رواية الورث الفصل الأول 1 بقلم نورا سليمان

زياد:هتفضلي حابسه نفسك في الاوضه كده كتير

نور:وهو خروجي من هنا هيفرق معاكوا في حاجه…….كل واحد يخلي في حاله وسبوني لوحدي بقي

زياد:ليه هو انتي فاكره اني خايف عليكي ولا انتي اصلا فارقه معايا…….فوقي يا حبيبتي انا لا طايقك ولا طايق حد من اللي قاعدين تحت دول

نور:وطالما انت مش طايق حد فينا ايه اللي مقعدك هنا لحد دلوقتي…….زعلان علي جدك اوي كده

زياد:وانا هزعل عليه ليه…….هو كان حنين علي حد فينا علشان نزعل عليه…….انا كل اللي انا عايزه اني اخد حقي في الورث واغور من هنا ومشوفش حد فيكم تاني

مسحت دموعها واتكلمت وهي باصه قدامها

نور:كنت متوقعه…….واحد زيك اكيد مش هيهمه اذا كان جده حي ولا ميت…….كل اللي يفرق معاك الفلوس وبس…….طول الوقت جدو الله يرحمه كان بيقولي انك أناني ومبتفكرش غير في مصلحتك وعمرك ما فكرت في غيرك…….كان دايما يقولي ان قلبك حجر وانا عمري ما صدقته

زياد:لا بقولك ايه……. دروس الاخلاق والقيم العاليه دي انا معنديش وقت ليها……..الكلام دا تقوليه لاي حد من اللي قاعدين تحت لكن انا لا……..الراجل دا اكتر واحد اذاني وكان اكتر حد بيكرهني……وبصراحه كرهي ليه اكبر من كرهه ليه بكتير

نور:طالما انت مش طايقه كده عايز تورثه ليه بعد موته

زياد:علشان دا حقي الشرعي وغصب عن عين اي حد هاخده…….يا ريت حضرتك تتكرمي وتشرفينا تحت علشان المحامي مستنيكي علشان نفتح الوصيه وكل واحد ياخد حقه ويغور من هنا

نور:اتفضل انزل وانا جايه وراك

كانت باصه قدامها ومدياله ضهرها……خرج من الاوضه وقفل الباب…….بصيت ناحيه الباب ودموعها علي وشها……غمضت عنيها واتنهدت بحزن…….غيرت هدومها…….خرجت من الاوضه……بصيت علي الكل وهي واقفه من فوق…….رجعت بصيت علي صورته وابتسمت

نور:سيبتلي حِمل كبير اوي يا جدو…….انا مش عارفه رد فعلهم ايه علي وصيتك دي…….لكن ايا كان اللي هيحصل دلوقتي……انا هستحمل اي حاجة علشان انفذ وصيتك واخليهم يبقوا ايد واحده

نزلت علي السلم بثقه……بص علي السلم ولقاها نازله

زياد:اهي ادي الست هانم وصلت…….يا ريت نبدا يا متر علشان نخلص من الحوار دا وكل واحد فينا يروح ل حاله

قعدت علي الكرسي……حطيت رجل علي رجل…….بدات تتكلم بثقه

نور:يلا يا متر ابدا…….شكله البشمهندس زياد مش فاضي نهائي

رايح جاي في المكتب بعصبيه…….قاعده قدامه بهدوء……ماسكه التلفون بتبعتله رسايل

شيماء:هتفضل رايح جاي كده كتير

طارق:حقك طبعا……وهو انتي حاسه بحاجة…..ما انتي كل اللي عايزاه هتوصليله وانتي قاعده مرتاحه

شيماء:علشان انت غبي……مش عارف تخلي حتت بنت زي دي تقع في حبك وتعمل زي اختك……..انا خليت خالد يحبني وميقدرش يبعد عني لحظه……وبقيت كل ما اطلب اي حاجة بتجيلي في لحظه ولسه لما يورث من جده كل فلوسه دي هتبقي تحت رجلي……وانت بقي خليك مش عارف تكلم البنت كلمتين علي بعض

طارق:عايزاني اعمل ايه يعني يا شيماء…..انا كل ما احاول اكلمها الاقيها بتبعد ومش عايزه تتكلم معايا اصلا……حاولت بكل الطرق بس مش عارف

شيماء:خليك كده لحد ما يجي حد تاني وياخدها منك ويتمتع هو بفلوسها وفلوس جدها……انا مش فاهمه انت مصمم علي اللي اسمها نور دي ليه……مهي علياء قدامك اهي وهتموت وتبصلها حتي بس انت اللي مش راضي

طارق:علشان انا مش عايز غير نور يا شيماء وهعمل المستحيل علشان اوصلها مهما كان التمن…..وهخليها تحبني يعني هخليها تحبيني

شيماء:براحتك بس مترجعش في الاخر تزعل لما متوصلش لحاجة يا طارق

اخدت شنطتها ومشيت من المكتب……قعد علي الكرسي بتاعه……..فتح التلفون بتاعه…..طلع صورتها وفضل باصص عليها

طارق:اللعبه شكلها قلبت جد وبدات احبك فعلا……انا مش عارف دا حصل امتي و ازاي بس انا حبيتك ومش هسيبك تروحي من ايدي وهفضل جمبك لحد ما تحبيني انتي كمان

الكل قاعد مصدوم وبيبصوا لبعض……قام وقف بعصبيه وبدا يتكلم بصوت عالي

زياد:ايه الجنان اللي انت بتقوله دا……يعني ايه كتب كل حاجة ب اسم البتاعه دي

فضلت قاعده مكانها وحاطه رجل علي رجل…..اتكلمت بكل ثقه

نور:اقعد يا بشمهندس لو سمحت……اللي انت بتعمله دا لا هيقدم حاجة ولا هياخر…..وصيه جدو الله يرحمه واضحه للكل…..جدو الله يرحمه كتب كل حاجة ب اسمي ودلوقتي انا اللي متحكمه في كل حاجة……يعني مفيش جنيه حد فيكم هياخده غير بعلم مني انا

علياء:يبجحتك يا شيخه……فضلت قاعده معاه وبتعملي كل اللي هو عايزه وتحببيه فيكي لحد ما كتبلك كل حاجه ب أسمك

نور:طيب انا حاولت يا لولو اني ابقي معاه طول الوقت واحببه فيا علشان يكتبلي كل حاجة ب اسمي……لكن انتو عملتوا ايه……دا احسن حد فيكم كلكم كان بيسال عليه كل ٧ شهور

كريم:هو جدك دا عايز مننا ايه……وهو عايش مكرهنا فيه وهو ميت بردو مكرهنا فيه ومدمر حياتنا……الفلوس دي حقنا كلنا مش حقك لوحدك يا نور

قرب منها وبدا يتكلم بعصبيه

زياد:انتي لو فاكره اني هسكت علي اللي بيحصل دا تبقي غلطانه……انا مش هسكت وحقي هرجعه بمزاجك او غصب عنك

قامت وقفت قدامه

نور:اللي عندك اعمله يا زياد…..جدو الله يرحمه كتب كل فلوسه ب اسمي لانه عارف اني احسن واحده هحافظ علي تعبه واسم عائلتنا……ومفيش اي حد فيكم هياخد جنيه من الفلوس دي غير بمزاجي انا…..وبشروطي وبس

زياد:هو انتي فاكره نفسك بقيتي كبيره العيله بجد ولا ايه انا مش فاهم…..اوعي تفكري ان ب العمله اللي جدك عاملها دي هتتحكمي فينا كلنا……وبعدين شروط ايه اللي حضرتك هتحطيها علشان تتكرمي وتدينا فلوسنا اللي هي حقنا اصلا

نور:شروط بسيطة جدا…..اول حاجة جدو الله يرحمه كان بيتمني اننا نتجمع في البيت دا كلنا ونعيش فيه ونكون عيله واحده من تاني……واعتقد ان دلوقتي الوقت المناسب ان دا يحصل……وكمان انا مش هقدر ادير شغل المصنع والشركه لوحدي ولازم كلكم تساعدوني وتنزلوا الشغل من بكره…….واللي هينزل فيكم الشغل ويجي يعيش معايا هنا في البيت دا……تلاتين يوم بالظبط وحقه في ورثه هيرجعله وهخرج انا من حياته نهائي……واللي مش حابب ينفذ الشروط دي هو حر……بس ميرجعش يسأل عن حقه في الميراث……عن اذنكم بقي علشان انا ورايا حاجات كتير ومش فاضيه

سابت الكل واقف في حاله صدمه…..محدش مصدق اللي بيحصل…..الكل كان باصص عليها وهي طالعه علي السلم بثقه