رواية ميراث نور الفصل الحادي والثلاثون 31 بقلم لينا بسيوني

رواية ميراث نور الفصل الحادي والثلاثون 31 بقلم لينا بسيوني

رواية ميراث نور البارت الحادي والثلاثون

رواية ميراث نور الجزء الحادي والثلاثون

رواية ميراث نور الحلقة الحادية والثلاثون

” الأنقليس الرعاد”
العرض وقف والتليفزيون رجع على قناه أخباريه , كنا متنحين انا ونصير ، بنبص لبعض ، وفاتحين بوقنا.
سمعنا حنوش بيقول :
linabasyouni
– في حاجه كمان لحقت اعرفهاا من قرين نيللى قبل ما تفوق وتهاجمنا , أمنيتن من التلت امنيات اللى هتتمناهم !!!.
قولناله انا ونصير فى صوت واحد :
– أيه !!
حنوش قال :
– الامنيه الاولى انها تبقى أقوى ساحره على الارض , والتانيه أن يكون عندها جيوش من الشياطين مفيش أنسى ولاجنى يقدر يهزمها .
نصير قرقش أخر حبة فشار فى الطبق وهو بيقول :
– اوبااا الحرب هتقوم تانى يا تنين !!!
قولت لحنوش :
– غريبه !! ليه ما أتمنتش انى اموت وخلاص ؟!
حنوش قالى :
على ما أعتقد هى عايزه تهزمك على أرض المعركه زى ماهزمتها هى وجوزها شهاب .
نصير كمل على كلام حنوش وقال :
– دا غير ان الأمنيات اللى بيحققها المارد بيخرج منها التدخل فى عمل ملك الموت !!
ممكن يمدها بالسلاح اللى تقتلك بيه , أنما يموتك بنفسه ماظنش أنه ممكن بورط نفسه فى حاجه زى كده .
قلتلهم :
linabasyouni
– يبقى لازم نتحرك فورا !!
نصير قال :
– انا هبدأ اتواصل بحلفائنا والم كل العشائر اللى معنا وانت يانينو ماتنساش تلبس قميصك وتسبقنا على أبن القاف .
قولتله :
– انا مابقلعش قميصى يا نصير , أتحرك بسرعه أنت ولم عشيرتك.
نصير أختفى ..
بصيت على حنوش اللى لسه ماسك ريموت التليفزيون وبيبصلى, فقولتله :
– أنت لسه هتبصلى !! انجز انقلنى بسرعه على القلعة السودا.
قرب عليا ونقلنى قدام القلعه السودا واللى أعاد ابن القاف بنائها ، قربنا على البوابة الضخمه.
الجن اللى على البوابه أول ما شافنا أدى الامر علشان يفتحوا البوابه , التروس أتحركت و البوابه أترفعت لفوق ودخلنا القلعة السوداء .
أبن القاف كان واقف فوق برج من ابراج القلعه العاليه واول ماشافنا داخلين القلعة , نزل بسرعه وقابلنا عند البوابه , سلم علينا بحراره وقالى :
– خير ياتنين !! ؟
linabasyouni
قولت لابن القاف :
– للاسف حرب !!!
فاجانى برد فعله وقال وهو متحمس :
– أخيرااا حرب ميجوانا تانيه , أشتقت للحرب جمبك ياتنين !! يلا بينا على البرج .
اتمشينا ناحية برج من أبراج المراقبه وطلعنا السلالم واحنا بنتكلم ..
قولتله :
– المره دى الموضوع خطير جدا!!
أتحمس أكتر وقال :
– ياااه على المتعه !!!!!
linabasyouni
قولتله :
– في ايه يابن القاف بقولك حرب !!
هو في أيه !! ليه كلكم واخدين أن الموضوع عادى , انت بتقولى متعه، ونصير عايز فشار , بقولكم حرب يعنى موت وخراب لينا ولأهلنا !!
أبن القاف قالى :
– الحياه بتبقى ممله للمحارب لو عاش فى سلام !! والصراحه انا نفسى أجرب الاختراع بتاعك اللى مديتنا بيه !!
صعدنا لحد أخر البرج ,وحكيتله على كل اللى حصل , نيللى والبير والمارد وكتاب العزيف اللى المفروض لسه معاها .
فقالى :
– وتفتكر هيبدئوا الهجوم أمت…!!
قطع كلامه لما شوفنا غبار وأتربه بتتصاعد فى السما !!
أبن القاف جرى ناحية منظار مكبر فوق البرج وبص فيه وقال :
– الله عليك ياتنين لما تبقى جاى وجايب الحرب فى رجليك !!!
ساب المنظار وفضل يتلفت يمين وشمال كانه بيدور على حاجه وقال بهدوء :
– بص كده ياتنين جمبك على بوق كبير , دور معانا ياحنوش !!
بصيت يمينى وشمالى ولاقيت بوق موجود ورايا عند سور البرج , فشيلته وأديتهوله, خده من أيدى وقالى :
– شكرا ياتنين !!!
نفخ فى البوق 3 نفخات طوال ,فطلع صوت قوى ومزعج جدا .. كل اللى الجنود اللى كانوا تحت البرج التفتوا وبصوا بأستغراب على أبن القاف الى فوق البرج , فقالهم بصوت عالى :
– بتبصولى كده ليه !! أيوه دى أشارة الحرب , أجهزوا بسرعه الشياطين على الابواب !!
الجنود أتحركوا زى خلية النحل و جريوا لبسوا الدروع اللى بتغطى جسمهم كله واللى مصنوعه مخصوص من الخشب !!
جريت بصيت من المنظار وشوفت الغبار اللى عامله جيش الشياطين.
كان كثيف جدا ومغطى السما !
بصيت على الجنود بتوعنا من فوق فلاقيتهم بدأوا ينظموا نفسهم ويوحدوا صفوفهم , والنبالة ( راميين السهام ) أتمركزوا فوق الابراج وهيئوا نفسهم.
نزلنا من البرج وأبو القاف جرى لبس درعه الخشبى واللى معموله مخصوص وبطريقه مختلفه عن باقى الدروع و كذلك حنوش جرى ولبس درع خشبى زى باقى الجنود .
سيبتهم وجريت على مولدات الكهربا واللى متوزعه فى كل ركن من أركان سور القلعة , علشان أشغلها , المولدت كلها متصله ببعضها .
جريت وشغلت المولد الاول والتانى والتالت , ومافضلش غيرالمولد الرابع والى كان نايم زى بطاريه العربيه ومش شغال !!
أبن القاف جه ورايا وقالى بلهفه :
– ها شغلت الاختراع ؟!! أروح أنزل سكينه الكهربا الى فى القلعه !!؟
linabasyouni
قولتله :
– المحول الرابع مش شغال ومش هينفع نولد الستاره الكهربائيه من غيره , لان المحولات كلها متصله ببعض و…
قالى :
– أنا مش بفهم فى التقنيات بس تقريبا كده أحنا بنضيع !! صح ؟!
قولتله :
– تقريبا!! انا بحاول أصلحه , بس محتاج بطارية عربيه علشان أحفز المولد .
قالى :
– ودى اجيبهالك منين دلوقتى ؟ !!! مش هنلحق نبعت حد !!! طيب ينفع تحفزه بمحول تانى من اللى شغالين !!
قولتله :
– مش هينفع ,هضطر أفك المولد اللى شغال كله , هيبقى كأنى بعيد بناء الاختراع من أول وجديد ومفيش وقت للكلا…..
قطعت كلامى لما بصيت فى السما وشوفت صخره كبيره بتنزل علينا من السما .
أبن القاف زقنى ووقع جنبى قبل الحجر ماينزل على رأسنا!!!
قومت من على الارض و أطمنت على أبن القاف, فشاورلى أنه كويس.
بصيت حواليا وانا بفكر فى حل للمعضله فلقيت خزان ميه كبير فوق مبنى القلعة .
قلت لابن القاف :
– انا محتاج الخزان ده حالا بالميه بتاعته !!
linabasyouni
قالى :
– محتاجه فين !!؟
قولتله :
– هنا جنب المولد !!
أبن القاف هز رأسه وأتحرك ناحية جنوده وامرهم ينقلوا الخزان ,فى أقل من دقيقه لاقيت الخزان جمب المولد .
فتحت المولد بسرعه وضبطت شوية توصيلات فيه وطلعت منه سلكين نحاس (قضب سالب وقضب موجب )وبرمتهم كويس وسقطتهم فى الميه اللى فى الخزان علشان هولد شحنه كهربائيه أحفز بيها المولد !!
لسه هنط فى الخزان أتفاجئت بالسما كأنها بتغيم , بصيت لفوق لاقيت اسهم ورماح غطت نور الشمس و بتنزل علينا من السما !!
جريت بسرعه وألتقطت درع من على الارض ,قرفصت و غطيت جسمى بيه .
السهام فضلت لفتره طويله تسقط على الدرع اللى محتمى بيه ,فيه أسهم صابت الدرع ورشقت فيه , سهم من اللى بيسقطوا علينا من السما خدش رجلى , فلميت رجلى بسرعه .
بعدها نور الشمس بدأ يرجع تانى , والموجه الاولى من الاسهم خلصت.
شيلت الدرع براحه وبصيت بحذر وشوفت جنبى الجنود اللى ماتت من الاسهم والجنود اللى أتصابت بتصرخ من الالم .
وأتفاجئت بالدنيا بتغيم تانى بالسهام والرماح !!
قلت فى بالى :
linabasyouni
– مابيدهاش بقى..
ولفيت لفه كامله بالقميص وانا بفكر فى التنين !!!
تحولى بدأ , جلدى بقت حراشف ودراعاتى أتحولت لاجنحه وأكتمل تحولى وانا بزمجر وبنفث النار من حلقى.
فردت جناحاتى وحلقت فوق القلعة لحد ماوصلت للسحاب , وبصيت على جيوش الشياطين اللى مالهاش أخر وبتدفق من كل حته ناحية القلعة .
شوفت رماة الاسهم اللى فى جيش الشياطين وهما واقفين بعيد عن سور القلعة و بيمطوا سهامهم وبيطلقوها فى السما علشان تسقط علينا داخل القلعة .
شوفت جزء تانى منهم عند سور القلعة و بيرموا السلالم والحبال اللى فى أخرها خطاف وبيحاولوا يتسلقوا السور , أى شيطان جسمه بيلمس القلعة كان بيتحرق .
المنظر ده شوفته قبل كده , بس المشهد الجديد عليا هو الجن العمالقه اللى جايين من ورا خالص , بيقربوا على القلعة وهما بيجرجروا مجانيق ضخمه !!
ضميت جناحاتى وهبطت وانا بنفث النار من حلقى على كل الشياطين اللى قريبين من القلعه وبيحاولوا يقتحموها, شوفت أبن القاف فوق سور القلعة , وبيضرب بسيفه الشياطين اللى بتنجح فى تسلق القلعة , كانوا كتير جدا .
لاقيته غمض عينه وتتم بتعزيمات وهو ماسك سيفه , فسيفه بقى لين زى الحزام , لف السيف على رقبته وبدأ يتحول لذئب كبير ودرعه الخشبى كان بيتشكل على جسمه وهو بيتحول .
linabasyouni
أكتمل تحوله فوق سور القلعه وبقى على هيئة ذئب كبير ,لابس درع خشبى , و عوى زى الذئاب بصوت عالى !!
أرتعب الشياطين اللى كانوا على السور , و جزء كبير منهم نط تانى بره القلعة وهما مرعوبين لما شافوه بيجرى على سور القلعة وبينهش أى شيطان فوقيه .
سيبت أبن القاف على سور القلعة وجريت ناحية رماة الاسهم والرماح اللى مابيبطلوش , ونفثت فيهم النار وحرقتهم , حاولوا يرموا عليا الرماح والاسهم بس مكانتش بتفد فى جلدى السميك والصلب كالعاده .
فضلت أحرق فيهم وقدرت أوقف جزء كبير من السهام اللى بيرموها على القلعة , مقدرتش أخلص عليهم كلهم علشان كانوا كتير جدا .
وانا بكمل حرق فى رماة الاسهم , أتفاجئت بمجموعه من العمالقه قربوا ناحية القلعة وأتمركزا قدامها ,ثبتوا المجانيق فى الارض ,وحطوا فى القاذف بتاعها صخور ضخمه ,
شدوها بالحبال و أطلقوها فى السما فأنطلقت فى اتجاه القلعة !! .
linabasyouni
هيهدوا القلعة تانى !!
سيبت الرماه وطيرت ناحية العمالقه اللى أتمركزوا ،. وفضلت أنفث النيران فيهم , كانوا بيتحرقوا بس بصعوبه ..
في واحد منهم نجح أنه يمسك رجلى وأنا طاير فى السما , فلفيت وفضلت أنفث النار فيه وهو ماسكنى لحد ماحرقت وشه وفلت من قبضة أيده ,بعدها كملت حرق فيه لحد مابقى رماد .
طيرت فوق فى السما وشوفت مجموعات تانيه من العمالقه وهيا بتتمركز زى المجموعه الاولى وبيعبوا مجانيقهم بالصخور وبيرموها ناحية القلعة .
طيرت بسرعه للقلعة , وهبطت جوها وأتحولت بنى أدم.
مكنتش عارف أوصل لمولد الكهربا .
الصخور الضخمه كانت بتسقط علينا من السما زى المطر , وأتفاجئت بصخره كانت هتقع عليا , فغطيت وشى بأيدى , علشان ماشوفهاش وهي بتقع على رأسى وبتدكها !!
أستغربت لما لاقيتها ماوقعتش عليا , شيلت أيدى من على وشى فلاقيت حنوش طاير فوقيا , وبقوة عفريت الجن بيشوط برجله أى صخره كبيره بتسقط عليا من السما وقالى :
– بسرعه يانينو وانا هغطى ضهرك !!
جريت بسرعه ناحية خزان الميه اللى جنب المولد وأول ما وصلتله، نطيت جواه و لفيت لفه كامله بالقميص وانا جوه وفكرت فى حيوان الأنقليس الرعاد (ثعبان البحر الكهربائى ) .
الحيوان اللى كل الخلايا العضليه بتاعته بتنتج شحنات كهربائيه ,ويقدر ينتج شحنة كهربية عاليه بتصل شدتها إلى 600 فولت !!!!, بيتسخدمها فى صيد فرايسه والدفاع عن نفسه ..
تحولى بدأ فى الخزان , طلعلى خياشيم , لون جلدى بقى زيتونى , أيدى أتحولت لزعانف صغيره ورجلى لزقت فى بعضها وبدأت تطول لحد مابقت ذيل طويل , أكتمل تحولى لانقليس ضخم .
linabasyouni
مكنتش شايف حاجه بعينى , فحسيت بحاجه زى قشعريره فى جسمى كله وأطلقت لاأراديا شحنات كهربائيه عالية نورت الخزان وانطلقت فى سلوك النحاس اللى متوصله بالميه و اللى نقلت شحنه كهربائيه أتوزعت على أقضاب المحرك , فأشتغل , وسمعت صوته العالى .
رفست السلك بره الخزان ولفيت فى الميه تانى بسرعه ورجعت بنى أدم وخرجت من الخزان .
الصخور الضخمه كانت لسه بتسقط على القلعة وهدت برجين مراقبه !
شوفت أبن القاف واللى معاه وهما بيحاربوا بأستماته الشياطين الكتيره اللى أتسلقت سور القلعه !!
جريت بسرعه ناحية سكينة الكهربا اللى فى القلعه , ونزلتها .
الستارة الكهربائيه بدأت تشتغل , وخرجت موجات كهربائيه من سور القلعة لمسافة امتار علشان تحرق أى حاجه قدامها.
اتحولت تانى لتنين وحلقت فوق القلعه وشوفت ستارة الكهربا وهى بتحرق كل الشياطين اللى حوالين السور , الجن العمالقه جسمهم أتحمل الكهربا وقدروا يهربوا من غير مايتحرقوا .
مفيش حد من جيشنا أتأثر بالكهربا بفضل الدروع الخشبيه واللى عملت عازل وحمت جسمهم .
linabasyouni
شوفت باقى جيش الشياطين وهو بيتقهقر وبيرجع لورا وهما خايفين , لحد ما أنسحبوا تماما ..
أبن القاف والجنود اللى معاه صرخوا بصوت عالى وقالوا بحماس :
– النصر لله … النصر للخالق !!
هبطت من السما , وحاولت استدعى نصير اللى اتاخر اوى لدرجة اننا خلصنا الحرب من غيره ومن غير الجيش اللى معاه, بس ما أستجابش ليا فى وقتها .
شويه وحضر وهو متوتر !!
قولتله :
– كنت فين ده كله , الحرب بدأت وخلصت وانت مش هنا !!
قالى :
linabasyouni
– أشتبكنا وأحنا واحنا جايين مع جيش عفاريت الجن اللى جاى ناحية القلعه !! الحرب لسه مابدأش يانينو , ومش هتصدق اللى شوفته بعينى !!

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية ميراث نور)