رواية شبيه زوجي الفصل الأول 1 بقلم ملك شكري

رواية شبيه زوجي الفصل الأول 1 بقلم ملك شكري

رواية شبيه زوجي البارت الأول

رواية شبيه زوجي الجزء الأول

رواية شبيه زوجي الحلقة الأولى

الساعه كانت ٤ بعد نص الليل قرب الفجر باب البيت بيخبط بطريقة مش طبيعيه اشبه للرزع وصوت ضخم ومرعب بيقول
-افتحي
-افتحي
–
مش هسيبك ههههههه
كان في صوت ضحكة كلها شر وخبث وصوت خربشه على باب الشقه وكأنه بيخربش ب حوافر مش ب ضوافر بني ادم
قومت برعب برعب بحسس ف كل مكان لأني انا عادتي مبحبش انام وفي نور دايماً بضلم أوضتي والبيت كله قبل ما انام ف اتحركت وف ايدي كشاف موبايلي وبمشي على صوابع رجلي وصوت الخبط لسه مستمر ونفس الصوت الي يرعب
– افتحي
لسه بمد عشان أبص من العين السحريه صوت الخبط وقف وبصيت مكانش فيه حد واقف حاولت اطمن نفسي بما اني عايشه لوحدي لان معظم الأوقات جوزي بيبقا مسافر بالشهر والشهرين والتلاته كمان ولازم اطمن نفسي والا هفضل صاحيه ومش هعرف انام قولت بصوت يكاد يكون مسموع
-مفيش حاجه دي تهيؤات
بلف وشي عشان ارجع اوضتي وياريتني مالفيت لقيت وش يكاد يكون لازق ف وشي ملامحه متداخله ف بعضها عيونه مبرقه وواسعه جدا ونن عينه اسود كبير ومبرقلي وانا كنت رافعه الكشاف ف ملامحه كانت باينه صرخت بأعلى صوتي ومره واحده حسيت بنفسي وانا بقع من على سريري وجسمي كله بينزل مايه وبنهج كأني كنت في سباق لقيت كل الانوار مطفيه وبعدها سمعت صوت خبط الباب اترعبت وفضلت اعيط وبحاول اكتم صوت عياطي وبكتم نفسي وحاولت أقرا قران ف سري بس الغريب اني تقريبا نسيت كل القران حتى الفاتحه حاولت افتكر اي حاجه نورت كشاف موبايلي وخدت نفسي واخيراً افتكرت اية الكرسي فضلت اكررها وانا رايحه ناحية الباب وببص ف العين السحريه بحذر والغريب اني لقيت جوزي واقف برا!!!
استغربت وعلمات الدهشة ظهرت على وشي نورت النور وجريت فتحت الباب لقيته حضني وبيقولي
-وحشتيني
-وانت كمان وحشتني انت اي الي رجعك
بصلي بستغراب!
-ايه الي رجعني انتي مكنتيش عايزه تشوفيني ولا اي ده أنا بقالي شهر ونص غايب عن البيت
-لالا طبعا مقصدش ادخل ياحبيبي غير هدومك
مرضيتش اقلقه ولا احكيله اي حاجه شوفتها او حلمت بيها وزي ماتقولوا مهتمتش مجرد كابوس
دخلت احضرله اكل ياكله سخنت رز وبانيه وسلطه وحطيتهم ع السفرا وخرج خالد وهو لابس بيجامه بس استغربته اوي وقولتله
-معقول لبست البيجامه ده دي ده انت كنت بتكرهها
ابتسملي بهدوء زياده وقالي
-مش عشان بكرهها ارميها عادي بجرب
بصيتله وهزيت راسي بمعنى الاقتناع
قعد على السفرة وانا قعدت معاه والغريب ان خالد الي عمره ما كل ب ايده ابدا مسك الرز ب ايده وكله بنهم غريب بقا ياكل كل الأكل بالهفة غريبه وضوافره مكانتش نضيفه وطويله نوعاً ما وده عكس خالد جوزي تماماً دايما بيهتم بنضافته وبالذات انه مش بيحب يسيب ضوافره ودايما بيقصها وينضفها بس مرضيتش اعلق عشان محرجهوش وقولت ف نفسي يمكن انشغل زياده ونسي طبيعي بتحصل خلص الأكل كله وقام ولسه بيقعد بصيتله بستغراب قولتله
-خالد انت مش هتغسل أيدك!
بصلي بنفس الابتسامه مع الهدوء المستفز والنظرات الغريبة
-ا اه معلش نسيت
قام ودخل الحمام طول جوا انا قلقت عليه لأنه عدا تقريبا عشر دقايق او ربع ساعه وهو المفروض بيغسل ايده على طول وبيخرج قومت أشوفه يمكن حصل حاجه لقيت باب الحمام مقفول ف كان في فتحه صغيره في الباب فضولي خلاني أبص بالذات انه كان في هدوء مع صوت زي صوت عوي الديب بس هادي اوي بصيت وياريتني مابصيت…شخص مرعب واقف قدام المرايه بيبتسم بشر ابتسامه مرعبه وبقه بينزل سائل مختلط مع اللون الاحمر وبيضحك اوي للمرايه بشر
أنا كنت مرعوبه واتاكدت ان الي جوا ده مش خالد جوزي اتنفضت لما لقيت ايد بتتحط على كتفي ببص لقيت…………

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية شبيه زوجي)