رواية حطمت قلبي 2 الفصل العاشر 10 بقلم لولا

رواية حطمت قلبي 2 الفصل العاشر 10 بقلم لولا

رواية حطمت قلبي 2 البارت العاشر

رواية حطمت قلبي 2 الجزء العاشر

رواية حطمت قلبي 2 الحلقة العاشرة

هايدي بعصبيه علشان خلاص يازوجي العزيز العد التنازلي ليك بدا ومجرد مايحيي يقول اسمك مصركلها هتعرف ان اللي عمل كل ده في مراد وبوظ سمعته ووجعه علي ابنه هو هو اللي سماه ابن عمه و اخوه طارق السيوفي
فلاش باااااااك
طارق ازاي يعني يا حيوانات شيرين تروح تراقب يحيي هو انا مشغل معايا شويه بهايم اسمع منك ليه انتوا هتروحو كانكم تخطفوها وانا هاجي اضربكم قدامها وكده تبقي قرصه ودن محترمه فتبطل اللي هي بتعمله ده
هايدي هتعمل اي بقي بعد مانقذتها وقولتلهم انك هتخطبها وخليت مراد طلعها من الليله
طارق فكره انها تتخطف دي خوفتهم فكده طلعتها من اللعبه وهخطبها علشان تفضل تحت عيني وكمان يوم خطوبتنا هخلي حد من الرجاله يضرب نار من جمبها كتهديد وبكده ابعد شر شيرين عننا خالص
هايدي بحد لا مش هسيبك تروح الخطوبه اصلا شيرين لو عايزه تعمل حاجه هتعملها كل ده مالوش لازمه مش هسمح حد يشاركني فيك
طارق لا ليه وهتشوفي بعدين وعمري ماكون غير ليكي يا عمري
بعد الخطوبه
هايدي عجبك كده كنت هتودي نفسك في ستين داهيه واديك خدت الضربه مكانها كويس انها في دراعك ومأذتكش
طارق متقلقيش انا بخير وطلع لرجالته واكمل بحده بقي يا شويه بهايم اقولكم من جمبها تجيبوها فيا انا هربيكم
احد الرجال. بخوف احنا اسفين يا زعيم مكناش نقصد اخر مره والله العظيم
طارق بحده سعد علمهوملي الادب
سعد امرك يا زعيم

طارق الو يا مرات عمي معلش معرفتش افطر صحيت ملقتش حد صاحي فنزلت علطول
ماشي حاضر هاجي لما اخلص شغل واكل
مراد ده اخويا يا مرات عمي عادي لما اشتغل بداله يعني واحد
ماشي يلا سلام
هايدي بضحك وهي في حضنه اخوك اه قولتلي بعدين تبقي بايت عندي وتقولهم في البيت انك صحيت ملقتش حد صاحي يا كداب
طارق بضحك اومال هقولهم الحقيقه
بااااااااك
طارق فاق من شروده واكمل بحده خلاص يا هايدي خلاص بقي انتي ليه متشأمه كده
هايدي بحده انا بقولك اللي هيحصل واللي حصلنا من تحت عنادك وعدم تربيتك للبت دي من الاول خالص
طارق بخبث هربيها وحياتك عندي هربيها
هايدي راحت وقفت قدامه واكملت انا عارفه النظره دي كويس اوي
طارق بضحك منتي بتفهمي اهو
هايدي بحده طارق اوعي تقربلها انت فاااهم
طارق بخبث يا حبيبي انا هقربلها اذي مش حب وفي فرق بين الاتنين
هايدي بدموع ضربته بايدها. واكملت انت بكل بجاحه جاي تقولي انك عايز تخوني انت اي ياخي انت اي مش كفايه قبلت ااعيش معاك واتجوزك وانا محدش من اهلك يعرف عني اصلا وقبلت بعد كده انك تروح تعلن خطوبتها هي عليك قدام مصر كلها و دلوقتي عايز كمان تقربلهااا انت اتجننت يا طارق

طارق شد وسطها ليه واكمل هايدي افهميني انتي مراتي وحبيبتي وام ابني واكيد انا معاكي مش هكون زي معاها انا هربيها بس يا هايدي
هايدي بدموع لا متقربلهاش انا طاوعتك فكل حاجه بس دي لا مش هستحمل انك تلمسها يا طارق اكيد افهمني دي خيانه ليا
طارق بحده متبقيش غبيه بقي خيانه. اي وزفت اي تبقي خيانه لو انا بحبها وعايز كده منها انما انا هأذيها وادمرها اتنهد واكمل هايدي شيرين بتحب فهد
هايدي بصدمه اي انت عرفت منين الكلام ده
طارق بحده عرفت وخلاص ولما واجهتها هي كدبت وطبيعي بعد منا اسافر ووساختي تبان قدامها يجي هو بقي البطل الخارق اللي يكون حنين ويطبطب ويتجوزها بس بعينها مش بعد مادمرتلي كل خطاطي اهرب انا واسيبها هي تعيش مبسوطه فعايز اخليها مش نافعه لا لفهد ولا لغيره فهمتي
هايدي بدموع حتي لو ايه اسمك ايه لمست واحده غيري
طارق بحب باسها واكمل يابت انتي الكل في الكل بس لازم اخلص صفحه شيرين دي واقفلها للابد ونسافر انا وانتي وجاسر وبس
هايدي لالا متعملتش لو بتحبني متلمسش شيرين يا طارق
طارق بكدب مع اني مش مقتنع بس خلاص ماشي يا حبيبتي ولا تزعلي
———————————-

علي البحر قدام المستشفي
فهد ياااه يا مراد انت وام اسر مريتو بكل ده
مراد شوفت ياسيدي فقولتلك حاسس بيك بس بعد كل ده فضلنا سوا وبرغم الايام الصعبه اللي مرينا بيها الا اننا كملنا وهنكمل
فهد بحب حقيقي ربنا يخليكم لبعض واكمل بضحك اعملوها تاني بقي يمكن اسر يدخل الجيش المره دي
مراد بضحك والله لو عليا فانا نفسي عادي هي عشق اللي مش راضيه بعد موت ادم
فهد بحزن ربنا يرحمه يارب
مراد امين يارب يلا انا هقوم بقي اروح اشوف هعمل ايه وانت متنساش تعرفني اي جديد
فهد عيوني يا ابو اسر
ومشي مراد وفضل فهد قاعد علي البحر وبعد شويه لقي ايد علي كتفه
شيرين بحزن اي مقعدك كده
فهد بصلها بعدين وجه نظره للبحر تاني واكمل عادي مفيش يا دكتوره شيرين مخنوق شويه
شيرين راحت قعدت جمبه ومسكت وشه لفته ليها واكملت بستغراب دكتوره شيرين اي الطريقه دي يا فهد
فهد بوجع اظن مهمتي معاكي خلصت فمينفعش اتعدي حدودي انتي بنت مخطوبه وليكي راجل
شيرين بدموع تقصد اني مش كويسه علشان جتلك صح
فهد بوجع ادالها ضهره واكمل انا بلذات مقدرش اقول كده يا شيرين ركزي انتي بس مين اللي بيقول انك مش كويسه
شيرين بدموع انت تقصد اي يا فهد
فهد لفلها واكمل بوجع ممكن اسألك سؤال

شيرين بدموع اكيد
فهد بوجع هو بيهتم بتفاصيلك ?? بتلاقي حضنه مفتوح وقت ماتكوني محتجاه ?? بيعرف مالك من غير ماتتكملي ?? بيكلمك يطمن عليكي وقت شغله ??
واكمل بدموع عارفه اي الفرق بيني وبينه اني عملت معاكي كل ده وكنت بفضلك عن نفسي بس هو قالك بحبك ومأثبتش ده
شيرين كانت مصدومه من اسأله فهد ليها وكانت بتدمع بس فاكمل فهد بوجع اظن رسالتي وصلت وخلاص عن اذنك يا دكتوره ومشي فهد وفضلت شيرين تعيط وهي باصه عليه بيمشي ووقعت علي الارض واكملت اه بحبك انت يا فهد بل عشقتك بس مش هقدر اكسر طارق هو عمره مأذاني مش هقدر يااارب ساعدني بقي وفضلت تعيط
وفهد راح بيته وشغل اغنيه حزينه وقعد في البلكونه وكان بيسمعها وعيونه تزيد في الدموع
-كل ذمبي انه لقاني قلب مخلص مش اناني في الزمان الحب فيييه كلمتين كدب في اغاني
– مش هنكر انه باعني ولا يوم هقول خدعني هسيبه يعيش نصيبه وكفايه عليه خسرني
– سبت نفسي لقلب باعني ظلمني خني محسنيش بعت كل الكون علشانه لكن خساره محبنيش كنت بعيش فرحته وبموت من دمعته بدل اخلاصي لييه وحناني بقسوووته
– ياخسااره مفهمنيش يا خساره محبنيش اديته عمرري كله حبتيه محبنيش ااه غروره كان ماليه ضيعني انا من ايديه خسران والله بعدي لكن هعمله ايييه
كل مافتكر انه باعني كل ماعرف قد ايه كنت موهوم فكل يوم عيشت ليه معرفش ليه كدبه وصدقتها واهي عاشت وقتها وخلاص انا بوعده اللي مابينا انتهييي
وفضل قاعد حزين لوحده حتي غفا دون ان يشعر
————————————

في فيلا السيوفي
مراد مساء الخير يا جماعه
ايمان مساء النور يا حبيبي فين طارق مجاش ليه
مراد هو لسه مجاش
ادهم من وراه اه يا ماما هو قالي هيبات عند صاحبه مخنوق شويه
عزه هو حصل حاجه يا هشام
هشام سيبكم انتوا عادي مشاكل عاديه بين اي اتنين مخطوبين
ايمان في اي يا مراد
مراد يا حبيبتي مشاكل عاديه شد معاها علشان مقالتلوش بس اتصالحوا خلاص تلاقيه مخنوق شويه
مكه ومريم نزلوا واكملوا بابي حبيبي انت جيت
مراد باسهم واكمل قلب بابي اومال فين مامي مش باينه ليه
ندي كانت بتتفرج معانا علي الفيلم بس حست انها تعبت شويه فقالت تتطلع تنام
مراد بقلق تعبانه مالها
ايمان اكيد يابني ادم لان الفيلم اللي شوفناه كان فيه طفل رضيع مات
مراد بتنهيده طب انا هطلع اشوفها عن اذنكم
هشام بمرح اي مفيش حضن لاتش يا ست مكه انتي ومريم
مكه بغضب طفولي لا مفيش

مريم بنفس الغضب اكملت اااه
هشان بتمثيل حزن كده طب انا زعلان منكم اوعو بقي انا هحضن مراتي مش عايز اكلمكم وغمز لعزه فحضنته واكملت خلاص ياروحي متزعلش انا هحضنك سيبك منهم متكلمهمش تاني
مكه بحزن اتش انت زعلت بجد
مريم بحزن احنا كنا بنهزر بس زعلنا علشان مودتناش المدرسه
هشام بتمثيل اه زعلت متكلمونيش تاني
مكه بحزن لالا خلاص متزعلش
مريم اه هنحضنك اوعي يا طنط
عزه بضحك خلاص يا هشام اوعي انت ماصدقت ولا ايه
هشام بضحك همس ماشي يا ام سليم تبعديني عن. حضنك كده اخص
مكه ومريم جريوا في حضنه وباسو خده
هشام بحب علشان الحضن الجميل ده اهي احلي اتنين شكولاته لاميراتي الحلوين
مكه ومريم فرحوا بيها جدا وحضنوا
————————————
في اوضه مراد وعشق
مراد بحزن طب انا هفضل واخدك في حضني وتعيطي ومش عايزه تتكلمي كده
عشق بدموع مراد علشان خاطري انا مرتاحه وانا في حضنك وبعيط مش عايزه حاجه تاني
مراد مسح بايده علي شعرها واكمل طب هو مش احنا اتفقنا ان مش هنعيط تاني يا عشق
عشق بحزن غصب عني صدقني غصب عني

مراد بحزن عارف يا حبيبي بس ده كده بيتعبوا اكتر وحياتي عندك كفايه عياط ومسح دموعها وباس خدها فابتسمت فاكمل بتبقي قمر وانتي بتضحكي
عشق بتعب مراد معلش هات المسكن من عندك معدتي واجعاني اوي
مراد بستغراب ليه.معندكيش حاجه مسكن لايه
عشق بخجل اتلم انت فهمت اي انا بتكلم في المطلق انا معدتي تعباني
مراد وتاخدي مسكن وانتي مش عارفه السبب تعالي اما اشوفك مالك
عشق بخجل لالا اي ده هات مسكن واسكت
مراد بضحك بت انتي هبله ولا عبيطه ده لو حد عرف انك لسه بتتكفسي مني هيتحفل عليا للصبح
عشق والحد هيعرف منين يعني
مراد بضحك عشق استهدي بالله كده يا حبيبتي وبطل هبل انا جوزك وابو عيالك ها مش هعتدي عليكي يعني انا هكشفلك
عشق باحراج بطل قله ادب ها
مراد بضحك حاضر ياحبيبي و اهدي كده بقي علشان اكشفلك
وبدا مراد يكشف عليها
بعد شويه
عشق كل ده بتكشف انت مشاء الله مسبتش كشف الا وعملته وقيست ضغط وطلعت السماعه خير بقي
مراد بفرح اصل مش مستوعب
عشق بقلق مش مستوعب ايه
مراد بفرح عشق الكشف بينلي انك حامل

عشق بصدمه ايييه حامل انت بتهزر صح
مراد بفرح لا مش بهزر والله العظيم حامل
عشق يااانهااار اسوود ومنيل يانهااار اسود
مراد هو اي اللي ينهارد اسود انتي اتجننتي صح
عشق بحزن مراد انا مش عايزه عيال بجد انا باخد البرشام مش فاهمه ده حصل ازاي كفايه عليا عيالي صحيح هما صغيرين بس بردو خلاص
مراد بحزن اخص عليكي يا عشق مش عايزه تخلفي مني عموما حملك لسه في الاول مش هجبرك مع ان ده خارج مبادئي وعمري ماقولتهولك ولا عملته بس عايزه تسقطي تمام
عشق بدموع حبيبي انت فاهم غلط انت عارف انا بحبك قد ايه واني اخلف منك دي بتفرحني اكتر بس انا خايفه اعذرني. اللي حصلي مش سهل لو حصل زي ماحصل لادم المره دي انا هموت
لما تكمل حتي وضع مراد ايده علي فمها واكمل بحزن بس انا مش هسيبك زي المره اللي فاتت ياعشق هتولدي قيصري وانا اللي هحددلك وهكون معاكي ده وعد مني
عشق حضنته بدموع واكملت حقك عليا انا اكيد مبسوطه يا حبيبي مكنتش اقصد ابدا ازعلك
مراد بحب مقدرش ازعل منك يا نورعيني وباس بطنها واكمل ولا ايلين زعلت منك
عشق بستغراب ايلين ? انت عرفت انها بنت وسميتها كمان
مراد بضحك شوفتي قلب الاب بقي احساسي انها بنت وايلين ده لان ندي مره قالت قدامي انك كنتي بتقولي عايزه تسميه لبنتك بس حبيتي مكه ومريم لانه اختياري
عشق بحب قربت باسته واكملت ده حقيقي وانت كعادتك بتهتم بكل تفاصيلي
مراد بضحك ايه ده ابو الهول نطق انتي طبعا عملتي كده لانك واثقه اني مش هعرف اعمل اي رده فعل
عشق بضحك بلظبط كده

مراد شالها واكمل طب يلا بينا نعرف العيله
عشق مراد بلاش انا مكسوفه اوي ارجوك
مراد انتي هبله يابت مسكوفه من اييه يلا بلا مكسوفه وخدها ونزل بعدين نزلها وقفها علي الارض وكان الكل متجمع
هشام اي اخبارك دلوقتي يا نورعيني
عشق بحب كويسه يا غالي
ادهم بضحك مالك يا عشق واقفه بتلعبي في صوابعك ليه كده ومتوتره انتي داخله امتحان
مازن في اي يا شوش عايزه تقولي حاجه
مراد بضحك اااه اصل
وعشق حطت ايديها علي بوقه واكملت بهمس بس علشان خاطري نا مكسوفه اوي
هشام بضحك النظره دي انا عارفها ياض يا مازن
مازن بضحك وانا كمان شاكك يا اتش
هشام بضحك انتي حامل صح قولي بجد انتي حامل ??
عشق بدموع واحراج ااه واستخبت في حضن مراد
ايمان بفرح يااالف نهاااار ابيض لولولولولولولي مبروك يا نورعيني
هشام ومازن راحو حضنوها واكمل
هشام بفرح اي اللي يخليكي تتكسفي يانورعيني هو عيب ولا حرام بعدين ده ابنك الكبير 7 سنين مش حوار يعني
مازن بحب مبروك يا حبيبت قلبي بجد

ندي بفرح والله جدعه يابت ياعشق انك عملتيها مبروك ياعيوني
وياسمين واسراء وحسام وعزه حضنوها وباركولها
مكه بمرح بابا هو احنا هيبقي عندنا نونه
اسر اه وانا بس اللي هشيلها
مريم لا انا اللي هشيلهاا
عشق بسسس انتوا هتتخانقوا من دلوقتي
مراد بضحك ده انتي دماغك هتورم استني بس
ياسمين بضحك اه هترجعي تربي وترضعي وتغيري وتسهري ربنا معاكي ياروحي
عزه متخوفيهاش بقي
عشق شايف خليتهم يشمتوا فيا ازاي
مراد بضحك حبيبتي انتي ليه محسساني اني كنت عارف انك هتحملي انتي بتاخدي برشام مع ذلك ربنا اراد يبقي مينفعش نعترض
مازن اول مره اشوف اب فرحان بلحمل اكتر من الام
مراد قول لاختك ياعم خليها تقدر
عشق بحب انت عارف اني مقدره كويس حاجه زي كده وبعدين انا فهمتك وجهه نظري
مراد بحب وانا وعدتك بردو ياعشق
وفضلوا جايبين فيلم وبيتفرجوا بفرح وراحه كانوا مفتقدينها من زمان واختتم اليوم بكل واحد راح اوضته وناموا
———————————-

في الصباح عند طارق صحي من النوم شاف هايدي نايمه جمبه وجمبها جاسر باس راسها ومسك موبايله
طارق ايوه يا سعد تذكره علي اسبانيا
طارق انا مش هعرف اسافر دلوقتي انت بس احجز للمدام يا سعد
هايدي وهي بتقوم صباح الخير يا حبيبي
طارق باسها واكمل صباح النور يلا جهزي حاجتك انتي وجاسر علشان تسافروا
هايدي بشك انت مش هتسافر معانا ولا ايه
طارق هخلص كل شغلي هنا يا حبيبي واحصلكم
هايدي عادي نستني ونسافر سوا
طارق بحده لا يا هايدي مش هطمن عليكي غير لو سافرتي
هايدي خلاص يا طارق هتنيل وقامت تجهز حاجتها ونزلت مع واحد من رجاله طارق يوصلها
طارق بخبث الو يا حبيبتي
شيرين اي يا طارق
طارق اجهزي علشان هاجي اخدك نفطر برا
شيرين تمام ماشي وقفلت معاه وهي مخنوقه جدا وبعدين لبست ونزلت تروح مشوار وهي عايزه تاخد قرار يخص حياتها
——————————
في القسم وتحديدا مكتب فهد الباب خبط
فهد ادخل
العسكري واحده برا وعايزه تقابل سيادتك
فهد بستغراب واحده مين

العسكري بتقول اسمها الدكتور شيرين
فهد بصدمه شيرين دخلها بسرعه
دخلت شيرين وقعدت واكملت بعيون حزينه ازيك يا فهد
فهد ببرود عكس اللي جواه كويس اي اللي خلي حضرتك تيجي وتنورينا
شيرين بحزن مش عارفه بس عايزه اسألك سؤال وهمشي علطول
فهد خير
شيرين بحزن انت بتحبني يا فهد ??
فهد بسخريه وانتي كل ده مش واخده بالك من الاجابه
شيرين قررت سؤالها بتحبني يا فهد
فهد افتكر كلامها لطارق وانها مش بتحب حد غيره فاكمل بوجع معنديش اجابه لسؤالك يا دكتوره ومش فاهم جايه تسأليه ليه انتي بتحبي خطيبك بسس وده اللي انا سمعته فمالوش لازمه تعرفي اجابتي مع اني وضحتها قبل كده
شيرين بدموع فهد انا وفاجاه تليفونها رن باسم طارق فلمحه فهد
فهد ردي ردي حقك ده خطيبك وتلاقيه عايز يقابلك وشكرا لزيارتك مكتبي اتفضلي ورايا شغل
شيرين طلعت وهي بتعيط واكملت لنفسها روحتي علشان تقوليله انك بتحبيه سكتي ليه يا غبيه اديه طلع سمع كلامك كله مع طارق ومشيت بس وهي رايحه تقابل طارق ناس مسكوها وشدوها لعربيه سودا
شيرين بصراخ اوعي منك ليه انتوا مين وعايزين مني ايه اوعي يا زباله منك ليييه اووووعي وفااجاه فقدت الوعي اثر المخدر
في القسم فهد مش طايق نفسه ومتعصب جدا من فكره ان شيرين مع طارق وانها بتحبه وقالتله كده وقال جايه بتستهزق بمشاعره وتسااله بيحبها ولالا هيفرق معاها اي اصلا واكمل للعسكري بحده هاتلي يحيي من الحبس
العسكري اوامرك يا فندم

بعد شويه يحيي كان قدام فهد
فهد بعصبيه بص بقي انا علي اخري فهتقول اي الحكايه ولا انا هظبط اهلك ومنه ابقي طلعت كل غضبي
يحيي بخوف لالا انا هقول علي حاجه طارق هو اللي عمل كل ده
فهد بصدمه طارق مين انت اتجننت يا جدع انت
يحيي بخوف لا والله يا فهد باشا طارق السيوفي هو اللي عمل كل ده وهو اللي فك عربيه مراد بيه من سنتين علشان يموت ابنه وهو اللي بيخلينا نعمل كل حاجه ومعرفنا مخارج ومداخل المستشفي وهو اللي بيمسح الكاميرات اللي بتصورنا واحنا بنفذ حتي انه خطب شيرين علشان متكشفهوش مش علشان خايف عليها زي ماقال لانه اصلا مش بيحبها وموضوع خطفها ده كان خطه منه لما شافتني مره وكانت هتبلغ عني فسلط رجالته تحاول تخطفها وهو يجي ينقذها زي البطل وياخد قلبها
فهد بصدمه ياااانهااااار اسود شيرين معاه دلوقتيييي امجد خد اقوال الحيوان ده انا لازم اتحرك حااالا
امجد اوامرك يا فهد بيه
ونزل فهد باقصي سرعته وفتح تليفونه وعرف مكان شيرين من ال Gps
————————-
عند شيرين
شيرين فاقت بتعب شافت طارق قدامها اكملت بفرح طارق انت انقذتني منهم الحمدلله ده شويه حمير كانوا عايزين يخطفوني معرفش ليه بس انت وصلتلي ازاي يا طارق واحنا فين طارق انت مش بترد عليا ليه
دخل سعد واكمل المدام وابن حضرتك خلاص برا مصر يا زعيم اي اوامر تاني
طارق بخبث لا اطلع انت وسبنا لوحدنا شويه
شيرين بصدمه ووجع المدام وابن حضرتك وثانيه ثانيه ثانيه يا زعييييم انت الزعيييم يا طاااارق

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حطمت قلبي 2)