رواية خادمة الصقر 2 الفصل العاشر 10 بقلم يوستينا سامي

رواية خادمة الصقر 2 الفصل العاشر 10 بقلم يوستينا سامي

رواية خادمة الصقر 2 البارت العاشر

رواية خادمة الصقر 2 الجزء العاشر

رواية خادمة الصقر 2 الحلقة العاشرة

و قالها بغيظ/ بس مش معني كدة اني هسيب حقي يا قطة .. ده انا عاصي السيوفي
و فاجاه مسك آلة حادة كبيره و رفعها في وش لارا و هي برقت و فتحت بقها بصدمة 😯😯😯😳😲
لارا/ انت هتعمل ايه يا مجنون انت
عاصي ابتسم بخبث / ما انا قولتلك اني جايلك و ناويها
و مسك الآلة و بدا يخبط علي ازاز العربية جاااامد و بدا يكسر فيه بغل .
لارا بصدمة / يخربيتك و يخرب البيوت اللي جمب بيتك يا شيخ.. انت عارف العربية دي بكام
عاصي رمي الآلة من ايده علي الارض / بس كدة عربيتك تقريبا بقت شبه المرحومة اللي عندي في البيت ، و بعدين عربية ايه اللي كام يا بيئة دي ما تسواش حاجة جمب العربية بتاعتي … يلا سلام يسطا
و لسه عاصي هيمشي لارا جريت عليه و اتشعلقت علي ضهره و بدات تعضه من رقبته
عاصي بصريخ / يا بت العضاضة .. اوعي يا بت انزلي
اعاااااااا والله ما هسيبك يا لارا الكلب
عاصي وقعها من علي ضهره و مسك رقبته بوجع و بدا يبصلها بغيظ / والله ما هسيبك .. تعالي هنا
لارا كانت بتجري و تستخبي ورا عربيتها و بتطلع لسانها بغيظ / هو انت فاكر اني هعيط علي الازاز انت اللي تعمل كدة يا حمادة مش انا

عاصي بغل / كمان حمادة .. طيب ورحمة ابويا ما هسيبك يا لارا الزفت
و حاول انه يمسكها و فعلا بعد محاولات مسكها بغيظ و لوي دراعها الاولاني
لارا بوجع / انت بتعمل ايه .. انت بتوجعني يا زفت
اي ده انت بترفع كم التيشرت بتاعي ليه .. لاااا احنا متفقناش علي التحرش
عاصي بصدمة / انا اتحرش بيكي انتي يا صعلوق
و مسك ايديها و عضهاا لكن بغل اكتر بكتير و لارا اتغاظت جدا و اتوجعت و سابها عاصي و كان لسه هيركب عربيته و هو بيضحك سمع لارا بتعيط جامد
رجعلها تاني
لارا كانت قاعدة علي الارض ماسكة ايديها اللي لواها و بتعيط / علفكرة انا مش هسيبك في حالك والله ما هحلك يا عاصي
عاصي اضايق اوي و قرب منها./ هو للدرجة دي عضيتك جامد والله ما اخدت بالي اصلي كنت مغلول منك يا لارا
لارا بتمسح دموعها بطفولية / لا ايدي اللي لاوتهالي كانت مكسورة قبل كدة من هزار ادهم معايا و انت وجعتهالي اوي
عاصي بخوف/ انا .. انا اسف والله ، طب قومي معايا اوديكي المستشفى حالا
و فاجأه لارا ضربته بالآلة بتاعته علي دماغه بغشم و قالتله بغيظ / ما تقريبا انت هتروح المستشفى فعلا يا سكر
عاصي مسك رأسه بوجع / اه يا غشيمة .. اه
لارا شافت دم في راسه اتخضت و زقته عنها و ركبت عربتها بسرعة و مشيت و هي بتردد / انا قتلته و خلصت العالم من غتاته .. ايوة انا اللي قتلته .. يا صغيره علي البهدلة يا لارا .
و مشيت بعربيتها .. انا عاصي قام و كلم صاحبه تامر اللي جيه ووداه المستشفى و كلم وعد اخته كمان .
_______________________________________________

في اوضة فهد في المستشفى
دخلت نغم و شافت كارمن نايمة جمبه / قومي يا بت انتي من جمبه ، اخوكي تعبان
كارمن / ياربي علي العنصرية اللي احنا فيها ..طيب يا ستي اديني قومت اهو
نغم قعدت جنب فهد و اخدته في حضنها وبدات تتكلم معاه بخوف / حمد لله على السلامه يا حبيبي انت مش متخيل انا حصلي ايه لما شوفتك بحالتك دي .. انا قلبي مخطوف من ساعتها
فهد عيط بوجع / انا اسف يا ماما والله غصب عني
نغم مسحت دموعه و قالته بخوف / طب صارحني يا قلب امك .. انت كنت بتحبها و هي رفضاك مثلا
ولا كنتوا بتتخانقوا و انت عملت فيها كدة
فهد بصدمة / ايه اللي انتي بتقوليه ده يا ماما . انا عمري ما اعمل كدة في نسمة ابدا او في اي واحدة وثقت فيا .. ورحمة جدتي ما حصل الكلام ده …انا شربت عصير الجوافة و بعدها حسيت نفسي مش شايف انا بعمل ايه و مش سامع غير صريخ نسمة اللي مش قادر اخرجه من دماغي من ساعتها
كارمن / كفاية يا ماما الكلام اللي يوجع ده. فهد معملش كدة وانا واثقة فيه … و النبي قفله بقي على الموضوع ده و كفاية عياط و كل حاجة هتتحل
فهد / ماما اوعي تقولي لصقر .. انا هصلح كل حاجة
نغم بحزن و دموع / ابوك عرف و الاعلام عرف و الدنيا مقلوبة يا ابني اساسا .. انا مش عارفة الاقيها منين ولا منين يا ربي
كارمن بحده / ليه كدا بس يا ماما حرام عليكي .. فهد حبيبي بصلي متخفش ما ياما الاعلام طلع علينا كلام و احنا كدبناه .. فهد بصلي
فهد بصدمة/ نسمة يا كارمن .. حد جاب اسمها ردي علياااا اوعي تكدبي

كارمن / لا والله لحد دلوقتي محدش يعرف اسم او شكل البنت اللي كانت معاك صدقني . انت ارتاح خالص دلوقتي و انا معاك و مش هسيبك
و اخدته في حضنها و هو بدا يغمض عينه بتعب
و قامت نغم من جمب فهد و خرجت برا تعيط علي حال ابنها و جوزها اللي حابس نفسه في اوضته و رافض يكلم حد و فاجاه لقت حد بيحط ايده علي كتفها
___________________________________________
في اوضة صقر
جميلة ببتسامة بتحاول تخفي بيها حزنها / يلا بقي يا بابي كل .. انت تعبان و محتاج تتغدي جامد
صقر ببتسامة / يا حبيبتي انا كويس صدقيني .. بس كفاية اكل بقي انتي و خالد مش بتعمله حاجة غير بتاكلوني
…دخلت قمر و معاها ادوية صقر .
قمر بغيره / بقي كدة ..يعني لو جميلة هانم مقعدتش جمبك تاكلك انت مش هتاكل يا صقر
طبعا ما انت راحت عليا من زمان
جميلة خرجتلها لسانها و حضنت صقر / قولها اه يا صقر .. قولها ان انا اللي في القلب
صقر بصوت واطي لجميلة/ و ينكد عليا يا جوجو الايام الجاية دي كلها ترضيها لابوكي برضو
…ضحكت جميلة جامد هي و صقر و قمر اتغاظت اكتر و في اللحظة دي دخل ادهم
صقر بفرحة / ادهم اخيرا شوفتك يا ابني .. قرب تعالي ده انت واحشني يا ابني
ادهم كان بيبص لجميلة بطرف عينه لكن بيحاول يداري و اتكلم مع صقر / انا تمام يا عمي .. المهم انت صحتك عاملة ايه دلوقتي يا حبيبي
صقر/ انا تمام سيبك مني انا دلوقتي .. قولي انت كويس ليه بعدت و سبتنا فجاه كدة حد هنا زعلك من حاجة .. ده معاذ و فهد بيحبوك اوي
قمر و هي بتلعب في شعر ادهم / و انا و نغم بنموت فيه . طب دي نغم معتبره نفسها خالته صح يا ادهم
ادهم بحزن / اه ما ماما كانت دايما تحكيلي عن صداقتهم و انهم كانوا زي الاخوات من قبل ما يتجوزوا اساسا
صقر قرب منه و حضنه / و بعدين يا ادهم انت لازم تهون علي نفسك شوية . هما مش هيغلوه علي اللي خلقهم
ادهم / انت تمام يا عمي والله.. انا هروح اطمن علي فهد .. تيجي معايا يا جميلة

جميلة كانت حزينة علي اللي هو فيه لكن بصتله بتردد و اتفاجات بصقر بيقولها / اه طبعا روحي مع ادهم و هتلاقو معاذ سبقكم .
و فعلا جميلة جهزت وراحت مع ادهم و ركبت معاه عربيته
_______________________________________________
في الشقة عند كريم و ياسمين 😂❤️
في اوضة يزن كريم كان بيصحيه بالمخده
كريم/ قوم ياض .. انت هتعملي فيها ميت .. قوم يا يزن بدل ما والله اجيبلك الماية اقومك بيها
ياسمين/ براحة عليه يا كريم كدة ممكن يتخض ده نايم الصبح
كريم رفع حاجبه بستنكار / مين ده اللي يتخض .. ابنك ده هو اللي يخض يا اختي ده العفريت يعمله حساب
في اللحظة دي يزن ضحك و كريم قفش انه بيمثل النوم و شده من شعره و بص لياسمين بغيظ / جالك كلامي بيمثل انه نايم .. ده ابني وانا عارفة كويس .. قوم ياض
يزن قام قعد علي السرير و كان قالع التيشرت و نايم بالبنطلون / ما انا عارف يا كريم انت هتتكلم في ايه
طلاما داخل بالحماس ده كله يبقي عساف كلمك و اشتكالك مني
كريم رمي في وشه التيشرت بتاعه/ البس الاول هدومك مش عارف قاعد كدة بتستعرضلنا عضلاتك يلااا ..هو انت ياض مش سقعان ده الجو برد يا عديم الحساس
يزن ضحك / اديك قولتها عديم الاحساس يا بوب
كريم بغيظ / سبحانك يارب هو يوسف بقرفه
ياسمين خبطت كريم في كتفه بغيظ / كريم متشبهش ابني بيه .. يزن عمره ما كان زيه ولا هيكون سامع
كريم بصلها بندم و سكت و حس انه فعلا غلط لما جاب سيره يوسف بعد العمر ده كله .
يزن بستغراب / هو مين يوسف اللي وشكم قلب اول ما قولته اسمه كدة
كريم / احم ولا حاجة ..المهم خلينا في موضوعنا انت ليه ياض غشيم كدة .. و ماتقوليش شغلي عايز كدا ما عساف كان ضابط و مكنش كدة
يزن قام من علي السرير و بيجهز هدومه علشان ياخد
شاور / عساف ده عنده طوله صبر وانا معنديش وقت للناس اللي ملهاش لازمة دي.. هو زعلان اني فتحت دماغ اسامة . طب لعلمك بقي الواد ده لو اخدته ساعتين هيقر بكل حاجة .. لكن مع عساف هيقد سنة
…كريم من غيظه مسك الفازة و حدفها عليه لكن يزن كان اسرع منه و دهل الحمام و قفل الباب عليه و كان بيضحك
كريم بغيظ/ الواد دخل المستشفى يا حيوان . ابنك ده مستحيل يكون ضابط ده بلطجي .. انتي مخلفالي بلطجي و هيجيب اجلي قريب
_______________________________________________

قدام اوضة فهد ..
نغم لقت معاذ هو اللي وصل اول ما شافته اترمت في حضنه..و معاذ كان بيحطبط عليها بحب
معاذ/ خلاص يا نغم وحياتي عندك .. صدقيني انا هتصرف و كل حاجة هتتعدل
نغم / هتحصل ازاي دي ..اذا كان خالد رافض يتكلم معايا انا شخصيا يا معاذ
معاذ/ ايوه علشان كده انا جيت النهارده انا هقعد مع فهد لحد ما الدكتور يكتبله على خروج وانتي وكارمن تروحوا لخالد الفيلا وحاولوا تتكلموا معايا
بحيث انه يهدى من ناحيته شويه وهو ما يحصلش بينهم اشتباك اول ما يخرج
نغم / يعني انت شايف كده معاذ و تفتكر اصلا ان خالد ممكن يسمع مني في الظروف دي
معاذ /ايوه طبعا هيسمع منك انت وكارمن وانا كلمت قمر وصقر كمان وهيتكلموا معاه ..المهم انا جبتلكم عربيه بره بالسواق روحوا انتوا
….وفعلا نغم سمعت كلام معاذ واخذت كارمن ومشيت من المستشفى و قعد هو معاه لكنه فهد كان نايم و قرر انه يسال عن نسمة و كان رد الدكتور واحد انها عندها انهيار عصبي و عايشة علي المنوم الفتره دي
_______________________________________________
في القسم 🤬
عز دخل / خير يا يزن كنت عايزني في ايه
يزن بحرج / احم بقولك اي .. اي. اخبار البت اللي كانت ممسوكة في الشقة الزبالة دي.. انا مش فاكر اسمها اي
عز / اه ميرا.. انت متعرفش انها خرجت برائة امبارح بعد ما مشيت بحوالي ساعة
يزن قام وقف بسرعة من علي مكتبه و خبط علي المكتب بعصبية / يعني ايه طلعت بريئة .. انت بتستهبل يا عز ، هو حسام اتهبل ازاي تخرج فهمني
عز رفع حاجبه بستغراب. / واحنا مالنا يا يزن اساسا
القضية هو اللي ماسكها مش احنا.. هو اللي مسئول عن البنات اللي اتمسكت في شقة الاداب
انما احنا كنا عايزين خيري عزام و طلع مكنش موجود هناك

يزن بغيظ / طب ما ممكن البنات دي تكون عارفة اي مكان لخيري الزفت ده ، هو مش كان بيروح علطول يسهر في الشقة دي .. وانا بقي شاكك ان ميرا دي بالذات تعرف كل حاجة
عز باندهاش / مالك يا يزن بتتكلم كدة.. وميرا مين اللي تعرف كل حاجة ، ما كل البنات و اولهم صاحبة الشقة شهدت ان كان اول يوم ليها هناك غير ان الكشف الطبي اثبت انها انسة يعني برا كل الحوارات دي
يزن/ لا مش مبرر لازم نحقق معاها انا وانت .. اسمع مني يا عز
عز ضحك بتريقة / لا ده انت اتهبلت رسمي .. فوق يا يزن باشا انت مالك بقواضي الاداب ، احنا بندور علي خيري تاجر السلاح .. شكل موضوع صقر الحديدي ملخبطك .. انا رايح مكتبي
خرج عز من المكتب و يزن قعد و هو مضايق اوي / يعني خلاص كدة مش هشوفك تاني … احسن برضو دي كانت واحدة باردة وومستفزة و دايما بتخرجني عن شعوري
بس هلاقيها و حياه امي لالاقيكي يا ميرا .. قال خرجت برائة قال .
_______________________________________________
في المستشفى عند عاصي كان قاعد مضايق اوي و راسه ملفوفة بشاش بعد ما اتخيطت اربع غرز
تامر صاحبه قاعد بيحاول يكتم الضحكة / يعني بعد كل جو العصابات اللي انا و انت خططناله ده . في الاخر برضو انت اللي اتعلم عليك . البت دي مسخره
عاصي بغيظ اتحرك من السرير باندفاع / وديني ما هسيبها
.. اعا يا راسي اخدتي علي خوانة يا وعد
وعد بضحك / طب ما هي كل مره بتعمل كدة يا قلب وعد ..و بعدين ما تتحمقش اوي كدة احسن الغرز تفك يا عاصي
عاصي بتعب / انتوا جايين تشمتوا فيا ولا تهدوني
اطلعوا انا عايز اقعد لوحدي انا و الشاش برا بقي
تامر ضحك جامد/ طب اهدي .. ده انا حتي جبتلك كل المعلومات عنها و هتنصدم
عاصي بتركيز / والنبي . طب قول بسرعة .
____________________________________________
فيلا الحديدي
ن…غم وكارمن كانوا بيحاولوا يتكلموا مع خالد لكنه كان رافض يسمع اي حد.. و للاسف في الوقت ده معاذ كان جايب فهد وراجع الفيلا بيه .
في العربية برا 😑

معاذ / ها هتدخل الفيلا و لا تروح تقعد عند عساف الفتره دي يا فهد
فهد بتعب / انا لازم اتكلم معاه يا معاذ و لوحدنا روح انت مشوارك متخفش عليا
معاذ/ يا عم ده ادهم و جميلة اللي عايزني يعني ممكن يتاجل لكن
فهد / معاذ من فضلك سيبني انا هتصرف ..وانا واثق ان خالد هيديني فرصة افهمه اللي حصل
…وخرج فهد من العربيه ودخل الفيلا ما كانش عارف ايه اللي ممكن يحصل ومعاذ من خوفه فضل مستنيه في العربيه
استوووووووووووووب تفتكروا اي رد فعل خالد ؟؟

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية خادمة الصقر 2)