رواية ملائكه بألف وجه الفصل السابع عشر 17 بقلم أروى طاهر المسلاتي
رواية ملائكه بألف وجه الفصل السابع عشر 17 بقلم أروى طاهر المسلاتي
رواية ملائكه بألف وجه البارت السابع عشر
رواية ملائكه بألف وجه الجزء السابع عشر
رواية ملائكه بألف وجه الحلقة السابعة عشر
بدايتا نصلو على النبي❤️
متأسفه هلبا على الاختفاء بسبب ضروف بجد صعب نكتب فيها حتى حرف بجديات ضرف اقوى مني وباش نحاول نعوض تعبكم معاي وانتضاركم التنزيل كل يوم يعني بكرا وبعد بكرا في حلقه او حتى حلقتين في اليوم بدون انقطاع حقكم عليا❤️
كل الخوف كان ان الموقف ينعاد من جديد بس ها المرة معاه !
هوا مستحيل يتحمل الوجع هادا !
لما شاف المصيبه عند غيره قدر يواسي اهل المصيبه ويقول شوية كلام روتيني عشان يحس ان داير يلي عليه!
بس لو صارت معاه الكارثه هادي كلام الدنيا كلهااا ميقدرش ميقدروش يواسيه💔
لو حد شافه كيف يجري في الطريق رح يستغرب كيف وصل عايش!
دعواته موقفتش طول الطريق ودموعه نزلو وهوا ماسك نفسه بي السيف
وصل المشفى سأل على الاسم وكان الرد انه في الطوارئ حاليا ويقدر يمشي يطمن على الوضع بنفسه
كمل جري لعند ممر قسم الطوارئ لين طاحت عينه على بوه تكلم بي هستيريا
نجم الدين :شن يلي صار خيره شن فيه وين هوا ؟؟!
فتحي:وقف بعد ماكان مقعمز على الكرسي وقال بنبرة مطمئنه……هدي بالك الولد كوس
طاح من علي الجراي وراسه انفتح فتحه بسيطه كثرت الدم خلعتنا بس
نجم الدين :وينه ووووينه نبي نشوفه
الممرضه:طلعت من الغرفه وهيا تنحي في القوانطي …….تفضلو تقدرو تروحو بيه
نجم الدين:خش بسرعه وشاف ولده مقعمز على السرير وعلى راسه ملفوف شاش ابيض
وكانت جنبه امه يلي واضح انها باكيه لين داهشة
نجم الدين :قرب بسرررعه حضن ولده بحب ولهفة خوف واضحه عليه
شاف لي مرته وقال بنبرة غضب ……كيف متكلمينيش انا ؟؟
كيف انا اخر حد يعلم ؟
شيخة:مسكت شكارتة الدواء ……الولد راسه يبخ دم تبيني نراجيك لين حضرتك تروح من المكان يلي الله اعلم وين ؟!
نجم الدين:حس بي الذنب وان هادا جزاء المشوار يلي مشاله ……وباش يتخطى الشعور هادا حط اللوم كله على شيخه
نجم الدين:وانتي وين لما الولد طاح هاااا؟؟
وييييين لاهيه على ولدك ولا متهنيش عليه
شيخه:شافتله بنضره حقيره وطلعت بدون ما تحكي
اما نجم الدين قعد حاضن ولده فتره طويله وطلع بيه
__________________________________
ندى:فتحت الزرف وهيا في الدروج راكبه لي حوشها وقعمزت في نص الدروج من الصدمه 💔
كان في الزرف بزبط 3 صور بزبط ويلي في الصور كان حرفيا قادر يخرب حياة انسان ويدمرها تماماااا
كانت هديل في احضان ولد غريب
مكانش خطيبها ولا اي حد من العيله !
ويلي مرسلها متقصد ان يهدم حياة هديل ويخرب العرس لما الصور يطيحو عند شخص متنبلش فوله في فمه
ندى كانت مصدووومه تماما ومش عارفه كيف تتصرف ولا منو تكلم
رجعت الصور في الضرف ونزلت بسرعه ادور على نجمه بس عرفت من الموجودين انها في المزين !
رجعت ركبت لي حوشها وخشت لي غرفتها بسرعه
عاودت تتأمل في الصور اكتر ولما قلبت واحد من الصور لقت فيها رقم تالفون
فكرت دقايق !
بس قاطع تفكيرها صوت الارتست وهيا تقول ……..شنو مدام نبدو؟
ندى:خبت الزرف بسرعه وابتسمت بتوتر…….اي اي تفضلي
خشت الارتست فرشت بضاعتها وبدت في شعرها وهيا تحكي وتسأل فيها شنو المكياج يلي تحبيه والالوان يلي تفضلها
ندى كانت تهز في راسها بي مسايره وعقلها في مكان تاني وطول الوقت خايفه يلي بعت زرف يدير شي تاني والعرس يخرب
تقوى:ماسكه ولدها وواقفه في جنان الحوش وكانت وقفتها غريبه !
هوا في المجمل كان شكل تقوى غريب
شعرها البرتقالي والتاتو يلي كان واضح في حواجبها ولبسها يلي كان اصغر من مقاسها بي رقم يعطيك فكرة جدا مش حلوه عليها !
كانت متوتره هلبا وهيا ماسكة ولدها وتراجي واضح اعصابها نااااار🔥
لين فجأه طق الباب البراني ونفتح
خش من الباب راجل اسمر وكان سماره زايد ع الحد شوية كأنه من الجنوب (اطيب ناس🥹)
خش سلم عليها وبدت الهدرزه بينهم
تقوى:نراجي فيه يروح قالو انه هارب ضارب مرته ومداير هلبا عمايل
ف خليني عندهم وخلاص الشباني مباش يخليني نطلع ويصرف عليا وعلى ولدي
خلي يقعد هكي خير ياريته ما يروح عارفاته رح يبهدلني لين خلاص لان جيت حوشهم
داوود:كويس اهم شي يعترف بي الولد ويسجله بي اسمه
اضمني النفقه يكون احسن من اي شي تاني لين الولد يكبر
ويبدا ممتاز كان خليتيه يتزوجك زواج شرعي
تقوى:رح ندير جهدي ….هاك هادا المبلغ يلي حصلته من فتحي
داوود:كم هادم ؟
تقوى:200 جني عطاهولي
وهادي ذبلة ذهب وخاتم مرت ولدهم بيعهم واقسملي
داوود:ابتسم بخبث…..مشاء الله هلبا الرزق
تقوى:باش تعرف بس
وهما في نص الحديث خشو زوز سيارات درسو في الجنان ونزلو وهما عليهم علامات الاستغراب منو الشخص هادا يلي في نص حوشهم !؟
نجم الدين:شاف لي تقوى بنضرات حزم وغضب ….منو ههادا؟؟
وشاف لي داوود ووجهله الكلام ……تي منو انت باش تخش حوشنا هكي ؟
انور:نزل من سيارته بسرعه ……اهدا خلي نفهمو
تقوى:قالت بصوت عاالي مدافعه على داوود…..زهادا خوي كيف وجا يسأل عليا
ياعمي فتحي مش قتلك هاداك اليوم عندي خوي بيجيني ؟
نجم الدين :خوك ويعرف بي العار متعك وزياده جاي يزور فيك ؟؟
شنو العيله الخايبه هيا تحرك روح بي اختك واقلب وجهك انت وياها شنو معش في تريس ولا كيف الزح م…………
انور:قاطعه …….اهداااا ياراجل خلاص خيرك !
فتحي:وقف قدام داوود وقال بحزم ……نبي كبير في عيلتكم نحل معاه الموضوع امشي ناديلي عمك ولا خالك مدام بوك متوفي
بكرا الساعه 6 تكون هنايا انت وياه
وانتي خشي داخل انتي وولدك ومعش تطلعي الا بي اذن
تقوى:حاضر عمي ………وخدت بعضها وخشت
ومن بين كللللللل ها الكلام والشوشره هادي كان داوود مش معاهم على الخط ابدا وعيونه على شيخه بس !
كأن الزمان كله والوقت وقف بيه لما شافها❤️
مركز فيها وهيا ماسكة ولدها وتشوفلهم بفزع وخوف من الدوشه يلي صارت !
انور:قاطع الصمت يلي صار…..هي خلاص توكل خوي
داوود:طلع وخلا اخته وقلبه في حوش فتحي✨
_______________________________
رباب:ناضت بسرعه من تقعميزتها على الارض لما شافت الباب انفتح …….
طه:هي اطلعي توا نضمي امورك
رباب:شن صار؟
طه:قال وهوا مبتسم………غيرت قفل الباب تقدري تطلعي في الشقه براحتك
رباب:رجعت شعرها للخلف……وحق ربي ياطه رح يجي اليوم يلي رح نقتلك فيه بيديا الزوز
طه:كان الشي هادا يريحك ديريه
قعمز على الكنبة وطلع طرف دخان ولعه وسند نفسه على ضهر الكرسي
رباب:طلعت لي الصالة ومسكت راسها بي يديها من التعب من كثر التفكير….
طه:انا مروح اليوم…….جبتلك بضاعة في المطبخ
بنختفي شوية ايام تسدك الوقت هادا كله
رباب:شن قصدك بتسكر الباب عليا ولا شنو ؟
طه:والله كان دايرة عقلك في راسك راهو موصلتينيش للمرحلة هادي
رباب:شنو يلي بيخليك تختفي يعني !
طه:بنمشي نشوف موضوع طلقيتي يلي قاعد مفتوح لعند امتى بنقعد هارب!
رباب:يكون احسن تختفي نهائيا من حياتي كلها مش ايام بس!
وناضت من مكانها للحمام طول
طه:كمل دخانه وعيونه سرحانه في السقف❤️🩹
________________________________
كفاح:يعني توا بتمشي للحفله ولا شنو؟
شيخه:معنديش خلوق تعرفي في راس خشمي والخلعه قاعده فيا حاسه روحي مش قادره ندير شي
كفاح:غير زيدي شوفي روحك وقوليلي اهو ولدك زي الجن مفيه شي طالع لي بوه 😂
بالله بري البسي وكيجي خلي الواحد يهيج ويغير جوه بعد العركة يلي صارت لوطه
شيخه:صددددمه بجديات مقوا عينها مبكري ادافع وتلاطي ومش حاطه حجاب على راسها ولا معدله بكل قلة تربيه بجديات
كفاح:من زينها وزين شعرها المحروق بالله خليني ساكته تو شكال زي هادي يتبدل بي نغم ؟
مسكينه البنيه صغيره وقنينه والله طه ميرتاحش لين يدور حاجه تجي بي قطع رقبته
شيخه :اي والله صدقتي ربي يستر على الجاي وخلاص شي يقهر
كفاح:هي بنمشي نوتي روحي انا معش مزال وقت كان صارلك من مشي كلميني
شيخه:انشاء الله بي ادن الله ………صحيتي يبارك فيك❤️
كفاح:سلمت عليها وعطتها بوستين وطلعت
شيخه:سكرت الباب وتلفتت متجها للمطبخ لمت اماعين الغدي واماعين ولدها البلاستيك حطتهم في الغساله ووقفت تمسح في البار وعيونها على نجم الدين يلي كان يلعب في ولده!
كملت المطبخ وعطراته ❤️
واول ما طلعت سمعت نجم الدين من وراهتا وهوا يقول
نجم الدين :بري وتي روحك عيب الناس عازمينم مش حلوه في حق ندى متمشيش
شيخه:عندي ضرفي ويعذروني اكيد
نجم الدين :معندكش ضرف ولدك كويس واموره تمام كانك مهتمه بيه راهو مصارش هكي
كلمتي منبيش نعاودها بري وتي روحك المغرب قريب وانتم ضجيجكم هلبا تحركي
شيخه:مردش عليه زي العاده وخشت غرفتها
المره هادي مش زي كل مره اتجاهلت كلامها لانه ميهمهاش لا
المره هادي كان قلبها موجوع لانها تحبه والحب يخليك تحسي كل تصرف يصير من الشخص يلي تحبيه مهما كان تافه
سكرت الباب وبكت من قلبها على جهدها يلي مكانش نجم الدين حاس بيه ابدا
جهدها في الحوش وفي ولدها وفيه هوا شخصيا واهتمامها بيه
بكت على اهتمامه وحبه يلي عطاهولها فجأه واختفى منها فجاه بدون سبب او حتى مبرر
التغير يلي يصير هكي للمرا يقتلها وهيا عايشه💔
___________________________________
كريمه:قامت حواجبها بي صدمه ….غيرتي حوايجك هنايا في المزين؟
نجمه:ضحكت وهيا تسكر في عبايتها …..اي ياخالتي 😂😂😂😂
مفيش وقت واحنا ماشين لي الصاله طول
كريمه: وهيا مسكره عيونها للمكياج …….غير راك اطيحي بي الكعب اسبقيني لي يزن سلم بنتي بالله عليك خير ما يعصب ويطلع خلوقه الضايقه علينا
نجمه:وهيا ترتب في وشاحها ….حاضر ياخالتي
شافت للارتست …..بالله استعجلي بي خالتي شويه تربحي وقت
الارتست:ابتسمت وهيا تقول ….ان شاء الله حاضر
الله يبارك عليك غزاله والله نسحابها بنتك ياحاجه
لكن مدامك خالتها خوديها لي ولدك متفوتيهاش
كريمه:ضحكت وهيا مسكره عيونها…….هوا انا نلقى خير منها !؟
نجمه:ضحكت بي هزوه وطلعت لي السياره وكانت مشيتها متناسقه هلبا ولا كنها لابسه كعب
فتحت الباب وركبت
يزن:انتي عارفه ان الصنه يلي جايه غابقه بيها الدنيا حرام ؟
نجمه:وهيا لاهيه في تالفونها ….سكر خشمك
يزن:وين امي؟
نجمه:مدرقه كل وجها بي الوشاح وعيونها في التالفون …….قاعده مكملتش تبي جو 10 دقايق
يزن:شافلها من المرايا وفصلها تفصيل بي عيونه……..سكري بطمت عبايك الفوقيه
نجمه:تنهدت بملل…….انت غير كان تنحي عيونك من عليا بس
يزن:سكري عبايتك ومعاها فمك
نجمه:استمرت لاهيا في تالفونها بدون اي اهتمام لي كلامه
يزن:ندوي معاك انا
نجمه:ولا على بالها
يزن:تكنطا منها هلبا لف وجها ليها وضرب التالفون طيحه من يدها وهوا يقول…….انا لما ندوي معاك تردي منقعدش ننبح بروحي
نجمه:عصببببت منها والوشاح طاح من على وجها وباين مكياجها البارز عليه وملامحها يلي كلها تعصبببب……خييييييرك انت شن جايك عليا في ها النهار ؟؟
نزلت خدت تالفونها من على ارضيت السياره ورجعت وشاحها على راسها والاعصاب عندها الففف
اما يزن رجع لف وجها القدام وهوا مذهول من نجمه وجمالها متوقعش ابدا انها رح تتغير بي الطريقه هادي بي شوية مكياج
ساد الهدوء والصمت بينهم لين يزن قال
يزن:انزلي نادي على امي خلاص معش قادر نراجي وقت اكتر من هكي
نجمه:تحلم انت تبيني ننزل بي الكعب هادا لعند غادي ونرجع
يزن:تنهد بتعصب وعقد حواجبه لما شاف ضي قوي جاي ناحيتهم من سياره جايه في الاتجاه المعاكس
نزل يزن من السياره بعد ماقال بصوت مسموع ..خيره هادا
انتبهت نجمه للموقف وكملت تتفرج عليهم بهدوء وخوف من العركه يلي ممكن تصير !
يزن:شني انت مدرس ومداير الضي ع السياره مش شاف معاي عيله ولا شنو ؟
رد عليه صاحب السياره……بالله زيد غادي خير ما نخليكش تروح لا انت ولا العيله
يزن:تبيلها ذكر هيا حرك من هنايا خيرلك
نزل الولد من السياره وعلى كلمه مني وكلمه منك صبحو في مدان اليدين
والخبط متعهم كان معنف هلباااا وقوي بطريقه تخووووف
نزلت نجمه من الخوف والفزع وبدت تعيط في نص الطريق
لين تلمو عليهم الناس وحزوهم من بعض بعد الف محاوله ويزن كان كل همه نجمه محدش يشوفها ولا تتعرا قدام الرجاله ولو بجزء بسيط
رجع ركب السيارة وهوا ينادي في نجمه تركب وتبعد على الزحمه
وفعلا فضت الزحمه وركبت نجمه المره هادي من القدام
يزن ركب السياره
نجمه:غبي انننننننننتتتتتتتتتتتتت غبي ؟
وين ما تمشي هكي تتعارك مع الناس وخلاص متحسب لي شي بكل يادراااااااااااااه يادرااااااااااااااااااااه
يزن:كان يشوفلها وهوا مستغرب طريقة الرعب والخوف يلي تحكي بيها !
اما نجمه كانت تتفحص في وجها وتمسحله في حاجبه يلي انضرب بي كلينكس وهوا سرحان فيها
هدت الوضاع شوية وساد الصمت بينهم
نجمه:لوحت اخر طرف كلينكس من الروشن ………ونزلت عيونها
منحبش العراك نكرها
بابا كان ديمه معيشنا في الرعب هادا السلاح كاثر والقتل بدي زي صباح الخير في اي لحضه نفقده 💔
حتي انت مفروض تفكر في امك قبلك شن يكون شعورها بعد تفقدك ع خاطر عركة تافها !
تنهدت شويه وقالت ……..مكنتش نسحاب روحي بنولي يتيمة حتى وهوا حي💔
يزن:شاف يديها ترجف وكان يبي يهديها بي اي طريقه ……مسك يديها وقال
اهدي شوي
مرات تتصلح الاوضاع مع بوك رغم ان يلي داروه مش شويه لكن عندك عيله وخالات يحبوك ومش رح يخلوك اكيد
نجمه؛نزلت المرايا متع السياره وقعدت ترتب في مكياجها يلي قويب خرب من دموعها
يزن:وخر لي كرسيه وشاف امه جايه من بعيد….انزلي اركبي تالي امي جايه
نجمه:
نزلت قعمزت من الخلف وهيا تمروح علي عيونها
كريمه:السلام عليكم سامحني ولدي عطلت عليك البنيه يدها مهينه هلبا
يزن:سكر ضي السياره وحاول يخفي وجها والضربه يلي فيه علي امه….عادي مدوري شي
وطلع بي السياره
____________________________________
الساعه9 بزبط داخل القاعه:-
كانت نبيلة واقفه على الباب هيا ونجمة وندى يستقبلو في الضيوف بكل حب❤️
وكل طله فيهم كانت احلى من الثانيه
ندى:-كانت لابسه فستان رمادي ولمعته فضيه قويه هلبا وواضح تطريزه فخم رقبته مربعه عاطيه مجال لي العقد الفضي البسبط يلي نازل علي القفطان الاوفر 🫶🏻
تسريحتها كانت مرفوعة شويه فوق ويلي نازل كله ويفي
روجها علي الوردي الهادي ومكياجها كان بسيط عاطي فرصة للفستان يبرز جماله…..
نجمة اعتمدت اللوك البناتي البسيط🤭
لابسه قفطان علي اللون الازرق ملكي قصير وفاتحه شعرها استريت بسيط مع الغره يلي عاطيتها منضر جميل
والمكياج كان عباره علي كنتور هادي جدااا وروج شفاف وقلوس اما الايلاينر كان صارخ وتحت عينها لون الفستان مدموج بطريقه جميله جدا مع الايلاينر 💓
وكانت الموسيقى هاديه شويه والمعازيم يتكاثرو شوي شوي …..
بدو العاملات يقدمو في السموثي مع الترافل والماكرو وكل التنسيق كان علي اللون الابيض والذهبي…
خشت كفاح وكانت لابسه جيم سوت عنابي بي اكمام منفوخه وقايمه شعرها قرن ومكياج ترابي وروج عنابي مع شوية اكسسوارات علي اللون الذهبي
وشيخه يلي كانت وراها كانت لابسه فستان قصير وضيق علي الجسم بارزلها جمال جسمها علي اللون الاخضر الغامق
وشعرها نازل لعند تحت خصرها ومكياجها كان اوفر شوي معوض علي بساطة الفستان 💓
خشو الاثنين سلمو وخدو طاوله كلهم مع بعض وقعمزو ❤️🩹
______________________________________
نصر:بتخش انت ولا انت؟
نذير:ضحك…..قصدك انت ولا انا !
نصر:معنديش خلوق وربي
عصمان:قاطعهم انت الزوز بتخشو مع اختكم مش واحد يقعد وواحد يخش
وسرعة روحكم باش تطلعو تستقبلو الناس منبيش نقعد بروحي
نصر:😒😒😒باهي هكي؟!
نذير:ضم فمك وفوت قدامي
نجم الدين :متكي علي السياره وماسك التالفون بي اهتمام
يبعت ويستلم في الرسايل بي لهفه
انور:شافلها وهوا يضحك بي شك …..شنو يانجم شن صار في صاحبك!
نجم الدين:اي صاحب!
انور؛صاحبك يلي حاير بين حبيبته ومرته
نجم الدين:دار روحه تذكر….اهاااا لالا مشت اموره
بعدين هذيكه مش حبيبته مجرد صديقه تساعد فيه زي ماقتلك
انور:ضحك……تمام كويس 🤌🏻😂
نجم الدين:سكر تالفونه وحطه في جيبه وهوا متوتر
________________________________________
رباب:نحت المنشفه من شعرها ووقفت علي الروشن
فتحاته وشافت للمسافه يلي مستحيل بني ادم طبيعي يفكر ينقز منها
مسكت تالفونها لل20واتصلت بي نجمه لكن زي العاده مردتش
فتحت مساجاتها ولقت مسج من نجمه لي ساعه مكتوب فيه
نجمه:زحمه هلبا وصوت عالي تو نروح نكلمك لو قعدتي نايضه
سكرت تالفونها ورماته علي الكنبه وهيا سارحه في الروشن ❤️🩹
خشو العاملات قامو النسكافي والحلو من علي الطاولات
واول ما كملو نزلت الاضائه واشتغلت الزفه 🔥
والكل كانو لابسين ويراجو يشوف هديل ومتشوقين يشوفو طلتها 💓
انفتح باب القاعه وقبل ما تخش العروسه سبقتها المصوره ✨
دقايق من الانتضار وخشت هديل تدرج وخوتها الاثنين معاها
واحد ماسكها من اليمين والثاني من اليسار وكل عيون الحاضرين عليهم
كان فستان هديل كله مطرز يدوي حرفيا فخم وديزاينه ملكي
وكان تاجها دوره كامله وعالي شويه عشان تتوازن فخامته مع فخامت الفستان ومكياجها ولا احلي من هكي وباقتها علي اللون الابيض🍃
اما خوتها الاثنين يلي كانو مرتبين بطريقه راقيه وبداليهم تلمع كأنهم عرسان❤️
خشو يدرجو فيها لين وصلو للكوشه والمصوره معاهم لحضه بي لحضة🙏✨
والكل يشوفولهم بي نضرات اعجاب وصوت الزغاريط بدي يعلا
الا شخص واحد بس كان يطالع فيهم بقهر!
الشخص هوا ندى
ايواااااه ندى يلي كانت نضرات الكل لي راجلها تحرق فيها حرق شعور اول مره تحس بيها
مكانش عندها علم ان نذير بيدخل اخته من الاساس وكانت تتفرج وهيا بتموووت لكن مش موضحه ..
كملو الصور واللقطات وزي العاده بعد ما هديل قعمزت في كوشتها هجمو العمات والخالات علي نصر ونذير بوس واحضان بس يلي كان يقهر بي زياده ان بنات العيله نص عريان ونص لابس جايين يسلمو
يلي كان عينهم علي نصر لان توا يعتبر فريسه حلوه شقته واتيه ومطلق !
ويلي كان ميت في نذير وجماله رغم زواجه من ندي!!!
طلع نصر بسرعه وهوا متحشم ونذير عطل شويه بينهم بس اول ما طلع لحقاته ندى بسرعه لين وصلو لي جيها هاديه في الصاله❤️🩹
شيخه:نهاره اسود منً ندى الباين😂
نجمه:حطت كوب الميه على الطاوله …..معتقدش
مش متحباش علاش بديرله العار؟
كفاح:بالك مع ها الايام طاحت علي منقارها
نجمه:زعمى!
شيخه:توقعي
كفاح:حطت يدها علي خدها….اااحححححي محلا الحب يابنات❤️
هكي راجل يكون غيور هلبا وميبيش ولا شي منك يبان لي غيره
نجمه:اذكرت…
✨✨✨✨✨✨
يزن:انتي عارفه ان الصنه يلي جايه غابقه بيها الدنيا حرام ؟
يزن: سكري بطمت عبايك الفوقيه
يزن:دخلي شعرك والبسي الوشاح كويس يابنت
شيخه:اذكرت
✨✨✨✨✨✨✨
نجم الدين:الف مره قتلك متحطي شي في وجهك وحني طالعين؟؟؟؟
نجم الدين:السوريه كمامها قصار عابيه بتطلعي فيها الناس تكحل في يديك؟
نجم الدين:كان عارفه روحك بتطلعي لي الشارع متحنيش فوتيها
كفاح:ويكون هكي راجل تعتمدي عليه ميخافش من ولا حد لدرجة مستحيل يطربق اي حد يجي قدامه
نجمه:اذكرت✨✨✨✨
يزن وكيف نزل للولد بس عشان مداير ضي وهيا موجوده في السياره
كيف خش في عركة وضرب عادي عشان يحمي شرفه وعرضه
شيخه:اذكرت✨✨✨✨
الالف المرات يلي نجم الدين عرض روحه لي هلبا مواقف جنونيه من بينهم الف عركة بدون ذرت خوف
كفاح :ولا الحنيه يلي تبدا في الراجل بما تكوني محتاجتيها💓
نجمه:اذكرت✨✨✨✨
يزن:شاف يديها ترجف مسك يديها وقال
اهدي شوي
مرات تتصلح الاوضاع مع بوك رغم ان يلي داروه مش شويه لكن عندك عيله وخالات يحبوك ومش رح يخلوك اكيد
شيخه:اذكرت✨✨✨✨
نجم الدين:وهوا ماسك خدودها ….خليه متين اليوم تو نرفعه عند كفاح نبي نريحك وترقدي شويه ياقلب نجم انتي
سكتت كفاح وهيا مبتسمه
اما نجمه وشيخه ف قالو مع بعض
(لا مستحيل )
كفاح:شافتلهم بي استغراب ….شن يلي مستحيل
شيخه ونجمه شافو لي بعض وهما ساكتين
شيخه:بتوتر….بالله اسكتي كفاح انتي والخرافات متعك
في اللحضة هاذي ولعو الاغاني بصوت عالي وكانت اغاني ناشطه
شيخه:ايواه هاذا الجو يالله انتي وياها نوضو تحركو🔥
وناضو يرقصو متناسيين كل مشاكلهم وتفكيرهم
بعد ما خدت ندى راجلها ودخلاته لي غرفة العروسه وسكرت الباب …
ندى:شنو يلي صار هاذا؟!!
نذير:يشوفلها بي اعجاب ….شنو مفهمتش!
ندى:علاش خاااااااش علاش معنديش علم ان راجلي بيخش بين النساوين علاشش
نذير:ببرود راجلك ؟!
ندى:بعصبيه وعلي شوي كانت رح تبكي ….اييييييي راجلي
وغصبا عنك راجلي ومدامني ع ذمتك متخشش بين الف وحده خامره تتلصق عليك وانا موجوده الاهانات هادي منقبلهاش ع نفسي
نذير:قرن حواجبه…..توا حسيتي بيه الشعور هاذا؟؟؟؟
توا م……..
ندى:قاطعاته بعصبيه وعياط…..ايييييييييي
مدخلكش بيا حسيت ولا لاااااا
انا ع ذمتك انت ملزوم بيا وانا ملزومه بيك من اول يوم في العرس وانت حاقرني
ولا تدوي معاي الا لي الضروره وكل الضحك والهدوره واخدينهم بنات العيله وانا مش مدورني بكل
جتها البكيه في نص الكلام…..انا متعودتش عليك هكككككي
رضيت بي نصيبي ومشت الامور لكن وربي منقدر نتحمل معاملتك هيا ليا
نذير:بلهفة…. شن قصدك؟!!!!
ندى:نزلو دموعها وقالت بهدوء…..انا نستسلم نذير
نذير:قلبه وقف….كك كيف !؟
ندى:منبيش نكملو هكي
نبي تكون علاقتنا زي اي متزوجين بجديات💔
نذير:رجعتله الروح وتوتر….كيف!
ندى:عصببببت…..شنو كل شي كيف كيف كيف
غبي انت؟؟؟؟؟
نبي نكووووووون مرتك مش جسم وعيشه بس
كل شيييييي
نذير:السعاده يلي حس بيها في لحضتها ليه سنين مزارتاش❤️
قرب منها ومسك وجها الصغيرون بيديه وقال وعيونه تلمع❤️…..انتي متأكده من يلي تقولي فيه!
ندى:هزت راسها بمعنى اي بدون ما تحكي
نذير:معش في حد في قلبك خلاص!؟
ندى:هزت راسها وهيا مبتسمه
نذير:قرب بحب منها وقربت منه ندى ها المره بي كامل ارادتها وانفاسهم كانت قريبه. 🔥
ولما وصل القرب لي شعره بس طق الباب وخرب اللحضه
ندى:دقيقه خو العروسه هنايا
تكلمت المصوره من ورا الباب….اها تمام اوكي
نذير:ابتسم…..خوبولنا البوسه❤️
نذى:عقدت حواجبها بدلع….تتعوض بي الف
نذير:استغرب من الكلام الحلو يلي بدي يطلع وكان بيطير من فرحته
ابتسم اكتر وقال…..امسحي دموعك وبطلي هبال لا بنات عيله لا بنات شارع انا متزوج وصاين مرتي
ندى:ضرباته ع كتفه…..ع اساس مدورها مرتك يادراه الكبد
نذير:مرتي عيله لازم نعاقبوها مره مره
ندى:ابتسمت بخجل
نذير:بعدين شنو ها الزين هادا كله انتي؟
من سمحلك تطلعي حلوه اليوم !!!!
طق طققطق طققققققق
ندى:هادم بينفخو راسي الباين
خلاص اطلع توا ومزال تخش القاعه نقصلك رجليك
نذير:صدقيني رجليا رح يكونو اسعد مره ممكن ينقصو فيها في حياتكم
ندى:ماتت بي الضحك ع كلمته وطلعو مع بعض
❤️❤️❤️❤️❤️
_________________________________
تقوى؛هديكا شيخه مرت خوه الكبير عندها ولد علاش؟
داوود:طلقه ياتقوى شنو هاذا نساوينهم كلهم حلوين هكي !
تقوى:هنيلي روحك داوود منبيش مشاكل ريحني منبيش حد يشد عليا زله
الباين راجلها عصبي هلبا وواعر والعرض شفته قدامك انت
داوود:الزححح متفكرش تطلق!؟
تقوى:طلاق شنو نقولك البنت عندها ولددددد افهم
داوود:مش قادر نطلعها من دماغي البنت خشت الخاطر
تقوى:لا طلعها ياخفيف بسيف عليك خير من راجلها يدبح وهي توا بنسكر انا ولدي يعيط
داوود :كمً عمرها شيخه؟
تقوى:بعصبيه …..بسلاااااامه
وسكرت الخط
ريحانه:كيف؟؟؟؟؟
جميله:والله صدمني بوك قبل شويه تخيلي رجع كلللل الفلوس
ريحانه:بس نصر مش هكي
نصر نعرفه طماع اكيد في حد غصب عليه وقاله دير هكي
جميله؛لا ياحنا ما اعتقدش بعد يلي سمعته والكلام الموزون يلي قاله نبصملكً بي ال10مفيش واحد غاصبه ولا شي جاي من كيفه
ريحانه:غريب!
جميله:اي والله
هي سلم بنتي مدام خديتي دواك توا ارقدي ارتاحي وريحي رجلك
ريحانه:ان شاء الله💓
طلعت جميله من غرفتها
اما ويحانه فتحت الفيس وخشت لي صفحة نصر ع الفيس وقعدت تتفرج علي اجواء العرس وصوره في البدله والالعاب الناريه وهيا تبتسم
سكرت التالفون وحطت راسها ع المخده وهيا تفكر
منو يرفض مبلغ كبير ويرجعه بدون سبب؟!
______________________________________
زي عوايد كل الحفلات
مجرد ما لمو العاملات صواني العشي الكل بدي يلبس ويروح😂❤️
فضت الصاله شبه كلها وطلعو المقربين من العيله مع هديل لي حوش راجلها❤️🩹
كانت هديل عايشة احلى شعور في السياره مع راجلها❤️
الريحة الفايحه
والاغاني وكلام الحب والغزل والضحك العالي مالي الدنيا✨
السيارات يلي وراهم الشباب يلي طالعين يهيجو برا
والكلاكسات يلي موقفوش والالعاب الناريه والبنات يلي قالبين الدنيا بي التصفيق والاغاني كل ها الاجواء كانت تجنن✨✨
🔥روايات أروى الطاهر المسلاتي🔥
✨ بنوتة الشيـــــــــــــــــخ✨
الساعه2مزبوطه :-
كانت شيخه تراقب في نضرات وحركات نجم الدين يلي واضح جدا انه ميت في شكلها وهابل عليها
وبي اي طريقه يبي يقرب منها❤️🤭
بس كانت قمة في التجاهل ….
نجم الدين:كيف كانت الحفله؟
شيخه:قامت شعرها بعد ما مسحت مكياجها وهيا قاعده لابسه الفستان….حفله حلوه وتقديمهم قنين
ربي يهنيها البنيه
نجم الدين:سكت شويه وهوا مش عارف يحكي
شنو جو ندى
شيخه:كويسه
ونحت قفطانها ولبست روبها الخفيف🔥
سكرت الضي ورقدت ع السرير وعطاته بي الضهر
نجم الدين :قرب عليها ومسح علي شعرها بهدوء
شيخه:الله يخليك نجم خليني نرقد مش رايقه لي شي
نجم الدين:انتي خيرك؟؟؟؟
يجيك راجلك ترفضيه!
شيخه:قعمزتله…..اي نرفضه ولا ما ذكرش انه راجلي الا في الليل!!!!
ناسي كلامتك يلي زي السم علي صباح ربي ولا شنو انت؟
نجم الدين:عندييييي الحق لانك مش مهتمه لا بي حوشك ولا ولدك ولا حتي بيا مش فاهمتيني
ولا عارفه شنو نحب وشنو نكره مش معتبرتيني راجل اصلا!
شيخه:شافتله بصدمه…..انا!!!!!
انا يانجم الدين بعد كل شي مش مهتمه بيك؟؟؟؟
لبسك زي ما تحب ماكلتك ناقصه ملح ونقطة دهان منخليش فيها متحبش الدوشه وقت القايله ولا تحب ريحة البخور المحروق ولا تحب …..
سكتت شويه ودموعها ينزلو…..توا طلعت مقصره!
وانا قايماتك انت وولدك وحوش اهلك يا نجم الدين كل ها السنين
نجم الدين:سكت وهوا يشوفلها ومش عارف شنو يرد
لان يلي علمه الكلام هاذا معلماشي شنو يرد لما يسمع حاجات زي هكي !
شيخه:عقدت حواجبها بي شك….منو يلي يعبيلك في راسك عليا احكي
نجم الدين:خدي تالفونه وطلع….اقعدي فيها الدار بكبرها ارقدي بي راحتك
وطلع للمربوعه وهوا مضايقك من نفسه وعلي طول لي الدكتوره
_______________________________
ندى:كل شويه تشوف لي شكلها في المرايا ومتوتره
المكياج يلي خففاته اكتر وروبها الوردي وشعرها يلي نعماته
ياترى نعجبه!
ها السؤال كان متكرر عندها بي شكل رهيب والتوتر ماليها لين سمعت باب الشقه انفتح وتسكر!
نذير:ندي!!
ندى:بلعهت ريقها ….انا هنايا
نذير:يحكي وهوا ينحي في كندرته قبل ما يخش الدار…..يسئلو عليك لوطه قتلهم فوتوها اليوم مرتي نب……
ندى:خيرك😥
نذير:شن ها الجمال هاذا ياعمري !
ندى:🤭🤭مبردك خلعتني
نذير:قرب منها حط يديها علي جنبها وراسها في بعض💓….يبوك حتي اليوم تباتي بوطه وانا من بيا اليوم !
ندى:ضحكت والشوق كان ماليهم الاثنين ❤️
__________________________________
نجمه:سكرت التالفون بعصبيه وتوتر وحطاته في جيبها
نصر:مشفشفا خشي ديريلي قهوة
نجمه:شافتله….ونبي ضملي فمك انت التاني مش ناقصاتك
نصر:شنو امالا مزعلك الغالي😉
نجمه:بصدمه…اما غالي مصحك
نصر:غير قولي الحق .😉😉
نجمه:يابرودك يا اخي ….ريحانه لما اطلقت كان عندها بعد نضر
نصر:كانت متشوفش بكل وحياتك 😂😂😂
نجمه:غلبتها الضحكه وضحكت من قلب
نصر:غلبتك وضحكتي خشي ديري قهوة يالله
نجمه:اهياااا بنت عمتك دارتها
امل هاتي فنجان للبارد
امل:طلعت من وسط الحوش عطتهم زوز فناجين وخشت
نصر:خيرك منكده يا ابله مش عاجباتك القعده عندنا
نجمه:بلعكس كلهم كويسين الا انت طبعا😂
نصر:🙂
نجمه:بس عندي صاحبتي متصل بيها من بكري بنطمن عليها متردش مش قادره نصبر لعند بكرا باش نمشيلها
نصر:سكت شويه…..تنوضي نمشو توا؟
نجمه:بلا غباء
نصر:وربي نحكي
نجمه:عينك استاذ نصر
كان ادير فيا خير ترفعني بكرا الصبح
نصر:خلاص تم يا تريس اهو كلمه مني
نجمه:مبردك😂
_____________________________________
فاتت الليل مختلفه من شخص لي التاني في حكايتنا❤️
فاتت بي سعاده مبالغ فيها علي هديل وراجلها يلي في كل مره كان عرسهم يتأجل بدون سبب
وفاتت ليله معبيه حب على نذير وندى وكل واحد فيها كان بيموت علي التاني والباين انها بداية قصة حب جديده✨
وفاتت بعلاقة صداقه قويه وجديده بين نصر ونجمه يلي قعدو يهدرزو لعن الفجر ❤️
وفاتت بي ليلة تفكير وحيره علي يزن يلي مش فاهم شنو يلي صايرله في الليل هادي بدات!!!
وفاتت ليلة وجع علي شيخه وتصرفات راجلها يلي كانت اسوء من الاول
ونجم الدين يلي بجد مكانش عارف كلام منو المزبوط!
مرته يلي كل مشاكله معاها
ولا دكتورته يلي ساعداته بي كلامها المزبوط في البدايه!
بس كانت ليلة معبيه هدوء على رباب وريحانه❤️
_____________________________________
ثاني يوم الساعه10الصبح🌤️🌤️🌤️:-
حوسة الصبحيه في حوش العرس واجوائها يلي كانت تجنن❤️
التقعميزه علي سفرة الفطور والقرمه في كل وحده ع الحفله شن كانت لابسه وكيف شكلها وشن صار والضحك كانت فضيييييع بينهم😂❤️❤️❤️
ندى:طلعت بسرررعه بهد ما نداها واحد من الصغار وقلها نذير يبيك
واول ما طلعت ماتت ضحك على منضر نذير يلي كان نازل كأنه مخلوع
عيونه منفوخات وواضح انه لبس اي شي مهم ينزل
نذير:تضحكي!!!!
مخليتين فوق بروحي راقد منعلمش بيك حتي وين مشيتي؟
ندى:هههههههههههههه نذير وين بنكون يعني خيرك
😂😂😂😂
خيرك مخلوع
نذير:يحك في شعره…..وين نعلم انا كنتي جنبي فجآه نرقد ونوض منلقاكش
ندى:مسحت دموع الضحك…..اركب دوش وتعالا مابين وتيتلكً فطورك
نذير:اركبي وتيهولي فوق
ندى:عيييييب ياسر امس بايته فوق
نذير:شنو عيب متعك رانا كيف متزوجين
وبعدين شن الحنه النار هيا🤤🤤🤤
ندى:ندير فوتلي ها اليوم ع خير
اركب هيا دوش وتعالا
نذير:😒😒😒فهمنا راكب
ندى:😂😂😂😂😂😂
___________________________________
نجمه:ايواااااه هنايا
بجديات صحييييييتتتتت للمره الالف طلع في منك فايده
نصر؛والله؟🙂
نجمه:نبصر 😂😂😂😂
هي بننزل
عقدت حواجبها ….حي ريحانه؟!
سمير:ايواه نحي الخيمار من لوطه باش متتعتريش فيه في الدروج سلم بنتي رجلك سايريها
ريحانه:اي ان شاء الله متخافش عليا
نجمه:ريحاااااااااانه
ريحانه:تلفتت
وتجي عينها في عين نصر يلي كان اول مره يشوفها بي ها الشكل❤️❤️
_________________________________
نجم الدين:قام تالفونه….انا وصلت
مودة:ااااه نجم الدين اسفه وربي نسيت نقولك اليوم مش في العياده ولاغيه كل مواعيدي
نجم الدين:عقد حواجبه بي استغراب…..علاش!
مودة:تعبانه شويه قعدت في الحوش
قاعده بروحي تعرف بدرجة كلمت المصحة يبعتولي ممرضه تهتم بيا معندي حد وانت عارف💔
نجم الدين:الف سلامه عليك والله ما نعلم
تبي حاجه مستحقه شي!
موده:لالا سلامتك
نجم الدين:تمام الف لاباس
موده:يبارك فيك صحيت
وحطت تالفونها ع الكنبه بدون ما تسكر المكالمه
نجم الدين :ركب سيارته وحط التالفون ع الحامله توصل بي السياره واول ما بيفتح اغاني تفاجأ ان المكالمه شغاله!!!
ويسمع في كلام صدمه
موده:صح مقالش بنجي لكن تو تشوفيه عطيك ساعتين بس لو مامرش عليا للحوش معش نتسمى موده
ليلى:انا نقول لا لان الباين انه صعب
لو مش صعب ياموده راهو تخلى علي زوجته بكل سهول
مودة:هاذا يلي مش فاهمه كيف نتصرف فيه!
بس نعتبر درت شوط باهي كل ها الايام هادي عراك ومشاكل لين يزهق بروحه
مدايرتله نضام انا ملجأ الوحيد يلي يستريح ويفضفضله لين يكره مرته تدريجيا
ليلى:اي هكي ممكن ميجي شي في مره
نجم الدين :كلن في حالة صدمه💔
وهوا يسمع في كل تفاصيل مشاكله مع شيخه كانت تخطي من موده
كل موقف كل كلمه كل حرف …
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية ملائكه بألف وجه)