رواية عوده الماضي الفصل الثامن 8 بقلم منى الصاوي

رواية عوده الماضي الفصل الثامن 8 بقلم منى الصاوي

رواية عوده الماضي البارت الثامن

رواية عوده الماضي الجزء الثامن

رواية عوده الماضي الحلقة الثامنة

يطفئ كل الانوار ويقترب فريد من شروق ويذوبوا كلا منهم
في قبلة طويله حتى تفوق شروق مع اضاءه انوار القاعه
تبعد فريد عنها وتجري خارج القاعه الي ان تصتدم بشخص
شروق.. محمود حبيبي انت جيت امتى وترمي نفسها في
أحضانه باكيه
محمود.. ايه يا شروق كنتوا فين انا بدور عليكم وبتعيطي
ليه فريد جراله حاجه انطقي ساكته ليه
فريد يأتي من خلفه
فريد.. محمود اخيرا جيت كل ده يا راجل ده خلاص كلها
يومين ونرجع ويحتضن أخيه ونظرة معلق بتلك الواقفه
وعلى وجهها آثار دموع ونظره عتاب لفريد
محمود.. احنا هنفضل واقفين والا ايه المكان هنا زحمه اوي
ومكنتش عارف أسأل مين عنكم لولا شروق لقيتها قدامي انا
جاي تعبان يلا نطلع الغرف بتاعتنا
وبالفعل يصعدوا الي غرفهم بالفندق فريد… تصبحوا على خير
بكرا نتكلم يا محمود انا تعبت النهارده اول مره اسهر

 

 

 

يدخل فريد غرفته يلوم نفسه لما فعل ويحمد الله عن وصول
أخيه بعد مرور هذا الموقف ولكنه يتذكر قربه من شروق
ونظرات عينيها التي تنطق بالحب ويتلمس شفتاه ويمضي
الليل عليه وهو يفكر فيها
عند محمود وشروق
شروق.. وحشتني اوي يا محمود ليه اتاخرت كدا انا تعبت خلاص
محمود.. معلش كان في صفقه مهمه كان لازم تخلص عارف
انك تعبتي وانا خلاص موجود اليومين دول ارتاحي قبل ما نسافر
بس قوليلي الظاهر اني وحشتك بجد انت طريقتك معايا
مختلفه اوي النهارده حبيبي ووحشتني ياريتك سافرتي من زمان
شروق تحضن محمود دون النظر في عيونه وتهرب من
نظراته خوفآ من ان يفضح أمرها بسبب نظرتها ودموعها
ويأتي صباح يوم جديد على أبطالنا يذهب محمود وفريد الي المشفى لانهاء اخر فحوصات لفريد والاطمئنان عليه قبل السفر
اما شروق فهي تتلاشى ان تلتقي بفريد غير في أضيق
الحدود وياتي يوم السفر إلى مصر

 

 

فريد.. شروق انت بتهربي مني ليه اللي حصل بينا ده مش
غلطه ده حب انا حبيتك فعلا ومش علشان كنتي جنبي انا
حبيتك من اول مره شوفتك حبيت نظرتك ليا اوعي تفتكري
اني مكنتش واخد بالي انا حاسس بحبك من اول مره
شروق.. لو سمحت يا فريد محمود بيخلص الأوراق وحالا
يرجع ارجوك مش لازم يحس بحاجه انت غلطان انا مش بحبك افهم
فريد… شروق مين على
شروق… عل……
محمود.. اتاخرت عليكم
ينظروا باتجاه محمود ويخرجوا الي الطائره المتجه الي القاهرة
بعد مرور ساعات قليله تصل الطائرة مطار القاهره حيث
ينتظر عائله فريد وعند ظهور فريد يجري أولاده اليه
وزوجته التي تستقبلهم بحراره

 

 

سمر.. فريد حبيبي الحمد لله على سلامتك الحمد لله على رجوعك لينا بالسلامه
حبيبتي شروق متشكره ليكي جدا مش عارفه من غيرك كنا
عملنا ايه مش عارفه هنودي جمايلك دي فين
شروق.. عيب عليكي كدا يا سمر انت اختي وفريد كمان
اخويه وتنظر تجاه فريد
محمود.. بقولكم ايه كفايه سلامات يلا على البيت
شروق انت روحي معاهم انا هعدي على الشركه امضي شويه اوراق واروح اجيب عربيتي من الجراج وارجع
شروق.. تمام بس حاول متتاخرش انت راجع من سفر المفروض ترتاح
محمود.. حاضر يلا سلام خلي بالك منها يا فريد
فريد.. ينظر لشروق ويقوله في عيوني
شروق… معلش ممكن توصلوني الأول عند ماما في طريقكم
فريد.. انت لسه بتقولى لمحمود انه راجع من سفر خلي
مامتك النهارده وروحي بكرا علشان ترتاحي
سمر….في ايه يا فريد خليها براحتها اكيد مامتها وحشتها
روحي يا حبيبتي لمامتك ربنا يخليهالك
شروق.. ماشي معلش هاخركم شويه
تتصل شروق بوالدتها وهي في السياره وتطمئنها بوصولها

 

 

وانها قادمه إليها تنتظر الام ابنتها في لهفة أمام منزلها
ياسمين والدت شروق… حمدالله على السلامه وتنظر للذي
ينزل من السياره بتعجب وتقول سبحان الله ايه الشبه ده
فريد.. الله يسلمك ازي حضرتك دي اول مره نتقابل
ياسمين تمد يدها في زهول الله يسلمك يا بني
فريد.. دي سمر مراتي وولادي
ياسمين اهلا وسهلا يا بنتي حمدالله على سلامه جوزك
سمر.. الله يسلمك يا طنط متشكره جدا على وقفه شروق
جنب فريد لولاها مكناش هنعرف نعمل ايه
ياسمين مفيش شكرا بين الأخوات يا بنتي اتفضلوا عندنا شويه ترتاحوا من الطريق
فريد.. شكرا يا طنط لازم نروح ماما اكيد منتظره بفروغ الصبر انت عارفه بقى
ياسمين.. عارفه يابني ربنا يطمن قلبها عليك بس لازم تكرروا
الزياره المره الجايه علشان نتعرف عليكم كويس
فريد وسمر. إن شاء الله مع السلامه

 

 

تنظر ياسمين لشروق نظره كلها عتاب ويدخلوا الي المنزل
ياسمين.. دلوقتى عرفت اسرارك على السفر وحالتك لما كان
اخو جوزك تعبان هو ده السبب يا شروق
شروق.. سبب ايه يا ماما انا مش فاهمه
ياسمين.. مش فاهمه ايه انت بتضحكي عليا والا على نفسك
ده صوره من على اكيد لو تؤم مكنش هيبقى شبهه اوي كدا
ازاي يا بنتي هتتحملي الوضع ده انا خايفه عليكي
شروق.. تنهار بالبكاء وتحضن امها
انا تعبت يا ماما مش قادره كأن على رجعلي تاني بحاول
افرق بينهم مش عارفه نفس الشكل وتمسح دموعها وتسكت
قليلا ثم تقول لا مش نفس الروح على كان حاجه تانيه ده مش على يا ماما
ياسمين.. خلاص يا حبيبتي اهدي مش لازم جوزك يحس
بكل ده جوزك بيحبك يا بنتي بلاش تخسريه
شروق.. عارفه متخافيش عليا يا ماما انا هبقي كويسه
هو انت مش هتاكليني والا ايه انا م يته من الجوع
ياسمين.. ياقلبي من عيوني ثواني والاكل يكون جاهز
وبعدين تيجي تنامي في حضني شويه شكلك تعبانه أوي
شروق. خلاص هكلم مي تيجي تجيب لي عربيتي وحشتني اوي
ياسمين.. خلاص خليها تيجي تتغدى معانا بالمره
شروق.. تمام

 

 

الووو مي حبيبتي انا وصلت وحشتيني اوي اه لسه واصله
عند ماما ماشي يا حبيبتي انا مستنيه ماما بتقولك
متتاخريش علشان تتغدى معانا سلام
شروق تدخل غرفتها تفتح دولاب الملابس تخرج صندوق
صغير يضم بعض الصور لعلي وبعض الهدايا الصغيره
تحتضن صوره على ودموعها تنزل بغزاره وحشتني اوي
بعد مرور ساعة تجلس مي وشروق وياسمين على السفره يتناولوا طعامهم
مي.. الحمد لله تسلم ايدك يا طنط الاكل يجننن
ياسمين.. الف صحه وهنا على قلبك يا بنتي
شروق.. ماما هقعد انا ومي شويه في اوضتي
ياسمين.. ماشي يا حبيبتي هتكلمي جوزك يعدي ياخدك
شروق لا يا حبيبتي هو هتاخر شويه كدا وهنزل انا اروح
ياسمين.. المهم بلاش الوقت يتأخر مش عايزاكي تسوقي
متأخر شكلك تعبانه أوي
تدخل شروق ومي غرفتها وتحكي لها كل ما حدث بينها وبين فريد
مي.. غلط غلط يا شروق قولتلك انت بتلعبي بالنار مصدقتيش
شروق.. انا تعبانه يا مي انا عايشه على ذكرى على محمود

 

 

 

مقدرش ينسيني حبي لعلي محمود كل همه شغله هو ليه
اولالويات في حياته وانا مش وحده منهم هو أهم حاجه
عنده شغله وبعدين اهله انا فين من كل ده لو كان بيحبني
ويخاف عليا مكنش سابني مع اخوه لوحدنا كان عمل كل حاجه تقدر تخليه جنبي
مي.. انت بتبرري الخيانه يا شروق الخيانه عمرها ما كان لها
مبرر اوعي تعملي كدا اوعي تخلي اخين يقفوا قدام بعض
علشانك
شروق.. انت بتخرفي بتقولي ايه يا مي انا بحكي عن اللي جوايه وبس تفتكري انا ممكن اعمل كده
مي.. ربنا يستر انا خايفه عليكي من نفسك يا شروق خايفه تخسري كل حاجه
شروق.. متخافيش عليا انا عارفه حدودي كويس وعارفه ان
اللي قدامي هو فريد صدقيني انا فوقت خلاص وعرفت ان علي مستحيل يرجع
مي… يارب يكون كلامك صح بس بعد اللي قولتيه انت
فتحتي النار على نفسك والا نسيتي فريد واللي عمله
شروق.. منستش اكيد هو بس اتأثر من رد فعلي معاه بس انا هحاول أفهمه غلطنا
بقولك ايه يلا نكمل كلام في العربية الوقت هيتأخر
بعد وقت قصير تصل شروق منزلها تجد الجميع مجتمعين
شروق.. السلام عليكم ازيك يا ماما

 

 

 

والده محمود.. اهلا يا حبيبتي عامله ايه مالك كدا وشك
اصفر معلشي يا حبيبتي تعبتي الايام اللي فاتت
شروق.. ابدا هو بس شويه إرهاق مفيش تعب ولا حاجه تعبك
راحه يا ست الكل اطلع انام علشان فعلا عايزه ارتاح تصبحوا على خير
سمر… معلش يا شروق يا حبيبتي عايزه أسألك عن حاجه كدا بيني وبينك
شروق.. اه تعالي يا سمر معايه نتكلم في شقتي
سمر.. عايزه أسألك عن حاجه ومكسوفه اوي
شروق.. مكسوفه من ايه اتكلمي يا سمر احنا مفيش بينا كسوف والا ايه
سمر…هو الدكتور قالك انه يعني انه فريد هيرجع زي الاول
هبرجع يعني لطبيعته في كل حاجه والا لسه الموضوع
هيطول زي ما انت فاهمه بقى اعمل ايه خايفة يعمل حاجه ويتعب
شروق.. اه فهمت
اكيد طبعا الدكتور قاله شويه تعليمات لازم يلتزم بيها لفتره
وهو اكيد هيشرح لك بس متقلقيش الدكتور طمنه انه هيرجع
احسن من الاول بس بعد فتره قصيره
سمر.. حبيبتي تسلميلي يلا اسيبك ترتاحي تصبحي على خير
شروق.. وانت من اهله

 

 

َتغلق باب شقتها وتقرر تنتظر محمود وتحاول هي ان تقترب
منه علشان تقدر تنسى اللي حصل وللأسف يغلبها النوم بعد
انتظاره فتره طويله وياتي الصباح تجد محمود نائم بجانبها
شروق.. محمود محمود اصحى يا حبيبي
محمود.. حرام عليكي يا شروق عايزة ايه انا واصل تقريبا الصبح سبيني انام
شروق.. لا اصحى عايزه اتكلم معاك في حاجه مهمه
محمود.. حاجه مهمه ايه اللي على الصبح بقولك واصل الصبح
شروق.. وانت شايف ان ده طبيعي شايف ان حياتنا كده صح
محمود يجلس على السرير وينظر لها
محمود.. اه. انت تقصدي ايه بكلامك ده اساسا انت كمان مش فاضيه لي
هتنزلي شغلك بكرا ومش هنتقابل غير بالليل أيه زعلك دلوقتى
شروق.. تعالي نغير حياتنا لازم يبقى في وقت نشوف بعض
تعرف احنا متجوزين بقالنا قد ايه انا لحد دلوقتى بتكسف البس قدامك انا متعودتش عليك
محمود.. والله دي تبقي مشكلتك انت يا شروق مش مشكلتي
شروق.. انت شايف كدا

 

 

 

محمود.. طبعا ممكن انام بقى
شروق.. اه ممكن اتفضل انا هنزل عند ماما
محمود ينام دون رد عليها تنزل شروق تجد فريد وأولاده وزوجته يتناولوا الإفطار مع والدته
شروق… صباح الخير
سمر.. صباح النور تعالي افطري حماتك بتحبك
والده محمود.. طبعا بحبها وبحبك انت كمان انا معنديش بنات وانتم بناتي
فريد.. فين محمود منزلش معاكي ليه
شروق.. وصل الفجر تقريبا ولسه نايم مش هيفطر دلوقتى
فريد.. خلاص اقعدي افطري انت وهو يصحى براحته
تجلس شروق تتناول الإفطار تنظر لسمر التي تطعم فريد بيديها
فريد يقبل يد سمر
فريد.. يا حبيبتي هو انا صغير انا باكل كلي انت بقى وينظر لشروق ولنظره الغيره في عينيها
شروق.. انا شبعت هطلع اشوف محمود يمكن يكون صحي
والده محمود.. يابنتي هو انت كلتي حاجه اقعدي بس
سمر… استنى يا شروق انا عامله كيك يجنن هعمل شاي
واجيب الكيك ونقعد مع بعض شوية

 

 

شروق… اوك هطلع اجيب الفون بتاعي علشان نسيته وارجع
تطلع شروق السلم وبمجرد ان تبتعد عن شقه حماتها تجد يد تمسكها
فريد استنى يا شروق عايز اتكلم معاكي
شروق.. انت اتجننت انت ماسكني كدا ليه افرض حد شافنا اوعي ايدك دي…
يضع فريد يده على فم شروق
فريد..شششش وطي صوتك هو ده اللي هيخليهم يسمعوا انا
مش عايز منك حاجه انا بس عايز اقولك كلمتين هرجع
اقولك تاني انا قصدت ابوسك علشان حبيتك مش علشان
قربنا من بعض في الفتره الاخيره لا انا بحبك ايوا بحبك من
اول يوم شوفتك وشوفت نظره الحب في عنيكي حبيت
نظره العشق اللي محستهاش غير معاكي حبيت اهتمامك بيا

 

 

 

وخوفك عليا حبيت شروق اللي كانت في حضني واحنا
بنرقص ونظرة الحب اللي كانت في عيونها حبيت نظره
الغيره اللي شوفتها من شويه محدش حاسس بيكي غيري
انا حبيت حبك ليا يا شروق عارف اننا غلط بس قلوبنا هي
السبب هي اللي قربتنا من بعض
تبعد شروق يد فريد وتمسح دموعها
شروق.. مش ليك كل اللي قولته ده مش ليك ده لحب عمري اللي ضاع مني
فريد… على
شروق… ايوه على على اللي الموت خدوا مني على اللي راح
في عز فرحتي بيه عارفه انت مالكش ذنب ذنبك الوحيد هو
انك شكله من يوم ما شوفتك حسيت ان ربنا عوضني برجوع على
فريد… بس انا مش على
شروق.. عارفه اني غلطت عارفه بس لازم نفوق انت مش على انا مش بحبك انت..
فجأه يسمعوا صوت الباب يفتح فريد يشد شروق للأعلى
وفجأه….

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية عوده الماضي)