رواية ريم الفصل الخامس 5 بقلم سليمان علي

رواية ريم الفصل الخامس 5 بقلم سليمان علي

رواية ريم البارت الخامس

رواية ريم الجزء الخامس

رواية ريم الحلقة الخامسة

ينزل عدنان هاتفه ويلتفت إلى مساعدة عصام فيفتزع ويساله بخضه.
=مالك في شنو ياعدنان إيه إللي حصل.
يقترب منه ويضع يده على كتفه وهو يهمس بأذنه فيذهب عصام مسرعاً يقصد منزل سعد الدين وعدنان يذهب برفقة الشرطة هو وسائقه.
يدخل عصام المنزل فيتفاجئ ويكمل جريا إلى الداخل وهو يصرخ =ياسر ياسر لا.
فيلتفت إليه جميع الموجودين فيدخل وهو يواصل صراخه.
=ياسر نزل السلاح غلط إللي انت بتعملوا ده
ياسر بغضب وتعصب وهو مازال يرفع سلاحه.

=لاياخال ماغلط وارجوك انت ماتدخل القصة دي انا حااحلها لوحدي.
وهو ينتفض بيديه =قصة شنو دي اللي تحلها برفع السلاح على اخوك .
يلتفت وهو يصرخ بوجه سيف واخوته =في شنو… ماتفهموني شنو الحاصل؛ وأنت بطل جنان ونزل السلاح..وبهدوء قولي مالك.
سيف بتحدي =لاياخال سيبو يعمل يلي هو عايزو لو راجل إضغط على الزناد .
يصرخ بوجه سيف =ايييه اسكت؛ انتو مجانين، وانت ياسر مااكرر مره تانيه نزل السلاح وفهمني مالك.
عم المكان هدوء والكل ينظر لبعض بارتعاب فينزل ياسر سلاحه ويكسر عصام ذالك الصمت.
=ايوه كدا… خلينا نتفاهم بالعقل ويلا ممكن اعرف إيه سبب الجوطه دي كلها.
ياسر =هو السبب وهو الغلطان.

=ليه؛ مالوا عمل شنو.
=كيف بيوقف تنفيذ قرار أنا اصدرتوا.
يقرن حاجبيه باستغراب =نعم…. بس….معقول وده سبب يخليك ترفع السلاح على اخوك الكبير.
ياسر بتعصب =المامعقول هو كيف يمد ايدو علي قدام الموظفين.
سيف وهو يضغط على اسنانه وتتسع اعينه من الغضب =لأنك قلية أدبك وهسا لو ماسكته انا حاافتح راسك بالقزازه دي وانا لي الحق اعمل يلي انا عايزو في الشركة .
ياسر يضحك بستفزاز =الشركة… الشركة انت بتعرف ليها شنو انت كنت ضابط شرطة فالح بس في ضرب نار وقبض المجرمين يعني ماليك علاقة بشغل المصانع الشركة دي انا اتربيت فيها ودرسته الهندسة علشانه يعني انا اكتر واحد بيعرف ايه ينفع ليها وايه لا.

فجأة يصرخ عصام =خلاص… خلاص ماعايز أسمع صوت كفاية كدا وهسا خلونا في ابوكم.
سلمى =اي صاح ياخالي هو وين ابوي ليه ماجاء معاك.
يتكلم بتأثر =للأسف ابوكم في القسم.
كل أبناءه بصوت واحد =القسم ليه.
=لانو السواق خبط بنت والبنت هسا بالعمليات.
وبسرعة وخوف وقلق يذهب كل أبناء عدنان يقصدون قسم شرطة .
وهناك بالمستشفى الأطباء في حالة هرع وعجله ولهفة يحاولون إعادة ريم للحياة بواسطة أجهزة صدمات القلب

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية ريم)