رواية نجمة في الصعيد الفصل السادس والعشرون 26 بقلم ملك نصرالله

رواية نجمة في الصعيد الفصل السادس والعشرون 26 بقلم ملك نصرالله

رواية نجمة في الصعيد البارت السادس والعشرون

رواية نجمة في الصعيد الجزء السادس والعشرون

رواية نجمة في الصعيد الحلقة السادسة والعشرون

نجمه ابتسمت بحب: فرحان يا حمزه
حمزه: لا
نجمه بصراخ: نعم يااااخويا لا ايه
حمزه بخضه: يخربيتك في اية ، دا صوت واحدة حامل كانت تعبانه
نجمه بتوتر: انت بجد مش فرحان
حمزه حضنها بحب: لا بهزر معاكي فرحان ، ربنا يخليكي ليا
نجمه ابتسمت براحه: ويخليك ليا ..كملت بغيظ.. لازم ترفعلي الضغط الاول
حمزه بعد عنها بهدوء: الدكتورة قالت اية
نجمه بملل: كلام الدكتورات ، متتحركش لحد ما النونو يثبت ، تاكل كويس ، والحاجات دى
حمزه بتحزير: كلامها هيتسمع كله بالحرف
نجمه بحنق: حاضر

حمزه بهدوء: وهنروح نطمن عليكي بليل
نجمه بتعب: الدكتور قالت إني كويس
حمزه بحنيه: هنروح نطمن عليكي برضوا ، شكلك دبلان
نجمه ضحكت: انت اللي قريت عليا من شوية
حمزه ابتسم راحت نجمه قالت: حمزه انت زعلان من حاجه
حمزه بهدوء: لا .. هنزل اشوفهم عملوا الاكل ولا لا
نجمه بضيق: مش جعانه يا حمزه ، تعالا اقعد جنبي عايزاك
حمزه بهدوء: هجيب الاكل وتاكلي واعملك اللي انتي عايزاه
حمزه قام غير هدومه لبنطلون قماش وتي شيرت ونزل
فرياله بفرحة: الف مبروك يا حبيبي
حمزه: الله يبارك فيكي يا عمتي
فاطمه حضنته بفرحه ام: الف مبروك يا غالي
حمزه: الله يبارك فيكي ياست الكل
هدي بحب: الف مبروك يا حمزاوي يتربي في عزك يا حبيبي
حمزه: ربنا يخليكي يا هودهوده
حمزة بهدوء: عملتوا الاكل
فاطمه بحب: اه يا حبيبي تعالا اغرفلك
حمزة بهدوء: لا انا مش جعان اغرفي لنجمة
مراد كان خارج من اوضته وشاف سارة

مراد بسرعه: استني هقولك حاجه
سارة بخفوت: وقفتي لية اتقلي بقا كاتك نيله
مراد: ايه ردك في اللي قولتهولك ، موافقه ولا اية
سارة بغرور: روح اطلبني من بابا وهقولك ردي هناك
مراد بغيظ: انتي مالك بتتكلمي كدة كأنك الموناليزا
سارة بقرف: موناليزا اية اللي شبهي انا اجمل طبعاً
مراد بغزل: انتي فعلاً صاروخ
سارة بتوتر: صاروخ مين يا جدع انت المفروض صعيدي وملكش في الحاجات دي
مراد ضحك جامد وهي بصاله ببلاهه مراد وقف ضحك وهي لسه بصاله راح قال
مراد بخبث: عارف اني لا اقاوم
سارة اخدت بالها راحت بصتله بغيظ ومشيت
عند حمزه
فاطمة غرفتله وهو اخد الاكل وطلعلها حط الاكل قدامها
نجمه: كُل معايا
حمزه: مش جعان كلي انتي يلا

نجمه بضيق: كُل معايا غير كدة مش هاكل
حمزة اكل معاها وخلصوا راح شال الأكل وقعد جنبها
نجمه: حمزة في حاجة مزعلاك
حمزه بهدوء: لا
نجمه بزعل: بتخبي عليا ، علشان خاطري مالك
حمزه بتعب: انا كويس عايز انام في حضنك
نجمه فتحتله دراعها بسرعه وهو نام ، قعدت تطبطب عليه شوية بعدين قالت
نجمه بحنيه: سيبتك شوية اهو ، قوم بقا وقولي مالك ، مهواش عدل أما تقولي اللي مفرحك واللي مزعلك لا
حمزه قام قعد جنبها واتكلم بتعب: كلمت زين علشان ينزل في فرحنا ومرجعش ، هخلف كمان وهو مش موجود ولا مهتم يكون موجود
نجمه:طب ليه مش عايز يرجع
حمزه اتكلم بسخرية: كان بيحب واحدة هنا ، واتجوزت راح ساب البلد وسافر ، ولا كانه كان عايش معانا علشانها ، مفيش غيرها في البلد يعني ، مسمعش لابوه ولا لامه اللي كانت بتتحايل عليه ميسافرش ، كان ناقص تبوس رجل
نجمه بزعل: كلمه تاني يا حمزه ، قوله هتبقي عم وانه وحش مامته ، وهو إن شاء الله هينزل ، انت بتطمن عليه برا ، اقصد بتعرف أخباره وكده
حمزه ابتسم بزعل: ايوا ، لازم اعرف أخباره ، مقدرش استغني عنها ، زين ابني انا اللي مربيه ، كان زمان بيقولي يا بابا ويقول لرضوان حمزه هو بابا مش انت ، فكان رضوان يزعل منه ، زين يرجع يقوله انت بابا وهو بابا بس هو بابا الاول وانت بابا التاني ، بابا كان يقولنا ربنا يخليكوا لبعض ومتبعدوش عن بعض ابدا ، يمكن كان حاسس أنه هيجي في يوم ويستغني

نجمه ابتسمت بدموع: كلمه وإن شاء الله ربنا يهديه ويرجع ، بس متزعلش علشان خاطري يا حمزه
حمزه اخدها في حضنه واتكلم بهمس: هكلمه حاضر ، انا مش عارف من غيرك كانت حياتي هتبقي عاملة ازاي ، بحمد ربنا كتير عليكي
نجمه ابتسمت: ربنا يخليك ليا يا حمزاوي
حمزة ضحك: حمزواي اية بقا ، بوظتي اللحظه
نجمة ضحكت: بص بصراحة أنا رومانسيتي معوقة
حمزه ضحك جامد وهو بيهز رأسه
نجمه ابتسمت برضا: ايون كدة اضحك خلي الشمس تطلع ، انا قلبي بضحتك دي متعلق
حمزة ابتسم
في الشركة
رضوان كان بيكلم حد في الفون
رضوان بحب: ازيك يا حبيبي عامل اية
_بخير يا بابا حضرتك عامل وماما وحمزة
رضوان: بخير ياولدي طول مانتا بخير ، مش هتنزل بقا يا زين ، حمزه اتجوز وانت مش هنا وانا عارف أنه بعتلك وانت مرضيتش ترجع انا مش نايم علي ودني يا زين ، وبعدك دا ليه اخر عندي ، لسه برضوا مش عايز تنزل ، هتقضي عمرك في بلاد برا اياك انا سايبك لما تيجي من نفسك ومستني بس ليا اخر ، مش هتراضي اخوك اللي رباك اياك ، اخوك واخد علي خاطره منك
زين بهدوء: هنزل قريب يا بابا ، وهو اللي هيقابلني في المطار
رضوان بفرحة: يعني راجع يا زين

زين بهدوء: ايوا يابابا
رضوان قفل مع زين كان فرحان أنه خلاص هيرجع بس خايف يكون زي كل مره يبقي كلام وخلاص ، بعت لمراد وإبراهيم وحمزه شوية ودخلوا
رضوان بهدوء: فين حمزة
مراد: راح البيت
رضوان بتعجب: لية في حاجة حصلت
مراد: هو هيبقي يقول لحضرتك لما يجي
رضوان بهدوء: طيب ، الاجتماع بتاع شركة ماجد زعفان انهاردة
مراد بتعجب: مش كان بعد يومين
ابراهيم: قال عايز يعمله قبل ما يسافر ، انا الراجل دا مش مرتحاله ولا هو ولا العميل بتاعه
رضوان بهدوء: خلينا وراه للأخر ، كدة كدة حمزه متابعه
ابراهيم شاور لمراد يخرج ، وهو خرج كمل بهدوء: رضوان الشغل كتير علي حمزة ودا مش نافع
رضوان: هو قالي أنه هيبطل تدريس في الكلية ، وهيكمل مع الشركة بس ، المشكله ان اعماله في الشركه لازم يمسكها حد نأمن عليه ومراد شغله مكفيه ، وأسر في المصنع
ابراهيم: عز ربنا هداه وقدم في الكورس بتاع الاستيراد والتصدير وجه اتدرب مع المتدربين الجداد ، مش آن الأوان زين يرجع بقا
رضوان: الحمدلله خليه يشتغل مع ولاد عمه (يقصد عز) ..كمل بزعل.. بكلمه يا ابراهيم وكلمته انهاردة وقالي نازل بس خايف يكون زي كل مرة ومينزلش
ابراهيم بفرحة: لا هينزل إن شاء الله انا قلبي حاسس
رضوان: يارب

في مكان آخر ……..
مجهول1: مانا عملت اللي قولت عليه يباشا
مجهول2: عملته فين يا روح امك ، جايبلي ورق فاضي وتقولي دا اللي لقيته
مجهول1: يباشا انت قولتلي دور في مكتب حمزة رضوان والورق الي تلاقيه في الخزنه هاته ، هو دا اللي لقيته
مجهول2 بحده: بقولك اية ملكش عندي فلوس غير لما تجيب الورق اللي انا قايل عليه
مجهول1: ماشي معايا ليك خبر بمليون جنيه
مجهول2: اهري علي طول
مجهول1: اخوه نازل انهارده أو بكرا تقريبا
مجهول2: تمام اوي كدة ، اخوه نازل انهاردة فل الفل ، غور في داهية
عند شيرين كانت خارجه من الكلية شافت أسر واقف عند عربيته
شيرين بابتسامه: بتعمل اية هنا
اسر ابتسم: واحشتيني
شيرين بكسوف: كنت معاك امبارح
اسر ضحك علي كسوفها: بتوحشيني كل دقيقة واللهِ
شيرين ابتسمت بكسوف
اسر: استأذنت من باباكي و وافق هخرجك انهاردة اركبي يلا
شيرين بفرحة: احلف
اسر ضحك: واللهِ ، يلا بقا اركبي
شيرين ركبت ومشيوا

عند حمزة
حمزة كان بيلبس
نجمه: اقعد معايا يا حمزة
حمزة بحنية: هحضر الاجتماع وارجع علي طول ، مراد رن عليا
نجمه بتكشيرة: اصلا من ساعه ما بقيت بتروح الشركة وانت مش بتقعد معايا كتير
حمزة ضحك بخفة: هقعد معاكي لما ارجع واللهِ ونجيب فيلم وتعمليلي اي حاجة من العك بتاعك
نجمة ضحكت وهي بتظبطتله الشميز
نجمة: هاتلي بقا حاجة حلوة وانت راجع
حمزه حضنها و باس راسها بحنية: من عيوني ، متتحركيش كتير وهدهود هطلعلك فاكهه كلي منها
نجمه ابتسمت بحب: حاضر
في الشركه
مراد: مبروك يا حمزاوي
حمزة بحب: الله يبارك فيك يا صاحبي
مراد: حبيبي ، ادخل بقا ابوك عايزك

حمزة ضحك: ايوة مزاجك رايق كلمتها صح
مراد هز راسه وهو بيضحك ببلاهه ، حمزة ضحك عليه ودخل لباباه
في المكتب عند رضوان
رضوان: روحت البيت لية في حاجة
حمزة ابتسم: هتبقي جد يا رضوان
رضوان بفرحة: احلف
حمزة ضحك: اه واللهِ
رضوان حضنه: مبروك يا غالي
حمزه: الله يبارك فيك يا بابا
رضوان بهدوء: اخوك مكلمكش
حمزة بكذب: لا كلمني وبيسلم عليكم
رضوان بحده: هتفضل تكذب وتغطي عليه لحد امتا

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية نجمة في الصعيد)