مامت تقى: استنوا اقفوا مكانكم، يالاه ياسارة رشى الماية بالملح علشان يمشوا بعدها عليها
تقى: اى ياماما الكلام دا
رعد شد على ايد تقى وقال خليها تعمل للى يريحها
دخلوا
اسامة: اتاخرتوا ليه كدة
تقى: كنت بصفى حساب قديم بس
رعد ضحك وقال مراتى بدل ما تقولى ياله على سهر عسل قالتلى ياله على السجن
اسامة: سجن!
تقى: خلاص بقا
اسامة: بضحك فعلا ان كيدهن عظيم
مامت تقى: ننسى للى فاتت ونبدا من جديد للى فات مش هيفيدنا ولا هيعمل فرق فى حياتنا الجاية والندم مش بيجيب غير وجع القلب وكل درس قاسى اتعلمناه ناخد من عبرة ودرس لبعدين دلوقتي انت يارعد انت وتقى هتبدأوا حياة جديدة خالى حياتكم كلها سعادة وفرح دايما كونوا مع بعض واهم حاجه ثقوا فى بعض لان طول ما انتوا متحدين محدش هيقدر يفرقك ابدا ياله ياولاد اطلعوا اوضتكم تصبحوا على خير
رعد خد تقى من ايدها وطلعوا اوضتهم
تقى بتوتر قعدت على السرير
قرب رعد منها وقالها انتى خايفة منى
تقى: اخاف منك! انت مستحيل انا اخاف من الدنيا كلها الا انت، انت امانى يارعد انا ببقى كويسه وانا معاك وبس، لما تبعد عنى بحس ان روحى مش معايا بس انى مش كاملة الا بيك، انا بحبك يارعد
رعد: انا ربنا يشهد انى هشيلك فى عينى لو الدنيا موسعتكيش، مستعد اجبلك الدنيا وللى فيها علشان تكونى مبسوطه وبس