رواية نور القلب الفصل الثالث 3 بقلم إيمان السيد
رواية نور القلب الفصل الثالث 3 بقلم إيمان السيد
رواية نور القلب البارت الثالث
رواية نور القلب الجزء الثالث
رواية نور القلب الحلقة الثالثة
-تاني يوم بعد ما خلصوا جامعة خرجوا وخمس دقايق ولقوا احمد وصل تقي طبعاً ركبت جمب اخوها ونور ركبت ورا واتحركوا احمد نور كانت لافته نظرو وعمال يحاول يعمل مش همه وكدة بس عينه كانت بتروح غصب أو مش غصب اوي يعني 😂
-ووصلوا المكان اللي كانوا يرحينلوا وخلاص طالعين احمد بيقول لتقي هتخلصوا امتي عشان اجي اخدكوا
-تقي : احمد حبيبي انت كويس د انا جايباك بالعافية
-احمد : بت انجزى منا اكيد مش هخليكوا تروحوا لوحديكوا
-تقي : خلاص ماشي قبل ما نيجي نمشي بشوية هرن عليك
-احمد : اوك
-طلعوا نور وتقي لفوق وقعدوا مع صاحبتهم وقعدوا يلاعبوا الصغنن بتاعها شوية وبعدين تقي رنت علي احمد وشوية وجه خدهم
-وهما مروحيين تقي لنور: يا نوري ماما عازماكي عالغدا عندنا بكرة إن شاء الله
-نور : لا طبعا مينفعش انتي عارفة بابا مش هيوافق
-تقي : انا بكرة إن شاء الله هاجي استأذنه واخدك ونروح اوك
-نور : شوفيه الاول لو وافق انا معنديش مانع
-تقي : اوك
-تاني يوم بتروح تقي للحاج صلاح وبتستأذنه وبتفضل تتحايل عليه شوية فبيزهق من كتر الزن ويرضي وتاخد تقي نور وتروح عندها
-اول ما بيوصلوا مامت تقي هادية نور حبيبتي ازيك عاملة ايه وحشتيني جداً
-نور : وحضرتك كمان والله وبتسلم عليها وبيقعدوا شوية وبعدين بتروح هادية تشوف الغدا
-نور لتقي : بت يا تقي مامتك دى ولا اختك دي اللهم بارك صغنونة اوي وملامحها جميلة كدة وتشوفيها تتدخل القلب علطول
-تقي : هه طبعاً مش امي
-نور : هو ايه أصله ده بت انتي شخصية نرجسية علي فكرة وبعد كدة هديكي على دماغك عشان تتعدلي
-تقي : خلاص اني آسف
-علي الغدا كلوو بيتجمع الحاج عادل انتي نور اللي تقي تقريبا مبتتكلمش غير عنك بس اهلا بيكي يا بنتي اتشرفت بيكي نورتي
-نور : شكرا يا عمو ده من ذوق حضرتك تسلم
-وبعد ما خلصوا اكل كانوا قاعدين نور وتقي ومامت تقي فـ تقي اقترحت يلعبوا لعبة اسألة وكدة فكلهم وافقوا وبدئوا يلعبوا وانتهي اليوم وروحوا وبعد كدة تتوالى الايام والأحداث وأحمد ونور بيتقابلوا بالصدفة او ممكن يكون احمد سوسة أو الكاتبة اللي هي انا اللي سوسة ايهما اقرب 😂
-فـ احمد ابتدي يعجب بنور وقرر انو يتقدملها لانه حس انه مرتحلها ولما صلي استخارة ارتاح اكتر فعرض على مامته اللي وافقت ورحبت جدا وتقي اللي كانت هتطير من الفرحة ونفسها تجوزهم دلوقتي
-واتوكل احمد علي الله وراح اتقدم
-قبل كدة بكام يوم الحاج صلاح دخل على نور اوضتها خبط
-نور : ادخل
-الحاج صلاح: صاحية يا نوري
-نور : ولو مش صاحية اصحالك ولو مش فاضية افضالك انا عندك كام بابا حبيب قلبي
-الحاج صلاح: يا بكاشه، عايزك في موضوع
-نور : خير يا بابتي
-الحاج صلاح: خير يا حبيبتي في عريس متقدملك
-ملحوظة : احمد وتقي كانوا حبين يعملوا مفاجأة لنور وقالوا للحاج صلاح ميقولهاش هو مين
-نور : عريس؟! ، مين
-الحاج صلاح: هو شخص كويس ومحترم وإن شاء الله لما تقبليه ترتاحيلو ولو مرتاحتيش محدش هيغصبك على حاجه هو جاي بعد بكره بإذن الله
-نور : حاضر يا بابتي ربنا يقدم إللي فيه الخير إن شاء الله
-الحاج صلاح: ربنا يريح قلبك يا حبيبت قلبي
-نور : ويديمك ليا يا حبيبي
-الحاج صلاح: عايزة حاجة تصبحي على جنة
-نور : وانت من أهلها يارب
-وبيخرج الحاج صلاح وبتقعد تفكر نور في العريس وبتبقي عايزة ترن علي تقي بس بتلاقي الوقت اتأخر فبتمسك نفسها بالعافية وتستني لبكرة
-تاني يوم بتقابل نور تقي في الكلية وبتحكيلها وتقي بتعمل نفسها متفاجئة وبتقعد تفكر معاها وتقولها يا تري مين وهي اصلا من جواها هتموت وتقولها وبيعدي اليوم وتاني يوم تقي بتروح لنور من الصبح بدري عشان تبقي معاها وبيروقوا الشقة وبتجهز نور وكدة وده كلو ونور متعرفش انو احمد هو العريس
-بعد شوية بيدخل الحاج صلاح على نور وبيقولها يلا يا نور تعالي خرجي القهوة يلا ونور بتكون مكسوفة ومحرجة جدا فبتشجع نفسها وتخرج وبتبقي باصة في الأرض ومرفعتش رأسها ولا شافت هو مين وبتحط الصينية علي الترابيزة وبتروح تقعد جمب ابوها وهي من كتر الكسوف كانت عماله تفكر يا تري هو مين مكنتش سامعة ولا كلمة من اللي بيقولوها بعدها بشوية بتسمعهم بيقولوا نسيبهم شوية مع بعض وبيخرجوا الباقي فبتفضل باصة في الأرض
-نور وهي بتكلم نفسها : ياه اول مره اخد بالي من الورد اللي في سجادة بيتنا ده صدقوا اول مرة اكتشف ان اللون ده موجود في السجادة اصلا دا انا اللهم بارك عليا بقالي ٢١ سنة عايشة هنا ومأخدتش بالي من اللون والورد ده انا اتحسد والله
-بتفوق نور علي صوت بيقطع تركيزها : طلعوا كام ؟؟!
-نور بتلقائية : ٦٧
-احمد : ما شاء الله مهو حقك بصراحة بقالك ساعة قاعدة باصة في الأرض حتي مرفعتيش راسك تشوفي مين العريس اللي قاعد ولو حتى من باب الفضول
-نور بصدمة: يللهووي هو انت ؟؟!!
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية نور القلب)