانت تصرخ من الالم والطبيب يحاول ان يخرج الطفل.. وهيا متمسكه بيد ايوب وتبكي وهو يقبل راسها ويمسح عليها ويهمس لها بحنان.
لتصرخ…. ايوب اني هموت ايوب اني خايفه اني هموت يا ايوب
ليهتف…. لا يا عمري والله هتبقي كويسه.
ليهتف الطبيب ساعديتي يا مدام نفسك معايا يلا..
لتكتم صرختها وتبدا في التنفس والطبيب يلقي عليها التعليمات وايوب محتضنا راسها ويسمعها كلمات التطمين ليعطيها الطبيب مخدر وتغيب عن الوعي.
هنا سمعنا صوت يصرخ وينبض بالحياه فاخيرا خرج من حاربت من اجله عطر لتزرع فيه خيرها ليتلقفه الطبيب المعالج وياخذه ويذهب به الي الحضانه ويكمل الاطبه تجهيز عطر لتنتهي الولاده وتعود عطر الي حجرتها ليمرالوقت ليقترب ايوب وتفتح عيونها وتتاوه كان المخدر مازال موجودا.. ليقترب ويحتضنها ليهمس…. عطر جلبي فوجي جبنا واد زيى الجمر.
لتتأوه.. ايوب..
ليهمس….. نعم يا جلب ايوب وعمره..
لتهمس…. اني بحبك جوي.
ليشدد عليها….. واني بعشجك يا جلب ايوب.
لتهمس.. ماتهملنيش اني كدابه اصحك تسيبني.
ليبتسم.. و اني مخبول يا جلبي داني اموت.
لتهمس.. حبيتها يا ايوب.. حبيت عطور يا ايوب.
ليقبلها.. احب ايه. احب حزن اسود دانت اللي خلعتي جلبي والله خلعتي جلبي.
ايوب اني عاشجاك بس هعمل مخاصماك واسود عيشتك اوعي تبعد عني.
ليضحك… عارف يا جلبي واديني جاطم اهه بتدعكي وشي واني صابر لاجل حبيبي يتراضي.
لتهمس.. اني حلوه عنها بتحبني اني.
ليقبل وجهها حلوه بس دانت الفرح كلو ويحبك لما هفطس.
لتهمس طب حبني كتير غرجني حب اني حاسه اني لوحدي خايفه.
ليتنهد.. اني معاكي يا جلبي خابر انك خايفه. وهغرجك حب لما تشبعي والله هغرجك.
لتظل تتمت له بكلمات الحب وهو سعيد ان داخلها يريده لتستيقظ لتجد ايوب بجوارها محتضنا اياها لتتاوه ليهتف .. حمدالله بالسلامة يا عمري.
لتبتلع ريقها لتهتف… عايزه ميه..
ليقوم ويهتف معلهش اصبري يا جلبي واحضر بعض القطن المبلل وغمسه في الماء ورطب شفايفها يخفف من ظمئها لتنظر اليه.. انا جبت ايه
ليهتف .. جبتي واد بس ايه جمر زيك اكده..
لتبتسم…. طب هو كويس حالته ايه اني خايفه.
ليهتف.. حالته زينه هو في الحضانه انت جومي بالسلامه وهتفرحي بيه.
لتدمع عينها وتهمس.. ايوب
ليقبل يدها… جلب ايوب من جوه
لتهمس…. عايزه اشوفه.
ليهتف عيوني انت بس تشدي اكده واشيلك علي جلبي وتشوفيه.
لتنظر اليه كانت تحتاج حنانه فالمراه بعد الحمل والوضع تكون في اضعف حالاتها ليقترب ويحتضنها لتستكين كانت اول مره منذ شهور تكون في احضانه ليمر الوقت لتتململ ليهمس نامي بالله عليكي نامي يا جلب ايوب مره من نفسي لتتنهد وتنام وتندس في احضانه ليشدد عليها ليظل يملس علي جسدها بحنان ويهمس لها بكلمات الحب متمنيا ان تنسي ماعانته وتسامحه وتعود اليه لتستيقظ في احضانه لتظل تراقبه ليرجف قلبها فهيا تعشقه لتتململ ليهتف.. مالك يا جلبي اجبلك حاجه.
لتهتف قاطبه.. لاه ماعايزاش منك حاجه وجوم بعد ايه اللزجه دي.
ليضحك.. و الله انت مجنونه.
لتصرخ…. احترم حالك وبعد ماطيجاش اني جربك.
ليحتضنها.. صوح والنبي امال مين اللي كان جافش فيا في البنج.
لترتبك.. جافش جافش.. بتجول ايه انت.
ليقترب من وجهها….. بجول اللي حبيبي جاله.. مش حبيبي جالي بحبك جوي.. لتشتعل من كسوفها ليهمس وجالي ماتهملنيش وان حبيبي كداب ماصدجوش وانه رايدني. وعايزني اغرجه حب . يا لهوي دا حبيبي جال جواله يا ناس.
لتشتعل…. بطل ايه ده دي تخاريف اني مش طيجاك يا بتاع عطور يا جليل الادب
ليضحك.. طب ماتيجي اجل ادبي معاكي ونفرحو.
لتصرخ…. بعد بجله ادبك اني مش زيها ولا بعرف اعمل زيها بعد روح شفلك سحليه تاكلك وتشبعك جله ادب.
ليهتف.. طب ما أعلمك يا جمر ونجل ادبنا سوا.ليشدها ويملس علي جسدها دانا هعلمك علام نار. وكل ليله غير التانيه بس تسيبيلي نفسك.. ماتسيب نفسك يا واخد عجلي الا انا بعض في الحيط.
لتخبطه اسيب ايه بطل جله ادب انت ايه كلو اكده مفيش حاجه تانيه.
لينحني يمسك وجهها ليهمس والله فيه كلو بس سيبيني مشاعري بدات تطفح علي جتتي هتخلص عليا جلبي انهري كفايه.
لتهمس مالي بيك اني بعد.
ليهتف.. مالي وحالي ودنيتي اللي هموت عليها ليقترب يقبلها لتشيح بوجهها كانت تريده بشده ليهمس يا بت بطلي ماهسيبكيش وهترجعي تزعلي اني خلاص ماعتش مستحمل وههجم عليكي اخد اللي رايده من خلعه جلبي
لتدفعه وتصرخ…. بعد في ليلتك السوده.
لتدخل فتاه وتبهت من صراخها لتهتف الممرضه ايه يا مدام براحه انت نفسه.
لتقطب عطر جبينها فتلك الفتاه تحوم حول ايوب لتقترب وتعطيها الدواء وتهتف خدي خدي ونامي وارتاحي لتحس عطر انها تراخت لتقف الفتاه وتقارب من ايوب وعطر تراقبهم وبداخلها ياكلها لتبدا في النوم واخر ما راته تلك الفتاه وهيا تضع يدها علي يد ايوب.وتخرج رقمها وتضعه في جيب ايوب لتشعر عطر بقهر وانها تتوه ولم تستطع ان تفعل شئ.
استيقظت عطر بعد فتره لتفوق لنفسها وتقوم ليقترب ايوب.. صحيتي يا جلبي.
لتنظر اليه غاضبه ونظراتها تحرقه ليهتف.. مالك بتبصي اكده اني جيت جنبك.
لتهب لتصرخ من وجعها ليهتف مالك براحه فيه ايه لتشده وتمد يدها في جلبابه لتخرج الورقه ليبهت لتصرخ عن اخرها و..

يتبع..

لقراءة الصفل التالي : اضغط هنا

لقراءة باقي حلقات الرواية اضغط على : (رواية الوجه الأخر للحلال)