رواية زواج أطفال 3 الفصل الرابع والثلاثون 34 بقلم الكاتبة الصغيرة

رواية زواج أطفال 3 الفصل الرابع والثلاثون 34 بقلم الكاتبة الصغيرة

رواية زواج أطفال 3 البارت الرابع والثلاثون

رواية زواج أطفال 3 الجزء الرابع والثلاثون

رواية زواج أطفال 3 الحلقة الرابعة والثلاثون

قفلت معاه ونامت وهي محتاره وخايفه من اللي هيحصل لو عمر عرف حقيقتها
عند لمار كانت في الصالون مع لين ورهف وريناد وايلين كلهم حطوا ميكب وواقفين يتصوروا
ايلين.. هتفرقعوا في وشي انتوا الاتنين ببطنكم دي
لين.. امشي يابت من هنا انا بطني صغيره
ريناد.. آه والله بكرا نشوفك ياست ايلين
ايلين.. لا انا متفقه مع يوسف مش دلوقتي عشان عايزه اعيش حياتي عقبالك انتي
ريناد.. طب ياريت والله
رهف.. ربنا يرزقك ياحبيبتي يارب
لمار.. قاعدين تلكوا في ايه
لين.. خليكي انتي ف اللي بتعمليه
لمار بصت للبنت اللي بتضبط شعرها.. هو لسه كتيرر انا زهقت
ردت عليها بضحكه صغيره.. قربنا نخلص

رهف فتحت التليفون.. ايوا يا حبيبي اه خلصنا من بدري ولمار قدامها خمس دقايق بس معلش
رحيم.. ما تخلصوا بقي واقفين برا بقالنا ساعه ما كل ده هيتشال وهتطلع عبعال في الاخر
رهف ضحكت بصوت عالي
وفي المكان التاني كان انس ومازن ساندين علي العربيه وكل شويه يبصوا في الساعه
وعز قاعد في العربيه مع يوسف ورحيم
مازن نزل راسه جمب الشباك.. هما هيباتوا جوا
رحيم.. ماتهدي يا عم بكرا تيجي تقولنا مش عاوزين تخلوها عندكم يومين
انس .. وانت مالك
مازن.. آه صح انت مالك
عز ضحك بشماته ويوسف كمان
رحيم.. عاجبكم كده ضحكتوا اللي يسوي واللى ميسواش علينا
انس.. اخلص قالتلك ايه
رحيم.. خمسه كده الست زفته لمار مخلصتش والله العظيم جدي هيعمل مننا شاورما عشان التأخير ده
يوسف.. مش عارف مستعجلين ليه ما الدنيا حلوه اهي
مازن نفخ الهوا من بقه ولف وشه
هما بصوا لبعض وضحكوا عشان هما قاصدين يعصبوه
‌________‌________‌________‌________

رحمه.. يعني كمان مش عايزني اروح فرح بنت خالي
معتز.. ابقي شوفي فيديو الفرح وخلاص
رحمه.. كنت عايزه اكون معاهم
معتز كان ماسك التليفون ومش مديها اهتمام
رحمه.. معتز انا بكلمك
رفع راسه من علي التليفون .. ايه يا رحمه في ايه
رحمه زعلت من اسلوبه.. مفيش حاجه تصبح على خير
دخلت اوضتها تكلم عمر
عمر.. صوتك ماله
رحمه.. مفيش كنت نايمه أنت عامل اية ومراتك
عمر.. الحمدلله تمام هتبقي عمه قريب
رحمه.. بجددد الف مبروك مش ناوي تعرف حد من هنا
عمر.. لا هو حد كان عبرني من يوم ما سيبت مصر حتي امك ولا كأن ليها ابن ولو مكنتيش نزلتي انتي كانوا نسوكي
رحمه.. معاك حق ياعمر
عمر.. هي قاعده تزن عايزة ننزل احنا كمان وانا رافض هنا احسن
رحمه.. انت وحشتني اووي حاسه اني وحيده
عمر.. ومعتز فين

رحمه.. معتز اتغير اوي معايا ومبقاش يعبرني ودايما مشغول
عمر.. خلاص احجزلك تيجي
رحمه.. لا يا حبيبي عشان مش هينفع بقي ان شالله تيجي انت تزورنا قريب
عمر.. حاضر هحاول
رحمه.. ماشي سلميلي على آيه
عمر.. الله يسلمك ياروحي سلام
‌________‌________‌________‌________
واخيرا وبعد طول انتظار كان مازن داخل ياخد لمار والباقيين وراه
البنات كانوا حواليها وهي واقفه بظهرها عشان الفيرست لوك
قرب بهدوء وهي قلبها بيدق وبتبتسم ادالها بوكيه ورد وبعدين لفت وهي باصه في الأرض مسك ايديها باسها.. زي القمر واحلي
يوسف.. احلي ع الاحلي
انس.. ابيض علي الابيض
رحيم.. ميندا علي ميرندا

الكل مكنش قادر من الضحك عليهم وعز بيحرك راسه بيأس من حركاتهم الشبابيه الهبله
خرجوا ومازن ولمار ركبوا ورا وانس ولين قدام
والباقين كل واحد اخد مراته في عربيته ومشيوا
انس.. واخده الجمال كله لوحدك
لين بإحراج.. خلاص بقا
انس.. انتي اللي هتحسني نسل العيله وربنا
مازن.. انا فاكر انك كنت هادي وعاقل ولا يوسف بهت عليك
انس.. لا انا صايع من زمان بس مش قدامكم حتي اسأل لمار انا وعمر في شبابنا كنا مجننين العيله
لمار.. حصل
مازن.. ربنا يهديك
لين.. ليه ياقلبي هو بيشد في شعره
انس خبط علي الطابلون بمرح.. اللللعببب الدنيا ولعتت
لمار ضحكت.. دا انت ما بتصدق
بعد نص ساعة كانوا وصلوا والكل بيسلم عليهم وبيبارك
وجه وقت الرقص السلو كان مازن ولمار في النص
والباقين جمبهم وكل واحد فاتح حوار 😂

عز.. مكنتش متخيل ان الايام هتمر كدا ونبقي سوا في الآخر
ريناد.. انت اللي كنت منغلق على نفسك ومش راضي تعترف انا بحبك من الاعدادي عارف يعني ايه
عز.. متأخّرة اوي انا من يوم ما اتولدتي وقولتلهم دي بتاعتي حتي ضحكوا عليا يومها
ريناد ضحكت وقربت منه شويه وكملوا رقص
رحيم بيردد الاغنيه بحب.. حبيبي جمبي في حضني الليلة دي والله وبقيت معااااه
رهف.. ربنا يديمك ليا ياحبيبي
رحيم.. قوليها تاني
رهف.. حبيبي روحي وكل حاجه
رحيم.. يااه بتختاري الاماكن والاوقات الغلط وتقولي كلام حلو
رهف بعدت وشها بسرعه.. انت بتعمل ايه يا مجنون الناس
رحيم رفع وشه باس راسه.. فقريه
انس.. فاكره يوم ما ما قربت منك في بيت يوسف كان اول مره قلبي يدق لحد وهيفضل طول العمر ليكي
لين.. انا تقريبا كده برضو اكرشيت عليك يومها
انس.. انا بشكر يوسف علي فكرته المهببه اللي عرفتني بيكي
لين.. مهبببه

انس حط ايدها علي ظهرها.. متفهيش صح انا قصدي المعسله القمر ال كل حاجه حلوه
لين.. والله
انس.. والله العظيم بحبك
ايلين.. عايزه يوم فرحنا يرجع تاني
يوسف.. اعتبرني ان احنا بس اللي موجودين وانه فرحنا لان بالنسبالي اي يوم في قربك هو فرحي
ايلين.. كلامك حلو اوى يا يوسف
يوسف.. كلامي بس
ايلين ضحكت.. ماهو الحلو مبيقولش غير حلو
يوسف.. مستواكي في الغزل ضعيف هعلمك انا لما نروح
مازن.. همس ل لمار في ودنها.. احضنيني
لمار اتحرجت وبصتله.. اشمعنا
مازن بحب.. عشان الناس كلها تعرف انك بقيتي بتاعتي وبس
قلبها دق بسرعه كلامه كله قادر يحببها فيه اكتر واكتر رفعت ايدها حاوطت رقبته وقربت منه علي صوت المغني وهو بيقول وبتحلي الدنيا في عيني وانا جمبك ف متبعدنيش حبك فعلاً بيخليني اتمسك بالدنيا واعيش
حضنها هو كمان والكل بدأ يصفر وصوتهم علي

بعدت عنه وهي حاسه إن مفيش غيرهم بس ونظرات الحب اللي في عينه
بعد شويه كانت بتبص حواليها ولمحت حد رجعت بصت تاني اتصدمت لما لقت فارس في اخر القاعه واقف بشرود وهو بيدخن
لمار.. مازن ايه اللي جاب ده هنا
مازن.. هو مضايقك في حاجه خليه
لمار.. انا خايفه عليك ممكن يعمل حاجه
مازن.. متخافيش ياحبيبتي
لمار ابتسمت قالها ولاول مره حبيبتي
انس ويوسف جم شدوه والاغاني اشتغلت
المهرجان يثوورر الدخلاويه جمم عيني لولولولو الكلام شكله هيحلو
عمران.. الشباب دول عليهم اغاني ايه الحاجات العبثيه دى
زين.. جيل جديد بقي
عمران بص لرحيم ولسه هيقول عليه هادي وعاقل لاقاه بيخلع البليزر وحطه الكرسي
رحيم.. امال عايزنا نرقص علي ايه يا جدو علي رمشه الاسمراني وطلع على المسرح مع الشباب
بعد ساعتين كان الكل في عربياته والزماره والزغاريد شغاله احتفالا بيهم
لمار نزلت وهي رافعه الفستان ومازن بيساعدها سلمت على اهلها ودخلوا والباقين روحوا
مازن فتح الباب دخلت وهو بعدها لف قفل الباب بهدوء

راحت قعدت علي السرير وخلعت الهيلز.. ااه رجلي وجعتني جامد
مازن.. حتي انا والجو حر فتح التكييف وخلع البليزر وبدأ يفتح زراير القميص وهي متجلاها وباصه في الارض
مازن.. هو انتي اول مره تكوني معايا
لمار.. لا
مازن.. امال مالك مش واخده راحتك ليه
لمار.. عادي مفيش حاجه هو يعني انت
مازن قرب من السرير قعد جمبها.. انا ايه
لمار كانت بتنقل نطرها عليه شويه وحواليها شويه .. خلتني احضنك في الفرح عشان تضايق فارس
مازن ثبت وشها بإيده.. اولا بصيلي بلاش توتر ثانيا انا معرفش انه هيجي الفرح وعمري ما اعمل حاجه زي دي عشان حد ولا انا بتاع الحركات دي
لمار.. انا عارفه اني غبيه وبسأل حاجات هبله متزعلش منى
مازن.. لا مش غبيه ومش هبله متقوليش كدا انتي بس كنتى مستغربه صح
لمار هزت راسها ببراءة .. ايوا
مازن.. كنت حابب افاجئك واقولك حبيبتي بالقصد عشان افرحك في اليوم ده
لمار.. وانا فرحت جداً
مازن.. طب ايه
لمار.. ايه؟
مازن.. ايييه انتي

لمار.. اا انا هقوم اغير الفستان قامت من جمبه بسرعه دخلت الحمام
مازن كمل خلع القميص شكلك هتغلبيني
‌________‌________‌________‌________
مر كم شهر بأحداث مختلفه
مازن ولمار بقوا بيحبوا بعض جدا وفارس معدش بيظهر في طريقهم خالص بس مهلا بكرا يرجع 🤌😂
ايه كانت بتحاول تمضي عمر علي الورق لكن مفيش فايده فيه وكل يوم في بينهم مشاكل عرفت انها حامل في توأم وعمر كان فرحان جداً بالخبر علي عكس ايه اللي كانت شايفه انها دمرت حياتها
رهف كانت قربت علي الولاده ومش بتخرج كتير
لين وانس حياتهم هاديه زي ماهما ودايما عند مازن ولمار
رحمه ومعتز علاقتهم مش احسن حاجه وكل واحد متجاهل التاني
وتمر الايام وكل واحد ملهي في حياته والدنيا ماشيه
لغاية ما في يوم بليل البيت كله صحي بفزعه علي صريخ رهف
رحيم فاق بصدمه وهي جمبه وشها كله عرق وماسكه في المخده .. في ايييييه مالك
رهف… ااااااه بطني يا رحيم هموووت
لقي الكل متجمع عن الباب وبيخبطوا بخوف .. رهف مالها يابني
هو كان شايلها عشان ينزل .. اعمل ايه اعمل ايه
رهف.. وديني المستشفى

رحيم.. الباب
رهف بصريخ .. ماااالوووو
عمران.. افتح يابني الباب
رحيم .. ح حاضر حاضر نزلها علي السرير تاني وهي مش طايقه نفسها من الوجع راح فتح بسرعه وكلهم دخلو الاوضه
صفاء.. دي بتولد
انس.. ايه المعلومات الخطيره دي يا مرات عمي
لين .. هو ده وقت هزار اسكت
عز.. انا نازل ادور العربيه شيلها وتعالي بسرعه
رهف.. بسرعه يا رحيم باللله عليك
هدي.. متخافيش يابنتي هتبقي كويسه ربنا يقومك بالسلامه يارب
عبد الرحمن .. يلا يارحيم واحنا هنحصلك
كلهم كانوا في المستشفى ورحيم رايح جاي في الطرقه وقلقان
عز.. ان شاءلله خير متخفش
رحيم بهدوء عكس كل مره بيكلم عز فيها.. ان شاءلله
بعد مده خرج الدكتور وعلي وشه ابتسامه.. حمد لله على سلامه المدام والولد
رحيم.. ادخل عادي
الدكتور.. هي في البنج مش فايقه حاليا بس اللي حضرتك شايفه
دخل عندها مسك ايدها باسها ولمس وشها بحنان

برا كانت الممرضه لبست البيبي وخرجته ليهم عمران شاله اول واحد باس رأسه وبعدين كبر في ودنه واداه لعد.. عقبال ما تشيل ولادك ياحبيبي
عز.. يارب ياجدى
انس راح وقف جمبه .. نسخه من ابوه اي القرف ده يجدعان
رحيم خرج.. قرف وحياة امي ماشي اوعي هات الواد ده
شاله وبعدين ضحك .. اهلا بيك ياقلب بابا شايف الطويل الاهبل ده عمك انس واللي واقف جمبه ابرد خلق الله ده خالك الولد كان بيعيط ومتضايق
رحيم .. شوفتوا لما عرف انكم اهله اتخنق ازاي
انس.. لا والله كانت ساكت معانا هو باين لما لاقاك بتتكلم عربي عرف انه اتولد في مصر
كلهم ضحكوا علي جملة انس
ريناد.. هنسمي القمر ده ايه بقي
رحيم .. تميم حلو هادي كده وفخم
لين.. الله الملك تميم

انس.. ولا تزعلي ياروحي سأحتل زيكولا من اجل لين
لين.. لا كانت اسيل
انس.. ولما اقول اسيل تزعلي وتقولي بتعرف ستات غيري
رحيم.. ششش ايه منك ليها مكنتش كلمه قولتها
عز.. حلو الاسم علي فكره
ريناد.. طبعاً اخويا حبيبي مبيختارش حاجه وحشه
روحوا البيت ومازن ولمار راحوا يباركولهم
رهف.. كده لسه البت لين تخلص من الهم ده الواحد ارتاح بجد مكنتش بقدر امشي
لمار وهي بتلعب مع تميم.. هم بقي العسل ده هم يشيخه حرام عليكي
لين.. ما تجيبي لنا عسل انتي كمان يختي
لمار.. لسه ربنا مأرادش دلوقتي
ريناد.. ربنا يرزقك ياروحي
لمار.. يارب يا رينو انا وانتي

رهف.. محدش يعرف حاجه عن رحمه يبنات
لين.. طنط هدي من فتره قالت انها يا حرام كانت حامل وسقطت
لمار.. اووف ربنا يعوضها
لين.. يارب انا هقوم انام الوقت اتأخر ومش قادره استحمل وجع ظهري
لمار.. يلا وانا نازل لمازن عشان نمشي
رهف.. كلكم بعتوني
ريناد.. لا ياقلبي انا قاعده معاكي اهو
رهف.. ربنا ما يحرمني منك أبداً
‌________‌________‌________‌________
رحمه.. بتعمل ايه كده
معتز.. قاعد علي التليفون مفيش حاجه بعملها
رحمه بصت في المرايه لقته بيقلب في صور لبنت خالها وهي ريناد
سحبت منه الفون وهي بتقلب في الصور.. الله الله
معتز.. انتي بتعملي ايه هاتي التليفون ده
رحمه .. بقي كل ده بتخدعني وبتقول انك نسيتها أنا ازاي صدقتك
معتز.. مفيش كلام من ده كنت بشوف صور ابن رحيم علي الصفحه بتاعته بس المنشن عندها وضغطت عليه بالغلط وانتي بتكلميني رحمه انتي مبتثقيش فيا

رمت التليفون على الكرسي .. انت اتغيرت معايا اوي وده مش معتز اللي انا اعرفه
حط ايده على وشها.. انا اسف يا حبيبتي والله من الشغل بس بعد كدا هفضيلك وقت عشان خاطري متزعليش منى وياستي نخرج النهارده نتعشي برا ايه رأيك
بالفعل كلامه اثر فيها ووافقته
‌________‌________‌________‌________
بعد سنتين ونص
رحيم.. يابني اقعد بقي في ايه بقولك ماما في مشوار وجايه
لين .. هو هيفهمك ازاي لسه صغير
رحيم.. صغير فين ماعنده سنتين ونص اهو
انس.. اه صح حقته يروح الشركه من دلوقتي
رحيم.. بطل يلا ابقي خد سي يامن بتاعك اللي قارفنا بيه ده
انس.. انت بتغلط في ابني والله بكرا ده اللي يرفع اسم العيله
رحيم.. كان ابوه نفع الاول ده انت كنت بتاخد السنه في تلاته فاااكر
يامن مش فاهم حاجه من كلامهم بص لانس وهو بينطق ب بب
انس.. آه رحيم كلب ياحبيبي
رحيم.. يابن ال…
انس ضحك وخد ياما وطلع ورحيم طلع تليفونه يرن علي رهف
رهف.. اي ياحبيبي جايين اهو

رحيم.. كل ده برا الولد قاعد يعيط من زمان
رهف بفرح.. اصبر بس عشان في مفاجأة
رحيم.. خير ربنا يحرمني من مفجأتكم دي اخر مره جايبالي هدوم ب25الف كأن الواد عارض ازياء
رهف.. ما يعيش ويلبس حبيبي الغالي ده المهم سلام بقا عشان لحظه وهعترف احنا جايين اهو في الطريق
رحيم.. طيب ترجعوا بالسلامه
فضل قاعد يفكر ياتري مفاجأة ايه
بعد ساعه الا ربع كانت رهف مجمعه العيله كلها عشان تقولهم المفاجأة
رهف.. احمم ودلوقتي يجماعه المفاجأة هي مسكت ايد ريناد وكملت صوت عالي نسبيا كله فرحه رينااااد حاامل

يتبع..

لقراءة الفصل التالي: اضغط هنا

لقراءة باقي حلقات الرواية اضغط على (رواية زواج أطفال 3)