رواية يوميات نور والمجنون الفصل الأول 1 بقلم فيروزة

رواية يوميات نور والمجنون الفصل الأول 1 بقلم فيروزة

رواية يوميات نور والمجنون البارت الأول

رواية يوميات نور والمجنون الجزء الأول

رواية يوميات نور والمجنون الحلقة الأولى

مستحيل يا بابا مستحيل اسيب اسكندريه واروح اعيش في الفلاحين ….
الاب ..ليه يا حبيبتي مالها البلد دي فيها ستك وجدك وعمامك وعماتك واهلك وناسك …
يابابا مستحيل اروح البلد مستحيل الفكره نفسها بالنسبالي مرفوضها….
لدرجه دي يا نور معرفتش اربيكي لدرجه دي بقيتي قاسيه …
نور بدموع ….بقي انا قاسيه ..دي مش قسوه يا بابا انا بس مش متخيله اني اعيش وسط الأرض والحيوانات وريحه الحيوانات والناس هناك وطريقه كلامهم ….واسلوبهم في التعامل ….
ابوها بضحك ….يا حبيبتي دي حاجات بتيجي في التلفزيون بس الحقيقه غير كده الفلاحين يا حبيبتي غير كده خالص 😂😂
نور…….لا لا لا لا يا بابا….
ابو نور بابتسامه……نور حضري حاجاتك يلا ….
نور🥺 …..يووووه يا بابا لا مش هروح …..

بعد يومين …..
بابا احط الهدوم دي فين ….
ابوها بضحك…ايه رايك في البلد ….
نور بضحك ….مش عارفه يا حبيبي بس حاسه اني غريبه احساس مختلف مش عارفه احدد انا مبسوطه ولا مديقه ….
ابو نور بابتسامه….احساس بس يا نور ….بس بعد كم يوم هتحسي انك مولوده هنا وهتاخدي علي الناس يلا جهزي نفسك علشان هننزل علشان اعرفك علي اهلك….
نور بقلق …حاضر يا بابا بس قلقانه وحاسه بخوف ….
الاب بابتسامه حنونه ….قلقانه من ايه يا حبيبتي انتي هتشوفي اهلك وناسك وهتتعرفي عليهم ….
نور بابتسامه….حاضر يا بابا دقيقه هلبس ….
الاب بابتسامه حنونه…. ماشي يا حبيبتي ❤️…
نور بعد نص ساعه كانت لبست فستان رقيق وعليه خمار ونقاب وحضرت نفسها علشان هتقابل ناس لاول مره في حياتها هتشوفهم …..صحيح هي مولوده هنا بس بعد سنه راحوا اسكندريه علشان شغل ابوها …والحياه جريت بيهم
ومامته ماتت والسنين مرات وبعد عشرين سنه بابها قرر أنه يرجع البلد علشان يكمل الباقي من عمره في وسط أهله ومن كل ده نسه نور وحياه نور واصحاب نور….
نور بتوتر …انا جاهزه يا بابا يلا ننزل …

ابو نور قرب منها وحضنها …مالك يا قلبي …
نور بابتسامه….ولا حاجه يا بابا بس حاسه بشويه توتر …
ابو نور بحنان ….اهدي يا حبيبتي انا معاكي خليكي فاكره دايما اني جنبك ومعاكي…
نور حضنت ابوها ….بحبك يا اجمل اب…
نزلت نور مع ابوها عند ستها ….
ابو نور قرب من أمه وأبوه وسلم عليهم وقاعد جنبهم…..
وناده علي نور …
ابو نور بحنان….تعالي يا قلب بابا سالمي علي ستك وجدك تعالي يلا …
نور قربت منهم ولسه بتمد أيدها لستها في اقل من الثانيه كانت في حضنها ….
ست نور بحب …..بقيتي زي القمر يا نور …..واله وكبرتي وبقيتي عروسه زي القمر ….
نور بابتسامه حنونه….انتي اللي كأنك القمر بجد حضرتك جميله جدا ….
ست نور بضحك …..حضرتك مين بس قوليلي يا ورده أو وردتي زي ابوكي ….
نور بابتسامه وكسوف …مينفعش يا ستي ….
ست نور بضحك….ماتقول لبنتك يا محمود اني مبحبش اكبر نفسي واللي يحبني وعايزني احبه يقولي ورده واللي يحبني اوي يقولي وردتي ….

ابو نور بابتسامه….قوليلها يا نور متكسفيش ….
نور قربت من ستها وحضنتها …كده حلو يا ورده قلبي ❤️🥺….
ست نور بحب….البت دي خدت قلبي يا محمود مسكته بااديها كده اه والله وانا كمان بحبك يا قلب ورده من
جوه …..
نور بابتسامه…وانتي قلب نور من جوه ….
جد نور بابتسامه…وانا مليش شويه حب يردو الروح في قلبي العطشان ده ….
نور قربت من جده وحضنته ….انت ليك الحب كله ….هديك حب يروي عطش السنين …
جد نور بحب ….بنتك بكشه شبهك يا محمود البت عرفت تاخد قلوبنا في ثواني ….
طيب انا يا جدي ….
جد نور بحب ….ده انت حته من قلبي تعالي يا سيف تعالي يا حبيبي سلم علي عمك وبنته الحلوه …
سيف قرب من نور وحضنها ….
نور حولت تبعد عنه بس هو كان حضنها اوي ….
سيف بحزن بعد عنها …..انت مش عايزه سيف يحبك ليه …
نور بصيت عليه شافت نظره الحزن في عنيه وحط وشه في الأرض راحت حضنه اوي ودموعها نزلت علشان شافت الحزن في عنيه ….

سيف بحب ….انا حبيت نور يا جدي ….
نور بعدت عنه …وانا كمان حبيتك يا سيف…..
جد نور بامتنن….حبك زاد في قلبي من اللي عملتيه دلوقتي يا نور ….
نور بابتسامه…علي ايه يا جدي ده زي اخويه ….
ستها حضنتها ….زي ليه يا حبيبتي هنا عندنا كل عيال العم اخوات …وده واحد منهم ….
نور بابتسامه….ماشي يا وردتي ….
نور بتبص علي سيف ملقيتوش ….هو سيف خرج ليه….
ست نور ….هو كده يا حبيبتي…..بالله عليكي تاخدي بالك منه …. صحيح سيف عندو 24سنه بس لسه عقله عمر طفل عندو 7سنين بيحب الناس بسرعه وبيحب الناس تعمله كويس وبحنيه …امه وأبوه ماتوا من وهو عندو 7سنين ومن ساعتها وهو زي ما انتي شايفه كده عمره وقف عند السن ده كل الدكاترة قالوا إنها كانت صدمه جامده ….وأنه هيفضل كده طول العمر …..انتي فرحتي قلبي لما حضنتيه…..

لو كنتي زعقتيله كان ممكن حالته تسوء أو ينتكس …هو متشخص توحد ….وكان بيعمل جلسات بس معدش راضي يروح بقاله فتره …..
نور بحزن ….انا قلبي وجعني علشانه ….متقلقيش أن شاء الله هيكون كويس وانا هكون معه طول الوقت هيكون في عيني …..
مين دي يا ستي وبتتكلم عن مين …
ست نور بابتسامه….دي نور بنت عمك محمود يا معتز …..
معتز بابتسامه….انا معتز ابن عمك احمد ….
نور من بعيد ردت …تشرفت بيك …
معتز بابتسامه…الشرف ليه ….
جد نور ….روح نادي عمامك وعيالهم علشان يشوفوا نور ويتعرفوا عليها …

بعد شويه كانوا دخلوا كلهم ….
بدايه جديده من التعرف …
عمي احمد عندو ….معتز وامير ويارا …مراته سعاد …
عمي مسعود عندو ….احمد وكرم …مراته سميره …
عمي منصور عندو ….شمس ونيره ونيروز …..مراته اميره….
عمي فؤاد عندو …..فارس وموسى…..مراته كريمه….
وماعنديش غير عمه واحده اسمها امال وعندها …رشا ويونس.. جوزها ممدوح….
…كده اتعرفتوا علي العيله …
نرجع للأحداث…..
بعد الترحيب والسلامات ….
سالت علي سيف …
نور ….بابا هو سيف فين …
ابو نور ….مش عارف يا حبيبتي….ثواني هسال ستك …

موسي بابتسامه….بتسالي علي سيف ليه …
نور ….علشان مش شايفه حابه اطمن عليه ….
موسي بابتسامه….سيف اكيد في اوضه مش بيحب التجمع ..
نور ….شكرا ….
ومشيت نور حتي قبل ما تسمع رد موسي….
نور قالت لبابها انها هتطلع لسيف أوضته….
نور طلعت وفضلت ماشي لحد ما وصلت لاوضه سيف وقبل ما تفتح الباب سمعت
البارت خالص بس الحكايه لسه في البدايه واللي جاي اقوي بكتير من اللي فات ….
ده اول بارت تفاعل معه علشان اكتب تاني واكملها ….
حكايه من خيالي المجنون حكايه هتكون كلها جنون….
رايكم في الحكايه يهمني….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية يوميات نور والمجنون)