روايات

رواية البنت غير الشرعية الفصل الرابع والسبعون 74 بقلم ياسمين

رواية البنت غير الشرعية الفصل الرابع والسبعون 74 بقلم ياسمين

رواية البنت غير الشرعية البارت الرابع والسبعون

رواية البنت غير الشرعية الجزء الرابع والسبعون

رواية البنت غير الشرعية الحلقة الرابعة والسبعون

قتلها صحا وداركم واش حكيتيلو عليهم قاتلي كذبت عليه وقتلو زوجوني صغيرة غير بالفاتحة من شايب ومتقدرش نقعد معاه هربت ومنو والباقي يعرفو زعما كارية مع بنات وتخدم فالديور عند النسا ماعلابالوش تخدم فالبار قتلها هكا خير وماميدو كيفاه معاه قاتلي معندو مايديرلي خاطر كي بديت معاه الخدمة درت حسابي كذبت عليه في كلش اسمي التالي واحد ميعرفو بغيرك نتي ولا هذا لي راح نتزوجو هي اسمها الحقاني سلمى وزيد علابالك منيش من هذي الولاية ومقدر يعرف عليا والو ،قصة دلال اسوأ من قصتي مختصرها انو كانت تتعرض للتحرش من خالها وشحال من مرة قالت ليماها بصح مقدرتش تحميها حتى اغتصبها ورفدها الحمل وهي بنت 13 سنة يماها خافت على دارها وعلى خوها وراجلها خافت من الفضيحة مدتلها شوية صوارد ومنقوش وقاتلها اهربي ضوك اذا سمعو بوك يقتل خالك ويدخل الحبس وتضيع انا وخاوتك مخافتش على هذي المسكينة واش راح يصرا فيها ومخافتش على بناتها الباقين وهكا دلال مسكينة لقات روحها فالشارع وهذا الطفل طاح ربي

 

هناه من التمرميد وهي استغلوها الناس قداه من مرة حتى وصلت لولايتنا بدات حياة جديدة منيش عارفة كيفاه وصلت تخدم مع ماميدو بصح متباتش مع الرجال واهلها يومين ملي هربت وحطوها ماتت ومنيش عارفة تاني كيفاه المهم يوسف هو لي عاونها ودارلها هوية ، قتلها منيش عارفة شا نقولك خمي مليح وربي يقدم لك لي فيها الخير قاتلي ان شاء الله قاتلي نتي تاني خمي في روحك وتعلمي من غلطاتك قوتلها ان شاء الله جبنا 4 نتاع الصباح بالحكايات ورقدنا الصباح نضت قبلها غسلت ووجدت الغدا كليت ورحت للخدمة وخليتها راقدة كي جيت فالليل ملقيتهاش بقيت غير نخمم في هدرتها زعما صح انا ضيعت يوسف من يدي كيما قالت ويا ترى تزوج ولالا لقيت غير ندي ونجيب حتى رقدت فطنت على تيليفوني يصوني لقيتها دلال

 

موش عوايدها تبكر حكينا سافا سافا قتلها الخير برك قاتلي لالا الخير بسمة ربي داري درتك ختي وعقلي وقلبي راح يبقاو عندك اسمحيلي ختي راح نخليك بصح باغية نخلي كلش من ورايا عرفتها قتلها عولتي صايي قاتلي ايه راني عندو خلاص راح نعقدو قتلها ربي يهنيك وبكينا للزوج كوبات وباين فيها كسرت لابيس خاطر من نهارها معودتش حكمتها وهكا راحت دلال ولقيت روحي وحدي غير عمي الحاج ولا خالتي بختة لي متونسة بيهم شوية ، تعرفت على 3 بنات يخدمو معايا 2 سارفوز وواحدة معايا فالكوزينة معرفة سطحية كذبت عليهم بلي والديا خالي ومرتو محبيتهمش يشفقو عليا ولا يعرفو بلي ساكنة وحدي نخرج معاهم نشرو ولا ندورو هذا مكان بصح هوما مساكين يحكولي عادي حتى على صحابهم الله غالب انا نضعرت وحكاية زواجي وطلاقي مكاش لي يعرفها حتى عمي الحاج وداير في بالو بلي عزباء.

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)

اترك رد