رواية احببني مجنون الفصل الثالث 3 بقلم الينور

رواية احببني مجنون الفصل الثالث 3 بقلم الينور

رواية احببني مجنون البارت الثالث

رواية احببني مجنون الجزء الثالث

رواية احببني مجنون الحلقة الثالثة

…. عاااااااااااااااااااااااااااااااا
صرخت بأعلي صوت عندي …فجأه باب اوضتي اتفتح
وغاده دخلت وهي مكرره =في ايه مالك بتصوتي ليه
ايه اللي حصل
انا فضلت ببص علي البلكونه وانا فاتحه عيني بصدمه
غاده هزت كتفي وفضلت تصرخ فيا =يابت مالك انطقي؟
انا كنت هتجن فضلت اشاور علي البلكونه
واهز في راسي =ك ك كان واقف هنا هو كان بيكلمني دلوقت
غاده رفعت حاجبها وبصت للبلكونه اللي بشاور عليها
وبعدين رجعت وبصتلي =مين ده اللي كان بيكلمك
وواقف فين
رفعت كف ايديها وحطتته علي جبيني كأنها بتقسلي الحراره

=ندا ياحببتي انت سخنه ،ولا نيله إيه
ادخلي ربنا يهديكي
انا اتبعت ايديها اللي بتشدني وخرجت من البلكونه وانا لسه متنحه
=والله كان واقف قدامي ،انا مابكدبش
قلتها وانا خلاص مش قادره استوعب ازاي اختفي كده
غاده حثتني ان انام =نامي ياندا تلاقي ده من اثر السهر
وانت مش متعوده ده غير المجهود …يلا ياحببتي تصبحي علي خير
قالتها وهي بتحط قبله حنونه علي جبيني وبتضع الغطاء عليا. بإحكام
اما انا ففضلت امسك في اللحاف وانا بترعش
وفضلت اكرر كلام غاده =ايوه اكيد علشان انا مش متعوده علي السهر ….وبعدين انا بشوفه اربعه وعشرين ساعه
في الكافيه اكيد كان بيتهيقلي
فضلت اقنع في نفسي لغايه ما أخيراً اغمضت جفوني
……………☀️
استيقظت علي صوت المنبه الذي صدح في اركان الغرفه
=اوووووووووف ما انت منبه عديم الاخلاق ومتطفل
وبعدين مديت ايدي قفلته ورجعت نمت تاني ……….

مش عارفه مر وقت قد إيه بس صحيت علي صوت
غاده وهي بتصرخ =ده انا هطلع عينك يابنت ال،،،،،،
شتايم كتييييييير
انا قمت بفزع وانا بنط من الفراش =في ايه انت بتزعقي كده ليه
كانت حطه ايديها في وسطها =وحياه خالتك الساعه داخله علي ١٠ومحاضره الهانم راحت عليها
انا فتحت بوقي =عاااااا ده دكتور الماده لله في لله مش بيطقني امال لما اتاااااااخر اه يا صغيره علي الاهانه ياندا
وانا اللي كنت عماله ارقص في الحلم علي الدجي اتاريه المنبه
ياختااااااااي………..
في لحظه لا لحظه ايه انا كنت بغسل وشي بأيد وبغسل سناني بالايد التانيه…. ..
لميت شعري علي هيئه كحكه بإهمال …. وسحبت شنطتي
وانا بلبس فرده الكوتشي علي السلم وانا بجري.
.استوقفني وانا بهرول صوت اعلمه جيداً
=طيب والله حبك مانيمني الليل ولاريحني نهار
انا بصيت وراي وانا بجز هلي اسناني …………

=اللهي حبي يخليك تعمي ماتشوف وتشلل ما تتحرك
ابعد عني يافادي السعادي لحسن والله عفاريت ام سيد كلها بتننط قدامي ……….
وفجأه =ومالها ام سيد يابت ياندا
بصتلها وابتسمت بغباء =كده انا اترفضت
بس هي ربعت ايديها اللي مليانه غوايش ،واظن انها دهب صيني،ماهو مافيش واحده لابسه كل الدهب ده وتعيش في حاره ابو زعبل
=ده كنت بشكر فيكي ياأميره الامراء. وبقول ومين في جمال ام سيد ولا طع
ولسه هكمل مدحي المشكوك فيه …. وهب اخذت الارض بالحضن
بالظبطت اتكفيت علي وشي …..لا شك ان ده سيد حبيبي
وقفت وانا بنفض في ايدي ولفيت جسمي وعفاريت الدنيا
بتتنطط في وشي
=ولاااااااااااا …ده انا هقت،لك يابن ال.
ولسه هشتم اخذت نظره جنمبي علي عيون ام سيد اللي بتتحول
قربت من سيد ومسكت خدوده =لو سمحت ياسيد ياحبيبي يااذكي طفل في مصر بلاش تحدف الكوره في دهري احدفها في بطني المره الجيه ممكن ؟
وربط علي كتفه بهدوء وانا بتخيل ان انا نازله فيه ضرب
بس صدحات تلك الضحكات هي من افقتني ذلك الشب السمج فادي

فاكر نفسه شوقي باشعاره ………
ولكن فجأه صرخت =عااااااااااااااااااااااااااااااااااااااااااااااا اتأخرت
فضلت اجري وانا حضنه شنطتي =يارب امتي تخلصني من الحاره دي ياااااارب ول،ع فيها وفي اليوم ده ابقي انا وتيته بناكل جلاتي والبت غاده هي البتشتريه لينا اللهم اميييين
وأخيرا وصلت علي الطريق مستنيه ميكروباص ….يشلني
قصدي يوصلني
فضلت اشور بأيدي =الجامعه
انا كنت في جامعه حلوان ………. وفي مكروبصات بتروح حلوان ومكروبصات طريق الجامعه
بس من الواضح النهارده الكل رايح حلوان 😔
حطيت الشنطه علي راسي من اثر الشمس وانا بدب في الارض
=عااااااااااااااااااااااااااااااااااااااااااااااا غبيه حد يحط المنبه بتاعه علي اغنيه زلزال اوووف كنت المفروض احط
تامر عشور حاجه كده نتنكد عليا مش تفرفشني
ولسه هفقد الامل والف وارجع مكان ماجيت …..
لقيت ميكروباص أخيراً وفيه صبي واقف علي باب الميكروباص بينادي جامعه
انا مصدقتش وطلعت اجري عليه وركبت ..وانا هموت من الفرحه
ثواني والولد ده نزل وقفل باب الميكروباص رفعت حاجبي
=يااااارب الميكروباص يملي بسرعه
طلعت تليفوني وبصيت في الساعه بصدمه باقي نص ساعه علي المحاضر التانيه وتبتدي

=يارب يارب يارب يار
تنحت وانا بلاقي شاب لابس كاب مداري وشه ولابس
قميص اسود وبنطلون اسود وبيقرب من باب الميكروباص
وشكله السواق …..
انا قلت في سري =ياخساره السواقه في نضفتك ياولدي
هييييح لقمه العيش مرمطه
توقعت انه هيستني لغايه ما الميكروباص يملي
بس لقيته تحرك وبيتحرك بسرعه جنونيه
انا خفت وانا حسه نفسي في المنخل كده ……….
طلعت الفلوس ومديت ايدي =اتفضل ياسطي
لف ليا وشه وقال ببرود =شيلي فلوسك
=عااااااااااااااااااااااااااااااااااااااااااااااا اااااااااااااااااااااااا
ماحستش بحاجه غير سواد بيعم علي جفوني
وانا بسلم جسدي ……..
………
=مش عارفه مر وقت قد إيه ……

=بغررررررق …..قلتها وانا بقوم بفزع من اثر المياه التي تلامس وجههي
…..ببص لقيته واقف ببرود ساند علي باب الميكروباص
وفي ايده زجاجه مايه وقلي ببرود =يلا وصلتي
انا فضلت اقفل وافتح في عيوني وانا بقرص في خدي
=فوقي فوقي يارب غاده تيجي تصحيني يارب
هو عفريت العلبه ده هيجيلي في كل كوابيسي ربااااااه نجني
وفجاه سكت مع صوت ذلك الكروان …….
ببص جنمبي لقيته عمال يضحك بقوه …وينزل بجزءه العلوي الي اسفل وهو يحاوط بمعصمه بطنه
انا سرحت وانا بميل براسي ….فجاه فقت علي اصبعه الذي
يضرب جبيني وهو يتجه لمحل القياده=لو مانزلتيش هخطفك
انا اتفزعت ونزلت بسرعه

لسه هنزل وفجأه اتحرك بسرعه . كنت هقع علي وشي….انا فضلت ابص في اثره
=عااااا مجنوووووون مييييين ده
ولكن نسيت كل حاجه وانا بجري علي الجامعه بحاول الحق
اي محاضره
دخلت بنفس مقطوع وراس مشوشه مش مستوعبه حاجه
بس حسيت نفسي عايزه اضحك وفرحانه اوي محدش يسألني ليه😳
وأخيراً ……لسه هدخل المدرج .
لقيت ايد بتشدني ……
انا اتفزعت بس شدني جامد التصقت في صدره
=اه ايه ياغبي ده
انا قلتها وانا متعصبه اوي
بس هو فضل يبصلي من اعلي الي اسفل
=بلاش تتجهليني يانودي علشان ماتندميش لانك عارفه مش

خالد الملوكي اللي يقل لبنت تعالي وتقله لأ
انا بصتله بدهشه =وسع انت مجنو،ن يبتاع انت ،
بس فجأه شدد اوي من قبضه علي دراعي
=انا مافيش وحده استجرأت تعلي صوتها ومش هتيجي
حتته شحا،ته زيك تعملها …..هستناكي بعد الجامعه
انا فضلت متنحه ،لأ ده مش طبيعي مافيش إنسان عاقل يعمل كده
انا عارفه انه غني اوي ومحدش يقدر يلمس شعره منه ومين يقدر يقرب من عيله الملوكي
ومافيش بنت في الجامعه سلمت منه ……
انا من ساعت مادخلت الجامعه ومش عارفه اتخلص من رزالته وتهديداته ليا المستمره انه هيأذيني وهيأذي غاده لو ماسمعتش كلامه
بس غمزلي وفضل يصفر وهو بيلعب في مفاتيحه
وبعدين سلم علي شله فساد تشبه تماماً ……
=ايه يابو الخلود .حته بنت زي كده مش قادر عليها
فضل باصص عليا ….
=تؤ بس بحب النوع الشرس …..
لتصدح ضحكات اصدقائه …..اما انا فريت هاربه
وانا بحاول ماخفش واكن قويه …..في الواقع انا اضعف منه بكثير لا انا غنيه ولا حتي معايا عيله ………

بس بحاول ارسم الكبر والقوه …..بس كل مره بفشل وغصبه عني بتفر دمعه من عيني تكسر هذا الغرور …
دخلت المدرج ومن حسن حظي ان لقيت الدكتوره نعمه
جميله اوي ورقيقه او في معاملتها معانا بتحسسنا انها اختنا
انا ابتسمت بغباء بصت في ساعه .في يديها اليمني.وقالت وهي تنظر عليا من خلال نظراتها =مش ملاحظه ان في تأخير
انا هزيت راسي =اسفه
شاورت بيديها بمعني ادخلي ….انا جريت وقعدت بسرعه
وبصراحه كنت هموت واعيط
مر ٣ساعات وأخيراً افراج …..الكل بدأ يتحرك الاانا كنت مرعوبه اوي وخايفه من تهديد خالد الجاد تلك المره
بحاول اثبت لنفسي ان قويه وانه انسان مريض
ومش لازم اخاف منه
اقتنعت بكلامي وقمت بسرعه وانا بمسح دموعي

وبسحب الكتب وشنطتي ……..لسه هخرج من المدرج
سمعت صويت والشباب كلهم بيجروا كأنه في حر،يق او زلزال
بصيت بذهول وانا بقول بجد =في إيه
سمعتهم بيقولوا كلام مش مفهوم ….اتحركت بسرعه
اتجاه اسفل حيث الكل يهرول
ومجرد ما هبطت الي الجنينه الخاصه بالجامعه وقفت مكاني
وشهقت بصدمه 😮 حطيت ايدي علي بقي والكتب وقعت من ايدي اما بؤبؤ عيني كان علي وشك الخروج

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية احببني مجنون)