رواية نجمة في الصعيد الفصل السادس عشر 16 بقلم ملك نصرالله

رواية نجمة في الصعيد الفصل السادس عشر 16 بقلم ملك نصرالله

رواية نجمة في الصعيد البارت السادس عشر

رواية نجمة في الصعيد الجزء السادس عشر

رواية نجمة في الصعيد الحلقة السادسة عشر

حمزه بهدوء: نجمه نجمه
نجمه بنوم: امم
حمزه: قومي يلا علشان ننزل
نجمه: عايزه انام شويه تاني
حمزه بهدوء: طب هدخل اخد شاور تكوني نمتي شويه
نجمه وهي بتقوم: طب هحضرلك الحمام ثانيه
حمزه بحنيه: لا علشان تلحقي تنامي شويه حلوين نامي انتي انا هعمل
نجمه هزت راسها ونامت وحمزه قام اخد شاور ولبس وهي لسه نايمه
حمزه: نجمه نجمه قومي يلا
نجمه: حاضر قايمه
نجمه قامت وفضلت قاعده علي السرير

 

 

حمزه بهدوء: انتي تعبانه من حاجه
نجمه قامت و راحت عند الدولاب واتكلمت وهي بتطلع لبس لنفسها
نجمه بتعب: لا ، انا مرهقه بس شويه
حمزه بحنيه: خلاص مش لازم تنزلي انهارده
نجمه بهدوء: لا هو هاخد شاور وهبقي كويسه
حمزه: اساعدك طيب في حاجه
نجمه بغيظ: شكرااا يا سافل
حمزه ضحك: علي فكره انتي ظلماني انا كان قصدي كويس
نجمه بحنق: لا فيك الخير بجد
حمزه بخفه: ربنا يخليكي
نجمه ابتسمت بخفوت ودخلت تاخد شاور ، وحمزه رتب الاوضه ، ربع ساعة وكانت نجمه خرجت
نجمه بخفوت: شكرا
حمزه مش رد عليها

 

 

 

نجمه بصوت عالي شويه: شكراا
حمزه برضوا مش رد
نجمه بغيظ: بقالي ساعه بقولك شكرا وانت مش بترد عليا
حمزه بحنق: يعني ارد اقولك ايه يعني ، المفروض احنا الاتنين واحد
نجمه بخفوت: انا مش قصدي حاجة
حمزه بهدوء: طيب يلا سرحي
نجمه بتوتر: طب يلا اقعد عالكنبه واديني ضهرك
حمزه بخبث: تعالي اعملك السنبله
نجمه بحنق: لا شكراا يلا اقعد زي ماكنت قاعد امبارح
حمزه بهدوء:طيب
نجمه خلصت ونزلوا فكروا وحمزه راح شغله وشيرين وعز راحوا الكليه و ابراهيم و رضوان وأسر ومراد راحوا الاستراحه ونجمه و ميرنا و ساره كانوا قاعدين سوا
ساره بهدوء: انا هرجع القاهره انهارده
نجمه بزعل: ليه ، كملي الاسبوع معانا
ساره: بابا مش هيراضي ، وانا كده كده هجيلكم زيارات

 

 

 

ميرنا بهزار: وهتسيبي الكراش (تقصد مراد)
ساره ضحكت بحزن وقالت
ساره: ما طلع واقع في حب أحدهم يااختي
ميرنا ونجمه ضحكوا وبعدين اتكلموا مع بعض
في الاستراحه
اسر بتوتر: اتكلم يا مراد
مراد ببرود: وانا مالي ، انا اللي هخطب ولا انت
اسر بحنق: مش انت صاحبي ياض
مراد بخبث: اه بس مش هنا ، انا هنا اخو العروسه اللي هيطلع عينك
اسر بحنق: مش عايز منك حاجه غور ياض
مراد بصله بغيظ
اسر بتوتر: عمي انا طالب ايد بنت حضرتك
ابراهيم: انهي فيهم يابني
اسر: الكبيره
ابراهيم: ايه رأيك يا رضوان
رضوان: أسر ميترفضش ، بس في الاول والاخر الرأي يرجع للعروسه

 

 

 

ابراهيم بحب ابوي: هرد عليك بليل يابني
اسر هز رأسه بحب واخد مراد وراحوا المصنع البقوليات بتاع رضوان ، اللي أسر المدير العام بتاعه
عند حمزه كان بيشرح وفي بنت بتتكلم راح قال
حمزه بهدوء: اللي بتتكلم تسكت ولو عايزه تكمل كلامها تستأذن وتخرج بهدوء
البنت بخفوت: ما قلتلك مش فاهمه هو بيقول ايه ، اول مره احضر
حمزه بحده: يا آنسه انا مش بكلم نفسي ، وكلامي واضح عايزه تكملي كلام استأذني واخرجي
البنت: اسفه
حمزه هز راسه بهدوء وكمل شرح بعدين خلص وكان خارج من الكليه خبط في نفس البنت
البنت بتوتر: هو حضرتك انا اسفه
حمزه بهدوء: ولا يهمك حصل خير
وسابها ومشي
علي الغدا
حمزه كان قاعد جنب نجمه ومراد كان بيبص لـ ساره
عز بخفوت: اخوكي واقع خالص ، بص كل شويه يبصلها ازاى
ميرنا بخفوت: دى هترجع القاهره انهارده ، وهو زي الاهبل فالح يبحلقلها بس

 

 

 

عز ضحك بخفوت: لو سمعنا والله هيولع فينا
ميرنا بخوف: ليه يا عم الطيب احسن انا سكت اصلا
حمزه بخفوت لنجمه: انتي اللي عملتي الاكل ؟؟
نجمه بحماس: اه حلو
حمزه بحنيه: اه اول مره اكل اكل طعمه حلو كده اصلا
نجمه ضحكت: يا سلام ، لو فطومه سمعتك بقا
حمزه ضحك بتوتر: ايه دا احنا متفقناش علي كده
نجمه ضحكت: خلاص مش هقولها
حمزه ضحك وكمل
حمزه بحنيه: بس بجد تسلم ايدك
نجمه ابتسمت بخفوت
بليل علي الساعه 9 كانوا كلهم قاعدين في الصاله
هدي بحب: تعالي يا شيرين يا حبيبتي علي اوضتي عايزاكي
شيرين طلعت معاها بتوتر دخلوا ومامتها قعدتها علي السرير وقالت
هدي بحب: متقدملك عريس ، وطبعاً ليكي حريه الاختيار ، العريس هو أسر ، ها ايه قولك
شيرين ابتسمت بتوتر وبصت في الأرض

 

 

 

شيرين بتوتر: مش عارفه يا ماما
هدي بخبث: خلاص هقولهم مفيش نصيب
شيرين بسرعه: لا مش قصدي استني بس يا هدهده
هدي ضحكت وخدتها في حضنتها
هدي بحنيه: يارب يكون حنين عليكي يا حبيبتي
شيرين ابتسمت بكسوف وهدي نزلت بلغت ابراهيم وهو قال لأسر
فوق عند شيرين
نجمه خدتها في حضنها
نجمه بحب: مبروك يا حبيبتي وربنا يتمملك على خير
شيرين بحب: الله يبارك فيكي يا نجمه
ساره بحب: الف مبروك يا شيري ، متنسيش تعزميني في الخطوبه
شيرين بحب: الله يبارك فيكي ، اعزمك ايه انتي اختي تكوني موجوده قبلي
ساره بحب: حبيبتي 🥹♥️.

 

 

 

ميرنا نطت عليها حضنتها بدموع: مبروك ياأم ارق قلب شوفته في العالم
شيرين بخفوت: ربنا يخليكي ليا ، مكنتش هعرف اتجاوز حمزه من غيرك
ميرنا بحب: الحمدالله كل حاجه حصلت كانت خير ، ربنا ليه لطف خفي♥️.
شيرين: اه الحمدالله
ساره بهدوء: نجمه الساعه 8 ونص اهي همشي انا بقا
شيرين: هتمشي فين
ساره بضحك: هرجع القاهره ، انا حساني نسيت اوضتي
شيرين: وخطوبتي لازم تكوني موجودة
ساره بحب: طبعا ، هاجي يوم الخطوبه من الصبح بدري
ساره نزلت وكانوا البنات نازلين معاها
فريال: رايحه فين يا ساره
ساره بحب: هرجع بقا ..وكمان بضحك.. بابا خارب الدنيا علي جوهرته اللي هي انا يعني
فريال بحب حضنتها: هتجيلي تاني صح
ساره بهزار: طبعا ، اصلا يوم خطوبه شيرين هنطلكم هنا من الفجر ، انتظروني انتوا بس
كلهم ضحكوا
رضوان بخبث: طب استني مراد هيوصلك
ساره بتوتر: ها لا بابا بعتلي اخويا يوسف
رضوان بهدوء: طيب يا حبيبتي ترجعي بالسلامه
ساره بحب: الله يسلمك يا جدو

 

 

 

ساره مشيت ومراد كان قاعد مكشر
اسر بخفوت: انت هتفضل مكشر كده كلهم لاحظوا
مراد بضيق: هو انتوا هتعملوا الخطوبه امتا
اسر بخبث: بعد شهرين كده ولا تلاته
مراد بحنق: لا طبعا .. اعملها بعد بكره
اسر ببرود: لا هي خطوبتي وانا حر فيها
مراد بصله بغيظ بعدين قام طلع
قعدوا شويه مع بعض وكل واحد طلع علي اوضته
عند شيرين موبايلها كان رن بصوت وصول ماسيدج مسكت الموبايل كانت الرساله بتقول
سمراء كحيلة
فلا ليّ
إلا الوقوع
سبيلا♥️.
(الكلام دا كتبه احمد طاهر)
شيرين اتوترت وقفلت الفون ونامت
عند حمزه
نجمه: جهزتلك الحمام واللبس
حمزه بمشاكسه: عقبال ما تجهزيلي حضن

 

 

 

نجمه بصتله وقالت
نجمه بتكشير: ادخل يلا علشان تحفظني القرآن وننام عندي كليه
حمزه بهدوء: انتي زعلانه من حاجه
نجمه: لا هزعل من ايه
حمزه: طب مكشره ليه
نجمه: مش مكشره وبعدين ادخل يلا خد الشاور علشان تحفظني و الحق انام هروح الكليه بكره
حمزه بهدوء قرب منها ومسك أيدها فراحت شدت أيدها من أيده وقالت
نجمه بحده: متلمسنيش ابعد
حمزه بحنيه: كل دا ومفيش حاجه ، انا عملت حاجه زعلتك
نجمه بدموع: شم هدومك كده
حمزه شم القميص
حمزه: ماله طيب فهميني والله انا مش فاهم
نجمه بدموع: ريحته برفان حريمي يا حمزه
حمزه بتعجب: والله مش عارف جه منين
نجمه بصت في الأرض وسكتت
حمزه بهدوء: في بنت خبطت فيا انهارده ريحته كده منها
نجمه دموع: يعني انت مش بتخوني صح

 

 

 

حمزه ضحك وقال بحنيه: اخونك ايه ، انا هلاقي زيك فين اصلا ، وبعدين بالعقل كده في حد يبقي معاه القمر ويروح يبص لـ النجوم
نجمه ابتسمت: ربنا يخليك
حمزه بحب: ويخليكي ليا ..وكمل بضحك.. انتي شميتي الريحه ازاى
نجمه: عادي يا حمزه طيفك كان بيروح وييجي قدامي وبعدين الست بتعرف وبتحس
حمزه بخفه: يعني مش هعرف اخونك خالص
نجمه كشرت: طب اعملها يا حمزه ، علشان يسمعوا المراه اللتي قتلت زوجها وقطعته وعبته في اكياس

 

 

 

حمزه بخوف: يخربيتك في ايه
نجمه بخبث: علشان تفكر بس تخوني
حمزه بحنيه: مقدرش اخونك ، انا اصلا شكلي وقعت فيكي
نجمه بتوتر: ها
حمزه واخد باله هو قال ايه: ايه
نجمه: لا يبقي انا سمعت غلط ، يلا بقا ادخل خد شاور
حمزه دخل اخد شاور وخرج نجمه كانت في البلكونه ومجهزه شاي بلبن حمزه دخلها وقعدوا وحفظوا راحت نجمه قالت بتوتر
نجمه بتوتر: حمزه كنت عايزه منك طلب
حمزه بهدوء: قولي
نجمه بتوتر: تعملي سنبله وتعلمني بتتعمل ازاى
حمزه:….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية نجمة في الصعيد)