رواية البنت غير الشرعية الفصل الثامن والستون 68 بقلم ياسمين
رواية البنت غير الشرعية الفصل الثامن والستون 68 بقلم ياسمين
رواية البنت غير الشرعية البارت الثامن والستون
رواية البنت غير الشرعية الجزء الثامن والستون
رواية البنت غير الشرعية الحلقة الثامنة والستون
عندي شهر نوض الصباح نقضي شغل الدار وممبعد نجيبها فالريسطورون نخدم لي جات نغسل ماعن نقي خضرة نسيق نخدم غير فالكوزينة نكمل نرفد عرق جبيني مرة نحي 50 الف مرة مية علاحساب هوما شحال والباقي نمدو لمرت خالي قاتلي متزيديش تقضي مديهملي وانا نعرف واش يخص فالدار ، بديت نعيا وبديت نمل نهارات الاولين كنت كي نرجع من الخدمة ندوش ونتكسل ضوكا ولات تقولي عاونيني فالعشا وغسلي الماعن وبناتها حقا حقا راهم دخلو يقراو ياك رانا في سبتمبر عندهم سمانة ملي دخلو يقراو واش من قراية عندهم ،خالتي بختة بيناتنا غير تيليفون زعفت مني كي رحت من عندها بصح الله غالب مكاش كيفاه دلال نتلاقاو مرات حتى صفية منسيتهاش راني نحكي معاها مرات ، عندي بنت خالي الكبيرة شرانية بصح مهيش نتاع مشاكل بصح لي بعدها صوفا طايرة تقرا تارمينال بصح دايرة رايها اللبسة المكياج وتبدل في
الذراري كيما اللبسة هذي لي جيب الفضيحة لخالي حكمت عليها يماها تيليفون من الكبار الشابين كي سقساتها نتاعمن قالتلها نتاع بسمة خاطينا حنا المهم كي جيت من الخدمة وتشعل فيا مرت خالي الدراهم راكي تمديهملي ناقصين وكيفاه شارية تيليفون من الكبار واش ديري بيه قتلها معنديش تيليفون جبداتو وراتولي قتلها مهوش نتاعي سكتت كي جا خالي بيعتلو عليا واتهمتني بلي دايرة هذا التيليفون باه نحكي مع الرجال بلاكام وندير هذوك الصوالح راكم عارفين نضت ليها وكبرت بيناتنا بالسيف لافكنا خالي قاتلي اخرجي من داري منستحقكش هنا قتلها حتى أنا موش ميتة عليكم جيت رايحة حلف عليا خالي والله مراكي خارجة في هذا الليل بايتة ذيك الليلة في حالة غير طلع النهار خرجت من الدار تلاقيت مع دلال حكيتلها قاتلي تعرفي كيفاه اقعدي عندها ونايفيها وماتاكليش من عندها أخرجي من صباحك اخدمي حتى لليل روحي ترقدي برك وقيسيلها شوية صوارد حق مراكي بايتة عندهم وحوسي كرية وروحي تهناي منهم قتلها عنك الحق لحق الوقت رحت خدمت
كملت تعشيت ثم وشديت الطريق للدار غير دخلت حطيتلها الدراهم على طابلتنا نتاع الكوزينة ودخلت رقدت جا ولد خالي الصغير عيطلي على العشا قتلو منتعشاش رجع جا عندي خالي قتلو لالا مناكلش ومن اليوم نجي غير نرقد وحسبوهالي كرية هاهم الدراهم عند مرتك ، جبنا سمانة هكا وحد اليوم صباح كي خرجت أنا طريقي على حانوت خالي عيطلي دخلت عندو قالي بسمة البارح جا راجلك عندي انا قلبي ولا يضرب ف 200 قتلو علاه جا قالي جابلك قشك لي بقى عندو علابالي قاع تاملتو انو ندم ورجع يحوس عليا كيما أنا بصح لالا سي المغرور جابلي دوزاني لي بقى قتلو خالي تقدر تخله هنا قالي ايه ضوك نحطهم في لاكاف مع السلعة ورحت للخدمة غاضتني عمري وفضحوني دموعي غير مرة مرة ويطيحو داني عمي الحاج بجهة قالي مالك بسمة واش صرالك وانا بروحي كنت محتاجة غير شكون يسول عليا بديت نكب فيهم ويدان بصح واش راح
نقولو حكيتلو بلي بويا مات وخلاني صغيرة وغير ميمتي كبرتني وحتي هي ماتت وخالي باع الدار وراني قاعدة عندو ومرتو حاقرتني وتحاوز فيا من الدار قالي ارواحي بنتي عيشي عندي انا وخالتك وحاجة متخصك أنا بناتي قاع زوجتهم وبقيت غير أنا وياها وحدنا قتلو ربي يفضلك والله نخدمكم من عينيا بصح منقدرش نجي علابالي خالي ميبغيش ويديرلي المشاكل قتلو ان شاء الله نحوس كرية قالي يا بنتي كيفاه تحوسي تسكني وحدك ونتي طغيلة والله يطمعو فيك الرخاس قتلو واش ندير عيا معايا ارواحي عندنا بصح محبيتش كملت خدمتي ورحت للدار كي طبيعتي جيت فالصالون وغلقت ضوكا راني نرقد هنا وحدي بكيت مخ راسي
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية البنت غير الشرعية)