رواية قضية خلع 3 الفصل العاشر 10 بقلم عمرو راشد
رواية قضية خلع 3 الفصل العاشر 10 بقلم عمرو راشد
رواية قضية خلع 3 البارت العاشر
رواية قضية خلع 3 الجزء العاشر
رواية قضية خلع 3 الحلقة العاشرة
المشهد هيتكرر تاني.. يلا يا نادية يإما تقت*ليه او هو يقت*لك
= انت ايه يااخي ارحمنا بقا ، ارحمنا وسيبنا في حالنا
وحقي.. فين حقي
= انا اسفة.. والله لو سيبتني ما هتشوف وشي تاني ، ابوس رجلك ارحمني
لا لا براحة يا نادية اهدي شوية.. دا أنتي هتبقا في تعداد الأموات كمان شوية
” انهارت من العياط
= انا مش عايزة امو*ت يا وائل ، مش عايزة امو*ت دلوقتي ، مش عايزة اسيب ابني
أنتي خايفة على ابنك.. طب أنتي تفتكري اني ممكن انسا حاجة زي دي ، ابنك هيمو*ت بعدك علطول يا نادية متقلقيش ماهو انا اكيد مش هسيبه يتعذ*ب كدا في الدنيا لوحده
= حرام عليك.. اقت*لني انا وسيبه بس محدش يلمس ابني
طيب اظن اننا خدنا وقت كافي أوي للمناقشة ، يلا يا طارق يا حبيبي يلا اضر*ب ، يلا يا حبيبي مستني ايه
” كان باصص ل طارق وهو بيتكلم بس طارق عمل حاجة غريبة وهي انه ساب المسد*س من ايده ، المسد*س وقع على الارض ساعتها وائل بص ل طارق وابتسم
طب مش عيب كدا يا طارق ، ايه اللي انت عملته دا
” وائل جاب المسد*س من الأرض و حاطه بين ايد طارق مرة تانية
لو رميته تاني هتلاقي الطل*قة جاية في نص دماغك ، اتفقنا كدا ولا متفقناش؟
” طارق كان ساكت وباصص في الأرض وحتى مردش عليه ولا نطق بأي كلمة بس دا استفز وائل جدا اللي رفع وش طارق ل فوق بالقوة
عيب اكون بكلمك و انت تبص في الأرض ومتردش عليا ، عيب يا طارق
” لكن طارق برضو مردش عليه ، وائل اتعصب اكتر و ضر*ب طارق بالقلم
جرا ايه يا طارق هو انت صغير يااخي ، قولتلك الحركة دي بتضايقني متعملهاش تروح عاملها تاني برضو ، عاجبك شكلك كدا يعني قدام نادية
= وحياه امي يابن الكل*ب ما هسيبك ، فكني و اقف قدامي راجل ل راجل
جماعة هو انتو ليه دايما بتقولو فكني او سيبني ، حد قالكو عليا اني عبيط ، مجنون انا بقا عشان اسيبكو تمشو ، مجنون انا يا عم طارق عشان افكك؟ ، اللي يبقا قدامه فرصة زي دي وميستغلهاش يبقا هو اللي مجنون فعلا ، عموما احنا ضيعنا وقت كتير وأنا مش فاضي بصراحة ، يلا يا طارق اضر*ب
” رجع بص ليا تاني
يلا يا نادية ، ايه يا جماعة مش هقعد انادي على كل واحد بإسمه ، اضر*بي يا نادية عشان تعيشي أنتي و ابنك ، متفكريش في اي حل تاني غير دا لان مفيش حلول ، وبعدين طارق جاي هنا وهو عارف ايه اللي هيحصله يعني موافق بس الشهادة لله ، كلمة حق اقولها يعني الواد بيحبك ، انا لو مكانه هقول تولعي انتي و ابنك انا مالي ، ولا ايه يا طارق؟
فلاش باك
مساء الخير ، أستاذ طارق ابراهيم معايا؟
= ايوا مين حضرتك
انا وائل ، احب اقولك ان نادية معايا عشان متدورش وتتعب نفسك
= عارف يالاا لو عملتلها حاجة انا ه..
وليه قلة الادب دي ، انا بكلمك ب احترام اهو و هطمنك كمان يا سيدي ، نادية كويسة محدش قربلها ، مفيش غيري انا بس والرجالة اللي اتفرجنا على الفيديو
= فيديو!! ، فيديو ايه يالاا
ماهو انا نسيت اقولك اني قضيت مع نادية أحلى ساعة في عمري كله ، البت جامدة اوي يا طارق ، جامدة اوي بجد بس متقلقش كل اللي حصل أتصور ، صورت عشان مفيش حاجة تفوتك اول ما تجيلي هفرجك على الفيديو
= دا انا لو شوفتك هقت*لك ، هخليك تركع تحت رجلي عشان بس ارحمك و امو*تك
طب اسمعني يا روح امك ، نادية معايا ولو عايز تفضل عايشة تعالى على العنوان اللي هبعتهولك دلوقتي ، متتأخرش يا طارق بدل ما والله ادخل اصور فيديو تاني وهيبقا ساعتين مش ساعة و مش بس كدا ، هنزله على النت وعارف هكتب ايه ، “ساعتين من المتعة والتشويق والاثارة وجنون طارق ابراهيم” ، حلو هااا ، لا بس محتاج تعديل ، خلاص هخليه “وجنون طارق ابراهيم المحامي” عشان المعنى يبقا واضح ، متتأخرش يا حبيبي يلا انا مستنيك
بااك
تخيلي يا نادية ان طارق وافق ييجي عشان ينقذك رغم انه اكيد انه ممكن ميطلعش من هنا حي ، بحب اوي اشوف قصص الحب دي ، ولا ايه يا طارق شايفك مش مبسوط ، تحب ازودلك الطلق اللي في خزنة المسد*س بتاعك عشان وانت بتضر*ب نادية تبقا مبسوط ومستمتع ، بيني وبينكو انا مبسوط اوي باللي انا وصلتله دا عشان كدا انا عايز اقضي معاكو اطول وقت ممكن ، اصل دي اخر جولة ، اللعبة خلصت وانا اللي كسبان في الاخر ، اهم مكسب ليا كان موت حسام ، كان منظره وهو مضرو*ب بالنار يمتع العين ، لعبت بيكو زي ما انا عايز وفي الاخر وصلت برضو الي انا عايزه ، انا في اسعد لحظات حياتي ويلا بقا عشان تزودو سعادتي ، قدامكو 3 دقايق لو محدش فيكو ضرب التاني هتموتو انتو الاتنين
” ساعتها بصيت ل طارق وانا همو*ت من الخوف ، بس لقيت طارق غمض عينه
يلا يا نادية
= انا مش هكرر غلطتي يا طارق ، كفاية عليا الذنب اللي أنا عايشة بيه لحد دلوقتي ، انا خلاص تعبت من الجري الهروب ، بقالي كتير أوي بهرب و اظن دلوقتي جه الوقت اني اواجه بقا ، اضر*ب يا طارق ، بالله عليك لو بتحبني اضر*ب بس اوعدني تخلي بالك من ابني
محدش فينا هيمو*ت النهاردة ، أنتي متستاهليش المو*ت يا نادية ولا انا استاهله
” وفي ثواني طارق كان داس على الزناد وخرجت الطل*قة من مسد*سه و استقرت في بطن وائل ، في نفس اللحظة لقيت فريدة واققة وراهم وماسكة مسد*س و ضربت الاتنين اللي كانو مع وائل
فلاش باك
” كنت رايحة ل نادية عشان اطمن عليها ، وصلت تحت بيتها ولسة هطلع لقيتها خارجة من العمارة
فريدة!
” ايه يا نادية أنتي خارجة ولا ايه
= وانتي مالك انتي ، أنتي ايه اللي جابك
انا كنت جاية اطمن عليكي بس واضح انك رايحة مشوار
= اه رايحة مشوار ومشوار مهم ، بعد اذنك بقا
استني بس دا انا كنت عايزة اتكلم معاكي في موضوع
= مش وقته يا فريدة بعدين
هو أنتي رايحة فين بالظبط يا نادية
= انتي مالك.. بقولك ايه امشي دلوقتي وابقي تعالي يوم تاني يلا سلام
” مشيت وراها من غير ما تحس بيا لحد ما لقيتها وقفت على اول الشارع وبعدها بشوية لقيت عربية سودا جات وقفت قدامها و نزل منها اتنين مسكو نادية و ركبت معاهم العربية ، مكنتش عارفة اتصرف ازاي ، مكنش قدامي غيره
ايوا يا طارق ، انا فريدة.. فاكرني؟
= ايوا فاكرك ، في ايه
في عربية جات خدت نادية من تحت البيت ومشيت
= بتقولي ايه!! ، الكلام دا حصل امتا
لسة دلوقتي حالا
= انتي فين يا فريدة
انا واقفة تحت بيت نادية
= خليكي عندك متتحركيش ، انا جايلك حالا
” عدا نص ساعة ولقيت طارق وصل فعلا ، ركبت معاه و حكالي على المكالمة بتاعت وائل وقالي انه بعتله عنوان عشان يروحله ، ساعتها طارق اتفق معايا
بقولك ايه ، كل الكلام اللي هقوله دلوقتي وتنفذيه ، لولا اني عارف اني لو جيبت رجالتي هيبقا فيها خطر على نادية انا مكنتش هحتاجلك من اصله ، اسمعي و ركزي معايا ، قبل ما اوصل للمكان اللي فيه الواد دا هتنزلي من العربية وتخليكي ماشية ورايا ومتابعاني ، ساعتها اكيد هياخدوني جوا ، هتكوني أنتي جهزتي نفسك و تدخلي تضربي نار على كل اللي موجودين جوا ومتقلقيش الواد دا مش مسنود يعني اللي معاه هيبقو واحد او اتنين بالكتير زي ما كانو معاه قبل كدا ، لو عملتي اي حاجة غلط كلنا هنمو*ت فاهمة
= متقلقش انا بعرف اضر*ب نار
امسكي سلا*حك و جهزي نفسك عشان قربنا نوصل
#بقلم : #عمرو راشد
بااك
” وائل و رجالته وقعو على الارض ، فريدة جريت علينا بسرعة عشان تفكنا ، بعدها قومت و روحت ل وائل اللي كان بيحاول ياخد نفسه
فين ابني يا وائل ، اعمل حاجة واحدة صح قبل ما تموت ، حاجة واحدة بس يمكن ربنا يسامحك على اللي انت عملته ، ابني فين يا وائل ابوس ايدك
” كان باصص على باب مقفول في اخر الركن ، طارق راح ناحية الباب و فتحه و دخل جوا ، بعد دقيقتين بالظبط لقيته خارج ومعاه ابني ، جريت عليه وأنا بعيط و حضنته
وحشتني أوي يا فؤاد ، وحشتني أوي يا حبيبي ، كدا تغيب عن مامي كل دا ، دا انا كنت همو*ت من القلق عليك
” كنت بحضنه وابو*سه وكأني لسة اول مرة اشوفه ، خرجنا من المكان اللي كنا فيه بسرعة ، هو يعتبر مصنع قديم و شكله مقفول من زمان ، ركبنا عريبة طارق ومشينا ، انا عمري ما كنت اتخيل ان يحصلي كل دا و ابقا لسة عايشة لكن انا خسرت ، خسرت واحد لو عيشت عمرين فوق عمري مش هعرف اعوضه ، حسام الهواري.. لسة فاكرة اول مرة اتقابلنا فيها
فلاش باك
استاذ حسام انا عايزة ارفع قضية خلع على جوزي
= و ايه الجديد ، كلهم بييجو هنا عشان يرفعو قضية خلع ، لكن المهم ايه السبب
بصراحة أنا مكسوفة اقولك
= طب احنا ممكن نأجل المعاد لحد ما تبقي مش مكسوفة
استاذ حسام ياريت تتعامل معايا بطريقة احسن من كدا
= مالها طريقتي
انا اسفة يعني ، طريقتك قليلة الذوق جدا
= الانطباع الاول مهم جدا ودايما هو اللي بيفضل محفور في الذاكرة ، وانا أول انطباعي عنك انك شخص عشوائي بتهجمي على الناس في مكاتبهم
على فكرة انا اعتذرت أكتر من مرة ، و بعدين انا معملتش جريمة ، ولو الموضوع مضايقك أوي كدا أنا ممكن امشي
= انا مقصدتش انك تمشي ولكن خلينا نبدأ صفحة جديدة بدون اي انطباعات سابقة ، ودلوقتي احكيلي ايه السبب اللي مخليكي عايزة ترفعي قضية الخلع
انا.. ، انا محرجة جدا والله
= طيب هقولك حاجة كويسة ، اعتبرينا صحاب
بص يا استاذ حسام ، انا جوزي بيتفرج على أفلام
= نعم!! ، أفلام ايه ، حضرتك جاية ترفعي قضية خلع على جوزك عشان بيتفرج على أفلام ، طب وايه يعني ماهو كلنا بنتفرج على أفلام
بااك
” ضحكت لما افتكرت ريأكشن وشه على الجملة دي ، لسة فاكرة فطيرة السجق كيري اللي كان بيحبها ، طب عارف يا حسام ، عارف اني مبعرفش ااكل غيرها دلوقتي ، عارف انها مزودة وزني اوي بس مش قادرة ابطلها بسبب أنها بتفكرني ، عارف اني لسة بروح لنفس المطعم و بقعد على نفس الترابيزة اللي كنا بنقعد عليها ، انت وحشتني أوي يا حسام..وحشتني أوي ، وحشني صوتك.. ريحة البرفيوم بتاعك.. هدومك ، كل تفصيلة فيك وحشاني اوي ، الايام كانت بتجري بس مفيش ولا يوم عدا الا لما كان طارق يكون معايا فيه ، كان معايا في كل وقت حتى لما كان فؤاد بيتعب كان هو اللي بييجي معايا للدكتور ، مكنش في غيره واقف معايا ، اما فريدة كانت بتجيلي على فترات وشكلي ابتديت احبها ، كفاية عليا أوي أنها كانت عايزة تضحي بحياتها عشاني ، كان عدا شهرين ونص وانا في الحال دا لحد ما كنت قاعدة في يوم ولقيت الباب بيخبط ، قومت فتحت..
طارق عامل ايه ، اتفضل ادخل.. ايه المفاجأة الحلوة دي
= انا كنت في مشوار قريب منك ف قولت اطلع اسلم عليكي
مفاجأه حلوة اوي ، قولي بقا اخبارك ايه
= كله تمام ، المهم أنتي عاملة ايه مع سيادة وكيل النيابة فؤاد باشا
” تقريبا دي كانت اكتر حاجة بتعجبني فيه وهو انه قبل ما يسأل ويطمن عليا كان بيطمن على فؤاد الأول ، كان باين انه بيحبه اوي من طريقته معاه و الالعاب اللي دايما يجيبها عشانه ، كانت هي دي الطريقة اللي بتخطف قلبي دايما
هو انت خلاص خليته وكيل نيابة
= ايوا طبعا ، الواد باين عليه انه عايز ينصف الناس ويحقق العدالة
يا طارق الواد لسة عنده 5 سنين
= بيبان يا نادية والله
طب قولي تشرب ايه
= لا مش عايز ، انا جاي وهمشي علطول
تمشي ازاي بس ، لازم تشرب حاجة الاول
= اقعدي بس يا نادية عايز اتكلم معاكي في موضوع
ايه هو
= بصراحة انا كدبت عليكي ، انا مكنتش في مشوار قريب منك ، انا جاي مخصوص عشانك وعايز…
ايه يا طارق كمل عايز ايه
= انا بجدد طلبي تاني ، انا عايز اتجوزك يا نادية و ارجوكي تفكري الأول.. ارجوكي يا نادية انا عايز ابقا ضهرك أنتي وفؤاد و اوعدك اني هحافظ عليكو وهشيلكو جوا عنيا والله ، أنتي محتاجة تتسندي عليه يا نادية وانا أوعدك هبقا دايما سندك وفي ضهرك ومش هسيبك أبدا
يا طارق..
= مترديش دلوقتي ، انا مش مستعجل على الرد خدي وقتك وانا مستنيكي..
” قام مشي وانا فضلت قاعدة افكر في كلامه ، المشكلة انه عنده حق ، انا محتاجة راجل اتسند عليه ، محتاجة حد يكون جنبي انا وابني ، حد يحميني بس مش عارفة انا هحبه ازاي ، انا مفيش في قلبي غير حسام ومش هحب غيره ، كنت بفكر ليل ونهار في الموضوع دا لحد ما وصلت ل قرار ، وبعد يومين اتصلت بيه..
انا موافقة
” كان من ضمن شروطي انه ميضغطش عليا ويسيبني لحد ما اتعود عليه عشان اعرف اتعامل معاه وبصراحة هو احترم دا جدا ووافق ومكنش عنده اي اعتراض ، وقررنا نكتب الكتاب علطول لانه رفض يعمل خطوبة..
نادية احنا مش لسة هنضيع وقت في خطوبة ، كفاية الوقت اللي ضاع دا كله ، انا عايز استغل كل ثانية من عمري معاكي..
” اضطريت اوافق وفعلا حددنا معاد كتب الكتاب ، كنت مبسوطة اوي او الحقيقة يعني كنت مبسوطة و قلقانة و خايفة ، أحاسيس كلها متداخلة في بعض ، نزلنا اختارنا البدلة والفستان وخلاص انا هبقا عروسة رسمي كمان 24 ساعة ، المشكلة ان ال 24 ساعة كأنهم 24 ثانية ، كنت خايفة أوي ، الكوافير جه وبدأ يعمل الميكب بتاع الفرح ، بعدها لبست الفستان و استنيت طارق لحد ما ييجي ، وفعلا جه بعدها بشوية وعملنا الفيرست لوك
قالولي ان الفستان هيكون حلو عليكي بس مكنتش اعرف ان الفستان ملوش أي قيمة الا لما لبستيه
” نزلت معاه و ركبنا العربية عشان نروح نتصور ، واتصورنا كتير جدا جدا ، تقريبا قعدنا أكتر من ساعة ، بعدها روحنا على القاعة عشان المأذون كان مستنينا هناك وفعلا وصلنا ونزلنا من العربية قدام باب القاعة ، الناس كلها فرحانة وبترقص و طارق بدأ يرقص مع أصحابه حتى من قبل ما ندخل ، كان بقالي كتير محستش بفرحة زي دي.. عوض ربنا دا حلو اوي.. خدت نفس عميق و رجعت تاني أسقف وارقص معاهم…
” من بين البيوت اللي قدام القاعة كنت واقف في الشباك و شايف كل اللي بيحصل ، سمعت صوت حد اتكلم من ورايا
مش ناوي تقولهم أنك لسة عايش
” بصيت ورايا بهدوء
ناوي
= ازاي طيب ، نادية بتتجوز خلاص.. انت استنيت كتير أوي يا حسام
مين قالك ان الجوازة دي هتكمل
= يعني ايه.. انت ناوي تعمل ايه
طارق اتجوز مراتي ، كان بيعمل كل دا عشان يقرب منها وانتي في الاخر عايزاني معملش حاجة ، عايزة الموضوع يعدي عادي كدا
= حسام خلينا نفكر بالعقل
مبقاش فيها عقل يا فريدة ، الموضوع انتهى
” مسكت بندق*ية بعيدة المدى ” سنايبر” و وجهتها ناحية طارق
حسام لا ، بلاش يا حسام عشان خاطري ، طارق رجالته في حتة ، طارق مش سهل يا حسام ، اللي انت هتعمله دا غلط اسمع كلامي
” حاولت تمنعني و كانت عايزة تاخد مني البندقي*ة ، لكن طبعا كنت انا أقوى منها ، زقيتها ووقعت على الارض ، لفيت تاني ووجهت البندقي*ة ناحية طارق
وهو أنتي تعرفي اني بخاف ، حسام الهواري مبيخافش من حد ، العبدلله ملوش كبير..
لقراءة باقى حلقات الرواية اضغط على : (رواية قضية خلع 3)