رواية امرأة بقلب طفلة الفصل الحادي عشر 11 بقلم أسماء كمال
رواية امرأة بقلب طفلة الفصل الحادي عشر 11 بقلم أسماء كمال
رواية امرأة بقلب طفلة البارت الحادي عشر
رواية امرأة بقلب طفلة الجزء الحادي عشر
رواية امرأة بقلب طفلة الحلقة الحادية عشر
عبد الرحمن بصدمة :-
نعم
أخذت هاجر نفسا عميقا وقالت :-
ايوة بحبك بس أنت جبلة ومبتحسش
عبد الرحمن باستغراب :-
ان شاء الله لسانك ده يتشل ياشيخة
طب سيبيني افرح الاول وبعدين ابقي هزأيني براحتك
ضحكت هاجر وقالت :-
لا مهو عشان حضرتك مقموص من ساعة اخر مرة اتكلمنا ومش مديني وش
عبد الرحمن :-
مانتي ما صدقتي هربتي كأني كنت مقعدك غصب عنك وبعدين انا مش هغصبك عليا ياهاجر
هاجر :-
ماشي يا عبد الرحمن
عبد الرحمن :-
لا احنا نلغي عبد الرحمن دي خالص من النهاردة اسمي حبيبي
هاجر :-
لا اهدي عليا كده وبراحة وربنا ارجع في كلامي
عبد الرحمن :-
هو لعب عيال بقي ولا اي
هاجر :-
عادي اطلع عينك زي مانت مطلع عيني طول عمرك اخد بتاري شوية
عبد الرحمن :-
طب قوليها تاني عايز اسمعها ياهاجر تاني يلا
هاجر بابتسامة :-
بحبك
عبد الرحمن :-
يالهووي انا كمان بحبك بحبك اوي ياهاجر مش عارف مكنتش واخد بالي من مشاعري قبل كده ازاي
هاجر :-
كل حاجة ليها وقتها ده اللي فهمته مؤخرا
عبد الرحمن :-
طب قوليلي بقي أنتي بتحبيني من أمتي
تنهدت هاجر وقالت بحزن :-
من زمان اوي من ساعة ما عرفت يعني اي حب او يمكن من قبل ما اعرف اصلا حبيتك وكانت يمني تقولي ده اخوكي وانتي بتحبيه كأخ بس انتي عشان طفلة مش فاهمة وكبرت والحب ده زاد مقلش لما جات ريهام وبدأت تنجذبلها كنت بموت وكرهت ريهام عشان انت حبيتها ومحبتنيش
لما اتجوزت مكنتش قادرة اجي الفرح وكنت مقضياها عياط وبالعافية جيت لما ماما غصبت عليا ومقدرتش استحمل ومشيت
ساعة ما سألتني ليه افتكرتي جاسر ده انا لما كنت في الفيوم مردتش عليك بس دلوقتي بقولهالك لاني مكنتش مبسوطة وانا حاسة اني مزعلاك
وكنت بتمني انه يكون أنت عشان اترمي في حضنك واقولك متزعلش انا اسفة مقدرش علي زعلك
عبد الرحمن بخبث :-
احنا لسه فيها اهو
هاجر :-
اهدي ياحبيبي ده كان مجرد تمني بس هلاوس يعني
عبد الرحمن :-
يا اي
شعرت هاجر بالخجل بعدما أدركت ما قالته :-
بس يا عبد الرحمن بقي
عبد الرحمن :-
انا ازاي مكنتش حاسس بمشاعرك طول الفترة
طب بلاش ازاي مكنتش فاهم اني مشاعري ناحيتك مش حب أخ لأخته
هاجر :-
مش بقولك جبلة
عبد الرحمن :-
بره ياهاجر اطلعي بره فصلتيني من المود خاالص
هاجر :-
لا استني اطلع بره ايه
هو انت فاكر الموضوع هيعدي بالساهل كده
عبد الرحمن :-
اومال اي
هاجر :-
لاااا ده أنت هيتنكد عليك ل 5 سنين قدام
عبد الرحمن بمزاح :-
لا نكد تاني انا انسحب انسي كل الهري اللي احنا قولناه ده قال نكد قال
هاجر باصرار :-
والله ما يحصل ده أنت مخليني شغالة عياط من اربع سنين ويمكن اكتر لحد ما يمني زهقت مني ومنك ومن اليوم اللي عرفتنا فيه
فاكر ده كل هيعدي كده بالساهل ده انا هنكد عليه لسنين قدام اصبر عليا بس
عبد الرحمن :-
طب اسمعي بقي فكك من الهزار وخلينا نتكلم جد
لو شوفتك واقفة بتتكلمي مع واحد مش هتعرفي اي اللي هيحصلك خصوصا الملزق اللي اسمه معتز ده
هاجر :-
عيب يابني ده ابن عمتك
عبد الرحمن :-
هااجر انتي سامعة انا قولت اي وانتي اكتر واحدة عارفة ان قلبتي وحشة فبلاش
هاجر :-
لا وعليه اي الطيب احسن
عبد الرحمن :-
الزفت اللي اسمه جاسر ده لو اتعرضلك تاني تجي تقوليلي فورا
هاجر :-
حاضر اي أوامر تانية ياحضرة الظابط
عبد الرحمن بابتسامة :-
بحبك
هاجر :-
لا اجيلك في وقت تاني شكلك مجنون دلوقتي
عبد الرحمن :-
ماشي ياهاجر اهربي اهربي
بس حطي في علمك بعد تالتة ثانوي وهتجوزك
توقفت هاجر ونظرت إليه بصدمة
هاجر بصدمة :-
جواز اي اللي بعد تالتة ثانوي انت بتهزر
عبد الرحمن :-
لا بتكلم جد مش تحمدي ربنا اني هستني حوالي سنتين
هاجر باندهاش :-
لا ده انت جاي علي نفسك اوي كتر خيرك يابني والله سنتين بحالهم
عبد الرحمن :-
انتي لو كنتي كملتي 18 انا كنت اتجوزتك دلوقتي علي فكرة بس حضرتك لسه قاصر
هاجر هااااجر
هاجر :-
يمني جات تعالي يايمني
جاءت يمني ويبدو أنها سعيدة
يمني :-
هاجر هاجر تعالي معايا بسرعة
هاجر:-
في اي يايمني
يمني بفرحة :-
خالوا جمال تحت ومعاه اياد
هاجر :-
بتهزري جم امتى
يمني :-
لسه واصلين حالا يلا اياد بيسأل عليكي
عبد الرحمن :-
واياد يسأل عليها ليه ان شاء الله
يمني :-
عادي يا عبد الرحمن ابن خالها
عبد الرحمن :-
قال يعني انا كنت ناقص اخلص من معتز يطلعلي اياد هما الاسكندرانية دول قاصديني بقي
هاجر :-
بس ياعبد الرحمن ده ابن خالي عادي مفيش حاجة يعني
يمني :-
طب انا هسيبكوا تتخانقوا براحتكوا بس تعالي ورايا علي طول يا هاجر
هاجر :-
ماشي
رحلت يمني ونظرت هاجر لعبد الرحمن وقالت :-
اي ده ابن خالي
عبد الرحمن :-
ماشي
هاجر :-
انا هنزل بقي اسلم عليهم عشان وحشوني اوي
عبد الرحمن :-
وحش اما يلهفك بقولك اي مش عايز كلام مع اياد ده نهائي ماشي عشان انا عارفه ابن خالك ده بيلتزق فيكي اكتر من معتز
هاجر :-
حاضر ياعبد الرحمن حاضر
انا هنزل بقي
عبد الرحمن :-
شوف متلهفة ازاي ماشي ياهاجر روحي
ضحكت هاجر وقالت :-
طب والله انت مجنون
تركته هاجر ورحلت بينما هو يتآكل من الغيرة لانه يعلم إياد جيدا
Stop
جمال هو شقيق ايمان الوحيد وخال هاجر ويمني
هو من تبقي لايمان بعد وفاة والديهما
جمال حنون طيب القلب يحب شقيقته وابنتيها كثيرا يعيش بالإسكندرية مع زوجته وأولاده
زوجته تدعي تهاني وهي لا تحب ايمان
أكبر ابنائه
علياء وهي متزوجة وتعيش خارج البلاد مع زوجها وابنتها
التوأم إياد وإلين يبلغان من العمر 20 عاما
أي انهما يكبران هاجر بثلاث سنوات وأصغر من يمني بسنتين
إياد وإلين مختلفين تماما
فإياد يغلب عليه طبع والدته بينما إلين يغلب عليها طبع والدها حيث تجدها حنونة وطيبة القلب
Play
جاءت هاجر وهي فرحة جدا بقدوم خالها
هاجر بفرحة :-
خااااالو
جمال :-
حبيبة خالوا وحشتيني اوي
هاجر :-
وانت كمان ياخالوا وحشتني جدا
إياد :-
وانا ياجوجو موحشتكيش
اختفت الابتسامة من علي وجه هاجر وقالت برسمية :-
اهلا اياد حمد الله على السلامة
إياد :-
الله يسلمك ياجوجو
عبد الرحمن :-
اسمها هاجر هي كبرت علي الدلع خلاص
جمال :-
سيادة الرائد اهلا وسهلا
عبد الرحمن بابتسامة :-
اهلا بيك بشمهندس جمال القاهرة نورت
إياد وهو ينظر لهاجر :-
منورة بأهلها
لاحظت هاجر نظرات عبد الرحمن التي تكاد تقتل إياد فقالت محاولة تغيير الجو :-
خالوا فين إلين مجاتش معاكوا ليه وتنت تهاني
جمال :-
مرة تانية ياحبيبتي ان شاء الله
انا روحت البيت عندكوا البواب قالي انكوا هنا فجيت اتمني مكونش بزعجك يا استاذ عز
عز :-
متقولش كده ياجمال ده احنا نشيلكوا فوق رأسنا
جمال :-
الله يخليك يارب
آمال :-
يمني هاجر يلا يابنات نسيب ماما مع خالكوا واحنا نروح نحضرلهم أكل
هاجر :-
حاضر يا تنت يلا يا يمني
يمني :-
يلا
بقي جمال واياد اربعة ايام كاد عبد الرحمن أن يقتل اياد بسبب تقربه لهاجر
كانت هاجر سعيدة لأنها تشعر بغيرته عليها ولكنها خائفة من حدوث اشتباك بينهما
ارتاح عبد الرحمن اخيرا بعد رحيل إياد وعودته إلي الإسكندرية
مرت أسابيع وانتهت هاجر من الفصل الدراسي الاول وبدأت بالفصل الثاني
هاجر :-
عبد الرحمن انا متوترة اوي مش فاضل غير الترم ده وابقي تالتة ثانوي الايام بتعدي بسرعة
عبد الرحمن :-
اومال انا ليه حاسس انه من وقت ما قررت نتجوز بعد تالتة ثانوي والايام مش بتعدي خالص
هاجر :-
شوف انا بتكلم في اي وهو بيتكلم في اي
عبد الرحمن :-
وهو في اهم من كده
بصي ياهاجر انا كل اللي يهمني انك تكوني جمبي ومعايا اكيد طبعا يهمني انك تكوني ناجحة ومبسوطة بس صدقيني بالنسبة لي اهم اننا نكون سوا يمكن أنتي تسمي دي انانية بس انا بحبك وعايزاك تكوني جمبي في اقرب وقت
هاجر :-
عبد الرحمن هو انا ممكن اسألك سؤال
عبد الرحمن :-
انتي تعملي اللي انتي عايزاه
هاجر بتردد :-
انت حبتني امتي وازاي قصدي يعني انت كنت
صمتت هاجر ولم تجيب فأكمل عبد الرحمن :-
انا فاهم قصدك وعارف أنتي عايزه تقولي اي
قصدك اني كنت متجوز صح
هاجر :-
الفكرة انك كنت متجوز عن حب يا عبد الرحمن فازاي ده حصل
عبد الرحمن :-
بصي ياهاجر من اول ما قولتلك بحبك وانا عارف أن السؤال ده شاغلك وكنت متوقع تسأليه قبل كده فأنا هريحك واجاوبك تمام
هاجر بانتباه :-
تمام
عبد الرحمن :-
الحب مش بالقلب بس وده اللي فهمته مؤخرا
لازم القلب يحب والعقل كمان لانه لو كان بالقلب بس ميبقاش حب حقيقي او خلينا نقول ميبقاش حب ينفع اننا نكمل حياتنا بيه
انا اكتشفت ان حبي لريهام كان مجرد اعجاب
او يمكن قلبي بس اللي حبها
حب شكلها وطريقة كلامها المزيف
حب حد مش حقيقي وعقله كان ديما يقوله انت غلط انت مخدوع بالشخص ده
كل ده بان علي حقيقته بعد الجواز
اكتشفت عيوب انا مكنتش شايفاها او يمكن كنت شايفاها وبحاول أغمي عيني عليها
هاجر :-
يعني اي يعني اي حد عنده عيوب مش من حقه يحب ويتحب
عبد الرحمن :-
لا طبعا ياهاجر احنا كلنا عندنا عيوب احنا بشر مش ملايكة بس الحب تضحية واهتمام واحترام بين الطرفين ومشاركة ومساندة في كل حاجة
ولو غابت اي حاجة من الحاجات دي العلاقة تبقي مش موزونة فما بالك إن كل الحاجات دي تكون مش موجوده
اي علاقة في الدنيا ياهاجر هات وخد زي ما ليك حقوق لازم تاخدها عندك واجبات لازم تقوم بيها
ريهام عايزه تاخد بس مش تدي معندهاش استعداد تتنازل وتشوف طلبات جوزها
معندهاش اعتراض تعلي صوتها عليه او تكسر كلامه وغيره وغيره وانا مبقولش انها وحشه بس يمكن هي اتربت علي كده فصعب انها تغيره خاصة انها مش عايزه تغيره اصلا
وانا مبقولش اني ملاك وهي شيطان انا بشر بغلط عادي فاهماني ياهاجر
هاجر :-
اه
عبد الرحمن :-
لكن انتي ياهاجر غير انا قلبي وعقلي اجتمعوا علي حبك حتي وانا مع ريهام كنت بفكر فيكي طول الوقت بس وقتها مكنتش فاهم مشاعري
انا بحبك ياهاجر ومش عايز اضيع لحظة تاني من عمري وعمرك واحنا بعيد عن بعض ياحبيبتي
هاجر :-
انا بحبك اوي يا عبد الرحمن اوعي تسيبني او تتخلي عني
عبد الرحمن :-
مقدرش صدقيني
————-
إياد :-
يمني اي بس ياماما اللي اتجوزها انتي بتتكلمي في اي انا اقولك هاجر وانتي تقوليلي يمني
تهاني :-
يا غبي افهم عيلة البدري دي معاها فلوس متتعدش وجوز عمتك مجابش ولد يعني فلوسه كلها لبناته شوف بقي لما تتجوز يمني هتبقي مليونير
إياد :-
وهو يعني هاجر مش بنته مهي زيها زي يمني
تهاني :-
هاجر اي البت دي مش ساهلة
متدلعة من صغرها وده مقوي قلبها وشايفة محدش قدها لكن يمني طيبة وسهل تضحك عليها بكلمتين وتكوش علي فلوسها
إياد :-
بس ياماما انا عايز هاجر وبعدين يمني أكبر مني بسنتين
تهاني :-
فكك من جو الحب والغرام ده ملوش لازمة في الزمن ده الفلوس هي اللي هتعليك وتخليك فوق
انا عايزه مصلحتك ياحبيبي انت ابني الوحيد
إياد :-
هفكر ياماما
تهاني :-
اهو كده تعجبني بلا حب بلا كلام فاضي
————
أوصل عبد الرحمن هاجر لمنزلها وبعدها عاد لمنزله
صعد لغرفته وبدل ملابسه وذهب ليرتاح فلديه يوم شاق غدا
سمع طرقات علي الباب فاذن للطارق بالدخول
آمال :-
صاحي ياحبيبي
عبد الرحمن :-
تعالي ياست الكل
آمال :-
هتكلم معاك في موضوع مهم
عبد الرحمن :-
خير ياماما
آمال :-
مش ناوي تريح قلبي بقي وتتجوز
عبد الرحمن :-
متخافيش ياماما هيحصل اصبري بس
آمال :-
امتي انا كل ما افتح معاك الموضوع ده تقولي قريب قريب ومفيش حاجة انت بتضحك عليا ولا اي
عبد الرحمن :-
ابدا والله بس لسه مجاش الوقت المناسب
آمال :-
طب خلاص قولي هي مين
عبد الرحمن بابتسامة :-
ده هيريحك يعني
آمال :-
شوية
تنهد عبد الرحمن وقال :-
حاضر يا أمي
هاجر
آمال بصدمة :-
هاجر مين… هاجر بنت عمك
عبد الرحمن :-
اي ياماما مالك اتخضيتي كده ليه
آمال :-
لا ابدا اتفاجأت بس
عبد الرحمن :-
طب قوليلي رايك في الموضوع ولو اني حاسس انك مش موافقة وهاجر مش عاجباكي
آمال :-
ابدا يا حبيبي هاجر مفيش زيها في الدنيا ادب واخلاق وجمال واهي متربية وسطنا وعارفينها كويس غير ال يلا مش مهم اهي راحت لحالها
وغير كده انا كل اللي يهمني سعادتك بس
عبدالرحمن :-
بس اي
آمال :-
مش صغيرة عليك شوية
عبد الرحمن :-
اهم حاجة التفاهم ياماما
ها اي رايك
آمال :-
منا قولتلك كل اللي يهمني سعادتك وهاجر مفيش منها ومادام انت هتكون مبسوط فأنا مبسوطه
عبد الرحمن :-
ربنا يخليكي ليا ياست الكل
اصبري بس سنة تخلص تالتة ثانوي وهنتجوز علي طول ماشي
آمال بابتسامة :-
كده انت ريحتني ربنا يريح قلبك ويسعدك يارب
ابتسم عبد الرحمن وقبل رأس والدته
————
رهف بغضب :-
بقولك اي الموضوع عدي عليه وقت طويل واتنسي عايزين نرجع نكمل شغلنا بقي
جاسر :-
وانا قولتلك موقفي مش هيتغير يارهف انا ماليش دعوة بالبت دي تاني
رهف :-
انت مجنون ولا اي احنا مش اتفقنا اننا ندمرها
جاسر :-
وانا مش هدمر نفسي عشان مشاكل بينك وبين صاحبتك
رهف :-
يعني ده أخر كلام عندك
جاسر :-
اه
رهف :-
ماشي ياجاسر بس بكره لما ادمرها هتكون انت اللي عليك الدور مااشي
جاسر :-
انا مبتهددش ياحلوة واتكلمي علي قدك
تركها جاسر ورحل فهو لا يدري كيف يحب تلك المعتوهه هي بالتأكيد مريضة نفسية وقرر قرار هام لابد أن ينفذه
وبعد أسبوع أمام مدرسة هاجر
في السيارة
عبد الرحمن :-
كلميني علي طول بعد ما تخلصي امتحان تطمنيني عملتي اي
هاجر :-
حاضر
عبد الرحمن :-
انا عندي شغل كتير النهارده ممكن مقدرش اجيلك بعد الامتحان
هاجر :-
ولا يهمك خد بالك من نفسك بس
عبد الرحمن :-
ماشي اهي رهف صاحبتك جات اهي
هاجر :-
يلا سلام
عبد الرحمن :-
مع السلامة
نزلت هاجر من السياره وذهبت لصديقتها
عانقتها رهف بقوة وقالت :-
هاااجر وحشاني اوي ياهجورة
هاجر :-
وانتي كمان
رهف :-
تلاقيكي مخلصة المادة مليون مرة
هاجر :-
مش للدرجه دي يعني
رهف :-
عليا انا بردو يلا ندخل هنتأخر
هاجر :-
يلا
وبعد انتهاء الامتحان امام المدرسة
رهف :-
اووف كان امتحان وحش
هاجر :-
ليه يابنتي ده كان كويس
رهف :-
قال كويس قال بقولك اي انا ماشية باي
هاجر :-
اسمها سلام
رهف :-
ما علينا
تركتها رهف ورحلت ونظرت هاجر لساعتها
هاجر :-
الوقت اتاخر اكيد عبد الرحمن مش جاي انا همشي
انسة هاجر
نظرت هاجر خلفها لترى من يناديها
هاجر :-
يوووه انت تاني انت مبتحرمش
جاسر :-
لو سمحتي اسمعيني مرة واحدة
هاجر :-
اسفة عن اذنك
جاسر :-
انسة هاجر صدقيني في كلام مهم لازم تعرفيه
عبد الرحمن :-
كلام اي المهم اللي لازم تعرفه ده ها سمعني
هاجر بخوف :-
عبد الرحمن
عبد الرحمن :-
هو انت اي معندكش دم غاوي تموت يعني
جاسر :-
لو سمحت انا جاي في موضوع يخص مصلحة الانسة هاجر وماشي علي طول
عبد الرحمن :-
خليك ورا الكداب لحد باب الدار اشجيني ياسيدي
نظر جاسر لهاجر وبدأ بالحديث :-
انسة هاجر انا
عبد الرحمن بغضب :-
لا انت تبصلي انا وانت بتتكلم وانجز عشان انا خلقي ضيق
جاسر :-
انا مكنتش بتعرضلها من نفسي كده
انا اساسا لا اعرفها ولا عمري شوفتها في حياتي
في حد قريب منها قالي عليها
حد يبان انه بيحبها لكن هو بيكرها وبيحقد عليها وبيغير منها وعايز يدمرها
هاجر :-
مين ده
جاسر :-
رهف صاحبتك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية امرأة بقلب طفلة)