روايات

رواية المجهول الفصل الأول 1 بقلم أسامة الحجازي

رواية المجهول الفصل الأول 1 بقلم أسامة الحجازي

رواية المجهول البارت الأول

رواية المجهول الجزء الأول

رواية المجهول الحلقة الأولى

اسمي مرام عمري ٢٤ سنة ، لساتني عزباء عند أهلي ، ساكنة بإربد ، أنا البنت الوحيدة لأهلي ، تخرجت من جامعة اليرموك تخصص كيمياء بتقدير جيد جدا ، بدي احكيلكم قصتي انا من وأنا صغيرة كنت بخجل من اهتمام أمي الزايد عن حده خصوصا قدام الناس ، كنت بشوف الموضوع إحراج لأنها كانت تجي ع المدرسة وتفوت ع الحصة وتحكي للمعلمة مثلا : ” كيف حبيبتي مرام عندك وتجي تعطيني أكل حاطيته بحافظة” ، والطالبات يصيروا يضحكوا ، أنا كثير كنت بنحرج من هالشيء ، وكنت أضل أتهاوش معها بسبب هالتصرفات ، أبوي متقاعد عسكري يشتغل أمن وحماية وعليه ديون ، عمره ٥٠ سنة مش معطيني اهتمام ونادرا جدا كان يسألني كيف الجامعة وقت الامتحانات واذا تكون علاماتي نازلة يبهدلني ويضربني أحيانا ، لما خلصت صف عاشر عملت المدرسة النا حفل تخرج واجت أمي ومعها أبوي اللي كان رافض يجي لكن بعد إصرار أمي

 

 

 

وافق ، كان في حضور كبير لما نادوا على اسمي طلعت مشان استلم الشهادة طلعت معي أمي وفجأة صارت بدها تشيلني من على الدرجات وتطلعني ع المنصة مشان استلم فأنا رفضت وقلتلها بنرفزة: ” يما مالك بلاش هالحركات قدام الناس ” ما ردت وحاولت تشيلني فأنا تنرفزت وعصبت عليها قدام الحضور وكان جدا موقف محرج الي ولأمي بشكل أكبر، يومها رغم موقفي السيء ما زعلت ونكدت بالعكس تركتني اطلع لحالي وضلت تزقف وتزغرت وكأنه ما في شيء ، الكل يومها صار يطل علي نظرة فيها اشمئزاز ، وكان يوم جدا محرج ، بالرغم من أسلوبي اللي مش منيح بالحفلة معها ، لما رجعنا تهاوشت معها بالبيت واجا أبوي ضربني ، رحت ع غرفتي وسكرت الباب وانا زعلانة ومقهورة ليش يصير معي هيك

 

 

 

 

بيوم المفروض أفرح فيه ، اجت أمي علي ودقت وما رضيت افتح الباب وصارت تحكيلي من ورا الباب ” حقك علي يا بنتي ما كان قصدي أزعلك ، كنت حاب أشاركك هاللحظة يا حبيبتي ، لأنك أغلى حد عندي وفرحتك فرحتي ” بالرغم من هيك ما حن قلبي انو ع الأقل ارد عليها أو أقوم حتى اعتذر منها لأنه بالأصل الغلط غلطي وضليت بغرفتي زعلانة ونمت لثاني يوم ..
ثاني يوم صحيت الصبح ع ٧ وطلعت بدي أقوم أتوضأ وأصلي الفجر لأنه أمي ما صحتني كالعادة ، قلت يمكن بسبب موقف مبارح أو راحت عليها نومة

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية المجهول)

اترك رد