رواية روح الفهد الفصل الثامن عشر 18 بقلم بسملة أحمد

رواية روح الفهد الفصل الثامن عشر 18 بقلم بسملة أحمد

رواية روح الفهد البارت الثامن عشر

رواية روح الفهد الجزء الثامن عشر

رواية روح الفهد الحلقة الثامنة عشر

نهي بصوت خرج عالي بدون اراده منها ودموع تهطل علي وجنتيها بشده وهي تشعر بغصة في قلبها وان هناك شيئاً حدث لوالدها: فين بابااا
هاني بحزن: باباكي مات يا نهي
نزل عليها الخبر كالصاعقه وقعت علي الأرض بصدمه وهي بتقنع نفسها انه لا ابوها عايش: لا لا لا ابويا عايش وضحكت بدموع اكيد عاملين فيا مقلب بابا عمره ما هيسيبني هو وعدني ايوة هو مقلب منكم ورفعت وشها وكانها بتقولهم قولو انه مقلب والنبي
نهي بزعيق: انتم مبتردوش ليه انا عايزه ابويا فين بابا
عمها قرب منها بحزن: نهي اهدي

نهي مسكته بدموع: انت كنت بتعمل مقلب صح علشان طول عمري بعمل مقالب فيكم بس والنبي خليه يجي دلوقتي المقلب وحش اووي وبيوجع بابا فين انا عايزاه نزل راسه في الارض بقلة حيله نهي وقفت ومعاها مفتاح الشقه: هو اكيد فوق بيقرأ زي عادته ايوة وطلعت تجري علي شقتهم الكل جري وراها وهي فتحت بابا الشقه بدموع وبتنادي: بابا اتفجأة بالشقه اللي كلها ضلمه وعفشها متغطي دخلت وفتحت النور وكانها بترفض القرار ده فضلت تنادي: بابا يا باباااااا بابا انت فين انا جيت بصت في الشقه ملقيتش حد وقعت علي الارض وهي بتعيط وصوت شهقاتها مسموع ودموعها بتتسابق علي خدها الجميع بيبصولها بحزن وهو كان شايفها قدام عنيه مكسورة مش قادره قلبه كان موجوع عليها كانت لسه بتحكيله قد ايه بتحب باباها وبعدها تعرف انه مات
قرب منها وقعد علي الارض جمبها وهو بيحاول يهديها
جاك: نهي حبيبتي اهدي نهي ركزي معايا نهي كفايه عياط
نهي كانت بتعيط وهي بتبص حواليها زي الطفله الضايعه وبتدور علي باباها فيهم
جاك بضعف يجاهد الا يظهر وانا يجيد اخفاؤه: حوريتي كفايه مش انتي مبتحبيش العياط كفايه عياط
نهي بصتله بعياط: انا عايزة بابا حاتولي ابويا

جاك ودموعه كانت مهدده انها تنزل: نهي كلنا هنموت عارف انه صعب وانك متعلقه ببباكي بس ده مصيرنا كلنا هنموت في يوم وبدون وعي وكل حزن والم اندفعت لحضنه وهي بتضم نفسها ليه وكانها مستنيه تحس بالامان كانها ضايعه ونفسها ترجع حضنته بكل وجع والم وهو انصدم من فعلتها كان بيبصلها بصدمه من ردة فعلها عمرها ما كانت بتبص في وشه ودلوقتي اندفعت في حضنه بسرعه تدارك صدمته وطبطب عليها وهو بيواسيها
جاك وكانه بيهدي في طفله كان بيكلمها بكل حنان: حوريتي قويه وهي اللي بتقوينا هي اللي بتضحك وبتضحكنا وتفرحنا معاها نهي يعني الابتسامه مش الدموع نهي قويه جداً محدش بيضعفها هي اللي علمتنا كده كانت دايما بتقف جمبنا نهي يعني الفرحه مش الحزن
بصتله بدموع تنهمر من عينيها وصوت يكاد يخرج من الوجع والالم اللذي تشعر به: نهي ولا حاجه نهي ولا حاجه من غير ابوها ابوها كان كل حاجة كان ابوها واخوها وامها واختها كان كل حاجه يا جاك ابويا كان كل حاجه
: وعلشان هو كان كل حاجه لازم تعيشي وتفرحي اكيد مكنش بيحبك تزعلي الكل بص علي الصوت كانت روح اللي قربت من جاك ونهي نهي حضنتها بعياط

روح: نهي قوية مرحه بتذيب الجليد وبتخليه يضحك بعفويتها وروحها نهي مش اي حد نهي كانت بتتدعمنا وقت ما بنبقي في محنه اكتر واحده بتبقي ثابته فينا وعمرها ما سمحت للحزن يخيم عليها لما كنا بنزعل كانت بتبقي اول واحده بتدعمنا وبتفرحنا فاكره لما كنت في العمليات وخلاص قالو اني مت مين كان بيزعقلي ومين كان بيزعق في جاك اللي كان منهار مين ها مش انتي ليه بتنهاري دلوقتي
نهي بعياط: علشان طلعت صعبه اووي ياروح طلعت صعبه اووي اووي احساس انك تفقد حد بتحبه وعزيز عليك ومتلاقيهوش في اي مكان طلع صعب احساس انك تعرف ان اللي بتحبه ما*ت ومش هتشوفه تاني صعب اووي يا روح مكنتش اتوقع انه هيبقي كده عارفه انه كلنا هييجي يوم ونموت بس انه يبعد عني وانا كنت راجعه نفسي اشوفه انا كنت بصبر نفسي اني هرجع واجري عليه واحضنه واقوله قد ايه بعده وحش كنت مفكره اني هاجي اشكيله علي عدم اتصاله بيا واقوله عملت ايه في الجامعه كنت مفكره اني لما اجي هلاقيه قاعد مكانه ويبصلي بهدوء علشان يعاقبني اني مبكلمهوش مكنش هيكلمني اول ما ادخل واول ما هيلاقيني زعلانه يصالحني ويقلبها ضحك زي عادته كنت مفكره اني اول ما ادخل ويلاقي دموعي يمسحهم زي عادته ويقول ان مفيش مجال للزعل في حياتي

روح: عارفه انه صعب يا نهي كان بيبصلها بضعف رجع برجله لورا وطلع من البيت روح بصت علي صديقها اللي متاكده من وجعه دلوقتي وشاورت لليفاي يلحقه قاسم: متمشيش خليكي مكانك هنشوفه ونرجع هزت راسها وهما طلعو يجرو ورا جاك
روح بصوت منخفض في اذن نهي: متضعفيهوش يا نهي متضعفيش الشبح متضعفيهوش يا نهي وكانها استوعبت دلوقتي انه مش موجود
روح: طلع وليفاي وقاسم وراه
~~~~~~~~
اما عند جاك ركب عربيته وساقها بسرعه وهو مش عارف يروح فين كل اللي عارفه انه مخنوق وعايز يبعد دلوقتي دموعها حاسس انها سك*ين*ه بتغ*رز في قلبه دموعها بالنسباله نا*ر بتن*صب علي*ه دموعه كانت نازله وهو بيسوق دموعه عمرها مانزلت الا من بدايه ما ليفاي بعد عنهم طول السنين اللي فاتت كان جامد الا السنه اللي فاتت كان جريح حصلت احداث كتيره بعد ليفاي اللي كان بمسابة كسره ليه عملية روح وقت ما طلعت وخلاص كانت هتموت ده كان لوحده كفيل انه يخليه يبكي روح بيحسها بنته وكانه هو المسؤول عنها وتالت مره يعيط فيها نهي حبيبته وحوريته زي ما قرر يناديها دموعها بس سك*اك*ين بت*غر*ز في قل*به مش بيقدر يتفاداها هي حورية الشبح نزل لما لقي مقعد قعد عليه وهو بياخد نفسه وبيحاول يتمالك نفسه علي قد ما يقدر مش عايز يضعف لقي حد حط ايده علي كتفه هو عارف مين ليفاي وقف قدامه ورفع وشه

ليفاي: من امته وانت كده يا شبح
جاك كان بيبصله بهدوء وساكت
ليفاي: عمري ما شوفتك كده ايه اللي جرالك بص علي الشارع اللي قدامه وهو ساكت
ليفاي: عايز ايه كنت دايما محدد عايز ايه كنت دايما واقف زي الصخره كنت دايما بتحارب وبدون دمعه انت طول عمرك مبتهتمش لحاجه ولو الدنيا اتقلبت مبتنزلش دمعه ايه اللي جرالك
جاك: انا مش عارف انا عايز ايه معتش عارف احدد نفسي عايز ايه انا مش عارف وابتسم بسخريه تصدق لو قولتلك اني مستغربني كنت لامبالي باي حاجه ودلوقتي بقت اي حاجه تحصل ببقي عيل صغير مش عارف اخد نفس عميق وهو بيحط
ايده في جيبه قاسم وقف قدامه
قاسم: نهي محتاجالك دلوقتي اكتر من اي وقت عارف انك مخنوق وصعبه عليك تشوفها كده ومش بايدك نفسك تعمل حاجه توقف دموعها بس الاحسن تسيبها تخرج اللي جواها ولو لقيتك واقف جمبها عمرها ما هتنسي يا جاك هتفضل فاكره انك كنت واقف جمبها في اضعف مراحل حياتها خليك جمبها وصدقني مش هتندم هتتوجع علشان دموعها وهتبقي صعبه بس اي بنت بتبقي محتاجه الشخص اللي بتحبه جمبها في حزنها وتعبها بتحب تلجأله وهي ضعيفه كانه مأمنها خليك مأمنها يا جاك

هز راسه وركبو العربيه وراحو علي بيت نهي اللي كانت قاعده هاديه روحها مختفيه ومرحها ملامحها هاديه وعيونها منتفخفه من العياط دخلو التلاته بهدوء وهم بيبصو علي اللي قاعدين كان بيبصلها بتمعن قلبه وجعه علي اللي هيا فيه فضلوا قاعدين شوية يواسوها وبعدين روحو علي البيت الكل كان زعلان عليها اما هي فكانت بتبص للشقه بدموع وعنيها علي صورة باباها
سهي: يلا ننزل علشان ننام
نهي: انزلو انتو انا هنام هنا
سهي باصرار: انا قولت هتنامي تحت قومي يلا تعالي يا حبيبتي
نهي: لا سهي بمقاطعه: نهي هتنامي تحت وبدون نقاش نزلت باستسلام وهي بتبص علي كل انش في الشقه بدموع وبتفتكر ذكراياتهم في كل ركن
~~~~~~~
مر اسبوع كانت فيه الاوضاع مستقره نعم يخيم الحزن علي الجميع لما حدث لهذه الفتاة اللتي لم تجف عينيها من الدموع ولو لدقيقة ولم تذق لا الطعام ولا الشراب الا ما يكفي ليحييها ويتطلعون عليها بحزن وبالاخص هو كان يراقبها دائما بدموع تابي النزول علي حبيبته وملكة قلبه كانت قاعدة في الجنينه اللي اصبحت بتلازمها طول الاسبوع بتبص للمكان بحزن وهي بتتخيل باباها دموعها كانت نازله بصمت قعد جمبها بهدوء: مش كفاية كده
مبصتش عليه مش هتقدر تبصله وتشوف معالم الحزن علي وشه بسببها مش هتقدر تمثل الصمود قدامه هيا ضعيفه وبتعيط بدون ما تحس بس كانت قدامه بتفضل هاديه وثابته لكن لو بصت في عنيه كل ده هيروح قدام نظره في وشه لمحة حزن من عنيه

جاك: مش هتبصيلي ولا ايه
نهي: سيبني عايزة اقعد لوحدي
جاك: مش هسيبك الا لما تجاوبيني علي سؤالي لامته هتفضلي كده
نهي: سيبني يا جاك
جاك: اعطيني وقت معين قوليلي هقف عنده يوم وساعه مبقتش عارف انتي مين انتي مش نهي مش حبيبتي اللي بتضحك دايما اللي دايما بتقويني اللي بتقف جمبي دايما اللي بتناقر فيا اللي عمرها ما بصتلي بس كفايه فرحتها اللي كنت بحسها كفايه بس الضحكه اللي في وشها كانت بتعطيني دايما دافع اني اكمل كفايه الفرحه اللي باينه علي وشها انا عايز نهي حبيبتي انا حوريتي البنت اللي حسيت معاها اني طفل بجد البنت اللي ببقي معاها عيل صغير بيناقر فيها ويضحك علي ردات فعلها وكمل بدموع حارقه نزلت علي وجنتيه انا عايز حبيبتي بصتله وهي بتعيط وشهقاتها عليت فجأه وكأنها خلاص تعبت بصت عليه ومدت ايدها مسحتله دموعه اللي نازله وهي بتعيط: انا اسفه انا اسفة
ضمها بسرعه بدون وعي كان عايز يقربها من قلبها علشان يتطمن انها معاه وقلبه الموجوع يرتاح كانها بيقوله انها معاه اما هي فاول ما حضنها انخرطت في العياط وكانها كانت مستنيه الحضن ده كانت فعلا محتاجاه
جاك فضل يطبطب عليها: طلع احساس وحش اوى يا جاك كان فعلا روح معاها حق فاكر لما اتصابت وقالت انها مستعده تموت بس تروح ولو دقيقه تحضن مامتها كنت ساعتها زعلانه منها واتدايقت بس دلوقتي حسيت الاحساس ده نفسي بس لو اشوفه وياخدني في حضنه ولو ثانيه عايزه بس احس انه موجود معايا عايزه المس وشه بس يا جاك

جاك ومسحلها دموعها: ربنا يرحمه يا روحي متوجعيهوش يا نهي سيبيه يرتاح وريحينا ريحي نفسك يا نهي وكفايه عياط فضلت تعيط في حضنه وقت طويل واخيرا هديت وبعدت عنه مسحلها دموعها: يلا قومي تعالي ندخل ودخلها جوا
جاك شاور لسهي اللي جابت الاكل
نهي: مش عايزة
جاك بصرامه وصوت تقسم انه ارعبها: نهي متخلينيش اظهر الشبح خليني جاك احسن يلا كلي
نهي بصتله بخوف: مش مش
جاك اكلها بسرعه
نهي: جاااك
جاك بابتسامه وبرود: هتاكلي بردو
نهي اكلت بهدوء والكل فرح انها واخيرا اكلت ووقفت عياط فضلو يتكلمو ويضحكو صحيح مرجعتش زي الاول بس علي الاقل اتحسنت شوية
~~~~~~~~
كانو قاعدين في الجنينه بيتكلم في التليفون وهي قاعده جمبه شارده وواضح عليها التعب
قاسم: حبيبتي انتي كويسه اومأت براسها
قاسم: يا روح انتي متاكده ان الدكتوره قالتلك دور برد وبس انتي مش شايفه وشك اصفر وتعبانه ازاي
روح: انا كويسه متقلقش يا حبيبي بصلها بقلق الفتره دي واضح عليها جدا انها تعبانه مسك وشها بين ايده وهو حاسس انها مخبيه حاجه عنه: حبيبتي روح في حاجه مخبياها عني

روح حضنته: لا مفيش اخدها ودخلو وهو واثق ان فيها حاجه الجميع كانو منتظرينهم بعد ما قالو انهم عايزينهم في موضوع مهم
قاسم راح قعد روح بهدوء: المهمه بعد يومين
الشباب كانوا بيبصو ببرود تام اما البنات كان باين علي ملامحهم الخوف وسهي اول ما سمعت كلمت روح وقفت بسرعه ودموع نزلت غصب عنها: مهمه ايه لا كانت بتعيط مش هتقدر انه يبعد عنها هو لسه راجع لسه ملحقتش تشبع منه خايفه يبعد زي ما بعد كانت خايفه تعيش نفس المأساه اللي عاشتها طول السنه اللي فاتت كان بيبصلها وهو عارف هيا بتفكر في ايه وايه اللي بيدور في دماغها وقف قدامها وهي قالت بصوت مهتز: مش هتروح صح
اتنهد: مش هينفع متخافيش مش هيحصلي حاجه ومش هبعد عنك تاني اهدي
سهي بخوف ودموع ازدادت اكثر فاكثر: لا لا انت وعدتني انك مش هتبعد عني تاني
ليفاي اخدها في حضنه : اهدي انا هنا مش هبعد عنك انا موجود ليفاي من غير سهي ميت مش هبعد وعد كانت بتبصله بدموع مسحت دموعها وقعدت وهي مش قادره تنهي توترها
روح وهي بتبص لسهي وهي شايفه نفسها اخدت شهيق ورفعت شعرها: انا لسه مخلصتش كلامي أحنا اصلا مكناش هنقول بس قررنا علشان في حاجه لازم نعملها
جاك باستغراب: واللي هيا
روح:…..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية روح الفهد)