رواية مصيبتي الحلوة الفصل الثاني 2 بقلم حنين عادل

رواية مصيبتي الحلوة الفصل الثاني 2 بقلم حنين عادل

رواية مصيبتي الحلوة البارت الثاني

رواية مصيبتي الحلوة الجزء الثاني

رواية مصيبتي الحلوة الحلقة الثانية

بتكون واقفة قدام الدولاب وبتلم هدومها في شنطة:
انا أسفة يا يوسف أنا آسفة يا تيتة يا ريت تسامحوني
الباب بيخبط بتمسك الشنطة بسرعة وتخبيها في الدولاب ..
ملك: ادخل
بيكون يوسف واقف مبتسم …
بصيت له غريب يوسف ده عمره ما طول في الزعل مني كنا بنزعل وتبقي مشكلة لرب السما وبعد وقت قليل ولا كإن حاجة حصلت
يوسف : بتفكري طبعا أن المفروض اكون زعلان بس للاسف انا ماقدرش ازعل منك
ابتسمت وهو كان لسه واقف راكن علي الباب …
ضحك:
الناس بتتغير الا انت لميتي هدومك وبعدها هاتفضيها لما تفتكري أن تيتا تعبانة .
قعدت علي السرير وضهري ليه

يوسف: احم احم نحن هنا هوا انا ولا ايه
اتنهدت .
قعد جمبي :
عارف انك عندك كلاكيع من الرجالة بس انا مش منهم
ضحكت اوي علي تلقائيته
يوسف : لا انا راجل وسيد الرجالة انا قصدي علي الوحشين السيكو سيكو
بصيت ليه وابتسمت :
صدقني انا لا أصلح
يوسف : يا ستي انا راضي بيكي بكل عيوبك
اه ونسيت اقولك حاجة قربي كده اصل خايف من يامن يسمعنا بس اي حاجة فظيعة
ضحكت وقربت منه ووقفت اتنطط :
ااااه تلج يا يوسف ماشي والله لا انا مورياك
يوسف بيضحك عليها بعد ماحط التلج في ضهرها …
مسكت الميه وبتجري وراه وهو بيجري وبيضحك في ممر طويل في اوض واوضة منهم مواربة …
بيقف يوسف بره وبيسمع …

بيكون فيها واحد نايم علي بطنة ورافع رجله لفوق وبيحركهم في الهوا…
يامن : ايه يا حبيبتي داخلة الحمام طيب طب ليه هاتعملي ميوت ماتسيبيني اسمع قصدي اونسك …طيب مستنيكي في امان الله خلي بالك من نفسك …
بتقرب منه ملك ولسه هايتكلم بيشاور لها تسكت وبياخد منها المية…
يامن بيغني:
تيرا تيرا تيرا اه يا ليل ياعين يا ليل يا عين اه حبيبي اللي بحبه رايح يعمل بيبي يا تري هايعمل مايه ولا هايعمل كيكيييييي ولا هايعمل كيكييييييييي
بيتفتحوا في الضحك فبيقف يامن وبيشوفهم وبيبان أنه توأم يوسف …
يوسف : هايعمل مايه ولا كيكيي يا يامن
يامن: والله علي حسب التساهيل أقصد انت ايه اللي بتعمله ده مش عارف ان التسنط حرام دا انت هايتصب كده في ودنك ميه مغلية ….
بيطلعهم بره وهما بيضحكوا وبيقفل الباب من قبل ما يسمع كلامهم …
بيقف ورا الباب وهو بيتنهد :
يافضحتك يا يامن !!
ااااه حبيبي اللي بحبه رايح يعمل بيبييييييي

بيفتح يوسف وملك الباب وبيقولوا في صوت واحد:
ياتري هايعمل مايه ولا هايعمل كيكيييييي
وفي أوضة مني (ستهم)
كانت سامعة ضحكهم وبتبسم وماسكة البوم صور …
ربيتهم يا ملك ربيت يوسف ويامن وبقوا رجالة ماشاء الله عليهم اه صحيح الواد يامن عياره فالت شوية وبتاع بنات بس عمره مايفكر في الحرام أو يقرب منه ده طيش شباب بكره تيجي بنت الحلال اللي تعدله وتعقله بقا اسمه الدكتور يامن اه الأيام بتعدي بسرعة
ولا يوسف أصر أنه يكمل تعليمه بره مع أن شركتنا موجودة وهو مهندس معماري قد الدنيا بس حب يعمل دراسات عليا عشان يتطور ويطور شغل أبوه الله يرحمه …
يا حبيبتي يا بنتي وحشتيني اوي …
بتقلب في صفحات الألبوم وبتشوف صورة تانية..
عيونها بتدمع:
ليه كده يا سيف يا بني ليه تقلب موازين حياتنا وتعمل كده السر كبير علي قلبي ومش قادرة اتحمله اكتر من كده..
*________________________________*
بتكون ملك ماشية مع يوسف وماسكين ايس كريم
بصت له ملك:

مش انت مش بتحب المانجا ؟!
يوسف هز رأسه:
بحب اي حاجة بتحبيها
في نفس الوقت ناس كتير بتجري وبيقولوا بصوت عالي :
حرامي حرامي حرامي
بيجري راجل كبير في السن ووراه ناس كتير وبيخبط في كتف ملك وبتكون مخضوضة وبتكون هاتقع .
بيدقق في ملامحها وبيقول بابتسامة وكأنه مش مصدق:
چيهان !
بيبعده يوسف عنها وهو مستغرب وبيقع عالأرض
بيقوم بسرعة وبيمسكوا واحد من اللي بيجروا وراه
فبيزقوا وبيكمل جري …
بيستغرب بوسف :
معقول واحد كبير كده في السن بيجري بالسرعة دي!!
ملك : دا قال لي يا چيهان ؟!
يوسف: ممكن يكون كان يعرف مامتك مثلا عشان انتي نسخة منها !
ملك: وامي هاتعرف ازاي حرامي يا يوسف ؟!
يوسف: الله اعلم بحاله يا ملك ..
ملك: انا عاوزه ازور ماما يا يوسف !
يوسف: بالليل كده

ملك: ولوحدي ارجوك
يوسف : طيب !
ملك بتمشي وبتروح المقابر وبتدخل ويوسف مش بيرضي وبيستناها بره …
بتقعد علي الأرض :
وحشتيني يا روحي وحشتيني
عمري ما هنساكي ليه سبتيني يا ماما انا ماشبعتش منك
بتتفتح في العياط:
انا اتعايرت بعدم وجودك متخيلة في بنت بتقولي انا عندي أمي وابويا موجودين وانت لأ ! هههه
من غيرك حاسة اني عايشة من غير روحي سامحيني بس كل ما بفتكر ضحكتك وشكلك ولمسة ايدك بحس اني هاتجنن ببقي نفسي اموت عشان اجيلك وتاخديني في حضنك
اه صحيح تيتة حنينة بس انا تعبانة من غيرك تعبااااااانة
قلبي موجوع اوي .
فكرة اني مش هاشوفك تاني بتفتت قلبي ..
بفتكر اللي المفروض ابويا الكائن اللي مافيش في قلبه اي ذرة رحمة اللي كان بيعذبك وبيذنبك بالساعات وبحس اني عاوزه اقتله

بس هو فين حتي راحة أن انتقم لك سرقها مني بس حقك جاي يا حبيبتي مني في الدنيا ومن ربنا في الآخرة
قامت ومشت وهي بتمسح دموعها وشافت يوسف واقف مستنيها ..
ملك مشت معاه من غير اي كلام لحد ما وصلوا البيت وصوت عالي جاي من جوه
بيدخلوا بيلاقوا راجل خمسيني واقف بيزعق وقدامه ست اربعينيه..
ملك بتجري عليها وهي واقفة تعيط :
مالك يا طنط عبير في ايه يا عمو بهجت ايه اللي حصل
بتفتح عبير في العياط:
في أن الأستاذ بعد العشرة دي كلها بعد سنين عمري اللي فنيتها معاه وبيقولي عاوز يتجوز عليا
بتبص له ملك بصدمة :
ازاي يا عمو
بهجت بعصبية:
حقي حقي اشوف لي يومين حلوين
نزل الكلام زي التلج علي عبير وقالت بوجع :
وأيامك معايا كانت وحشة !

بهجت بص في الأرض:
شرع ربنا هاتكفري وبعدين انا عاوز اعف نفسي انتي طول عمرك حرماني من حق….
قاطعه صوت مني العالي :
بهجت !
نزلت مني علي السلم وهي ماسكة عصايتها في ايد والايد التانية ماسكة بيها السلم …
ملك حست بالاحراج فطلعت ….
نزلت مني وبصت ل..بهجت بعصبية:
ايه يا بهجت اللي حصل لك انا طول عمري اقول عليك عاقل هاتخيب علي كبر ولا ايه !
اتكلم بهجت بعصبية:
تعبت من الحمل اللي فوق كتافي يا ماما طول عمري شايل الهم وسي سيف دلوعتك واهو غايب وانا اكبر الشركات علي كتافي ويرجع ياخد عالجاهز ونربي في بنته كمان …
طول عمري انا الكويس انسان مسلوب الإرادة أمه بتقرر له كل قراراته حتي البنت الوحيدة ..
صوت مني علي بعصبية وكأنها بتوقفه:
اسكت يا بهجت
بهجت: وبعد ما اسكت هاااا
حتي اختيار البنت اللي هاقضي معاها حياتي اتحرمت منه وانتي اللي نقيتي لي !

عبير: بعد السنين دي كلها وجاي تعترض دلوقت وحتي لو هي اللي نقت لك شريكة حياتك انا في السنين دي كلها ماقدرتش اخليك تحبني مافتكرتش ليا اي حاجة خالص
مافتكرتش ولادنا !
بهجت: الكلام منتهي انا هاتجوز عاوزه تفضلي علي زمتي كان بها مش عاوزه براحتك
سابهم وخرج ..وفي نفس الوقت ملك كانت قاعدة مربعة رجليها ومخبية ودنها وخايفة من الصوت العالي ..
وتحت قعدت عبير علي الأرض وهي بتعيط ..
بصت لمني اللي واقفة حزينة وقالت:
ملكت كل حاجة الا قلبه !
يوسف خبط علي ملك ودخل ….
يوسف خدها في حضنه وطبطب عليها:
ملك ملك اهدي مافيش حاجة اهدي..انا جمبك انا دايما جمبك اهدي
بصت له ملك ودفنت وشها في حضنه بخوف
*___________________________*

وفي عالم تاني كان واقف يامن في بلكونة أوضته وبيبُص للقمر …
وماسك التليفون:
انت ازاي تخرجي من غير ما تاخدي اذني انا بجد زعلان منك اوي
وعلي الجانب التاني بترد بنت:
والله يا بيبي ماخرجت
يامن: مش قولتلك الكذب حرام اومال انا شايفك ازاي دلوقت
*شايفني ازاي
يامن: في السما اهو قدامي ياقمر يا ابيض انت يا مدور
ضحكت البنت وضحك يامن معاها. …
وفي أوضة ملك كانت هديت بعدت عن يوسف وقالت:
يوسف ياريت ده مايحصلش تاني عشان حرام
يوسف باستغراب:
ايه ده
ملك بخجل: انك تحضني !
ابتسم : ياااااه ما انا ياما حضنت
ملك : كنا صغيرين يا يوسف
ضحك: ماتيجي طيب أصلح غلطتي واتجوزك !
ملك : عاوزه انام يا يوسف
يوسف: وش كده شكرا يازوق مسيرك يا قمر تعشقني واتدلع واتمنع !
خرج يوسف وقعدت ملك مبتسمة ..

يوسف بتفكير:
الواد يامن ده يا تري بيعمل ايه
قرب من أوضته سمع صوته بيضحك ..
ودخل لقي الباب مفتوح ..
قعد يسمع هو بيقول ايه ..
يامن: تعبت اوي في الشغل النهاردة يا كوكي بس نعمل ايه اصل انا شاب مكافح اوي باخد كام بقبض بالدولار مائة ألف دولار كل شهر اه انا غني جدا عندي رانج روفر وايفون دهب زي محمد رمضان في الواقع انا اغني منه هو سرق اللقب بتاعي انا المفروض نمبر وان
انفتح يوسف في الضحك فقفل يامن:
مافيش فايدة اللي فيه داء مش بيبطله فعلا سيبني اكل عيش وكل عيش انت كمان مع المزة بتاعتك
يوسف: المزة بتاعتي منفضة لي ايه ايه المزة دي عيب يا أستاذ دي هاتكون مرات اخوك !
يامن: طب روح نام وسيبني اعمل التمام والله وبقيت تقول اشعار يا يامن يا شاعر الشعراء وعمهم
ضحك يوسف وراح اوضته وقعد علي سريره ومسك صورة ملك :

اليس هوي المشتاق نظره ولا انتي مشاعرك تلاجة ولا انتي طارشة ياستي انا دايب دوب !
ايه ده انا اتعديت ولا ايه منك لله يا يامن اااه حبيبي اللي بحبه ماشوفتش زيه حد عليه حنان وقلبه بستان امان وورد
غالي وطول عمره غالي ومقامه في قلبي عالي خلاني عشت جنيه احلي واجمل ليالي
بيفتح يامن الباب وبيدلدل دماغه:
منك لله لوحدك هاااا صحيح قول الأغنية تاني كده
بيمسك الجزمة وبيحدفها عليه فبيقفل الباب بسرعة وبيفتحه تاني وهو بيضحك:
هههه ماجتش فيا ههههه اااااااه جت جت خلاص
بيكون حدف يوسف الفردة التانية وبيضحك
يامن: اه ياني يادماغي ياما اهئ اهئ اه يا كوكي لو تشوفي اللي جري لي
بيضحك يوسف عليه وبيقفل الباب وراه:
ابقي سلم لي علي كوكيييي
وفي أوضة ملك نورها بيقفل فجأة بتخاف وبتدور علي تليفونها بسرعة وبتنده بصوت عالي:
يوسف يا تيتا يا يوسف اي حد

بتقف في ركن الاوضة وهي خايفة وبتعيط :
انا مخنوقة اوي
بتفتكر أمها وهي بتحضنها وبتقولها لما تخافي اقرأي قرآن..
بتبدأ تقول أيه الكرسي:
الله لا إله إلا هو الحي القيوم لا تأخذه سنة ولا نوم له ما في السماوات وما في الأرض من ذا الذي يشفع عنده إلا بإذنه يعلم ما بين أيديهم وما خلفهم ولا يحيطون بشئ من علمه إلا بما شاء وسع كرسيه السماوات والارض ولا يؤوده حفظهما وهو العلي العظيم
وفجأة بتظهر حاجة زي بوابة مدورة وجاي من نور ازرق و……

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية مصيبتي الحلوة)