رواية فارس من الماضي الفصل الخامس عشر 15 بقلم إيمان البساطي

رواية فارس من الماضي الفصل الخامس عشر 15 بقلم إيمان البساطي

رواية فارس من الماضي البارت الخامس عشر

رواية فارس من الماضي الجزء الخامس عشر

رواية فارس من الماضي الحلقة الخامسة عشر

خرجت نغم من غرقتها، تمشى على أصابعها ببطئ، ودخلت غرفة والدها، وجدت والدها مازال يغط فى نوم عميق أخذت مفاتيح سيارة والدها من الدُرج،و أغلقت الباب بهدء شديد، وأكملت سيرها ببطئ ونزلت الدرج بسرعه، وخرجت من باب المنزل، ركبت سيارة والدها وادرات المحرك وانطلقت إلى وجهتها، وصلت أمام منزل كبير يبدو علية الفخامة والثراء، نزلت من سيارتها، ووقفت امام الباب تدق الجرس بتوتر، فتحت لها الخادمه، وسألت نغم عن ماجد، دخلت نغم تنتظر انا ينزل إليها، سمعت صوت خطوات حذاء أنثوى يقترب منها، وقفت نغم بهلفه، دخلت سيدة أربعينه أنيقه، دخلت وتحدثت بشموخ إلى نغم:
-اذيك يا رنيم مصدقتش لما قالولى انك تحت، مكنتش اعرف ان المجانين مسموح ليهم الخروج من مستشفى الأمراض العقلية.
زهلت نغم من حديثها وقالت بزهول:
-مجانين! أنا مش مجنونه
قالت والدة ماجد بضحكه :
– عمرك شوفتى مجنون بيعترف بجنانه
ابتلعت نغم الإهانه قائله:
– ماجد فين؟

جلست السيده ووضعت قدم على الأخرى وقالت:
-ماجد مش هنا خرج مع مراته
قالت نغم بصدمه:
-مراته هو ماجد أتجوز حد غيرى
تحدثت السيده بشموخ:
– أكيد يا نغم، هيتجوز واحده تليق بيه وبعائلته المرموقه، مش واحده مجنونه ذيك، عاشت سنه كاملة بين المجانين، اكيد مش هسمحله يتجوزك، وتجيبى لية اطفال يكونوا مجانين ذيك، هو دلوقتى مبسوط فى حياته مع مراته وأم أبنه.
تحدثت نغم بصدمه:
– أبنه، دا مش حقيقى، أنا بحلم مش كده.
تحدثت السيدة بكبرياء:
– اه أم أبنه هى فى شهرها الأخير من الحمل، وهتجيب ليه طفل يشيل اسمه قريب جداً، اللى عيزاه منك دلوقتى تمشى من هنا، ماجد زمانه جاى دلوقتى معادهم عند الدكتور اللى بيتابع حمل مراته انتهى، وأنا مش عايزاه يشوفك، ومراته تدايق وتزعل وهى حامل.
حاولت نغم إنقاذ المتبقى من كرامتها، وهى تتحدث :
– متقلقيش أنا جيت بس عشان اطلب من ماجد يطلقنى، انا مستحيل اكمل مع واحد تخلى عنى فى أكتر وقت كنت محتاجاه فيه.
ضحكت السيده عاليا وقالت بسخرية:
– هو بباكى مقلكيش ان ماجد طلقك، بعد دخولك المستشفى ب 3 شهور

إلى هنا لم تعد تتحمل نغم اكثر من ذالك، غادرت المنزل بسرعه ركب سيارته تحتمى بها، حتى تفرغ قهرها وحزنها، بكت بشده، فلم يتحمل قلبها كل ما سمعته، صدمات تلو الأخرى، ها هى فقدت امها واخوتها، حتى زوجها تخلى عنها، ظل تبكى فى السياره انتبهت إلى صوت سياره تتوقف أمامها، وجدت ماجد ينزل منها، ويفتح الباب الاخر ويمسك بيد زوجته لكى يساعدها على النزول، نزلت وجته وهى تبتسم له، وتضع يدها على بطنها المنتفخه، سارو الاثنان إلى داخل المنزل، ويبدو على وجوههم السعادة، مسحت رنيم دموعها، وادارت السياره وانطلقت بسرعه، وصلت لمنزلها ودخلت مسرعه، وجدت والدها وزين يجلسون بقلق بسبب اختفاءها، اسرع والدها بإتجاها وهو يحتضنها، ويقول:
– نغم، كنتى فين يا بنتى قلقتينى عليكى، ازاى تخرجى كده من غير ما تقوليلى
تحدث زين بقلق وقد رأى عينيها المنتفختين، وأثار الدموع على وجهها :
-نغم، انتى كويسه، انتى كنتى بتبكى!
نظرت له نغم وقد تذكرت حديث والدة ماجد، دفنت وجهها فى حضن أبيها، وبكت بشده، ربت أبيها بيده على ظهرها لكى تهدأ، ونظر له زين بمعنى لما البكاء، شعر والد نغم أنها علمت بكل شئ وتحدث بقلق:
– نغم انتى كنتى عند ماجد روحتيله!
رفعت نغم رأسها وحاولت ان تكف عن البكاء وتهدأ كففت دموعها بيدها وقالت بحزن:
-ليه خبيت عنى يا بابا، ليه مقولتش انه تخلى عنى.
قال والدها بحزن:

– كنت خايف عليكى يا بنتى
قالت نغم بحزن :
– ياريتك قولتلى مكنتش حسيت بالإهانه، ولا كنت سمعت اللى مامت ماجد قالته
قال زين بحزن من حالتها :
– قالت ليكى اى نغم؟
قالت نغم بحزن وعينيها تهبط منها الدموع:
– قالت انى مختلة عقليا و قصت نغم عليهم كل ما سمعته واكملت بألم، انا شوفته مع مراته وكان باين عليهم انهم مبسوطين ونسانى فعلاً
غضب زين مما سمعه وقال:
-الكلام دا مش صح ابداً انتى مش مجنونه، الست دى هى وابنها اللى مكانهم فى مستشفى المجانين، مافيش حد عاقل يقول كلامها دا، انت كان عندك اضطراب نفسى سبتى خوفك وإحساسك بالذنب يأثر عليكى، لكن أنتى مش مجنونه يا نغم، الكلام الللى سمعتيه من والده ماجد دا جهل لانها معندهاش علم كافى، لا تعرف حاجه عن علم النفس
قال لها والدها:
-عشان خاطرى يا نغم متزعليش، ومتخليش الحزن يأثر عليكى مره تانيه
قالت نغم وهى تحاول الثبات:
-متقلقش يا بابى، انا وعدت زين قبل كده ان مش هخلى حزنى يتمكن منى تانى، انا هكمل أخر سنه ليا فى الجامعه، وهفوق لمستقبلى، مش هبص ورايا تانى.
شعر زين بالسعادة من حديثها فحبيبته يبدو انها فتاه قوية وعنيدة، لا تدع أحد يحاول التقليل من شأنها
قال لها والدها:

-طمنتى قلبى يا بنتى عليكى، بعد كلامك دا، كنت خايف عليكى قوى، مكنتش هقدر أتحمل ان أخسرك.
أبتسمت نغم لوالدها وطلبت منه أن تصعد إلى أعلى ترتاح قليلاً صعدت لأعلى، وجلس زين مع والد نغم يخبره كيف يتعامل معها فى الأيام القادمه حتى تتخطى حزنها بدون أن تمرض.
دخلت نغم غرفتها وأغلقت الباب عليها بالمفتاح، وجلست تبكى، فقد مثلت الصمود بالأسفل أمام والدها حتى لا يقلق عليها، نهضت وهى تبكى فتحت خزانه وأخرجت منها صندوق، فتحته فكان يحتوى على صور تجمعها بماجد وأيضاً بعض الهدايا التى قدمها لها فى مناسبات مختلفه، أفرغت محتويات الصندوق وقامت بتمزيق، كل ماهو قابل لتمزق، اتجهت للخزانه، وفتحت رف اخر وأخرجت فستان خطوبتهم فكانت تحتفظ به كذكرى مميزة لهم، أمسكت مقص وقام بتمزيق كل قطعه به افرغت غضبها وحزنها هكذا وفى لحظه متهورة أمسكت عود من الكبريت وقامت بإشعالة وألقته على الصور الممزقه وبقايا الفستان، فاشتعلو بسرعه، ولكن حدث ما لم يكن تحسبه، أمسكت أبريق من الماء لتسكبة لكى تطفأ النار لم يطفئ لانه إزداد إرتفاع النار لأعلى، و استطاع النار التهام كل ما تقابلها، ابتعدت نغم بخوف شديد حاولت فتح الباب ولم تستطع فقد علق المفتاح ولا يدور بيدها.
بالأسفل أشتم زين رائحة دخان نهض بقلق، وقال لوالد نغم:
– فى ريحه دخان
قال والد نغم بقلق:
-فعلاً بس فين

قلق زين وصعدت على الدرج بسرعه عندما اقترب من أعلى، سمع صراخ نغم الضعيف، اسرع بالصعود، ولحق بها والدها، وصل زين إلى باب الغرفه وجد الدخان يخرج من فتحات الباب قال بخوف :
– نغم أنتى سمعانى
سمع نغم تقول بخوف:
– زين الحقنى، الباب مقفول مش بيفتح
قال لها زين بخوف:
– حاولى تبعدى عن الباب، خلى بالك يا نغم
رجع زين للوراء وقام بركل الباب عدة مرات انفتح الباب ودخل وجد نغم تقف بخوف وامسك بيدها وأخرجها، حمد ربه ان النار كانت قد لتهمت جزء من الغرفه وليست بأكملها مما سهل عليه خروجها سالمه، فى ذالك الوقت قد اتصل احد الجيران بسيارة الاطفاء، عندما شاهد الدخان يخرج من شرفة الغرفه، وصلت سيارة الإطفاء وقامت بإطفاء الحريق من الخارج، بعد وقت جلست نغم بجانب والدها ترتعد من الخوف مما حدث تحدث زين بغضب إليها:
– أنتى إزاى تعملى فى نفسك كده، هو لدرجه دى يستحق انك تموتى نفسك، بأبشع طريقه مفكرتيش بوالدك. هو سابك وفكر فى حياته، انتى قولتى انك هتهمتى بمستقبلك، كنتى بتكذبى علينا.
فهمت نغم ان زين ظن انها أشعلت الحريق عمداً فقالت بسرعه:
-أنا معملتش كده عن قصد، انا قطعت الصور اللى بتجمعنى بيه، وفستان خطوبتى، كنت بحرقهم، بس متخيلتش ان كل دا هيحصل، انا مكنتش عايزة أموت نفسى.
قال زين بتأوه وهى يجلس بإرهاق:
-اه اه يا نغم، تعبتى قلبى معاكى.

فى المساء
جلست رنيم بغرفتها قلقه على أيه منذ الصباح تحاول مهاتفتها، ولكنها لا تجيب، عاودت الإتصال مره أخرى، أغلق هاتفها، مما جعلها تشعر بالقلق، حاولت أن تهدأ وتقول لنفسها:
-ممكن تكون نايمه، الشغل كله كانت بتعملة لواحده انهاردة، متقلقيش يا رنيم
أضاءت شاشة هاتفها بإسم معتز، ابتسمت بحب، وفتحت الإتصال اتاها صوت معتز بهلفه:
-ليه مجتيش أنهارده يا رنيم، وحشتينى
تحدثت رنيم بإبتسامه خجله:
-كانت مشغوله اوى انهارده
تحدث معتز بإبتسامه:
– أنا كلمت عمك انهاردة، ووافق على خطوبتنا
تحدث رنيم بخجل:
– هتيجى إمتى
قال معتز بإحباط:
-هنستنى اما عمك يخلص ضغط الشغل الفترة دى، بس انا أخدت منه إذن إنى أتكلم، معاكى، ونخرج براحتنا
تعجبت رنيم وقالت:
-وتاخد الإذن ليه!

قال لها معتز بإبتسامه:
-عشان انتى غالية يا رنيم عندى، مش من حق حد إن يخرج معاكى بدون إذن، الحصول عليكى يا رنيم مش بيكون بالسهوله اللى انتى فكراها.
رفرف قلب رنيم من السعادة بسبب حديثه فلأول مرة، يشعرها أحد انها غالية هكذا، لم يهتم احد بأخذ الأذن للخروج معها من قبل فكانت تفعل ما يحلو لها، دون الشعور بأهميتها.
تحدث معتز بحنان:
-ساكته ليه، وحشنى صوتك إنهاردة، اجهزى هنخرج مع بعض انهاردة، هاجى اخدك.
وافقت رنيم وأنهت الإتصال بسعاده نهضت بسرعه تنتقى فستان مناسب لها لكى تخرج به، أختارت فستان من اللون النبيتى ذو اكمام وينزل بإتساع يصل إلى كاحلها، أرتدت عقد بسيط لكى يزين فستناها البسيط، أكتفت بوضع المسكارة لتكثيف رموشها ووضعت ملمع شفاه، اردت ان تتعود على ذالك وايضاً حتى لا يشعر معتز بالغضب منها، انتهت من تجهيز نفسها ونظرت إلى المراءة برضا تام لبساطتها، اتاها اتصال من معتز يعلن عن وصولها بالأسفل امام المنزل، نزلت مسرعه للاسفل وجدت، والدتها ترحب به اصطحابها للخارج وركبت سيارته، كان كل ما يشغل عقلها، لما لم يُبدى رئيه بمظرها، هل عندما ازالت مستحضرات التجميل اصبحت قبيحه، لهذا لم يقل لها شئ، شعرت بالحزن، لاحظ معتز تغير ملامح وجهها كان يعلم سبب هذا التغير، لكنه فضل الصمت حتى يصل إلى وجهته.
وصل رنيم معتز إلى مطعم يطل على النيل مباشرةً،
دخل رنيم ومعتز إلى داخل فكان المكان راقى جداً، جلست رنيم بإنبهار على الطاوله وهى تتطلع إلى النيل فكم كان شكله جميل، ونسمات الهواء تلفح وجهها، جلس معتز هو الأخر، فكانت الطاوله مجهزه بالطعام قبل وصولهم، تحدث معتز إلى رنيم:
– المكان عجبك

قالت رنيم بإعجاب:
-عجبنى جدا يا معتز، ومنظر النيل بالليل حلو اوى.
بدأ معتز ورنيم فى تناول الطعام بإستمتاع انتهت رنيم واستمر معتز بتناول الطعام بنهم جلست رنيم تنظر إليه بغيظ، شعر معتز بنظراتها، ابتسم بداخله لأنه يعلم سببها، انتهى معتز ونظر لها وجدها مازلت تنظر له بغضب وقالت له:
– معتز أنا عايزة أمشى.
ابتسم معتز وقال:
– ليه مش المكان عجبك
قالت رنيم بغضب:
-المكان حلو يا معتز بس انت.. انت لم تستطع أن تقول له أنها تنتظر منه أن يُبدى إعجابه بها وبملابسها كأى راجل يُبدى إعجابه بحبيبته
قال معتز بإبتسامه يكمل ما تفكر به:
-بس أنا ساكت ومقولتش ليكى اى كلمه حلوه
تفجأت رنيم أنه علم ما بداخلها مما جعلها تهتف بخوف:
– انت.. انت عرفت ازاى، حتى لما كدبت عليك وكنت هخرج مع زياد عرفت ازاى
ضحك معتز عندما شعر بخوفها وقال:
– انتى خايفه منى ليه، قولك قريب جداً كل حاجه
عادت رنيم لغضبها منه مره أخرى وقالت:

-طب لما أنت عارف انا من ضيقه ساكت ليه بقا
قال معتز وهو يبتسم لها بحب:
– عايزك تعرفى إنك حلوة فى كل وقت، حتى بدون ما تحطى ميكب، أوعى تفقدى ثقتك فى نفسك عشان كلمه منى او من غيرى، أنا قصدت انى اسكت واعرف هتفكرى ازاى، انتى فكرتى لما غيرتى لبسك وشيلتى الميكب وسكوتى إنك شكلك بقا وحش، عايز أقولك أول ما شوفتك أنبهرت بيكى، وبملامحك الجميله، اللى كنتى بتخفيه يا رنيم.
لمعت عين بسعاده من حديثه، وقالت لنفسها:
-معقول شايفني لسه حلوه
نظرت لمعتز بحب وقالت:
– عارف يا معتز، أنا وحشنى حياتى القديمه أوى، كل حاجه فيها وحشتنى حتى نفسى دى مش أنا
شعر معتز بالسعاده من حديثها وقال:
– وليه مترجعيش زى الأول
ادمعت عينيها وقالت بحزن:

-مش عارفه، ليه حياتى أتغيرت بالشكل دا
حزن معتز عليها وقال:
-مش مهم يا رنيم اللى فات، المهم انك عايزة تبدأى من جديد، وأنا معاكى وجمبك فى اى قرار صح فى حياتك ومش هسيبك أبداً
كففت رنيم دموعها، ونظرت له بإبتسامه وقالت بصدق:
– معتز إنت أحلى حاجه حصلت فى حياتى
ابتسم معتز لها بحب وقال:
– أنتى أجمل حاجه فى حياتى يا رنيم، انى شايف لامعة عيونك بحب ليا.
ابتسمت رنيم بخجل، أكملوا ليلتهم يتطلعوا إلى النيل ويتحدثون معاً براحه كان معتز يشعر بالسعاده، لقد تحقق الحلم الذى ظل يحلم به لسنوات، الأن هى أصبحت معه، و بجانبه، عندما تنظر إليه يجد لامعة فى عينيها لا تظهر إلا له هو فقط، أما رنيم كانت تشعر براحه لم تعتاد عليها من قبل، كل مرة تتحدث معه فيها، تشعر أنها تعرف هذا الشخص من قبل، يرودها شعور انه روحه تشبه روح صديق طفولتها الغائب مما يجعلها تلوم نفسها أنها تفكر فى أحد أخر، لكن لا تستطيع أن تسيطر على هذا الشعور تشعر أنه هو معتز نفسه أبن عمها تشعر به بجانبها، انتهت الليله بسعادة وأوصل معتز رنيم إلى منزلها، وعاد هو إلى منزله بسعادة، تمنى أن يخرجهم من براثين رمزى فى أقرب وقت ويخبر رنيم بحقيقته، يشعر بها ويعلم أنها فى حيره، لكن سينتظر الوقت المناسب، المهم انها بجانبه الأن، ويشعر بحبها له.

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية فارس من الماضي)