رواية البنت غير الشرعية الفصل الثاني والخمسون 52 بقلم ياسمين
رواية البنت غير الشرعية الفصل الثاني والخمسون 52 بقلم ياسمين
رواية البنت غير الشرعية البارت الثاني والخمسون
رواية البنت غير الشرعية الجزء الثاني والخمسون
رواية البنت غير الشرعية الحلقة الثانية والخمسون
دخلنا السويت نتاعنا نحيت المونتو ورفدت بيجامتي رايحة للدوش مديتلو يدي قالي واش قتلو لي شريتهملي مدلي ساشي ديتها ورحت غسلت وبدلت وجيت فاللاشومبر تكسلت دخل عندي حابة ترقدي قتلو وقيلا قالي بسمة راها 9 ونص عاد قتلو تاعبة ومضرورة شوية خرج وعاود جا جابلي تيزانة قتلو مين جبتها قالي وجدتهالك هنا قتلو فالحق عطشانة قالي كاين الما فالفريجيدار وجي برك الرونجي الفوقاني مدوريش بيه خرجت نجري نطل علاه لقيتو معبي بيرة و ويسكي قتلو هذو واش يديرو هنا قالي واش بيك نوغمال قتلو كيفاه هذي نوغمال قالي بسمة هوما حاطينهم للي يحب يشرب قتلو هوما حاطينهم ولا نتا جايبهم وبديت نطير عليه قالي ياطفلة تهدني قاع لوتالات الكبار دايرين هكا ونزيدك كاين بار لتحت لي حب يسهر قتلو والله وناوي وقيلا تعمر راسك وتجيني يا الله ضوكا للدار ودخلت نخمل في حوايجي وهو يرجع فيهم طبعتو قالي بسمة واش
هدرت معاك على لسانك ويديك ياطفلة كاش يوم ندير فيك حاجة موش مليحة قتلو واش ناقص دير علاه لي درتو قليل شوف فيا مليح حالتي كيفاه كون جوزت البارح ربع الوجاعة لي فوتها انا تما تحس وتعرف واش درت فيا حضني بسمة الرحمة عاقبني ربي متزيدينيش نتي قتلو تعيش اخرج والله مقادرة نشوفك قالي بسمة علاه هكا قتلو تعيش اخرج خليني نرقد قالي صاحا تهدني هاني برة كاش حاجة عيطيلي برك طحت على السرير غير نبكي عييت كرهت واش ندير في عمري أنا خلاص منيش قادرة بكيت حتى تفلق راسي ورقدت ، حسيت بيد على كرشي فطنت مخلوعة لقيتو يوسف الضو طافي منتبهش عليا بلي نضت طلعلي تريكو وبقى يبوس في كرشي ويبكي كي شفتو يبكي تخلعت صراحة ما توقعتهاش كامل زعما صح ساخف على طفل بصح شفتو بنت محمد جامي يرفدها ولا يبوسها زعما متكونش من حرقتو وباش مايعرفوش نقطة ضعفو لاول مرة يغيضني ونندم على كلامي معاه انا صح توجعت بصح على الأقل جسديا بصح هو نفسيا راه موجوع قريب نص ساعة وهو غير يبوس في كرشي ويفوت في يدو عليها ممبعد خرج ،رجعت رقدت حتى للصباح لقيت روحي محضنة دبدوب
أحمر بقيت نضحك خرجت عندو لقيتو مزالو راقد غسلت وجيت فالشومبرة سقمت روحي حتى سمعتو ناض عاودت خرجت عندو قتلو صباح الخير قالي صباح النور سافا قتلو لاباس ونتا قالي سافا هزيت الدبدوب قتلو هذا واش قالي معجبكش قتلو لالا بالعكس علابالك اول مرة نكسب دبدوب قالي صح موالفة غير بالبوبيات قتلو لالا مكسبتهمش كامل ق….
علابالك اول مرة نكسب دبدوب قالي صح موالفة غير بالبوبيات قتلو لالا مكسبتهمش كامل قالي مكاش منها دوماج وشد هذاك الدبدوب عبز على قلب في وسط شعل الضو ويقول I love you بقيت نضحك عجبني بقيت غير نلعب بيه هو دخل دوش وخرج وانا غير نلعب بقى غير يضحك عليا جابولنا فطرنا هو فتح البيسي نتاعو يخدم وانا نتفرج تفكرت قتلو اعطيني نعيط لرجاء على الافيشاج عيطتلها هدرت معاها ومع صفية ممبعد قتلو معليش نشوف اليوتيوب ٱذا متحتاجوش قالي تفرجي بقيت نتفرج حتى عيطتلو وحدة كاتبها عزيزتي تقلب حالي حطيتولو بالزعاف قدامو ودخلت لاشومبر لقيتو دخل ورايا ويهدر واش حنونتي مليحة سافا حتى أنا توحشتك خلاص بغيت نطرطق حتى قاللها مكان والو يما حبيت نقعد مع مرتي وحدنا برك بقيت نشوف معاه قريب بكيت فوتهالي هدرت معاها وكوبيت قالي بسمة يما مخبرتهاش على حالتك قتلو حتى أنا مقلتش لخالتي باه
متتقلقش قالي هيا بيان تبقى بينا داكور الغيورة قتلو منيش غيورة شكون قالك قالي والله غيورة ونص مشفتيش روحك كيفاه وليتي .
جبنا سمانة في لوتال منخرجوش قاع غير فالليل ندير البيكورة ونتعشاو ونرجعو يوسف دايما معايا خدمتو يخدم اون لاين ميروحش أنا جايبتها غير ماكلة ورقاد وتفراج راحة بأتم الكلمة ونلعب بالبوبيات جابلي زوج باربي كبار ومعاهم وحدة صغيرة بلابوسات نتاعها معاهم حوايجهم نبقى نلعب بيهم كيما الطفلة الصغيرة هذا وين حسيت بالطفولة لي نحرمت منها
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية البنت غير الشرعية)