رواية انتقام الجميلة الفصل الثالث 3 بقلم سارة الفقي

رواية انتقام الجميلة الفصل الثالث 3 بقلم سارة الفقي

رواية انتقام الجميلة البارت الثالث

رواية انتقام الجميلة الجزء الثالث

رواية انتقام الجميلة الحلقة الثالثة

_ جميلة … حمدالله علي السلامة
قالها بتردد و هو ينظر لها بزهول ، فهي تحولت تماما ، نظرت له جميلة بمشاعر مضطربة
” ، غضب ، حزن ، و ربما حب ” ، فهي لم تكن مستعدة للقائه بتلك السرعة ..
تمالكت جميلة نفسها و تحدثت بثقه :
_ اهلا ، الله يسلمك يا .. ابن عمي ، بقالي كتير مشوفتكش … اممم حوالي 6 سنين مش كده ، و أونكل محمد …سلملي عليه .. واحشني اوي هو و طنط
_ الله يسلمك … ابقي تعالي نورينا …ه ..هيفرح اوي
قالها سيف بتوتر
_ اه ، اوي اوي
قالتها جميلة و هي تنظر له بثقة و علي ثغرها ابتسامه
_ طب عن إذنك يا عمي ، همشي بقا و بكرا نكمل ، سلام يا أدم
_ الله ما تقعد يا بني انت غريب

 

 

_ مرة تانيه بقا ، جميلة لسه جاية من السفر و اكيد عايزة ترتاح ، يلا سلام
قالها سيف بابتسامه تخفي صدمته اللا محدودة ، فما حدث اليوم صدمة حقيقية
_ سلام يا حبيبي
قالها كارم بابتسامه ، و بعدها وضع يده علي كتف ابنته و احتضنها ، و حاول أن ينسيها ذاك الموقف مع طليقها ..
_ وحشتيني اوووي يا جميلة يا بنتي ، وجودك كان بيحسسني إن أمك لسه عايشه ، بس لما مشيتي ، حسيت إن مبقاش فيه اي حاجة من ريحتها
_ و خلاص انا جيت اهوه يا بابا ، بس متبقاش تزهق مني بقا
قالتها جميلة بمرح و حب
_ لا ياختي مش هنزهق
قالها أدم بمرح
_ طيب يا اخويا اما نشوف ، يلا بقا علشان انا جعانه اوي
_ حبيبتي هنا و جعانه ، يا أم حسين …..
__________________________

 

 

 

علي الجانب الآخر …
_ أيوة يا ماما ، بقولك شوفتها
_ اكيد لسه زي ماهي بكرش
قالتها صفاء بسخرية
_ كرش !! كرش ايه ياماما ؟! دي … اتغيرت خالص
قالها سيف و قد سرح بخياله لوهله
_ اتغيرت ازاي يعني ؟ عملت عملية تجميل ؟
_ عملية ايه ؟ هي فيه عمليه تطلع واحده بالشكل ده ؟!
دي … صاروخ
_ الله ، انت كده شوقتني ، كده هضطر اروح اسلم عليها
علشان اشوفها ، يا تري بقيتي عامله ازاي ؟!
_ هي مين دي اللي صاروخ يا سيف ؟
قالتها نازلي بصراخ و غيرة
_ انتي بتتصنتي علينا ؟!
_ متوهش و قولي مين دي اللي بتتكلم عليها ؟
_ انتي مالِك ، انتي صدقتي نفسك ولا ايه ؟ لا فوقي يا حبيبتي ، انا مش متجوزك علشان سواد عيونك ، لو عليا كنت طلقتك من زمان بس علشان خاطر أمي متتحطش في موقف وحش قدام صحبتها ، ماهي كانت تدبيسه
، انتي بتاخدي فلوس و تعملي اللي انتي عايزاه ، فمتتدخليش في حياتي و الا قسما بالله هتشوفي وش عمرك ما شوفتيه

 

 

_ اهدي يابني ، الله ما تقولي حاجة يا نازلي
قالتها صفاء لتهدأ الجو
_ الله ، انت زعلت ليه يا سوفي ، كل ده علشان بغير عليك
قالتها نازلي و هي تقترب منه بوقاحه ، فرمي سيف يدها عن وجهه و نظر لها بامتعاض ، و تركها و غادر
نظرت في أثره بغل و حقد :
_ ماشي يا سيف إن ما وريتك
قالتها في سرها بحقد
_ ينفع كده يا مامي اللي عمله ؟
قالتها بدموع التماسيح
_ ………
~~~~~~~~~~~~~~
في صباح اليوم التالي …

 

 

 

كانوا متجمعين علي السفرة ، حتي قطع حديثهم المرح دخول محمد و صفاء ..
_ صباح الخير
_ صباح النور ، نورتوا
_ سيف قال إن جميلة جت ، فقولنا نيجي نشوفها
_ اه طبعا يا اخويا ، طب يلا تعالي افطروا
_ امال فين جميلة ؟
قالتها صفاء بفضول
_ انا هنا اهوه يا طنط
قالتها جميلة بابتسامه أخفت خلفها ضحكة كادت تفلت منها
_ اتهدي
قالها أدم بخفوت ، هو الآخر علي وشك الضحك

 

 

 

_ ايه ده ؟
قالتها صفاء بصدمه
_ ايه يا طنط انتي معرفتنيش و لا ايه ؟
قالتها جميلة بسخرية و هي تتقدم منها و من ثم احتضنتها و قبلتها و الأخري ما زالت علي وضعها
_ بسم الله ماشاء الله ، تبارك الخالق ، ربنا يحفظك يا بنتي
_ حبيبي يا أونكل محمد ، وحشتني اوي
قالتها جميلة بابتسامه و حب
_ و انتي اكتر يا حبيبتي
بعد السلام ، جلسوا جميعا يتناولوا الطعام سويا ، بالطبع مع نظرات صفاء المصدومه لجميله ، كانت كل دقيقة تنظر لها لتتأكد أنها هي ..
_____________________

 

 

 

بعد ساعة تقريبا ، انطلق محمد و كارم و أدم إلي العمل ، و عادت صفاء إلي فيلاتها …
_ ألو ايوة يا حبيبتي ، اه وصلت الحمدلله
_ سلميلي علي أونكل كتير
_ عيوني
_ عملتي ايه ؟ ، قابلتي .. سيف ؟
تنهدت جميلة و اجابتها بهدوء
_ اه
_ طب و ايه اللي حصل ؟
_ ……….
أخذت جميلة و نانسي تتحدثان و بعد قليل أغلقت جميلة معها و استعدت للخروج …
_ ايه رأيك يا داده ؟ ده مناسب للشركة ؟
_ بسم الله ماشاء الله ، زي القمر
_ تسلميلي يا داده ، انتي اللي قمر
استعدت جميلة و ركبت سيارتها و انطلقت إلي شركة والدها ..
~~~~~~~~~~~~~~~

 

 

 

بعد قليل ، وصلت جميلة الشركة ، ركنت سيارتها ، و من ثم اتجهت داخل المبني العملاق …
_ ايه يا محروس ، هو انا كل اما اشوفك الاقيك بتاكل
_ هدي نفسك يا رماح ، خد اضرب الشندوتش ده
_ شندوتش ! كل يا محروس .. كل ….. اوه ، ايه الصاروخ ده ؟
قالها رماح بزهول ، فانتبه محروس إلي ما ينظر
_ علي قولك .. دي صاروخ ارض جو
_ اسكت يا محروس ، اسكت ، كمل اكل
تركه رماح و اتجه إلي جميلة …
_ الجميل عايز ايه ؟
قالها رماح بابتسامه مغازلة
_ ههههه ، ايه يا رماح انت نسيتني و لا ايه ؟
_ الصوت ده مش غريب عليا
_ انا جميلة يا رماح
قالتها جميلة بابتسامه
_ اه ما انتي جميلة فعلا

 

 

 

قالها بابتسامه بلهاء
_ هههه مقصدش ، انا جميلة كارم
_ ااااايه ؟! جميلة هانم !!
_ اه يا رماح انا ، فيه حاجة و لا ايه ؟
_ لا العفو يا فندم ، مقصدش ، اتفضلي
غادرت جميلة و علي وجهها ابتسامه من ذاك الأبله و من ثم اتجهت إلي مكتب والدها
_ عملت في نفسها ايه دي ؟ سبحان الله بقا دي جميلة !!!
قالها رماح بزهول
________________________
و أثناء مرورها اصتدمت بشخص …
_ ااااه
_ آسف مقصدش
نظرت جميلة له و هو كذلك و صُدِمَ للمرة الثانيه
_ جميلة ! بتعملي ايه هنا ؟
تمالكت جميلة نفسها و تكلمت بثقة :
_ الله مش شركة بابا و لا ايه يا سيف
_ اه طبعا ، مش قصدي , انا ….
_ طب عن إذنك بقا ، علشان مستعجله
قالتها جميلة بقصد ، لتقاطع كلامه …
_ بقيتي زي القمر يا .. جميلة
______________
في مكتب والدها …
_ اه يا بابا زي ما بقول لحضرتك ، انا … عايزة اشتغل هنا في الشركة
_ ………….
~~~~~~~~~~~~~~~~~

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقام الجميلة)