رواية جيت يا رمضان الفصل الثاني عشر 12 بقلم إسراء ابراهيم عبدالله

رواية جيت يا رمضان الفصل الثاني عشر 12 بقلم إسراء ابراهيم عبدالله

رواية جيت يا رمضان البارت الثاني عشر

رواية جيت يا رمضان الجزء الثاني عشر

رواية جيت يا رمضان الحلقة الثانية عشر

دخلت والدته عليه باندفاع وقالت: أنت بتعم….
نظرت له بصدمة، وهو نظر لها بصدمة والبنت الواقفة بجانبها أيضًا بصدمة
عطية وهو بيخبي وشه من بنت عمته قال: إزاي يا ماما تدخلي عليا الأوضة كدا؟
وكمان نوران معك افرض كنت قالع
والدته بلوية بوز: إيه ياض اللي أنت حاطه على وشك دا؟ خضيتنا لما شوفناك
عطية بضيق: وسعيلي كدا يا ستي لما أروح أغسله، الواحد مش عارف يقعد في بيته مرتاح كدا أهو مفيش خصوصية خالص
خرج بعصبية، ونظرت نوران له باستغراب
بقلم إسراء إبراهيم عبدالله
عطية وهو يليها ظهره قال: وأنتِ يا أخت نوران بطلي بحلقة فيا ولا ماتعرفيش إن دا حرام؟!
نوران ولم تلتفت له قالت: وأنا أصلا شايفة وشك من الدهان اللي حاطه دا؟ إيه دا حرام إيه ياض أنت؟ أنت ناسي إننا اخوات في الرضاعة؟
وبعدين إيه الهبل اللي بتعمله دا؟ دا أنا بنت أهو ومابعملش الحاجات دي؟
عطية بعد غسل وجهه قال: وهو دا للبنات بس؟ يعني البنات هى اللي تهتم ببشرتها والولاد يفضلوا كيحانين ومقشفين؟ وبعدين فعلا بنسى إنك أختي في الرضاعة وبعدين مش متعود إن بنت تفضل تبص في وشي كدا، ما أنتِ عارفه أمي ماخلفتش بنات

نوران: اسكت يا عطية المهم كنت جايالك عشان أخد منك كشكول الفرنساوي وأعرف خدتوا إيه النهاردة
عطية: خلصنا مراجعة على أول وحدة وخدنا مطكرة عشان هنبدأ نحل فيها من الحصة الجاية واشتريتلك واحدة معايا لما المسيو قالي إنك مش جيتي
نوران بفرحة: تسلملي بجد أنت أخويا بجد مفيش كلام
قولي بقى جبتها بكام؟
عطية وهو يجلس على فراشه قال: فلوس إيه يا بت اللي بتتكلمي فيها؟ وبعدين يا ستي اعتبريها حاجة بسيطة قدام الكريب اللي عزمتيني عليه
نوران: ماشي هات يلا عشان ألحق أذاكر، وابقى قولي عالماسك دا عشان عايزه أجربه
عطية بضحك: ماشي يا ستي خودي أهم

ذهبت نوران من بيتهم وعادت لبيتها
كان ماشي في الشارع، وفجأة لقى كام كلب في وججه
نظر عليهم بخوف ولف وججه وأخذ الطريق جري
والكلاب جرت خلفه وتهوهو، وهو يصرخ وزود السرعة: الحقوني يا ناس، هى الكلاب مابقتش لاقية تاكل فهتاخدني فرصة ولا إيه
يا ماما الحقيني امشي يا كلب من هنا أنت وهو
لغاية ما دخل بيت وقفل خلفه الباب بسرعة وهو ينهج، نظر خلفه فصرخ بأعلى صوته
ياترى شاف إيه؟ ومين دا اللي الكلب بيجري وراه؟

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية جيت يا رمضان)