رواية ليلة زواج زوجي الفصل السادس 6 بقلم منصور سيد

رواية ليلة زواج زوجي الفصل السادس 6 بقلم منصور سيد

رواية ليلة زواج زوجي البارت السادس

رواية ليلة زواج زوجي الجزء السادس

رواية ليلة زواج زوجي الحلقة السادسة

وشوفت الدنيا أبوابها كلها انسدت فى وجهى وقررت انى انتحر باي وسيله واخلص من حياتى ومن اللى انا فيه ويدوب وجمعت قواي وقومت وقفت وفجأه الدنيا لفت بيا ووقعت تانى على الأرض
كان فى جار طالع على السلام لما شافني قاعدنى على السلم وقال فى حاجه يا استاذه
فقولت له لا ابدا دياخه وتعبانه شويه ممكن لوسمحت استخدم تليفونك
فقال لى اه اتفضلى
فاخدت التليفون بتاعه واتصلت على صاحبتى اعمل ايه ماعرفش حد غيرها وقولت ليها تجيب تاكسي وتيجى تاخدنى لحسن انا تعبانه ومش قادره أقف على رجلى
فقالت لى ايه اللى حصل

فقولت ليها هقولك لما تيجى بس بسرعه انا مستنياكى عندى فى العماره سلام
واعطيته التليفون وقولت له شكرا
فقال لى فى حاجه اقدر اعملها هو استاذ قاسم مش هنا ولا ايه
فقولت له ها ..اه مش هنا متشكره لحضرتك اتفضل اسفه انى عطلتك
وشويه وجت صاحبتي واول ما شافتني قالت لى مالك فى ايه وقاعده على السلم كده ليه حصل ايه فهميني
قولت ليها قاسم طلقنى ورمانى بره الشقه
فقالت انا هدخل له ازاي يعمل كده الجبان
فقولت ليها اصل سمع صاحب المكتب وهو بيكلمنى فى التليفون وبيكلمنى بطريقه كأنى عشقته وهو سمع كلامه وعمل اللى انتى شيفاه انا خلاص مش عاوزه افضل فى الدنيا دى تانى انا نفسي اموت واستريح

فقالت بعد الشر عليكى بكره ربنا يفرجها من عنده بس قولى انتى يارب وما تيأسيش من رحمته
فقالت يارب والدموع منهمره من عينى
واخدتنى على شقتى
ودخلتنى غرفة الاولاد وريحت على السرير
وكنت تعبانه جدا لدرجة انى اول ما فردت جسمي على السرير نمت دون أن أشعر فاغلقت الغرفه عليا وخرجت
وكام ساعه واستيقظت على صوت أولادها بجانبي بالغرفه
وشويه ووجدت صاحبتى داخله وراهم وبتزعق ليهم وبتقول هو انا مش قولت ماحدش يدخل الغرفه دى كده صحتوها
فقولت ليها انا صحيت لوحدى انا اسفه انى نمت بالشكل ده

فقالت اسفه قومى بقى لما ناكل مع بعض حسام جوزى جيه من الشغل وجهزت الاكل
فقولت ليها لا انا تعبانه ومش قادره وماليش نفس كلوا انتوا
فقالت لى لا لازم تقومى تاكلي انتى مكسوفه ولا ايه والله ازعل منك
ومسكت ايدى عشان تقومنى بالعافيه بس يدوب وقفت ومشيت خطوتين ورجعت لي الدوخه تانى بس أشد وحسيت ان الدنيا بتلف بيا وسقطت على الأرض مره تانيه
فصرخت صاحبتي
وجه جوزها بسرعه وهو بيقول فى ايه فرديت انا وقولت مافيش حاجه انا بس دايخه شويه ووقعت انا هفضل مريحه على السرير وان شاء الله هبقى كويسه
حسام جوزها قال انا هروح اجيب الدكتور جارنا يشوفها
فقولت على ايه ما فيش داعى دى دوخه وتروح لحالها ما تشغلش بالك

فصاحبتى قالت لا روح ياحسام انا مش متطمنه
راح حسام جاب الدكتور وبعد ما كشف قال الف مبروك اننى حامل
بصيت للدكتور انت بتقول ايه يادكتور حامل ازاى
الدكتور:هو ايه اللى ازاى بقولك انتى حامل زى ما اى واحده متجوزه بتحمل هو مش حضرتك مادام زي ما ظاهر أمامى
فقولت حامل بالسهوله دى
من غير علاج ودكاتره وعمليات ومحاولات تفشل ومصاريف ياما تتصرف دون اى نتيجه وجوزى يتجوز عليا عشان ما بخلفش واتطلق
تيجى حضرتك كده بكل سهوله تقول لى انتى حامل ومن غير اى مجهود ولا تعب ولا مصاريف ولا عمليات حقن مجهرى ولا ولا…

فقال ايوه انتى حامل وفى اخر شهر الثانى كمان يا مادام
وبعدين انتى نستغربه كده ليه
انا عاوز اقولك على حاجه كل الطب والعلم ده مجرد اداه واخذ بالأسباب إنما ربنا لما يريد شيء كل ده يعجز أمامه
دا انك تتوجهى ليه وتقولى يارب دا كفايه يغير كل شيء
فصاحبتى قالت مش قولتلك قولى يارب بس
الدموع نزلت من عينى ونسيت كل الاوجاع
وكل اللى بقى على لسانى كلمت سبحان الله سبحان الله
فصاحبتى قالت جوزك لازم يعرف عشان كل شيء يتصلح
وترجعى بيتك

فقولت ليها لا
يعرف ايه دا مستحيل انا مش هعرفه انا لازم احرمه من ابنه اللى ظل مستنيه طول عمره واحرق قلبه زي ماحرق قلبي وذلني
فقالت صاحبتى وده هيحصل ازاى وهو مايعرفش انك حامل اصلا صدقينى لازم يعرف انك حامل وفى اسرع وقت قبل ما الزفته التانيه تحمل كل يوم بيعدي مش فى مصلحتك دا كل لحظه
وبعدين هو صحيح بهدلك وعملك اسوء معامله بس هو اللى كان سايقه حلمه انه يكون له ابن وده حلم مشروع وانتى بكده حققتيه وطلاقه ليكى للى سمعه واللى سمعه لو اى راجل سمعه كان هيعمل اكتر من كده
فقولت لا هو ضحى بيا واتخلى عنى ومرعاش حتى العشره اللى مابينا وكان المفروض يسمعنى ويستنى لما ادافع عن

نفسي
انا كرامتى اتهانت واتبهدلت مش هقوله يعنى مش هقوله
ولو عوزانى امشي من هنا همشي بس استحملينى يومين لحد ما اقدر أقف على رجلى
فقالت لا طبعا ازاى تقولى كده دا انا اشيلك فوق دماغى
فقولت اوعاكى تفكري تكلميه ولا تعرفيه
انا كل شاغلني دلوقتى ازاى اخلص من النايله التانى ده والورقة اللى معاه
فقالت صاحبتى احنا نعرض الموضوع على حسام وناخد رأيه هو راجل برضو واكيد هيقدر يساعد
فندهت حسام جوزها وحكت له اللى حصل
حسام وقف وقال لي انا هجيلك ورقه وقلم وتكتبي لى كل بياناته واى حاجه تعرفيها عنه وانسي الموضوع ده خالص انا ليا واحد صاحبي ظابط رخم اوى فى الحاجات دى وكنت مخلص له مصلحه فى الشغل ويتمنى يخدمنى اوى انسي القصه دى خالص دا ان مخلهوش جه لحد عندك يتأسفلك كمان

فقالت صاحبتى شوفتى بقى ربنا لما يريد كل حاجه بتتحل اهي
واخد بياناته كلها وسبت الموضوع على الله ثم عليه
وحسيت اخيرا بطمائنينه بعد كلامه وان أبواب الدنيا رجعت تتفتح أمامى بس اللى حصل بعد كده حرق دمى
صاحبتى اللى وعدتنى ما تروحش لزوجى وتقوله راحت من ورايه وقالت له معتقده انها كده بتحل لى مشكلتى وكانت معتقده ان مجرد ما هتقول لقاسم طليقى انى حامل هيطير من الفرحه وهيرجعنى الا انه

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية ليلة زواج زوجي)