رواية لورين الفصل الثاني 2 بقلم فاطمة حسن

رواية لورين الفصل الثاني 2 بقلم فاطمة حسن

رواية لورين البارت الثاني

رواية لورين الجزء الثاني

رواية لورين الحلقة الثانية

مشي و انا قعدت في اوضتي كنت متدايقه جدا إنه كلمها و سلم عليها،و كل شويه اقول طيب هو ليه يتعامل معاها عادي زي ما بيتعامل معايا،و شويه تاني أقول بس هو من حقه يتعامل مع اي حد عادي هو مكنش كرسي بملكه و لا حاجه كنت حاسه ان انا في صراع ما بين حقه و مش حقه لحد ما نمت
صحيت تاني يوم لقيته متصل بيا و باعتلي لوكيشن
فتحته و عرفت المكان و فتحت الفيس لقيت بنت عمه عامله ليه منشن و حاطه صورتهم سوى عاملتلهم لاف و بعدين كنت متردده اعمل كومنت او لا بعدين كتبت كومنت
ربنا يديمكم لبعض و انا حاسه بنار بتطلع من وشي و للحظه عيطت غصب عني انا كدا لما بكون بحب حد بغير عليه و للحظه بدأ يتردد جوايا اني كدا مريضه!!
مريضه؟!ايوه اللي بعمله دا يدل على اني مريضه مش بأذيه لكن بأذي نفسي،هو من حقه يخرج مع اي و من حقه يتكلم و يهزر مع اي حد ،أنا كل ما بشوفه بيهزر مع حد بغير،بيكلم حد بغير حتى لما بيقولي ان عند صاحبه بغير
زاد عياطي و انا قاعده بقول
بس هو مش هيفهم كل دا مش هيفهم اني بحبه علشان كدا بغير،مش هيفهم ان معنديش صحاب غيره علشان كدا بغير، مش هيفهم انه خايفه انه خايفه يتخلى عني
دوامة كبيره و مشاعر متلخبطه و صراع كبير جوايا انتهى بأني مش هنزل ،مش هشوفه و مش عايزه اشوف حد
قفلت عيني بصعوبه كبيره بعد عياط مش خلصان و نمت

قعدت اسبوع مش بنزل و مش بشوفه و قافله فوني علشان لو اتصل و كل ما يجي امي تقوله اني برا او كنت نايمه او خرجت اي مبرر
لحد ما في يوم نزلت و لقيت رجلي وخداني لمعالج نفسي
خدت رقم و قعدت استنيت دوري فات ساعة و اسمي اتنده فقومت دخلت
– اتفضلي على الشزلونج
اومأت براسي بمعنى تمام و قعدت
= اتمنى ان اقدر اساعدك انا هنا مش مجرد معالج نفسي انا هنا صديق ليكِ افتحي قلبك و اتكلمي بحرية علشان نساعد بعض احنا صحاب تمام
– تمام
اومأ براسه بمعنى أن اتكلم
الحكاية بدأت من و أنا عندي 19 سنه لما بابا مات،أنا مكنش ليا علاقات من يوم ما اتولدت و لا ليا صحاب هو شخص واحد فتحت عيني عليه ابن خالتي هو صاحبي و حبيبي و كل حاجه انا بملكها ،واقف دايما جنبي بيدعمني و يساعدني و يساندني،مبيسبش ايدي ابدا بس انا بقيت مريضه
اتكلم باستغراب
– ازاي
اتكلمت بدموع

=حبي ليه اتحول لخوف مش منه لا
– اومال
= خوف من خسارته بسبب غيرتي عليه ،يجي يتكلم مع حد مش عايزه يعمل كدا،يهزر مع حد لا مش هينفع،يخرج مع صحابه معنى كدا انه هيستغنى عني انا مريضه مريضه اوي
فضلت اعيط و هو يديني مناديل
– حابه تكملي عياط
حركت راسي بمعنى لا
بس بس بعدين عيطت تاني
= خرجي كل اللي جواكي عادي
فضلت اعيط لحد ما حسيت ان ارتحت إلى حد ما
– تمام
= تمام

ابتسم و قال
– مفيش مانع نحب و نتحب و نغير على اللي بنحبهم هما كدا هيحسوا بحبنا اكيد لكن خلي لكل شيء حدود غيري بس متخليش غيرتك تأذ*يكي و تخليكي تفضلي تلومي نفسك بهذا الشكل لو كل الحب كدا كل الناس هتتعب نفسيا،تعرفي ييخته بيكِ انك بتحبيه و بتخافي عليه كدا،و هو لو بيحبك عمره ما هيفكر يستغنى عنك و مفيش مانع يخرج مع صحابه في الاخر هماصحابه مش معنى كدا انك مش صحبته
– بس أنا معنديش صحاب غيره كدا هبقى وحدي
= لأ هنبدأ نخرج و نعمل صحاب و نفتح بابنا لناس جديدة تونسنا و برضو مش معناه انه استغنى عنك او هيعمل كدا و كمان المرة الجايه هنعمل حاجه لطيفه هتخليكي افضل شويه.
شكرته بإمتنان و مشيت
روحت كلت و نمت و صحيت لقيته متصل كنسلت عليه و رجعت نمت

يتبع..

لقراءة الصفل التالي : اضغط هنا

لقراءة باقي حلقات الرواية اضغط على : (رواية لورين)