رواية 3 عرسان الفصل الأول 1 بقلم محمد محمود

رواية 3 عرسان الفصل الأول 1 بقلم محمد محمود

رواية 3 عرسان البارت الأول

رواية 3 عرسان الجزء الأول

رواية 3 عرسان الحلقة الأولى

لو متقدملك 3 عرسان وتقدري تعيشي يوم كامل مع كل واحد فيهم !
عشان تعرفي عيوبه ومميزاته بجد قبل ما تتجوزوا وتقدري تختاري صح منهم ..
كلامي هيبان غريب بس انا جاتلي فرصه اعمل كده بطريقه مخ/يفه شوية
انا روان ..25 سنة مهندسه معمارية .. انا عائلتي مرتاحة ماديا.. وملامحي جميلة زي ما الناس بتقول
انا حاليا متقدملي 3 عرسان من الشركة اللي بشتغل فيها والثلاثة كويسين وعلاقتي كويسه معاهم كتواصل اجتماعي
اول واحد مهندس مدني .. والتاني محاسب .. والثالث مدير الشركة .. بصراحة انا مش بيفرق معايه مسميات او شهادة او فلوس انا من صغري والدي مش حارمني من حاجه ومع ذالك انا انسانه بكافح عشان اوصل لخبرة كبيرة في شغلي واكون من اشطر الناس فيه

والجواز حاجه مش سهله دا هيبقى عشرة مدى الحياة يعني الاختيار ده هيترتب عليه حياتي اللي جايه كلها .. الموضوع يخ/وف حد هيشاركك كل حياتك كل تفاصيلك الصغيره .. يعني مش هنشوف بعض في الشغل بس
لا احنا لازم نعرف كل حاجه عن بعض ونتقبل عيوب بعض عن مميزاتنا ومحدش هيقول عيوبه كامله لحد وفي حاجات في العادات اليوميه ممكن تبان عاديه بس دا عيب بالنسبه للطرف التاني لا يمكن تقبله
الموضوع مش هنقضي يومين في الساحل ونرجع لا هنكمل على طول مع بعض الموضوع مش سهل اطلاقا
عشان كده لازم افكر كويس قبل ما اختار حد منهم وخصوصا اني معنديش مشاكل في ولا واحد فيهم
بس الثلاثة جم كلموني في فتره اقل من شهر .. وكل واحد مستني ارد عليه .. ومافيش حد فيهم معرف حد في الشركة انه هيتقدملي ..يعني الثلاثه ما يعرفوش انهم اتقدمولي .. وفعلا حددت معاد مع كل واحد فيهم على حدى عشان نقعد نتغدى فيه في الاجازات عشان نتكلم اكتر وال3 مافهمش اي حاجه وحشه وفعلا بقيت محتارة

وانا كل ده وماخدتش راي اهم واحده في حياتي صديقه عمري سارة اللي كنت سايباها للاخر .. بصراحه صحبتي دماغها عالمية ومن الناس اللي ماتروحلهاش في حاجه غير لما تفيدك وتجبلك حل ..وهي اللي بروحلها في الحاجات دي وفي القرارت اللي بتكون صعبه جدا عليا
فلما قولتلها وشرحتلها كل حاجه قالتلي انتي مرتاحه لمين ؟! قولتلها هما الثلاثه كويسين من معاملتهم معايه
قالتلي عشان تعرفي حد بجد لازم تعاشرية فتره .. لان مع الوقت الناس لو بتتصنع عادات وحاجات حلوة العادة الاساسيه بتغلب عليه فبيرجع لطبيعته تاني .. قولتلها طيب يعني هعرف بعد الجواز
قالتلي لا ممكن تعاشرية قبل الجواز ويكون على طبيعته معاكي بدون اي تصنع .. قولتلها ازاي ؟
قالتلي مين اكتر واحد عارف كل اسرارك ؟! قولتلها انتي طبعا .. قالتلي طب لو انا حد من العرسان بقى مكاني بشكلي بكل تفاصيلي وقعد معاكي واتكلم.. مش هيعرفك على طبيعتك من غير تصنع وهتتعاملي معاه كانه انا ؟
قولتلها اكيد .. قالتلي وانتي هتبقي مكان اقرب حد ليهم وتقعدي معاهم ؟!

قولتلها وهنعمل دا ازاي ؟! قالتلي في حل غريب قريته زمان في كتاب س/حر .. كان متشال عند جدي في الغرفة ومن ساعتها وانا شايلاه للزمن .. ولسه موجود معايه لحد دلوقتي
فيه تعويذه بتخليك تخش في جسم اي بني ادم وتاخد افكارة زائد افكارك لمدة يوم.. و اكتر من كده ممكن انتوا الاتنين تمو/توا .. هتاخد خاصيه كانك جني .. ولما تدخل جواه بتعرف كل حاجه عنه وبتتحكم فيه
يعني كل اللي عليكي تعرفي مين اقرب ناس ليهم وتاخدي الشخص دا لمده يوم تعيشي جواه وتتحكمي فيه
وفعلا سارة تاني يوم جابت كتاب الس/حر ده ومن ضمن شروط التع/ويذه نكون عارفين اسم الشخص الثلاثي واسم الشخص المقرب ليه الثلاثي وشويه حاجات تانيه تقرف بس لابد منها عشان التعويذه تتم
وبعدها كنت قابلت الثلاث عرسان على ايام مختلفه دردشت معاهم وعرفت اسماء اقرب اصدقاهم هما الثلاثة وتفاصيل تانيه عنهم ورجعت على صحبتي
لقيتها مجهزه القعده في شقتنا القديمه عشان سيبتلها المفتاح بتاعها قبلها بيوم..وطبعا قاعده متحمسه كالعاده لاي فكرة مجنونه وقالتلي خلي بالك جسمك هيفضل نايم هنا لحد ما روحك ترجعله
قولتلها خليكي معاه عشان ما يحصلش مشاكل وانا هبلغ اهلي انك قاعده معايه في الشقه اليوم ده
قالتلي ماشي وزبطنا كام حاجه لو اهلي اتصلوا يسألوا عليا هتقولهم هي ايه ؟!

وفعلا بدانا التعويذة وانا مرع/وبه .. بعد ما اختارنا اول واحد نبدأ بيه صديق المهندس اللي متقدملي .. وكنت عرفت منه انه رايح يقابله النهارده
اول ما بدانا نخلص الخطوات كلها بتاعه التع/ويذة وانا نايمة عالسرير ومغمضه عيني.. بدات اسمع اصوات كتير حواليا ..بدات اشوف ذكريات ليا وذكريات وحاجات عمرها ما حصلتلي سهرة عالقهوة .. وانا بلعب ماتش كوره .. حاجات غريبه مش ذكرياتي عماله بشوفها قدامي بصوره سريعه .. ومواقف كتير للمهندس اللي متقدملي لحد ما فجأة
حسيت جسمي زي ما يكون اتك/هرب والمكان درجه حرارته اتغيرت من حواليا وحسيت باحساس غريب في جسمي فتحت عيني لقيت …

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية 3 عرسان)