رواية مراتي ريموت كنترول الفصل الأول 1 بقلم محمد خلف صالح

فى بيت بسيط جدا بتدخل ست شكلها قادرة ومستقويه وبتقول لجوزها

الا انت قولتلى الحاجه مديحه هتدفع كام فى اختك يا سيد ، اه مهو برضو انا مش عاوزاك يتضحك عليك ، ده انا اسمع ان الحاجه مديحه دى على قلبها شى وشويات

سيد قاعد زى خيبتها ومش بيعمل حاجه غير انه عمال يشد فى الشيشه ورد وقال

يا وليه كفياكى بقى من ساعه ما الست طلبت نادية للجواز من ابنها وانتى مش على بعضك ، ولا تكونيش مستكترة على اختى الجوازة دى ، ناديه غلبانه وطول عمرها طيبه وده عوض ربنا ليها

سناء

ههههه انا برضو هاغير من اختك علشان متجوزه واحد اااااا اسكت يا لسانى وبلاش نتكلم احسن ، خلى الطابق مستور ، يا راجل ده انا سمعت عن العريس كلام يشيب الرضيع ، بس برضو فلوس امه تهون المستحيل

سيد

انتى يا وليه ياللى اسمك سناء ، اقفلى بوقك ده خالص وإياكى ناديه تسمع الكلام ده ، خليها تتجوز وتتستر، ده كفايه انها هتعيش فى الفيلا الحلوة دى ونبقا نروح نعيش معاها

سناء بتلوى بوقها يمين وشمال وتقول

ايوة عندك حق ، بنت المحظوظة، ده انا اسمع ان الحاجه مديحه دى بترمى اكل فايض منهم يكفى البلد باللى فيها

ايه رائيكم نكمل حكايتنا الليلة …..

يتبع..