روايات

رواية عاشقي ومنقذي من العالم الاخر الفصل الثاني 2 بقلم نشوة عادل

رواية عاشقي ومنقذي من العالم الاخر الفصل الثاني 2 بقلم نشوة عادل

رواية عاشقي ومنقذي من العالم الاخر البارت الثاني

رواية عاشقي ومنقذي من العالم الاخر الجزء الثاني

رواية عاشقي ومنقذي من العالم الاخر الحلقة الثانية

-جريت ع المراية تبص ع رقبتها واتصدمت لما بصت وملقتش العلامة موجودة …اسراء بصدمة: ازااااى والله كانت هنا دلوقتى هو..هوانا كده اتجننت خلاص يا بابا!
اشرف: اهدى يا حبيبتى اكيد كان متهيألك اذكرى الله واهدى
اسراء: ماما متسبنيش عايزة انام فى حضنك النهاردة بليز
بصت نجاة لاشرف اللى هز راسه بأيوة وقالت: حاضر يا حبيبتى انا معاكى
خرج اشرف اما اسراء فنامت ع صدر امها وراحت بالنوم وكيف لا تنام فى امان وهى فى حضن امها؟! فضلت نجاة تملس على شعرها بحب وتقرأ قرأن لحد ما اطمنت انها نامت وراحت هى كمان بالنوم … تانى يوم الصبح صحيت اسراء ع صوت المنبه وكذلك امها
نجاة: صباح الخير يا قلب ماما عاملة ايه دلوقتى؟
اسراء: زى الفل يا قلبى هقوم بقى احضر نفسى عشان انزل الكلية عندى امتحان شفوى النهاردة دعواتك
نجاة بحب: ربنا ينجحك ويسهلك الصعب ويبعد عنك الاذى والشر يا بنت قلبى واشوفك احلى عروسة ومتهنية مع كارم خطيبك ( وبدعوة امى تفتح لى الابواب المغلقة وبسرها يكرمنى ربى فهى قطعة الجنة من الله ع ارضى)

 

 

 

بعد ما جهزت اسراء نزلت ع الكلية ووصلت ع مكتب دكتور كارم واللى المفروض امتحانها عنده خبطت ودخلت والقت التحية وبعد الامتحان ما انتهى
كارم: برافو يا حبيبى اشطر كتكوتة
اسراء: ميرسى
كارم باستغراب: مالك يا اسراء شكلك مرهق وكأنك تعبانة او قلقانة فيه ايه؟!
اسراء: خايفة احكيلك متصدقنيش زى بابا وماما
كارم باهتمام: ازاى يعنى مصدقكيش ومن امتى وانا بكذبك اصلا احكى فى ايه ؟
حكت له اسراء كل حاجة حصلت ….. كارم: هى فعلا غريبة ومتتصدقش بس انا مصدقك وعارف انك بتقولى الحقيقة
اسراء: طب تفتكر ده ايه؟
كارم: والله مش عارف .. قرب منها كارم ومسك ايدها بحنان وقال: متخافيش انا معاكى
ابتسمت اسراء بحب ليه ومكنوش يعرفوا ان فيه عيون تالتة بتراقبهم بحقد شديد وكان الشبح اللى بص عليهم بغضب شديد فجأة خرج من عيونه شعاع احمر باتجاه ايد كارم وفجأة كارم بوجع: اااااااااه

 

 

 

 

اسراء بخضة: مالك يا كارم فى ايه؟!
كارم: وجع فى ايدى صعب اااااه مش قادر
اسراء: طب قوم معايا حالا ع الدكتور بسرعة
اخدته اسراء وراحوا ع الدكتور اللى كشف عليه وقال: ده التواء شديد لازم تتحط فى جبيرة
اسراء: التواء ازاى يا دكتور ؟! ده كان كويس جدا ومفيش اى حاجة ده حصله فجأة
الدكتور: مستحيل يعنى ايه فجأة ما هو ده يا اما وقع عليها يا اما حد لواها ليه بالقصد
نظرت اسراء لكارم وتبادلوا نظرات عدم الفهم لكنهم سكتوا وبعد ما الدكتور خلص مع كارم … اسراء: لازم تروح مينفعش ترجع الكلية وانت بالشكل ده
كارم: اوصلك الاول وبعدين اروح
اسراء: يا حبيبى بالله ما تتعبنى هوقفلك تاكسى عشان تروح وانا هرجع الكلية عشان الامتحان التانى وبعدها هروح
كارم: طيب ابقى طمنينى عليكى لما تروحى وعرفينى عملتى ايه فى الامتحان
ركبته اسراء التاكسى وبعدها طلعت ع الكلية وبعد ما خلصت الامتحان كانت اسماء فى انتظارها بكافتريا الكلية
اسماء: ها عملتى ايه؟
اسراء: الحمدلله جاوبت كويس واخدت الدرجة كاملة
اسماء: اومال مالك فى ايه مش عوايدك تكونى هادية اوى كده

 

 

 

اسراء: من امبارح من ساعة ما رجعت من الفرح بيحصلى حاجات مش طبيعية حتى كارم النهاردة ايده اتلوت بدون سبب حاسة ان عقلى هيتشل من التفكير
اسماء: اهدى يا قلبى ده اكيد اختبار من ربنا بس وغلاوتى مش زعلانة منى ؟
اسراء: هزعل منك ليه يا هبلة انتى!
اسماء: عشان قولتلك انى هاجى فرح اروى ومعرفتش اجى والله ماما جالها غيبوبة السكر واتلبخت فيها وعارفة ان اروى اكيد اخدت ع خاطرها بس انا ناوية ازورها فى البيت واعتذر لها
اسراء: هههههههههه انتى ممثلة شاطرة بس متكرريهاش تانى لانها سخيفة اوى ع فكرة
اسماء بعدم فهم : هو ايه ؟!
اسراء بضحك: بطلى هبل بقى انا مش نقصاكى والله
اسماء: مش فاهمة والله تقصدى ايه؟!
اسراء: انتى هتستهبلى يا اسماء اومال مين اللى كان معايا امبارح فى القاعة وخربناها رقص بس فجأة اختفيتى ودورت عليكى كتير ملقتكيش

 

 

 

اسماء: يا بنتى انتى شاربة حاجة بقولك امى جالها امبارح غيبوبة سكر وروحت معاها المستشفى واتحجزت هناك وانا كنت مرافقة ليها حتى من لبختى نسيت الفون فى البيت عشان كده معرفتش اكلمك
اسراء: والله والمفروض انى اصدقك كده يعنى هو انتى طول عمرك ممثلة فاشلة اول مرة احس بادائك مقنع قدمى فى المسرح موهبتك تستحق
اسماء: انتى عبيطة يا اما انتى بتشربى من ورايا ؟!
اسراء: انا برضه ع العموم الصور معايا تعالى اوريكى ونشوف مين فينا اللى شارب حاجة
خرجت اسراء فونها وكانت اسماء قاعدة جنبها اول ما بصت بالفون ملقتش غير صور ليها لوحدها او مع ناس تانية
اسراء بصدمة: مش ممكن مستحيل ده انا اللى كنت بصور بايدى معقول اكون نسيت اعمل save ليهم بس ازاى انا متأكدة
اسماء: اهدى يا اسراء اكيد كان متهيألك

 

 

 

اسراء بزعيق: هو ايه اللى متهيألى هو كل شويه حد يقولى تهيؤات انتم متفقين عليا عاوزين تجننونى حرام عليكم
اسماء بخوف عليها: اهدى يا بنتى ارجوكى اهدى عشان خاطرى
اسراء: ابعدى عنى ملكيش دعوة بيا انا هروح
فجأة اسراء حست بالدنيا بتلف بيها واغمى عليها ….اسماء بصراخ: اسرااااااااء وووووو……..
نيهاهاها ضحكة شريرة وكده😂 اولا ميرسى ع التفاعل القمر ثانيا اسفة للناس اللى خافت من البارت اللى فات بس اتقلوا لسه الرعب جاى فى الطريق😂😂🤍

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية عاشقي ومنقذي من العالم الاخر)

اترك رد