روايات

رواية إنه لي الفصل الرابع 4 بقلم دعاء علاء

رواية إنه لي الفصل الرابع 4 بقلم دعاء علاء

رواية إنه لي البارت الرابع

رواية إنه لي الجزء الرابع

رواية إنه لي الحلقة الرابعة

في نهاية اليوم قالي هستناكي تحت ف العربية
جيت أركب ورا زي كل مرة
قالي تعالي جنبي متقلقيش فيه بينا مساحة كافية ركبت وكنت متطمنة ليه جدا وعايزة اسمعه اكتر عايزاه يقولي حاجه عايزاة يهون علي نفسه
اتفضل اتكلم
_ف الوقت ده كنت معجب ببنت
كان في بنت بحبها من فترة وحقيقي كان نفسي نبقي سوا حسيتها بتبعد تدريجي اول ماعرفت اني بتعالج نفسي وداخل ف حالة اكتئاب الدكتور نصحني اني اروح الجامعة واحاول اتعامل مع الناس واهزر
علشان ده الحل الوحيد اللي هيخرجني من الحالة اللي انا فيها اول يوم نزلت فيه لاقيت الكل بيبارك ليها ع الخطوبة كنت مزهول مش مصدق ايه اللي بيحصل حواليا ده
خيانة بابا
وفاة ماما

 

 

قسوة بابا وإجباره ليا اني اعيش مع نفس الست اللي كانت سبب في تعب ماما ووفاتها
وزادت ب البنت دي
نقلت لجامعة تانية
بطلت افكر فيها مع الوقت وقولت هي مش اغلي من امي وانا بقالي كام شهر من غير امي وعايش اكيد من غيرها هعيش
يعني فضلت 3سنين مبقربش من حد حاسس اني خايف مش قادر اكون علاقات جديدة
ف سنة رابعة ف نص السنة كانت المعيدة شخصية محترمة جدا كنت مقرب منها جدا كانت أكبر من بكام سنة بس مش كتير كنت بحس اني متطمن معاها كنت حاسس انها اختي هي الوحيدة اللي كانت بتسمعني وتوجهني مع انشغال بابا مع مراته وابنه والكل بعيد عن المريض النفسي اللي فنظرهم هيتعبهم ويجبلهم اكتئاب
كنت جايبلها هدية كتبت عليها
شكرا علي كل نصيحة قدمتيها لينا شكرا علي اهتمامك ب انك تسمعيني اتمني يوم ما ارتبط ارتبط ببنت زيك ب اخلاقك قدام الجامعة لاقيت خناقة كبيرة جدا وصوت عالي لاقيتها هي بتعيط جريت بسرعة بحسب حد متعرض ليها شوفت جوزها منهار وبيصرخ وماسك صور ليها وهي مع واحد تاني وماسكين ايد بعض وبيضحكوا وقريبين اوي من بعض
حسيت الدنيا كلها خاينة
بابا اللي كان بالنسبالي المثل الاعلي وخان ماما وهي اللي كانت بالنسبالي كل حاجه ف اخر فترة طلعت خاينة بتخون جوزها مش قادر اصدق ولا اقتنع تعبت تعبت اوي
** كفاية كدة اهدي اهدي علشان خاطري انا هادي انا بحكيلك مش كنتي عايزة تعرفي انا مااتجوزتش ليه
بعدها بفترة بابا تعب ودخل المستشفي جالي مكالمة من المساعد بتاعه
روحت جري علي المستشفي
حضنته مهو بابا برضه وعمري ماقدرت أكرهه كنت بحاول ابرر جوازه قدام نفسي علشان ما اكرهوش علشان حتي اقدر اعيش واتعايش مع الوضع
بابا قالي اللي في البيت ده مش اخوك سمعت بنت ال,,,بتتكلم مع ناس ف التليفون وبتقولهم انا نفذت كل حاجة ومضيته علي بيع كل حاجه من غير مايحس
كدة فاضل ايه تاني انا عائشة بقالي 4سنين ف قرف وزهق حتي الولد اللي بربيه مش ابني
_ازاي يابابا ده مش اخويا
لا يا ابني هي فعلا كانت حامل والولد مات فبطنها واللي وراها جابو ولد لسة مولود علي أساس أنه ابننا واتفقوا مع الدكتور بتاع المستشفي كل ده سمعته وهي متعرفش اني موجود وواخدة راحتها في الكلام علي الاخر انا اسف ل امك وليك وحققك عليا متزعلش مني بس انا اتدبست ف الجوازة دي وعمري ماحبيت ولا هحب غير والدتك
_طب فهمني طب ازاي
مش وقته المهم ترجع البيت تقطع كل الورق وتولع فيه هي هربت قبل ما تاخد الورق ارتبكت اول ما شافتني زقتني علي دماغي وطلعت تجري وقتها

 

 

المساعد بتاعي كان مستني ف الجنينة شافها دخل ع طول كنت انا اغم عليا من أثر الخبطة
الولد ده سلمه ل اي دار ايتام وسيب فلوس لرعايته وانا عايزك تسامحني ولو مت تدعيلي اقابل امك وتكون مسمحاني بعد الشر عنك يابابا
رجعت ونفذت كل حاجه وجبت حرس زيادة للبيت وزودت عدد الكاميرات ف البيت والشركة وبقيت بتابع الشغل وكليتي وبابا والضغط زاد عليا اوي
مكنش فيه غير عمو هاني صاحب بابا كنت باخد رأيه فكل حاجه وكان واقف جنبي ف الشركة وكان بيحاول يعرف مني كل التفاصيل كنت مستغرب مستغرب جدا مكنتش عارف ليه بيسأل عن مرات بابا وايه اللي تم وايه طلع ف الكاميرا اكتر ما بيسألني عن صحة بابا بس مكنتش بتكلم كنت بجاوبه
كنت ف البيت بالليل وجبت الموبايل علشان اعرف كانت بتكلم مين اخدت الرقم واتصلت من عندي طلع عمو هاني
اتخدعت ف كل الناس مبقاش عندي ثقة فحد بقيت بموت مش قادر احب مش قادر اشوف بنت بريئة مش قادر اتخيل إني هقدر اتعامل مع بنات واولاد واعيش عادي
لحد من فترة قريبة لما تعبت ولاقيت اهتمام كبير من الولاد والبنات هنا وكانوا جنبي ف كل دقيقة وقتها حكيت للدكتور ومع الوقت والجلسات وكلام كتير منه بقيت قادر اتعامل واهزر والتعامل عادي مع البنات ف الشغل بس ف حدود الشغل وبس ومش قادر احب ولا اتجوز وف نفس الوقت حطيت تركيزي كله علي اني اكبر كيان الشغل واكون مصطفى اللي انتي شايفاه ده اللي بيضحك ويهزر ويكون جد

 

 

مصطفي الناضج الشديد وفنفس وقت طفل
*قالها والدموع نازلة من عينه وبيترعش رعشة خفيفة
قولتله خلاص بقي انا عايزة اكل ترمس بالشطة والكمون والليمون
_ده انا بحبه زيك بالظبط بالشطة والكمون والليمون
*خلاص بقي يبقي ناكل ترمس
_ناكل ترمس

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية إنه لي)

اترك رد