روايات

رواية عاشقي ومنقذي من العالم الاخر الفصل السادس 6 بقلم نشوة عادل

رواية عاشقي ومنقذي من العالم الاخر الفصل السادس 6 بقلم نشوة عادل

رواية عاشقي ومنقذي من العالم الاخر البارت السادس

رواية عاشقي ومنقذي من العالم الاخر الجزء السادس

رواية عاشقي ومنقذي من العالم الاخر الحلقة السادسة

-كان كارم فى العربية بيسوق بسرعة عشان يوصل للمستشفى لكن اتفاجئ بقطة سودا بعيون حمرا جنبه ع الكرسى وبتبصله وفجأة هجمت عليه وبسببها اتخبط فى الرصيف وراسه اتخبطت ورجع لورا بوجع بعدها حس بحاجة ماشية ع صدره وكان تعبان
كارم: اعوذ بالله من الشيطان الرجيم الله اكبر الله اكبر
فجأة التعبان اتحول لانسان فى حجم عقلة الاصبع لكن شكله مخيف وطبعا احنا عرفنا هو مين
آيت: لو خايف ع عمرك يا كارم ابعد عن اسراء احسنلك
كارم بتفهم: ده بعدك لو فاكر انك تقدر تخوفنى تبقى غلطان
آيت: انا بحذرك قبل ما اعمل اى حاجة وقتها تخليك انت واهلك تتحسروا عليها بقيت العمر وبعدها احسرهم عليك
كارم: موتى وحياتى ورزقى بايد ربنا ولو نهايتى هتكون بسببك فده لان ربنا سبحانه وتعالى كاتبلى ده من الاول واوعى تفتكر انك اقوى منى انت ضعيف ان كيد الشيطان كان ضعيفا
آيت حس انه للحظة ضعيف قصاد قوة ايمان كارم فاختفى فى الحال …. اما كارم نزل من عربيته متحامل ع نفسه وركب تاكسى وراح ع المستشفى اول ما نجاة شافته
نجاة بخضة: يالهوى مالك يا ابنى دكتور حد ينده لدكتور بسرعة
كارم: اهدى يا امى انا بخير دى مجرد حادثة بسيطة والحمدلله انا بخير
نجاة: تعالى معايا بس لازم يطهروا ليك الجرح ده يا ابنى
كارم لاحظ ان اسراء مش موجودة: حاضر يا امى بس اسراء فين؟!
نجاة: روحت البيت قالت هتجيب ليا عباية بدل لبس البيت اللى انا بيه ده
كارم حس بقلق ان اسراء لوحدها بس كان مطمن ان اسراء مش لوحدها معاها ربنا اولا ونجم ثانيا ….. عند اسماء اللى كانت فى البيت بعد ما امها رجعت من المستشفى دخلت ع اوضتها وكان فيه مراية متغطية بقماشة بيضاء شالتها وكان مكتوب عليها طلاسم وكلمات بالعكس اخدت نفس عميق وجابت كرسى قعدت قصاد المراية وقالت كلمات غير مفهومة وفجأة ظهرت فى المراية زيتونة
زيتونة : اظن يا اسماء انتى شوفتى بعيونك ايه اللى اقدر اعمله لو فكرتى تتذاكى وتبعدى عن طريقى
اسماء: حرام عليكى ابعدى عنى وسبينى بحالى انا نفذت كل اللى طلبتوه منى ودلوقتى عايزة ابعد عايزة ارجع لنفسى
زيتونة بضحكة مخيفة: مش بمزاجك انتى دخلتى الطريق ده وانتى عارفة نهايته ايه انا مضربتكيش ع ايدك وقولتلك اعملى سحر لصاحبتك واكفرى بالله عشان احققلك اللى انتى عايزاه ودلوقتى انتى زي قطعة الشطرنج انا اللى بتحكم فيكى وبحركك زى ما عايزة انا

 

 

 

اسماء بقلة حيلة: كان يوم اسود كرهى وغيرتى من اسراء انها اتخطبت لاكتر واحد حبيته واتمنيته خلانى عملت كده وانا شبه غايبة عن الوعى ودخلت طريق مفيش منه مفر
زيتونة: كويس انك عارفة ان مفيش مفر واظن انك لسه عايزة متكونيش لوحدك المذنبة ولا ايه؟!
اسماء: يعنى ايه ؟ مش فاهمة؟
زيتونة: اقصد ان اللى انتى عملتى ده عشانها لازم ينوبها من الذنب زيك نصيب ولا تبقى زى اللى لا طال بلح الشام ولا عنب اليمن
اسماء: قصره عاوزة منى ايه؟!
زيتونة: تقنعى اسراء انها تكون مع آيت وتعمل معاه علا..قة وبكده يبقى اللى ع عملتيه مراحش ع الفاضى
قالت كلامها واختفت اما اسماء فقعدت تعيط بقلة حيلة لحد ما سمعت صوت الباب بيخبط قامت مسحت دموعها واتفاجئت انها اسراء
اسماء: اهلا يا ايسو اتفضلى ادخلى
اسراء: رنيت عليكى كتير بس انتى مبترديش عرفت انك زعلانة منى فجيت عشان اطلب منك تسامحينى انتى لو عرفتى اللى بيحصلى هتعذرينى

 

 

اسماء بخبث: ايه اللى بيحصلك يا قلبى فى ايه احكيلى؟ ( لا تخف من عدوك لانك تعلم ما فى نفسه ولكن احذر خيانة شخص هو لك عدو ولكنك تظنه صديق)
بدأت اسراء تحكى ليها كل حاجة وبعياط كملت: مش عارفة اعمل ايه ولا اتصرف ازاى؟!
اسماء: خايفة اقولك وجهة نظرى بس تفهمينى غلط
اسراء: هتقوليلى اروح لشيخ صح كلهم كذابين ونصابين
اسماء: يبقى مفيش غير حل واحد
اسراء: اللى هو ؟!
اسماء: انك توافقى ع اللى هو عاوزه عشان تتقى اذاه
اسراء: انتى مجنونة انتى عارفة معنى كلامك ده ايه؟ ده ذنب كبير اوى
اسماء: اهدى يا حبيبتى صدقينى انا مقصدش ازعلك بس فكرى كده هو ممكن يعمل ايه الاول كارم ودلوقتى عمو اشرف والله اعلم ممكن يعمل ايه تانى
كانت اسراء بتسمع ليها بهدوء وهنا تنطبق مقولة( ان الذن ع الودان امر من السحر)
خرجت اسراء من بيت اسماء متجهة لبيتها وقفت قصاد المراية وفضلت تردد اسمه: آيت ….. آيت
وفجأة ظهر ليها لكن مش آيت لكن اللى ظهر ليها كان نجم

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية عاشقي ومنقذي من العالم الاخر)

اترك رد